Fréttablaðið - 22.10.2008, Blaðsíða 2
MARKAÐURINN 22. OKTÓBER 2008 MIÐVIKUDAGUR2
F R É T T I R
Jón Aðalsteinn Bergsveinsson
skrifar
„Með sölunni á Glitni voru stærri hagsmunir varðir,
lán til gamla Glitnis og aðrar skuldbindingar í Nor-
egi,“ segir Árni Tómasson, formaður skilanefnd-
ar Glitnis.
Nefndin hefur selt eftirstandandi bankastarfsemi
Glitnis í Noregi til tuttugu sparisjóða í samtökun-
um Sparebanken 1 þar í landi fyrir þrjú hundruð
milljónir norskra króna, jafnvirði rétt rúmra fimm
milljarða íslenskra.
Bankastarfsemi Glitnis byggð-
ist upp á BNbank í Þrándheimi og
Kredittbanken í Álasundi og var
keypt fyrir fjórum árum fyrir
samtals 3,4 milljarða norskra
króna. Söluandvirði nú er því
innan við tíu prósent af upphaf-
legu kaupverði.
Áður hafði önnur starfsemi
Glitnis í Noregi verið seld starfs-
mönnum fyrirtækjanna þar fyrir
brot af upphaflegu kaupverði.
Greiningardeild Kaupþings sagði í Hálffimm-
fréttum í gær, að miðað við þetta megi gera afar
góð kaup á íslenskum bankaeignum þessa dagana.
Árni segir að með sölu bankans sé lán Glitnis hér
á landi til norska bankans upp á hundrað milljarða
íslenskra króna tryggt. Hefði norski bankinn farið
í þrot hefði mátt afskrifa lánið. Heildarskuldbind-
ingar Glitnis í Noregi nema 47 milljörðum norskra
króna.
Af heildarlánum er bráðabirgðalán með ströng-
um skilyrðum frá Tryggingarsjóði innstæðueig-
enda í Noregi til bankans. Með sölunni er bankinn
leystur undan þeirri skuldbindingu.
Þá sé tryggt að starfsemi Glitnis í Noregi verði
óbreytt. Hjá bankanum starfa 160 manns og halda
þeir störfum sínum. Tryggt er að norskir innláns-
þegar verða ekki fyrir skakkaföllum af Íslands
hálfu, að sögn Árna, sem bendir á að með sölunni
hafi falist margþætt lausn.
„Mestu skiptir að enginn í Noregi hefur tapað á
viðskiptum við Íslendinga,“ segir Árni.
Hann segir skilanefndina hafa stefnt að því að
fá hærra verð fyrir bankann. En raunin hafi orðið
önnur. Annar veruleiki hafi blasað við hefði bank-
inn ekki verið seldur og afleiðingarnar eftir því
skelfilegar. „Auðvitað er maður aldrei sáttur við að
fá ekki hærra verð. En hefðum við ekki selt bank-
ann og snúið baki við skuldbindingum okkar hefði
álit Norðmanna á okkur borið stórskaða af.“
Hann segir marga hafi sýnt bankanum áhuga
eftir að hann fór í söluferli fyrir viku, bæði norsk-
ir aðilar sem aðrir.
Önnur verkefni Glitnis erlendis ótengd banka-
starfsemi, svonefnd sylluverkefni tengd sjávar-
útvegi í S-Ameríku og jarðvarmaverkefni í Asíu,
liggja enn hjá skilanefnd. Þau verði ekki seld í nú-
verandi ástandi. „Við höfum orðið vör við áhuga á
þeim hjá innlendum og erlendum aðilum og munum
að sjálfsögðu selja þau ef viðunandi verð fæst fyrir
þau. Þau verða ekki seld fyrir brot af nafnvirði,“
segir Árni.
GLITNIR Formaður skilanefndar Glitnis segir mikilvægt að standa
við skuldbindingar gamla bankans og tryggja hagsmuni hans.
Verkefni sem ekki tengjast bankastarfseminni verða ekki seld í bili.
MARKAÐURINN/HEIÐA
ÁRNI TÓMASSON
Norski Glitnir seldur
Skilanefnd Glitnis hefur selt starfsemi bankans í Noregi
fyrir tæp tíu prósent af upphaflegu kaupverði. Hagsmunir
og skuldbindingar réðu verðinu, segir formaðurinn.
Almennur tekjuskattur og fjár-
magnstekjuskattur einstaklinga í
fyrra var meiri en samanlagður
skattur allra fyrirtækja í landinu.
Í heildina greiddu einstakling-
ar ríflega 94 milljarða króna í
tekjuskatt og fjármagnstekju-
skatt, en skattgreiðslur lögaðila
námu í heild tæplega 81 milljarði
króna. Þetta kemur fram í staðtöl-
um skatta.
Almenningur greiðir útsvar
auk almenna tekjuskattsins og
fjármagnstekjuskattsins. Það
nam ríflega 85 milljörðum króna
í fyrra.
Alls greiddu einstaklingar því
ríflega 179 milljarða króna til
samneyslunnar, meira en tvisvar
sinnum meira en lögaðilar.
Markaðurinn hefur áætlað að
tekjur ríkisins af stóru bönkun-
um þremur, sem nú hafa verið
þjóðnýttir, hafi í heildina numið
37 milljörðum króna í fyrra. Inni
í þeirri tölu eru reyndar einn-
ig tekjuskattar einstaklinga sem
unnu í bönkunum. - ikh
Skattar meiri frá fólki
Bilið milli ríkra og fátækra hefur
breikkað í þremur fjórðu af aðild-
arlöndum Efnahags- og framfara-
stofnunarinnar (OECD) síðustu
tuttugu ár. Þetta er niðurstaða
nýrrar skýrslu stofunarinnar.
