Fréttablaðið - 27.10.2008, Blaðsíða 34
22 27. október 2008 MÁNUDAGUR
sport@frettabladid.is
Umspilsleikur fyrir EM 2009
Írland-Ísland 1-1
0-1 Hólmfríður Magnúsdóttir (1.), 1-1 Stefanie
Curtis (63.).
N1-deild karla í handbolta
Haukar-Víkingur 37-23 (18-14)
Mörk Hauka (skot): Sigurbergur Sveinsson 8/3
(13/4), Stefán Rafn Sigurmannsson 6 (8), Einar
Örn Jónsson 6/3 (8/3), Kári Kristján Kristjánsson
5 (6), Pétur Pálsson 4 (5), Gunnar Berg Viktors-
son 3 (5), Elías Már Halldórsson 2 (4), Heimir Óli
Heimisson 1 (1), Arnar Jón Agnarsson 1 (2), Gísli
Jón Þórisson 1 (4), Freyr Brynjarsson (1), Andri
Stefan (4)
Varin skot: Gísli Guðmundsson 26/1 (48/2
54,2%), Birkir Ívar Guðmundsson (1/1)
Hraðaupphlaup: 13 (Stefán 5, Elías 2, Einar 2,
Kári 2, Heimir, Gunnar)
Fiskuð víti: 7 (Kári 3, Freyr, Elías, Arnar, Sigur-
bergur)
Utan vallar: 6 mínútur
Mörk Víkings (skot): Davíð Ágústsson 5 (6),
Óttar Filip Pétursson 3 (4), Hreiðar Haraldsson
3 (6), Davíð Georgsson 3/2 (9/3), Sigurður
Örn Karlsson 2 (2), Sverrir Hermannsson 2 (5),
Þröstur Þráinsson 2 (7), Sveinn Þorgeirsson 2 (8),
Björn Viðar Björnsson 1 (1)Pálmar Sigurjónsson
(2), Vigfús Þormar Gunnarsson (5)
Varin skot: Björn Viðar Björnsson 16(46/5
34,8%),
Árni Gíslason 3/1 (10/2 30%)
Hraðaupphlaup: 10 (Sigurður 2, Hreiðar 2,
Þröstur 2, Óttar 2, Davíð Á., Davíð G.)
Fiskuð víti: 3 (Sveinn 2, Davíð)
Utan vallar: 16 mínútur
STAÐAN Í DEILDINNI
1. FH 6 3 2 1 +8 8
2. Akureyri 6 4 0 2 +5 8
3. Valur 6 3 2 1 +19 8
4. Fram 5 3 1 1 +9 7
5. HK 6 3 0 3 -10 6
6. Haukar 6 3 0 3 +9 6
7. Stjarnan 5 1 1 3 -9 3
8. Víkingar 6 0 0 6 -33 0
ÚRSLIT
> Ólafur í danska handboltann?
Fréttir þess efnis að handknattleiksmaðurinn Ólafur Stef-
ánsson sé á leið til danska þriðju deildarliðsins Alberts-
lund/Glostrup, sem er í eigu dansks skartgripasala og
milljarðamærings, hafa farið á milli manna eins og eldur
um sinu undanfarið. Ólafur vildi lítið tjá sig um málið
þegar Fréttablaðið kannaði stöðuna á honum í gær. „Ég
hef ekkert að segja um þetta mál að svo stöddu. Það
gæti þó eitthvað breyst á næstu dögum,“
segir Ólafur.
HANDBOLTI Haukar unnu sinn
fyrsta sigur í fjórum leikjum
þegar Íslandsmeistararnir rúlluðu
yfir slaka Víkinga, 37-23, í N1-
deild karla í gær.
Eins og tölurnar gefa til kynna
voru Haukar miklu betri aðilinn í
leiknum og er erfitt að sjá fyrir
sér hvar Víkingar ætla að hirða
stig í vetur en Víkingar hafa tapað
sex fyrstu leikjum sínum í deild-
inni.
Munurinn á liðunum var fjögur
mörk í hálfleik, 18-14, en síðari
hálfleikur var eign Haukamanna.
Haukar skoruðu þá 19 mörk gegn
9 og fengu ungir leikmenn í báðum
liðum að spreyta sig er leið á leik-
inn. Bestur þeirra var Stefán Rafn
Sigurmannsson sem átti mjög
góða innkomu í vinstra hornið hjá
Haukum.
„Við erum að vinna í því að fá
upp meiri einbeitingu og leikgleði
í þessum deildarleikjum. Í dag
voru menn beittir. Við náum sex
marka forystu í fyrri hálfleik og
áttum möguleika á því sjöunda en
klikkum úr dauðafæri og þeir ná
að klóra aðeins til baka en mér
fannst við vera einbeittir og þess
vegna endar þetta í fjórtán mörk-
um,“ sagði Aron Kristjánsson
þjálfari Hauka í leikslok.
