Fréttablaðið - 24.10.2008, Blaðsíða 6

6 24. október 2008 FÖSTUDAGUR
ORKUMÁL Viðræður á milli Lands-
banka Íslands og Reykjavík Energy
Invest (REI) um samstarf við stofn-
un fjárfestingarsjóðs voru langt
komnar þegar bankinn féll, sam-
kvæmt heimildum Fréttablaðsins.
Stofnun slíks sjóðs utan um verk-
efni REI er því á byrjunarreit og
óvíst er um framhaldið. Íslensku
orkuútrásarfyrirtækin sjá flest
fram á erfiðleika við fjármögnun
og hætt hefur verið við fjárfesting-
ar. Eftir sviptingar undanfarinna
vikna er ríkið orðinn stór hluthafi í
Geysi Green Energy.
Samkvæmt heimildum Frétta-
blaðsins hafði Landsbankinn og
REI, sem er félag í eigu Orkuveitu
Reykjavíkur, átt í viðræðum um
nokkurra mánaða skeið um fram-
tíðarlausn um fjármögnun verk-
efna REI. Þar var unnið með þá
hugmynd að innan REI yrði stofn-
aður fjárfestingarsjóður sem hefði
með höndum fjármögnun verkefna
félagsins í framtíðinni, líkt og full-
trúar fyrirtækisins kynntu í sumar.
Einnig höfðu forsvarsmenn REI
rætt við Kaupþing um samstarf, en
án árangurs. Hugmyndin var að
Landsbankinn hefði með höndum
alla umsýslu fjárfestingarsjóðsins,
og yrði því milliliður REI og ann-
arra fjárfestingarsjóða, banka og
einstaklinga sem áhuga hefðu á
fjárfestingum innan orkugeirans.
Kjartan Magnússon, stjórnarfor-
maður REI, segir að ýmsum hug-
myndum hafi verið velt upp og ein
þeirra hafi verið stofnun fjárfest-
ingarsjóðs. Ekki hafi hins vegar
verið um formlegar samningavið-
ræður að ræða. Kjartan segir nú
óljóst hvert framhaldið verður með
fjármögnun verkefna fyrirtækis-
ins, enda ekki mikið fjármagn á
lausu.
Eftir fall bankanna er ríkið orðið
stór hluthafi í fyrirtækinu Geysir
Green Energy. Glitnir og Lands-
banki áttu þar stóra hluti í gegnum
Glacier Renewable Energy Fund,
sem Glitnir hafði umsjón með auk
þess að vera stór hluthafi, og
Atorku þar sem bankarnir áttu
tæplega sautján prósenta hlut.
Ríkið hefur einnig eignast hlut í
Enex, sem er í eigu GGE og REI.
Önnur fyrirtæki í orkuútrásinni
halda að sér höndum. Landsvirkj-
un Power hefur ekki fjárfest
erlendis til þessa og hyggst ekki
gera það á meðan óvissa er mikil í
efnahagsmálum. Sama gildir um
Hydrokraft Invest sem er í eigu
Landsvirkjunar og Landsbankans.
RARIK orkuþróun hefur tekið
sama kúrs og því ljóst að íslenska
orkuútrásin rifar nú seglin og
framtíðin er í óvissu.
svavar@frettabladid.is
Orkuútrásin í óvissu
vegna kreppunnar
Samræður á milli Landsbankans og REI um stofnun fjárfestingarsjóðs voru
langt komnar þegar bankinn féll. Ríkið á nú stóran hlut í Geysi Green Energy.
Útrásarfyrirtækin rifa flest seglin. Fjárfestingum erlendis hefur verið frestað.
ORKA Fyrirtæki sem hugðu á orkuútrás rifa nú flest seglin og óvissa ríkir vegna efna-
hagsþrenginga. FRÉTTABLAÐIÐ/GVA
BANDARÍKIN, AP Efnahagsólgan er
nú orðið nánast eina kosningamál-
ið, sem kjósendur hafa áhuga á að
heyra Barack Obama og John
McCain tala um.
McCain reynir sérstaklega að
höfða til verkamanna, lofar lágum
sköttum og segir Obama vera
sósíalista sem ætli sér að stjórna
því með ríkisvaldi hvernig auðæfi
landsins deilast á íbúana.
Obama segir þetta ósanngjarnar
persónuárásir: „Var McCain þá sós-
íalisti árið 2000 þegar hann var á
móti áformum Bush“ um skatta-
lækkanir, spyr Obama, en McCain
skipti um skoðun á skattalækkun-
um George W. Bush forseta eftir að
kosningabaráttan um forsetaemb-
ættið var komin á fullt skrið.
