Fréttablaðið - 25.10.2008, Blaðsíða 36
● heimili&hönnun
„Endurnýting og -hönnun liggur til
grundvallar okkar eigin hönnun í
versluninni. Við blöndum gömlum
húsgögnum, fötum og leikföngum
saman við nýja hluti,“ segir
hönnuðurinn Karitas Pálsdóttur, sem
ætlar ásamt sambýlismanni sínum,
Daníel Stefánssyni, og vinkonu,
Evu Sólveigu Þrastardóttur, að
opna hönnunarverslun, Krakk, við
Skólavörðustíg 22. Hún kveðst ekki
vita til þess að verslun af þessu tagi
hafi áður verið rekin hérlendis.
„Við fengum hugmyndina þegar
við keyptum gamlan sófa í Góða
hirðinum og gerðum upp,“ bend-
ir Karitas á og segir hana ekkert
eiga skylt við efnahagskreppuna.
„Nei, það er ótrúlegt að það skyldi
hitta svo á að við opnuðum verslun
með áherslu á endurnýtingu í miðri
kreppu.“
En hver er eiginlega hugsunin á
bak við nafngiftina? „Við erum ekki
að vísa í eiturlyf heldur samsuðu,
eins og þegar rætt er um krakk og
kraum,“ segir Karitas og bætir við
að í búðinni verði vörur eftir ís-
lenska og erlenda hönnuði. - rve
Karitas og Daníel eru auðsýnilega smekkfólk eins og heimili þeirra er til vitnisburðar
um. FRÉTTABLAÐIÐ/ARNÞÓR
Karitas Pálsdóttir og Daníel Stefánsson
standa á bakvið hönnunarverslunina
Krakk.
Endurnýting
og -hönnun
● Ný hönnunarverslun með nokkuð sérstöku heiti, Krakk,
verður opnuð á Skólavörðustíg 22 um miðjan nóvember.
List leikur stórt
hlutverk í íbúðinni.
Karitas og Daníel leggja upp úr því að
hafa heimilið hlýlegt.
Hér sést sófinn góði sem var kveikjan
að hugmyndinni að búðinni.
25. OKTÓBER 2008 LAUGARDAGUR10