„Menn mættu einbeittir til leiks
og voru tilbúnir að spila alvöru
leik og gefa sig á fullu í þetta. Gísli
varði vel í markinu og 6-0 vörnin
gekk vel. Það stóðu sig margir vel
í dag. Það var gaman að sjá Stefán
Rafn, ungan strák, koma sterkan
inn í hornið og Heimir Óli stóð sig
vel síðustu mínúturnar í vörninni.
Mjög efnilegir strákar.“
Haukar eru í fimmta sæti með
sex stig, tveimur stigum á eftir
nágrönnum sínum í FH sem þeir
mæta á Kaplakrika í næsta leik.
„Það verður alvöru leikur. Loksins
er Haukar-FH alvöru leikur aftur.
Ég hlakka mikið til,“ sagði kátur
Aron Kristjánsson í leikslok. - gmi
Víkingar voru engin mótspyrna fyrir Íslandsmeistara Hauka að Ásvöllum í N1-deild karla í gær:
Haukarnir náðu að hrista af sér slenið
HARÐFYLGI Haukar hreinlega keyrðu yfir
nýliða Víkinga að Ásvöllum í gær.
FRÉTTABLAÐIÐ/DANÍEL
FÓTBOLTI María Björg Ágústsdótt-
ir átti góðan leik í marki íslenska
liðsins í gær og bjargaði til að
mynda í tvígang glæsilega með
góðri markvörslu.
„Ég fann mig mjög vel. Ég
reyndi að hafa undirbúninginn
fyrir leikinn nákvæmlega eins og
fyrir bikarúrslitaleikinn gegn Val,
þar sem ég fann mig vel og kom
því með mitt eigið kaffi út og
svona. Þannig að mér leið mjög
vel og þekki þessar stelpur í
vörninni vel,“ segir María.
María gat þó ekki leynt vonbrigð-
um sínum í leikslok og var svekkt
með að hafa fengið á sig mark.
„Þetta fór ekki alveg eins og ég
ætlaði mér, því ég var ákveðin í
að halda hreinu. Völlurinn var
þungur og það var erfitt að
stjórna boltanum en vonandi
verður þetta betra á Laugardals-
vellinum. Við eigum mikið inni
fyrir seinni leikinn og við tökum
þetta næst,“ segir María. - óþ
María Björg Ágústsdóttir:
Við tökum
þetta næst
MARÍA BJÖRG Átti góðan leik og var
öryggið uppmálað í marki Íslands í gær.
MYND/SPORTSFILE
Landsliðskonurnar reynslumiklu Edda
Garðarsdóttir og Katrín Jónsdóttir
eru enn ákveðnari að sjá til þess að
íslenska liðið komist á lokakeppni
EM 2009 eftir jafntefli gegn Írum í
fyrri umspilsleik liðanna í gær.
Þær telja báðar að íslenska liðið
eigi mikið inni fyrir seinni leik
liðanna á Laugardalsvelli á
fimmtudag.
„Okkur líður dálítið eins og
við höfum tapað leiknum,
þar sem við fengum nokkur
góð færi til þess að klára
leikinn á lokakaflanum. Við vorum
hins vegar að gera mikið af litlum
mistökum í leiknum sem skipta
kannski talsverðu máli þegar allt
er tekið saman í lokin. Móttaka
og fyrsta snerting klikkuðu mikið hjá
okkur og við þurfum að laga það fyrir
seinni leikinn. Þegar upp er staðið
er jafntefli og mark á útivelli kannski
ekkert svo slæm úrslit en við
verðum að sýna betri leik á
Laugardalsvelli,“ segir Edda
og Katrín tekur undir með
henni.
„Við getum spilað
betur en við gerðum
í þessum leik og ég
tel okkur vera með
sterkara lið en það
írska og við ætlum að
gera betur á heimavelli.
Við erum búnar að vinna
markvisst að þessu í tvö
ár og við ætlum að vinna
heima og fara þangað,“ segir Katrín
ákveðin.
Báðar vonast þær stöllur
eftir góðri mætingu á
Laugardalsvöll, nú þegar
mest liggur við.
„Ef einhvern tíma er þörf
á stuðningi, þá er það nú.