Skoðanakannanir um fylgi þeirra
Obama og McCains hafa verið
nokkuð misvísandi síðustu daga.
Einstaka kannanir sýna sáralítinn
mun milli frambjóðendanna tveggja
sáralítinn en fleiri kannanir sýna
þó sívaxandi fylgi Obama.
Athyglin beinist einkum að
nokkrum ríkjum, þar sem mjótt er
á mununum milli þeirra. Obama
virðist vera að vinna á í sumum
þeirra, þar á meðal í Flórída sem er
fjölmennt ríki og gæti hæglega
ráðið úrslitum í forsetakosningun-
um í næsta mánuði.
Samkvæmt nýrri skoðanakönnun
frá AP-GfK eru Bandaríkjamenn
almennt bjartsýnir á að efnahags-
ástandið muni skána innan nokk-
urra mánaða, þótt þeir hafi áhyggj-
ur af umrótinu sem nú stendur yfir.
- gb
Efnahagsmálin eru í brennidepli kosningabaráttunnar í Bandaríkjunum:
McCain heldur árásum áfram
BARACK OBAMA Í hópi stuðningsmanna
sinna í Virginíu á miðvikudag.
NORDICPHOTOS/AFP
AUSTURRÍKI, AP Fulltrúar frá
olíuframleiðsluríkjunum í OPEC-
samtökunum eru komnir til
Austurríkis, þar sem þeir ætla í
dag að hittast á fundi til að ræða
hvernig hækka megi olíuverð á
ný.
Búist er við að þeir samþykki
að dregið verði úr framleiðslunni.
Olíuverð hefur lækkað um
meira en helming frá því að það
var hæst í júlí síðastliðnum. Hinn
11. júlí kostaði tunnan af hráolíu
147 dollara en var komin niður í
67 dollara áður en það tók að
hækka lítillega á ný í gær.
- gb
Olíuverð í lágmarki:
Olíuríkin draga
úr framleiðslu
ALI NAIMI Olíumálaráðherra Sádi-Arabíu
mætir til fundarins. FRÉTTABLAÐIÐ/AP
FJALLABYGGÐ Allar líkur benda til
þess að víða um land verði hægt
að opna skíðasvæði óvenju-
snemma í vetur.
Stefnt er að því að opna
skíðasvæðið á Siglufirði um
næstu mánaðamót. Egill Rögn-
valdsson, umsjónarmaður
skíðasvæðisins, segir að hægt
verði að vinna svæðið mjög vel ef
snjóalög leyfi. Spáin lofi góðu.
Siglfirðingar hafa venjulega
opnað skíðasvæðið rétt fyrir jól.
Á Ísafirði býst Úlfur Guð-
mundsson, umsjónarmaður
skíðasvæðisins, við að göngu-
svæðið verði opnað mjög fljótlega
og hann segir að það styttist í að
allt svæðið verði opnað. - ghs
Skíðasvæði:
Opnar óvenju-
snemma á Sigló
EFNAHAGSMÁL Norska sendinefnd-
in, sem er undir forystu Martins
Skancke, heldur heim í dag.
Skancke segir að nefndin gangi
nú frá skýrslu sem verði lögð
fyrir norrænu ráðherrana á
Norðurlandaráðsþinginu í
Helsinki í næstu viku þar sem
Ísland verði mikilvægt umræðu-
efni.
Sendinefndin átti í gær fundi
með fulltrúum forsætisráðuneyt-
isins, Seðlabankans og fjármála-
ráðuneytisins. Skancke segir að
íslensk stjórnvöld verði að
tilgreina hvers konar stuðning
þau vilji. „Við höfum sagt að við
förum yfir það með jákvæðum
huga,“ segir Skancke og telur
Íslendinga einkum þurfa stuðning
til skamms tíma. „Það er of
snemmt að segja hvað það getur
verið,“ segir hann. - ghs
Norska sendinefndin:
Vinnur skýrslu
um Ísland
MARTIN SKANCKE Formaður norsku
sendinefndarinnar telur Íslendinga
einkum þurfa stuðning til skamms tíma.
