Fréttablaðið - 05.11.2008, Blaðsíða 10

5. nóvember 2008 MIÐVIKUDAGUR
■ Sendið
umboðsmanni
neytenda
ábendingar eða
sparnaðarráð
á neytendur@
frettabladid.is
DR. GUNNI
neytendur@
frettabladid.is
Mogginn minn á netinu
Moggann minn á netinu,
Skráðu þig á í að
Morgunblaðinu
SKIPULAGSMÁL „Við erum að nýta
margt jákvætt í EES-samningn-
um og viljum alls ekki að þetta sé
túlkað þannig að við séum að fara
eitthvað á svig við hann,“ segir
Óskar Bergsson, formaður borg-
arráðs, um tillögu um endurskoð-
un á reglum um innkaup Reykja-
víkurborgar sem meirihluti
borgarstjórnar lagði fram í gær.
Óskar segir innkaupareglunar
taka mið af lögunum. Síðan gefi
menn sér ákveðnar forsendur í
útboðslýsingu og þar hafi í raun
verið gengið lengra en lögin segja
til um. Hingað til hafi Reykjavík-
urborg haldið þeirri stefnu að
taka alltaf
lægsta tilboð-
inu.
„Ég hef gagn-
rýnt þetta og
bent á að lægsta
tilboð þurfi ekki
alltaf að vera
hagstæðast,“
segir Óskar.
Þetta hafi hann
til dæmis bent á þegar samið var
við litháíska verktakafyrirtækið
Adakris um byggingu Sæmundar-
skóla. Þá hafi ekki verið talið
neitt svigrúm til að breyta út af
útboðinu því menn hafi talið sig
bundna að því að taka lægsta til-
boði.
Óskar segist horfa til þess að
verk verði ekki boðin út í heilu
lagi heldur verði boðnir út
ákveðnir verkhlutar. Slíkt sé fyrst
og fremst gert þar sem ekki sé
sama fjármagn í umferð nú og
áður. Lengja megi framkvæmda-
tímann og taka ákveðna verk-
þætti fyrir í einu. Það leiði hins
vegar af sér að verkin verði ekki
boðin út á Evrópska efnahags-
svæðinu.
Óskar segir málið ekki snúast
um að útiloka útlendinga frá verk-
efnum á Íslandi. Með tillögunum
sé borgarstjórn að bregðast við
efnahagsástandinu. „Við teljum
að reynslan hafi sýnt okkur að við
þurfum að geta metið það út frá
öðru en bara lægsta verði hvað sé
hagstæðast fyrir borgina í hvert
skipti,“ segir Óskar.
Nokkrar umræður voru um til-
löguna á fundi borgarstjórnar í
gær. Dagur B. Eggertsson, borg-
arfulltrúi Samfylkingarinnar,
taldi óljóst út á hvað tillagan
gengi þar sem Vilhjálmur Þ. Vil-
hjálmsson, þáverandi borgar-
stjóri, hafi þegar óskað eftir að
innkaupareglurnar yrðu skoðað-
ar. Hann spurði hvar sú skoðun
stæði.
Í sama streng tók Svandís Svav-
arsdóttir, borgarfulltrúi vinstri
grænna. Hún sagðist ekki geta
varist þeirri hugsun að velta fyrir
sér forsendum sem lægju að baki
tillögunni og sagði að hér færi
örlítill vottur af sýndarmennsku.
olav@frettabladid.is
Reglur um innkaup
borgarinnar skoðaðar
Meirihlutinn vill skoða innkaupareglur borgarinnar. Formaður borgarráðs seg-
ir of langt gengið í túlkun laga um útboð á framkvæmdum og vill að verk verði
boðin út í áföngum. Minnihlutinn segir tillöguna sýndarmennsku.
