Fréttablaðið - 08.11.2008, Blaðsíða 64
48 8. nóvember 2008 LAUGARDAGUR
Eirún Sigurðardóttir, myndlista-
maður og félagi í Gjörninga-
klúbbnum, gengur með gestum
um sýninguna ID-LAB í Lista-
safni Reykjavíkur í Hafnarhúsinu
á morgun kl. 15 og fjallar um
verk Gjörningaklúbbsins á
sýningunni.
ID-LAB er sýning á verkum
listamanna sem nota kraftmikil
auðkenni tísku og hönnunar til að
skoða tíðaranda samtímans.
Listamennirnir eru allir þekktir
fyrir vinnu sína sem myndlista-
menn en hafa einnig flestir unnið
að verkefnum á sviði hönnunar og
þannig haft áhrif á tísku og
tíðaranda. Verk Gjörningaklúbbs-
ins á ID-LAB ber yfirskriftina
Tíðarandinn og er eftirmynd af
umhverfi ljósmyndastúdíós. Þar
ríkir skrautlega klædd vera sem
er persónugerður tíðarandi. - vþ
Leiðsögn
listamanns
GJÖRNINGAKLÚBBURINN Sýnir verk sín
á ID-LAB í Hafnarhúsinu.
Segðu mömmu að mér líði vel er
mátulega löng hversdagssaga úr
Reykjavík nútímans og sveit for-
tíðar. Einna helst einkennir sög-
una hversu þægileg og skemmti-
leg hún er aflestrar; helgast það
líkast til af því að sögumaðurinn,
arkitekt og einstæður faðir og
sonur, er ákaflega viðkunnanleg-
ur náungi.
Sögunni vindur fram á lág-
stemmdum nótum; sögumaður
og kona leika badminton í hádeg-
ishléi frá vinnu, eins og maður
gerir. Að leik loknum hverfur
konan úr eiginlegri framvindu
sögunnar og reynist ómögulegt
að ná í hana í síma. Það vekur
ugg í hjarta sögumanns, enda
fátt óþægilegra á þessum
sítengdu
tímum en að
ná ekki í fólk.
Hvarf konunn-
ar reynist ráð-
gáta sem knýr
áfram hugleið-
ingar sögu-
manns um sína
eigin fortíð
sem og fortíð
þeirra sem
standa honum
næst. Faðir
sögumanns er einnig fyrirferðar-
mikil persóna í sögunni; þeir
feðgar búa saman og er sam-
bandið þeirra á milli og við aðra í
fjölskyldunni önnur þungamiðja
sögunnar.
Sagan rennur áreynslulaust
áfram, þó að hún missi eilítið
flugið við sögusviðsskiptin úr
borg í sveit og úr nútíma í fortíð.
En á heildina litið er hér um að
ræða vel skrifaða, skemmtilega
og viðkunnanlega bók.
Vigdís Þormóðsdóttir
Viðkunnanleg saga úr borg og sveit
GUÐMUNDUR
ANDRI THORSSON
SEGÐU MÖMMU AÐ MÉR
LÍÐI VEL
Eftir Guðmund Andra Thorsson
JPV
Skemmtileg saga um ástir og
fjölskyldutengsl.
★★★
Í dag opnar ný sýning í Kling &
Bang gallerí á Hverfisgötu 42 þar
sem 16 listamenn frá Berlín slást
í lið með 9 íslenskum listamönn-
um er reka Kling & Bang gallerí.
Samsýninguna kallar þetta lið
„Kling & Bang og Torstrasse 111“
en staðirnir tveir eiga það
sameiginlegt að vera verkefna-
og sýningastaðir listarinnar, báðir
reknir af myndlistarmönnum.
Sýningin er eins konar framhald
sýningar er átti sér stað í Berlín
haustið 2007, en þá sýndu þar
listamenn á vegum Kling & Bang
ásamt listamönnum er starfa í
húsinu á Torstrasse 111. Núna er
komið að Íslandi og Kling & Bang
galleríi að taka á móti listamönn-
um frá Torstrasse 111 í Berlín,
Þýskalandi.
Við opnunina munu slagverk-
sleikarinn Robyn Schulkowsky og
tónlistarmaðurinn Cathy Milliken
halda tónleika. Robyn Schulkow-
sky er stofnandi Rhytm Lab og
hefur verið með trommu-
vinnustofur alls staðar í heimin-
um. Cathy Milliken nam óbó og
píanóleik og er ein af stofnendum
The Ensemble Modern. - pbb
Þýskir gestir
Um þessar mundir stendur yfir á
Kaffi Mokka við Skólavörðustíg
sýning á verkum Kristjáns Jóns
Guðnasonar. Sýningin nefnist „Í
spéspegli“ og ber nafn með rentu,
enda má á henni sjá skondnar
myndir sem gera góðlátlegt grín
að þjóðfélaginu og þegnum þess.
Sýningin er opin á afgreiðslu-
tíma Kaffi Mokka sem er frá kl. 9
til 18.30 alla daga. - vþ
Spéspegill
á Mokka
KAFFI MOKKA Hýsir sýningu Kristjáns
Jóns Guðnasonar.
Wanted,
Bubbi Byggir
og Latibær 9
eru komnar
í verslanir Hagkaups
um land allt