FRÉTTABLAÐIÐ/ANTON
DÓMSMÁL Þrír menn sem ákærðir
voru fyrir að hafa ætlað að hafa
samræði og önnur kynferðismök
við þrettán ára stúlku voru í gær
sýknaðir í Hæstarétti. Mennirnir
þrír tóku allir þátt í netspjalli við
tálbeitu á vegum sjónvarpsþátt-
arins Kompáss og mættu í
kjallaraíbúð á Öldugötu þar sem
þeir töldu að þrettán ára stúlka
biði þeirra. Hæstiréttur segir
lögreglu ekki hafa getað byggt
ákæru á tálbeitu Kompáss og að
önnur gögn í málinu sönnuðu ekki
ásetning sakborninganna um að
fremja glæp. Sjálfir neituðu
mennnirnir sök en einn þeirra var
þó dæmdur í sekt fyrir að hafa
barnaklám í tölvum sínum. - gar
Sjónvarpsþátturinn Kompás:
Tálbeitumenn
sýknir saka
ÚR KOMPÁSI Karlar vildu hitta þrettán
ára stúlku.
Stjórn strax eða kosningar
Tzipi Livni, utanríkisráðherra Ísraels,
segist ætla að krefjast þingkosninga
ef henni hefur ekki tekist að mynda
nýja ríkisstjórn á sunnudaginn. Enn
strandar á að Shas, flokkur rétttrúaðra
gyðinga, fallist á að styðja stjórnina.
ÍSRAEL
Karlmaður á þrítugsaldri hefur verið
ákærður af ríkissaksóknara fyrir að
hóta fimm lögreglumönnum lífláti.
Það gerðist á lögreglustöðinni á Egils-
stöðum á síðasta ári.
DÓMSTÓLAR
Hótaði fimm löggum lífláti
FÆREYJAR Edmund Joensen, þing-
maður fyrir Sambandsflokkinn á
færeyska Lögþinginu, hefur
hrært hressilega upp í umræð-
unni um stefnu Færeyinga í Evr-
ópumálum. Hann hélt í gær blaða-
mannafund þar sem hann greindi
frá því sem hann hefði orðið vís-
ari í ferð til Brussel, þar sem hann
átti fund með Olli Rehn, stækkun-
armálastjóra Evrópusambands-
ins.
Meginboðskapur Joensens á
blaðamannafundinum var að
Færeingar gætu gerst aðilar að
ESB án þess að missa við það yfir-
ráðin yfir sjávarútveginum, en
rétt eins og á Íslandi hefur slíkur
ótti verið aðal-
hindrunin í veg-
inum fyrir fullri
ESB-aðild.
„Olli Rehn
taldi að Færeyj-
ar gætu auð-
veldlega fengið
aðild að ESB
sem hluti af
Danmörku, og
það hefði engin
áhrif á hin form-
legu tengsl milli Færeyja og Dan-
merkur,“ er haft eftir Joensen á
www.kringvarp.fo. Joensen segir
það vera Færeyjum fyrir bestu
að stefna að ESB-aðild sem fyrst.
Jörgen Niclasen, formaður Fólka-
flokksins og utanríkisráðherra í
landstjórninni, er ósáttur við þetta
framtak Joensens og bendir á að í
stjórnarsáttmálanum sé kveðið á
um að könnuð skuli skilyrði fyrir
aðild bæði að ESB og EFTA.
Kaj Leo Johannesen, lögmaður
og formaður Sambandsflokksins,
vill ekki gera mikið úr þessu
útspili flokksbróður síns. „Við
ætlum að kanna vel skilyrðin
fyrir aðild bæði að EFTA og ESB
áður en við tökum afstöðu til þess
hvort við viljum sækjast eftir
aðild að hvorum samtökum sem
er,“ tjáði Johannesen útvarpinu.
- aa
Edmund Joensen hrærir upp í Evrópuumræðunni í Færeyjum:
Gætu auðveldlega gengið í ESB
EDMUND JOENSEN
VIRKJANIR Framleiðslulínur í
steypuskála álversins á Reyðar-
firði nálgast full afköst og losun
gróðurhúsalofttegunda og
annarra útblástursefna er innan
þeirra marka sem kveðið er á um
í starfsleyfi álversins. Þessar
niðurstöður eru meðal þeirra sem
kynntar voru á sex íbúafundum
sem Fjarðarál hélt fyrir skömmu
á Austurlandi.
Í tilkynningu frá Alcoa Fjarðar-
áli segir að miklar og almennar
umræður hafi skapast á íbúafund-
unum. Allt bendi til þess að engin
vandkvæði verði á því að halda
útblæstri innan viðmiðunarmarka
á öðru starfsári álversins. - kg
Íbúafundir Fjarðaráls:
Útblásturinn
innan marka
Forsetakosningar
2008
Ert þú í vanskilum?
Já 23,7%
Nei 76,3%
SPURNING DAGSINS Í DAG:
Þarft þú að borga af húsnæð-
isláni?
Segðu skoðun þína á Vísir.is
KJÖRKASSINN