Fréttablaðið - 24.10.2008, Blaðsíða 33
FÖSTUDAGUR 24. október 2008
Virkjum
sköpunargleðina
Haustkrans – efniviður skógarins
Sýnikennsla og leiðsögn við gerð kransa úr efnivið skógarins.
Námskeiðið er í samstarfi við Endurmenntun LbhÍ og
Skógræktarfélag Reykjavíkur.
Tími: Lau. 25. okt. frá kl. 10:00 – 15:00 að Elliðavatni.
Grjóthleðsla
Farið verður í grunnatriði grjóthleðslu
og þátttakendur fá verklega þjálfun. Námskeiðið er í samstarfi
við Skógræktarfélag Reykjavíkur.
Tími: 2. nóv. og 15. nóv. að Elliðavatni.
Aðventuskreytingar
Þátttakendur setja saman sínar eigin jólaskreytingar undir
handleiðslu fagmanns. Námskeiðið er í samstarfi við
Endurmenntun LbhÍ og Skógræktarfélag Reykjavíkur.
Tími: Lau. 22. nóv. að Elliðavatni.
Nánari upplýsingar www.tskoli.is/namskeid eða með því að
senda tölvupóst á ave@tskoli.is
„Við erum að hugsa um að byggja
eldiviðarkofa skammt frá bænum á
Elliðavatni og hlaða upp hlóðir líka.
Hafa verkið tengt frumöflunum,“
segir Guðjón frá Dröngum kankvís
þegar hann er inntur frétta af nám-
skeiði í grjóthleðslu hjá Endur-
menntunarskólanum.
„Eldstæðið yrði utan við kofann
og til að kynda upp í þeim yrði þurr
eldiviður sóttur í kofann. Nóg er til
af honum hjá Skógræktinni sem
alltaf er að grisja,“ heldur hann
áfram. „Svo er meiningin að nota
viðinn úr skóginum og smíða tré-
grind í húsið úr honum. Kenna fólki
að nota sleggju og fleyg og rífa við í
áreftið. Þannig lærir það hvernig á
að byggja hús með sleggju, fleyg og
hamri. Kannski förum við aftur á
söguöld í vinnubrögðunum og
notum bara tré en sleppum járn-
nöglum. Það er hægt að fella saman
tré þannig að það læsist og svo má
líka nota trétappa. En þetta er allt á
frumstigi enn og ýmsar vangavelt-
ur í gangi.“
Að sjálfsögðu verður byrjað á að
hlaða tóftina. En hvar fær Guðjón
grjótið? „Við erum að kanna það.
Víða hafa verið sprengdir grunnar
og kannski má tína eitthvað úr
þeim. Ég verð að fara á snöp.“
Ekki kveðst Guðjón ætla að
höggva grjótið til. „Við höfum grjót-
ið að innanverðu í tóftinni og svo
torf og grjót að utanverðu. Þá verð-
ur húsið með tíð og tíma grasi gróið
að utan en heldur vel styrknum
vegna grjóthleðslunnar.“
Guðjón segir áhuga meðal
almennings á þessum gömlu vinnu-
brögðum. Hann sér fyrir sér áhuga-
vert fornaldarsamfélag við Elliða-
vatn. „Ég tel góða möguleika á að
setja upp bú, þar sem kindur yrðu
mjólkaðar og fólk væri að vinna við
náttúrulegar aðstæður. Umhverfið
er stórkostlegt og alveg við borgar-
jaðarinn,“ segir hann brosandi.
gun@frettabladid.is
Tengja verkið frumöflum
Gömul handbrögð við grjóthleðslu og reftingu eru Guðjóni Kristinssyni töm. Hann verður kennari á nám-
skeiði á vegum Endurmenntunarskólans og Skógræktarinnar sem haldið verður tvær helgar í nóvember.
Guðjón og húskarl hans, Kristófer Ari, vinna við að laga sjóvarnargarðinn við Skildinganes. Þar er grjótið allt sæbarið og þarf
sérstakrar aðferðar við. „Gaman að fást við það,“ segir hleðslumeistarinn. FRÉTTABLAÐIÐ/ARNÞÓR
www.tskoli.is
Námskeið í nóvember
Hásetafræðsla - námskeið
fyrir aðstoðarmenn í brú
Fræðsla og þjálfun sem uppfyllir lágmarks-
skilyrði til varðstöðu í brú á stoðsviði.
Tími: 3. – 4. nóv.
Smáskipanámskeið
(12 metrar)
Námskeiðið kemur í stað þess sem áður var
nefnt 30rl réttindanám (pungapróf) og
miðast atvinnuskírteini við skip, 12 metrar
og styttri.
Tími: 3. nóv. – 8. des.
GMDSS – GOC/ROC
námskeið.
Alþjóða neyðar- og öryggisarskiptakerfið.
Námskeiðið er kennt skv. STCW staðli um
GMDSS alþjóða neyðar- og öryggisarskipta-
kerfið. ROC hentar m.a. þeim sem ætla að ná
sér í 65 BT réttindi.
Tími: 6. – 14. nóv.
Undirbúningsnámskeið fyrir
skemmtibátapróf
Kennd verða bókleg atriði, sem krafist er skv.
námskrá til skemmtibátaprófs, í siglingafræði,
siglingareglum og stöðugleika.
Tími: 22. – 27. nóv.
Endurnýjun
skipstjórnarréttinda
Ætlað skipstjórnarmönnum sem hafa ekki
siglt í nokkurn tíma og vilja kynna sér nýjungar
í skipstjórn og endurnýja skipstjórnarréttindin.
Tími: 19. – 21. nóv.
Námskeið í desember
IMDG – meðferð á
hættulegum farmi
Á námskeiðinu er allað um meðferð og
flutning á hættulegum varningi um borð í
þurrlestarskipum. Námskeiðið uppfyllir kröfur
Alþjóðasiglingamálastofnunarinnar (IMO).
Tími: 8. – 10. des.
IMDG – endurnýjun
Þátttakandi þarf að hafa lokið grunnnám-
skeiði IMDG. Endurnýjuð er þekking á reglum
um meðferð og flutning á hættulegum
varningi um borð í þurrlestarskipum.
Námskeiðið uppfyllir kröfur Alþjóðasiglinga-
málastofnunarinnar (IMO).
Tími: 11. des. kl. 9:00-13:00.
máttur
Nánari upplýsingar um námskeiðin veitir Anna, skólastjóri Endurmenntunarskólans, ave@tskoli.is