Fréttablaðið - 08.11.2008, Blaðsíða 56

8. nóvember 2008 LAUGARDAGUR
timamot@frettabladid.is
HIð íslenzka fornleifafélag
var stofnað þennan dag árið
1879. Nærri tvö hundruð ár
eru þó síðan rætt var um að
skrá þyrfti fornleifar hér á
landi. Dönsk nefnd um varð-
veislu gamalla sagna sendi í
kjölfarið fyrirspurn til Íslands
árið 1817 um fornaldarleif-
ar á Íslandi og safnaði saman
skýrslum um það efni. Sam-
fara því voru nokkrar íslenskar fornleifar og fornminjar friðlýstar, hinar
fyrstu hér á landi. Þeir þrír staðir sem fyrst voru friðaðir voru Borgarvirki í
Víðidal, dómhringur á Þórsnesi á Snæfellsnesi og Snorralaug í Reykholti.
Við stofnun fornleifafélagsins var unnið ötullega að skráningu sögu-
minja. Nokkrir fræðimenn fóru þá um landið til að kanna söguslóðir og
fornleifar sem þeim þóttu athyglisverðar. Sigurður Vigfússon og Brynjúlf-
ur Jónsson frá Minna-Núpi voru þar fremstir í flokki. Gildi framtaks þeirra er
ómetanlegt því þeir skráðu fjölmargar minjar sem nú eru horfnar.
ÞETTA GERÐIST: 8. NÓVEMBER 1879
Fornleifafélag stofnað
„Jú, ég stend á fimmtugu í dag, en ætla
hvorki að halda stórveislu né hafa opið
hús. Ég ætla að elda ljúffengan afmæl-
isverð handa börnum mínum og býð
þeim kannski á James Bond á eftir,“
segir Toshiki Toma, prestur innflytj-
enda, sem í dag blæs á 50 kerta köku.
„Þessi tímamót hafa hálfpartinn
komið mér í opna skjöldu, líkt og sú
staðreynd að þjóðfélagið stendur nú á
alls óvæntum tímamótum. Því tel ég
tímabært að íhuga sönn gildi lífsins
og endurskoða hvað er þýðingarmik-
ið í lífi okkar. Raunar finnst mér allt-
af nauðsynlegt að hafa slíkt í huga, en
við mannfólkið gleymum því oft,“ segir
Toshiki, sem dreginn var af Amors-
örvum að Íslandsströndum fyrir sex-
tán árum. „Fyrstu fimm árin voru bara
erfið. Næstu tíu ár voru áratugurinn
eftir að ég skildi við eiginkonu mína –
og þá finnst mér ég alltaf hafa verið
hlaupandi til þess eins að lifa af, og um
leið að sanna að innflytjandi getur lagt
sitt af mörkum í íslenskt þjóðfélag. En
hér er ég enn og finnst mér hafa tek-
ist nokkuð vel upp með áætlun mína og
ævistarf.“
Toshiki Toma fæddist í höfuðborg
Japans 8. nóvember 1958. Þar búa for-
eldrar hans enn, en bróðir hans býr
í borginni Sapporo, í Norður-Japan.
„Pabbi liggur á sjúkrabeði og mamma
glímir einnig við veikindi. Ég reyni
að heimsækja þau eins oft og ég get,
en viðurkenni að fjarlægðin er erfið-
asta hlutskiptið við að búa svo fjarri
fósturjörðinni,“ segir Toshiki, sem
minnist besta afmælisdagsins hingað
til.
„Þá var ég kvæntur íslenskri konu og
afmælisdag minn bar upp í Japan. Ég
eldaði góðan mat og konan spurði í mat-
artíð: „Hvað er í dag?“ Það vakti mikla
kátínu. Eftirminnilegasta afmælisgjöfin
kom svo úr hendi Guðfríðar Lilju (vara-
þingmanns VG) og Steinu, konu henn-
ar, sem færðu mér eldhússvuntu. Mér
þykir gaman að elda og ætti að geta
notað svuntuna endalaust mikið, en fæ
mig ekki til þess því hún er of flott til
að nota í eldhúsi!“ segir Toshiki og skell-
ir upp úr. Prestur innflytjenda segist nú
hugsa næstu fimmtán ár fram í tímann;
ef Guð leyfir og gefur. „Þungamiðjan
verður íhugun um það sem mér þykir
ómissandi í lífinu. Ég skammast mín
ekki fyrir að vera pokaprestur á Íslandi,
því ég er stoltur og glaður yfir því að
vera prestur. Því vil ég líka íhuga hvað
öðru fólki er mikilvægast, því öll getum
við tapað því sem okkur er kærast. Slíkt
leikur okkur alltaf hart en „hjálp mun
berast frá Guði.“ Þrátt fyrir það megum
við ekki forðast að taka ábyrgð á eigin
lífi, en ég óska að næstu 15 ár lífs míns
muni byggjast á þeirri forsendu.“
thordis@frettabladid.is
SÉRA TOSHIKI TOMA PRESTUR INNFLYTJENDA: FÆDDUR Í TÓKÝÓ FYRIR 50 ÁRUM
Fimmtíu kerta kaka og Bond
STOLTUR OG GLAÐUR Toshiki Toma er sérþjónustuprestur þjóðkirkjunnar við innflytjendur.
Hann stendur á fimmtugu í dag og ætlar að njóta dagsins í faðmi ástvina. FRÉTTABLAÐIÐ/STEFÁN
Innilegar þakkir til allra þeirra sem sýndu okkur samúð og
hlýhug við andlát og útför móður okkar, tengdamóður, ömmu,
langömmu og langalangömmu,
Fanneyjar Bjarnadóttur
Fyrir hönd fjölskyldna okkar
Greta Björg, Ardís Ólöf, Ruth Jóhanna Arelíusardætur.
