Fréttablaðið - 25.10.2008, Blaðsíða 30

● heimili&hönnun
SÖLUSÝNING
í dag frá kl. 11-16
Verið velkomin í Eirvík í dag og fáið ráðgjöf
og kynningu á glæsilegum eldhúsinnréttingum og
eldhústækjum sem þarf til að gera gott eldhús betra.
HÄCKER INNRÉTTINGAR Á ÍSLANDI
Stórglæsileg íbúð  l leigu.
Til leigu er frá 1. nóvember n.k. stórglæsileg þriggja herbergja,
101 m2 íbúð á efstu hæð í nýrri ly ublokk við Ásakór.
Íbúðinni fylgir 25 m2 bílskúr með góðri geymslu inn af.
Nánari upplýsingar gefa
Sigríður í 898-9925 sigridur@mest.is eða
Snorri í 825-0572 snorrif@mest.is.
Stofnunin Handverk og hönnun
stendur fyrir sýningu í Ráðhúsi
Reykjavíkur á íslensku handverki
og listiðnaði. Sýnendur í ár eru 54
talsins og spanna vörurnar breitt
svið íslensks handverks. Fjóla
Guðmundsdóttir, starfsmaður hjá
Handverki og hönnun, segir ásókn-
ina hafa farið vaxandi ár frá ári.
„Við renndum blint í sjóinn með
þetta í fyrsta skiptið og vissum
ekkert hvernig viðtökurnar yrðu.
Þær urðu strax gríðarlega góðar
og umsóknum hefur fjölgað ár
frá ári. Núna voru það í kringum
hundrað sem sóttu um.“
Vörurnar á sýningunni verða
til sölu en sýningin er hugsuð sem
kynning á íslensku handverki og
listiðnaði. Fjóla segir áherslu lagða
á að úrvalið sé sem fjölbreyttast.
„Vörurnar eru úr öllum geirum.
Þarna er að finna textíl, leir, gler,
skart, tré, leður, roð og skinn og
allt mögulegt. Það getur hver sem
er sótt um; fólk þarf bara að skila
inn sýnishornum, góðum myndum
eða vörunum sjálfum. Í ákveðn-
um greinum er eðlilega meiri
samkeppni en í öðrum, eins og til
dæmis í textíl sem margir eru að
vinna í, en minni í til dæmis horni
og beinum sem miklu færri eru að
vinna með.“
Á sýningunni í ár verður sú ný-
breytni að veita verðlaun fyrir besta
nýja hlutinn. Þetta er gert til að
hvetja þátttakendur til nýsköpunar
og vöruþróunar. Hlutirnir þurftu
að vera nýir og máttu ekki hafa
verið til sölu
eða sýnis fyrir sýn-
inguna í Ráðhúsinu. Verðlaunin
verða veitt í upphafi sýningarinn-
ar.
Aðgangur að sýningunni er
ókeypis en hún verður opin föstu-
daginn 31. október frá klukkan 11
til 19, laugardaginn 1. nóvember
frá klukkan 12 til 18, sunnudaginn
2. nóvember frá klukkan 12 til 18
og mánudaginn 3. nóvember frá
klukkan 10 til 19. - rat
Íslensk listiðn í öndvegi
● Sýningin Handverk og hönnun opnar föstudaginn 31. október í Ráðhúsi Reykjavíkur.
Hreindýr úr tré eftir Pál Garðarsson.
Peysa eftir Kitschfríði.
Handgerður hnífur
eftir Pál Kristjánsson.
Espressobollar eftir Guðnýju Hafsteins-
dóttur.
Jólakúlur eftir Ólöfu Erlu Bjarnadóttur.
Glerperlur eftir Nadine Martin.
Hálsmen eftir Dýrfinnu Torfadóttur.
Fjóla Guðmundsdóttir hjá Handverki og hönnun segir umsóknir um sýningarpláss hafa aukist ár frá ári. FRÉTTABLAÐIÐ/VALLI
25. OKTÓBER 2008 LAUGARDAGUR4