Núna er þetta bara upp á
líf og dauða. Þetta er auð-
vitað líka síðasti mögu-
leikinn fyrir okkur gömlu
kerlingarnar að komast á stórmót,“
segir Edda á léttum nótum og
Katrín bætir við:
„Vonandi mætir fullt af fólki á
leikinn, skellir sér í kraftgallann og
mætir bara með kakó og stemn-
ingu.“
EDDA GARÐARSDÓTTIR OG KATRÍN JÓNSDÓTTIR: SVEKKTAR EFTIR JAFNTEFLIÐ EN BJARTSÝNAR Á FRAMHALDIÐ
Ef einhvern tíma er þörf á stuðningi þá er það nú
FÓTBOLTI Ísland og Írland skildu
jöfn, 1-1, í fyrri umspilsleik lið-
anna á Richmond Park-vellinum í
Dublin í gær en sigurvegari úr
viðureigninni tryggir sér farseðil-
inn á lokakeppni EM 2009 í Finn-
landi. Landsliðsþjálfarinn Sigurð-
ur Ragnar Eyjólfsson var
þokkalega sáttur í leikslok í gær.
„Það er mikilvægt að hafa náð
að skora mark á útivelli og við
höfum því smá yfirhönd fyrir
seinni leikinn og okkur dugir 0-0
til þess að vinna einvígið. Þær
þurfa því vitanlega að opna sig
eitthvað í þeim leik og það gefur
okkur ákveðna möguleika. Annars
á ég von á spennandi og erfiðum
leik eins og þessi leikur var á
þeirra heimavelli,“ segir Sigurður
Ragnar.
Íslensku stelpurnar mættu
grimmar til leiks og strax á fyrstu
mínútu leiksins náði Hólmfríður
Magnúsdóttir að skora fyrsta
mark leiksins eftir frábæran und-
irbúning Rakelar Hönnudóttur,
sem vann boltann úti á hægri kant-
inum og kom honum fyrir markið.
Draumabyrjun hjá Íslandi.
Það var svo Rakel sjálf sem fékk
besta færi Íslands í fyrri hálfleik
eftir það en skot hennar fór rétt
fram hjá írska markinu. Varnar-
lega voru íslensku stelpurnar fast-
ar fyrir og náðu að halda írska lið-
inu í skefjum og staðan var enn
0-1 fyrir Ísland í hálfleik.
Írsku stúlkurnar náðu að jafna
metin eftir um klukkutíma leik og
var þó nokkur heppnisstimpill á
markinu. Varamaðurinn O‘Toole
kom boltanum á Stefanie Curtis
sem skaut að marki en boltinn
hafði viðkomu í Ástu Árnadóttur
og fór þaðan í boga yfir bjargar-
lausa Maríu Björgu Ágústsdóttur í
marki Íslands.
Hvorugt liðið náði að skora eftir
þetta og því ljóst að fram undan er
gríðarlega spennandi leikur á
Laugardalsvelli á fimmtudaginn
30. október.
„Þær voru meira með boltann
en mér fannst við vera að fá hættu-
legri marktækifæri og þetta hefði
eflaust getað fallið á hvorn veginn
sem var,“ segir Sigurður Ragnar.
Sigurður Ragnar var sér í lagi
ánægður með fyrri hálfleikinn.
„Ég var tiltölulega ánægður
með fyrri hálfleikinn, við náðum
að skora gott mark og hefðum
getað skorað fleiri. Mér fannst
hins vegar vanta meiri yfirvegun í
okkar leik í síðari hálfleik,“ segir
Sigurður Ragnar.
„Það er vonandi að íslenska
þjóðin fjölmenni á völlinn og ég
held að stuðningur áhorfenda geti
gert gæfumuninn. Það væri frá-
bært að ná að búa til ljónagryfju á
Laugardalsvellinum. Ég vona að
við eigum talsvert inni fyrir seinni
leikinn og draumurinn lifir alla-
vega í níutíu mínútur í viðbót,“
segir Sigurður Ragnar.
omar@frettabladid.is
Draumurinn lifir enn góðu lífi
Ísland og Írland skildu jöfn, 1-1, í fyrri umspilsleik liðanna um laust sæti á lokakeppni EM kvenna 2009.
Hólmfríður Magnúsdóttir kom Íslandi yfir strax á fyrstu mínútu leiksins en Írland jafnaði í seinni hálfleik.
Úrslitin eru ásættanleg fyrir íslenska liðið sem á heimaleikinn eftir og draumurinn um EM lifir því áfram.
SIGURÐUR RAGNAR Landsliðsþjálfarinn
var þokkalega sáttur í leikslok í gær en
telur liðið eiga enn talsvert inni.
MYND/SPORTSFILE
DRAUMABYRJUN Íslensku stelpurnar fagna hér marki Hólmfríðar Magnúsdóttur sem kom strax á fyrstu mínútu leiksins í gær. Það
reyndist vera eina mark Íslands í leiknum en vitanlega er drjúgt að skora á útivelli í útsláttarfyrirkomulagi þar sem samanlögð
úrslit heima og að heiman gilda og fleiri mörk á útivelli gilda ef markatalan er jöfn.. MYND/SPORTSFILE