Elskuleg móðir okkar, fósturmóðir, tengda-
móðir, amma og langamma
Björg Erlingsdóttir
Grýtubakka 22, Reykjavík
lést sunnudaginn 2. nóvember. Jarðarförin fer fram
frá Áskirkju mánudaginn 10. nóvember næstkomandi
kl. 15.00.
Ellen Ásthildur Ragnarsdóttir Friðþjófur Bragason
Þorkell Ragnarsson
Kristín Þórdís Ragnarsdóttir Sigurjón Sigurjónsson
Ingunn Ragnarsdóttir Símon Wiium
Guðmundur Birgir Ragnarsson Bettý Stefánsdóttir
Soffía Ragnheiður Ragnarsdóttir
Ásþór Ragnarsson Kolbrún Kjartansdóttir
barnabörn og barnabarnabörn.

Innilegar þakkir til allra þeirra sem sýndu
okkur vináttu og samúð við fráfall,
Svavars Fanndal Torfasonar
meistara í rafvélavirkjun, Grenilundi 12,
Garðabæ
Sólbjört Gestsdóttir
Hólmfríður Fanndal Svavarsdóttir
Ingólfur Arnarson Sigríður Guðjónsdóttir
Guðrún Björg Sigurbjörnsdóttir
Jóhanna Rósa Arnardóttir Jón Vilhjálmsson
og fjölskyldur.
Okkar bestu þakkir færum við öllum þeim,
er sýndu okkur samúð, hlýhug og vináttu
við andlát og útför
Heiðrúnar Soffíu
Steingrímsdóttur
Grundargerði 3a, Akureyri.
Fyrir okkar hönd sem og annara er tengjast
fjölskyldunni og afkomendum
Þorsteinn Jónatansson
Edda H. Þorsteinsdóttir.
Ástkær móðir okkar, tengdamóðir, amma
og langamma,
Margrét Karlsdóttir
Kjarrmóa 18, Reykjanesbæ,
andaðist mánudaginn 3. nóv. Útförin fer fram frá
Keflavíkurkirkju þriðjudaginn 11. nóvember, kl. 14.00
Ágústa Þorleifsdóttir Kristófer Þorgrímsson
Júlíana Pietruszewski Paul Pietruszewski
Guðmundur K. Þorleifsson Sigurlaug Björnsdóttir
Karólína M. Þorleifsdóttir
barnabörn og barnabarnabörn.
Ástkær eiginmaður minn, faðir okkar,
sonur, tengdafaðir og afi,
Haraldur Ragnarsson
atvinnurekandi, Auðbrekku 32, Kópavogi,
andaðist á heimili sínu þriðjudaginn 4. nóvember.
Jarðsungið verður frá Bústaðakirkju fimmtudaginn
13. nóvember kl. 13.00. Blóm og kransar vinsam-
legast afþakkaðir. Þeim sem vilja minnast hans er
bent á að leyfa líknar- og vinafélaginu Bergmáli og
Krabbameinsfélaginu að njóta þess.
Perla María Hauksdóttir
Harpa Lind Haraldsdóttir
Berglind Haralsdóttir
Ragnar Haraldsson
Halla Ósk Haraldsdóttir Róbert Örn Albertsson
Sigrún Elín Haraldsdóttir
Sigrún Einarsdóttir Ragnar Haraldsson
og barnabörn.
Hugheilar þakkir færum við öllum þeim
sem sýndu okkur samúð og hlýhug vegna
andláts og útfarar ástkærs eiginmanns
míns, föður okkar, tengdaföður og afa,
Guðmundar A. Þórðarsonar
Holtsflöt 4, Akranesi.
Málfríður K. Björnsdóttir
Guðrún H. Guðmundsdóttir
Björn Guðmundsson Skúlína H. Guðmundsdóttir
Kristín Guðmundsdóttir Guðmundur Benediktsson
Þórður Guðmundsson Guðný Hrund Rúnarsdóttir
Ólöf Ásta Guðmundsdóttir Guðmundur Guðjónsson
og afabörn.
Ástkær eiginmaður minn og vinur,
Ingvar G. Jónsson
Drápuhlíð 5, Reykjavík,
andaðist á elli og hjúkrunarheimilinu Grund
miðvikduaginn 5. nóvember. Útför fer fram frá
Bústaðakirkju þriðjudaginn 11. nóvember kl. 13.00.
Bergþóra Þorsteinsson Björn Oddsson.
RITHÖFUNDURINN MARGARET
MITCHELL FÆDDIST ÞENNAN DAG
ÁRIÐ 1900.
„Lífið er ekki skuldbund-
ið til að gefa okkur það sem
við væntum.“
Margaret Mitchell fæddist í
Suðurríkjum Bandaríkjanna.
Skáldsaga hennar, Á hverf-
anda hveli, er ein vinsælasta
bók allra tíma. Hún hefur selst
í 30 milljónum eintaka.
Ástkær eiginmaður minn, faðir okkar,
tengdafaðir og afi,
Gunnar Kristján
Guðmundsson
Ljósuvík 24, Reykjavík,
verður jarðsunginn mánudaginn 10. nóvember
kl. 15.00 frá Grafarvogskirkju.
Elín H. Jónsdóttir
Friðbjört Gunnarsdóttir Þórir Jónsson
Magni Freyr Þórisson
Daníel Þór Þórisson
Ása Hrönn Þórisdóttir
Hallfríður Gunnarsdóttir Bragi Már Valgeirsson
Sólrún Braga Bragadóttir
Gabríela Brá Bragadóttir
Eiður Örn Bragason