Fram kemur að hagvöxtur
síðustu áratuga hefur fyrst og
fremst bætt lífskjör þeirra efna-
meiri. Meginástæða aukinnar
misskiptingar er sögð fjölgun at-
vinnulausra og ómenntaðs verka-
fólks.
OECD leggur áherslu á að
koma verði í veg fyrir aukna
misskiptingu. Um leið er bent á
að eldri leiðir til að berjast gegn
fátækt, félagslegar millifærsl-
ur og tekjujöfnun með aðstoð
skattkerfisins, virðast ekki bera
sama árangur og á áratugunum
eftir seinna stríð. Því er lögð
áherslu á að aðildarríki tryggi
hátt atvinnustig og bæti mennt-
un verkafólks.
- msh
Bil eykst milli ríkra og
fátækra hjá OECD
Flestu starfsfólki sem Bauhaus
hafði ráðið til að undirbúa opnun
verslunar undir Úlfarsfelli hefur
verið sagt upp störfum.
Halldór Óskar Sigurðsson,
framkvæmdastjóri, segir í sam-
tali við Vísi ekki hætt við að hefja
hér starfsemi, þótt uppbyggingu
hafi verið frestað.
Ekki liggur fyrir hversu mörg-
um var sagt upp, en Halldór segir
þá hlaupa á tugum. Um sé að ræða
sölustjóra, deildarstjóra og fleiri.
Verið sé að athuga hvort hluti
hópsins geti fengið vinnu hjá Bau-
haus í Danmörku. - óká
Bauhaus segir
upp fólki
Nokkuð hefur borið á upp-
sögnum hjá auglýsinga-
stofum vegna samdráttar
í efnahagslífinu. Hjá aug-
lýsingastofunni ENNEMM
reyna menn aðra leið.
„Við reynum að vera
bjartsýn og bjóða betri
kjör á auglýsingar,“ segir
Hallur A. Baldursson,
starfandi stjórnarfor-
maður auglýsingastofunnar. Af-
slátturinn er samkomulagsatriði
en ætti alla jafna að nema um
fimmtán prósentum.
Hallur segir landsmenn
sem í losti eftir þrot bank-
anna og hægst hafi mjög
á hjólum efnahagslífs-
ins. Slíkt sé varasamt og
hafi auglýsingastofan því
ákveðið að leggja lóð sitt á
vogarskálarnar með verð-
lækkun auglýsinga. Á móti
verði dregið úr rekstrar-
kostnaði, jafnvel með því
að starfsmenn taki á sig tíma-
bundna launalækkun. Hann segir
með þessu móti leitast við að
halda öllu starfsfólki. - jab
HALLUR A.
BALDURSSON
Gefa afslátt í dýfunni
G E N G I S Þ R Ó U N
Vika Frá ára mót um
Alfesca -11,1% -42,3%
Atorka -78,1% -91,9%
Bakkavör +6,0% -89,1%
Exista -0,9% -76,6%
Glitnir -100,0% -100,0%
Eimskipafélagið -18,7% -96,5%
Icelandair -5,3% -48,8%
Kaupþing -100,0% -100,0%
Landsbankinn -100,0% -100,0%
Marel -0,8% -30,9%
SPRON -0,0% -79,2%
Straumur -0,0% -53,1%
Össur +2,7% -12,4%
*Miðað við lokagengi í Kauphöll í gær.
Stjórn Nýja Kaupþings hefur ráðið Finn Svein-
björnsson sem bankastjóra. Starfsmönnum
var tilkynnt um ráðninguna með tölvupósti
snemma dags í gær. Finni var boðinn starfinn
kvöldinu áður en hann hefur störf í dag.
„Brýnustu verkefnin eru auðvitað að huga
að skipuriti í nýjum banka og starfsmannamál-
um,“ segir Finnur og kveður reynt að leiða þau
mál til lykta á allra næstu dögum. Nýtt skipu-
rit segir hann væntanlega verða kynnt seinni part-
inn í dag og starfsmannamál skýrist svo í framhaldi
af því. „Starfsfólk hefur vitanlega verið hér í nokk-
urri óvissu og því fyrr sem henni er eytt þeim mun
betra.“
Næsta mál á dagskrá segir Finnur svo að að-
stoða hér bæði fyrirtæki og einstaklinga sem kunni
að hafa lent í erfiðleikum með fjármál sín í þeim
hremmingum sem þjóðin gengur í gegn-
um. Með ráðningu Finns hafa verið ráðn-
ir bankastjórar yfir alla þrjá bankana sem
ríkið tók yfir. Birna Einarsdóttir var hjá
Glitni og Elín Sigfúsdóttir hjá Landsbank-
anum. Björgvin G. Sigurðsson viðskiptaráð-
herra segir að tímabundnar stjórnir sem
skipaðar hafa verið yfir nýju bankana fari
með mikið hlutverk og bendir á að á næstu
vikum verði kosnar varanlegar stjórnir. „En fyrir
einstök verk stjórnar verður hún að svara sjálf,“
segir hann spurður um hvernig á því standi að leitað
hafi verið út fyrir Kaupþing eftir nýjum forstjóra,
en inn í starfsmannahóp bæði Glitnis og Landsbank-
ans. Ólafur Hjálmarsson, stjórnarformaður Nýja
Kaupþings, hefur ekki svarað ítrekuðum viðtals-
beiðnum. - óká
FINNUR SVEIN-
BJÖRNSSON
Brýnast að eyða óvissu starfsmanna