Fréttablaðið - 24.10.2008, Blaðsíða 10
24. október 2008 FÖSTUDAGUR
UMHVERFISMÁL „Ég tel að umræðan
um neikvæð áhrif nagladekkja á
loftgæði og þá hugsanlega á heilsu
borgarbúa hafi haft töluverð áhrif,“
segir Anna Rósa Böðvarsdóttir,
heilbrigðisfulltrúi hjá umhverfis-
og samgöngusviði Reykjavíkur-
borgar.
Samkvæmt tilkynningu frá svið-
inu hefur jafnt og þétt dregið úr
notkun nagladekkja í Reykjavík á
undanförnum árum. Í fyrravetur
voru 44 prósent bíla í borginni á
nagladekkjum en 47 prósent vetur-
inn áður. Þá voru 67 prósent bif-
reiða á nagladekkjum veturinn
2001 til 2002.
Hlutfallslega hefur því notkun
nagladekkja minnkað um 34 pró-
sent á sex árum.
Tími nagladekkjanna er frá 1.
nóvember til 15. apríl en ökumönn-
um er þó leyfilegt að skipta yfir á
nagladekk ef aðstæður eru með
þeim hætti að þeirra sé þörf.
Anna Rósa segir nagladekkin
rífa malbikið hundrað sinnum
hraðar upp en hefðbundin vetrar-
dekk. „Reykjavíkurborg þarf
árlega að endurnýja um tíu þúsund
tonn af malbiki vegna slits af völd-
um nagladekkja,“ segir Anna Rósa
og bætir við að kostnaður hlaupi á
bilinu 150 til 200 milljónir króna á
ári.
„Svo má ekki gleyma því að svif-
rykið sem nagaladekkin eru að rífa
upp úr malbikinu eru agnir sem
eru minni en tíu míkrómetrar að
stærð og þær eiga greiða leið í önd-
unarfæri manna,“ segir Anna Rósa.
Hún segir rannsókn, sem gerð var
veturinn 2003, hafa sýnt að rúm 55
prósent af svifrykinu var upp-
spænt malbik.
Anna Rósa segir íbúa á höfuð-
borgarsvæðinu nú betur meðvit-
aða um mengun vegna notkunar
nagladekkja en áður. „Umhverfis-
og samgöngusvið hefur staðið fyrir
auglýsingaherferðum og hvatt fólk
til að hætta að nota nagladekk og
nota annars konar vetrardekk,“
segir hún. Slík dekk séu mjög sam-
bærileg og við vissar aðstæður
jafnvel betri en nagladekk.
Jón Hauksson hjá Bílabúð Benna,
umboðsaðila Toyo-harðskelja-
dekkja, segir mikla aukningu í sölu
slíkra dekkja. Dekkin hafi þeir selt
frá árinu 2005 og þau passi undir
flestar gerðir fólksbíla og jeppa.
„Dekkin hafa gefist vel, hvort
sem menn nota þau sem vetrar-
dekk eða heilsársdekk, en það er
hægt að fá alveg toppgrip án
nagla,“ segir Jón. Gúmmíblandan
innihaldi valhnetuskeljabrot sem
hann segir eitt sterkasta efni sem
fyrirfinnist í náttúrunni. „Svo eru
þau ekki síður umhverfisvæn þar
sem endingin er mjög góð,“ segir
Jón. olav@frettabladid.is
Notkun nagladekkja
minnkar milli ára
Notkun nagladekkja hefur dregist saman á undanförnum árum. Umhverfisfull-
trúi hjá Reykjavíkurborg segir íbúa borgarinnar betur meðvitaða um mengun
vegna notkunar þeirra. Aðrir kostir sambærilegir og jafnvel betri en nagladekk.
■ Góð vetrardekk úr vönduðu gúmmíi sem grípur vel duga vel í hálku og
akstri í snjó.
■ Loftbóludekk eru mikið skorin, mjúk og með stóran snertiflöt. Í hálku
sjúga loftbólurnar vatn upp úr ísnum og snjónum sem verður þurrari og
stamari auk þess sem það myndast sogkraftur við aksturinn.
■ Harðkornadekk innihalda korn sem gefa dekkjunum betra veggrip í hálku
og bleytu. Þau eru sögð valda margfalt minna vegsliti en nagladekkin.
■ Harðskeljadekk eru einnig sögð valda minna vegsliti. Gúmmíblandan
inniheldur valhnetuskeljabrot og er sögð grípa eins og sogskál. Skeljabrot-
in eru talin góð við helmun og í beygjum.
■ Heilsárs-vetrardekk eiga að vera vandaðir hjólbarðar með góðu
heils árs munstri. Hægt er að fá dekkin með mismunandi skurði.
Spyrjið fagmenn ráða. Vetrardekk fást í ýmsum útgáfum en ofangreindum
tillögum er ætlað að vekja athygli á nokkrum möguleikum sem standa
þeim til boða sem vilja aðra kosti en nagladekk. Heimild: Ryklaus Reykjavík
AÐRIR VALKOSTIR EN NAGLADEKK
SNJÓR Í REYKJAVÍK Bannað er að aka á nagladekkjum frá 15. apríl til 1. nóvember ár hvert nema aðstæður séu með þeim hætti
að þeirra sé þörf. RÉTTABLAÐIÐ/GVA