SÆMUNDARSKÓLI Framkvæmdir Adakris við byggingu Sæmundarskóla eru á eftir
áætlun en formaður borgarráðs segir tillögunni ekki ætlað að útiloka erlenda aðila
frá verkefnum á Íslandi. FRÉTTABLAÐIÐ/VALLI
ÓSKAR BERGSSON
Það getur kostað sitt að búa krakka
undir veturinn, eins og ein hneyksluð á
Akureyri komst að raun um. „Mig
vantaði góðan snjógalla á tíu mánaða
strák,“ skrifar hún, „og dreif mig á
Glerártorg og kíkti í þrjár búðir. Í
Doremí voru allir snjógallar
uppseldir á svona lítil börn en
stykkið átti að kosta um 9.000
kr., sem mér finnst mikið. Ég fór
í 66°N og skoðaði góðan og
vandaðan galla sem kostar
12.500 kr. Ég ranghvolfdi
augunum og ákvað að athuga í
Sportveri. Þar kostar galli á tíu
mánaða barn 17.000 kr! Er þetta
eitthvað grín!?“
Sem betur fer eru til ódýrari
möguleikar. Hér eru jákvæð dæmi
frá Europris og Rúmfatalagernum.
„Ég keypti snjóbuxur á tvo drengi í
Europris og borgaði 2.790 kr. fyrir
stykkið,“ skrifar Fanný Þórsdóttir.
„Þeir eru báðir mjög ánægðir með þær.
Annar segir meira að segja að þær
séu svona „tískulegar“. Auðvitað er
enn ekki komin mikil reynsla á þær
en þú getur rifið dýrar og ódýrar
snjóbuxur jafnmikið ef þú ert
níu ára. Og þær halda vel hita.“
Þá skrifar EKK: „Ég fann
þennan líka fína galla á eins
árs son minn í Rúmfatalagern-
um á 2.990 kr. Dagmamman
hefur hælt þessum göllum í
hástert og hann hefur þolað
akureyrskt vetrarveður
undanfarið með miklum sóma.“
Munar um minna, 17.000 eða
3.000 kr. í kreppunni!
Neytendur: Eitt og annað um kuldagalla fyrir börn
Dýrir og ódýrir gallar
KULDAGALLI Fæst í Rúmfatalagernum
á 2.990 kr.
KONGÓ, AP Stjórnvöld í Kongó hafa
hafnað kröfu uppreisnarforingj-
ans Laurents Nkunda um viðræð-
ur. Tugir þúsunda flóttamanna á
átakasvæðunum í austanverðu
landinu þurfa nú á aðstoð hjálpar-
stofnana að halda.
Uppreisnarmenn hóta því nú að
höfnun stjórnvalda geti þýtt frek-
ari átök.
Laurent Nkunda, foringi upp-
reisnarmanna, hóf átökin í lok
ágúst og komst her hans alla leið
að útjaðri héraðshöfuðstaðarins
Goma áður en Nkunda lýsti ein-
hliða yfir vopnahléi í síðustu
viku.
Tólf bíla lest frá Sameinuðu
þjóðunum var ekið í gegnum víg-
línu uppreisnarmanna í Kongó á
mánudag með lyf og aðrar nauð-
synjar handa heilsugæslustöðv-
um, sem stjórnarhermenn höfðu
rænt á flótta sínum undan upp-
reisnarmönnum.
Þetta er fyrsta hjálpin sem
berst til íbúa handan víglínunnar
síðan átökin hófust í ágúst síðast-
liðnum. Von er á fleiri bílalestum
með matvæli handa þeim 250 þús-
undum manna sem hrakist hafa á
flótta vegna átakanna.
„Allir eru svangir, allir,“ sagði
Jean Bizy, 25 ára kennari, sem
fylgdist með þegar bílalestin kom
til þorpsins Rugari og afhenti þar
einn kartöflupoka. Hún hefur
dögum saman ekki haft annað að
borða en villta banana.
- gb
Neyðin vex meðal íbúa á átakasvæðunum í austurhluta Kongó:
Stjórnin hafnar viðræðum
BÍLALEST SAMEINUÐU ÞJÓÐANNA
Komst óáreitt í gegnum víglínu upp-
reisnarmanna. FRÉTTABLAÐIÐ/AP
... við þurfum að geta
metið það út frá öðru
en bara lægsta verði hvað sé
hagstæðast fyrir borgina í hvert
skipti.
ÓSKAR BERGSSON
FORMAÐUR BORGARRÁÐS