Fréttablaðið - 08.11.2008, Blaðsíða 66

50 8. nóvember 2008 LAUGARDAGUR
utlit@frettabladid.is
DAÐRAÐ VIÐ TÍSKUNA
Anna Margrét Björnsson
> THELMA DESIGN OPNUÐ Í DAG
Hönnuðurinn Thelma
hefur notið mikillar vel-
gengni, sérstaklega fyrir
fallegt hárskraut sem
hefur notið velgengni
erlendis. Nú opnar hún
loksins sína eigin búð í
Reykjavík, í Garðastræti
2 í dag, sem heitir
Thelma Design Atelier
en þar eru fáanleg föt
og hárspangir.
OKKUR
LANGAR Í
…
Frísklegan kinnalit sem skiptist í sólarpúður og
fallegan hraustlegan ferskjulit. Frá Christian Dior.
Dásamlega
fallegan silki-
kjól hannaðan
af Eygló. Fæst
í Kronkron,
Laugavegi.
Þykka hnésokka frá
Gaspard Yurkievich.
Fást í kronkron.
Hönnuðurinn Nicolas Ghésquiere hjá Balenciaga hefur vakið mikla
athygli undanfarin misseri fyrir framúrstefnuleg snið sem minna á
einhvers konar geimbúninga. Hann er þó ekki einn um að sækja
innblástur til vísindaskáldskapar því á tískusýningum í París fyrir
næsta vor og sumar gaf að líta harla óvenjulegar flíkur. Martin
Marguiela kom með abstrakt form og andlitslausar fyrirsætur, Hussein
Chalayan var með stórfenglega geimbúninga og Alexander McQueen
sýndi föt sem minntu helst á undarlegar verur úr Star Trek. - amb
FRAMÚRSTEFNULEG HÖNNUN Í VOR:
Hreinn vísinda-
skáldskapur
NÚTÍMALEGT Hvítur einfald-
ur skokkur hjá Balenciaga
fyrir vor/sumar 2008.
Í EÐLULÍKI
Magnaður
grænn og
rauður
búningur hjá
Alexander
McQueen.
GLITRANDI Málmkjóll og
mjög sérstakur skóbún-
ingur hjá Balenciaga.
TÖFF Svartur
glansandi
leðurkjóll
með ýktum
mjöðmum og
rennilás.
NÝ FORM
Stuttir
kjólar með
frumlegu
bakstykki
frá Hussein
Chalayan.
Eins og hvert einasta mannsbarn veit eða ætti að vita þá snýst tíska
auðvitað ekki einungis um klæðaburð og stíl heldur í raun allt sem
snýr að lífi okkar eins og matur, húsbúnaður, arkitektúr, myndlist og
tónlist. Og þeir sem eru á móti tísku eru samt fastir í einhverri and-
tísku, þar sem tískan er jú óumflýjanlegur hluti af tilverunni. Þegar
kreppir að er sennilega viturlegt að láta fataskápinn frá því í fyrra-
vetur duga og eyða ekki óþarfa krónum í spjarirnar. En það er svo
heilmikið meira sem hægt er að gera til þess að sýna að maður fylgist
með, án þess að það kosti krónu.
Gott dæmi um þetta er að breyta talsmáta okkar og tileinka okkur
svalari orðaforða. Snillingar eins og Gillzenegger og fleiri hnakkar
komu auðvitað með sérstakan orðaforða á sínum tíma sem aðgreindi
hnakka frá óæðri mannverum. Gillz og félagar færðu okkur meðal
annars „bleeeezzzr“ (blessaður) og „Hverfizzz“ (Hverfisbarinn) fyrir
liðlega fimm árum. Arfleifð þeirra lifir enn í hinni mjög svo mikil-
vægu zetu sem er nú komin með nýtt og ferskt tvist. Eitt sinn voru
það aðeins gáfumenni sem
héldu z-unni á lofti í mikil-
vægum Morgunblaðsgrein-
um en nú getur sérhver
Íslendingur verið svaka hipp
og kúl með því að skjóta
nokkrum zetum hingað og
þangað. Ef þú vilt vera
memm á MSN eða Fésbók-
inni (og eru það ekki allir?)
þá er sum sé töff að skjóta
inn z-um meðal essa. Það er
til dæmis hresst að vera
hrezz.
Annað nýlegt fyrirbæri er
kveðjan „Hajjjjjj,“ sem er
eins konar langt „hæ“ og var
í byrjun einungis notað af
spenntum smástelpum eða
konum sem voru að reyna að
vera eins og spenntar
smástelpur. Í dag er
„hhaaajið og baaaajið,“
notað á alls kyns vígstöðvum
á dálítið írónískan og
hressandi hátt og einnig er
mjög mikilvægt að skrifa
kveðjurnar á þann máta sem þær eru ritaðar hér að framan. Nú og
svo auðvitað eru menn farnir að apa allt upp eftir Dagvaktinni og
nota óspart „Já, sæll“ og „Eigum við að ræða þetta eitthvað frekar?“
Að síðustu hefur orðatiltækið „hressandi“ færst gífurlega í aukana og
allt er orðið hressandi. Og það er nú afskaplega gott í kreppunni að
finna einmitt alltaf eitthvað hressandi í öllu. Og jafnvel svo hressandi
að það sé með tveimur z-um.
Að vera zvalur, ódýrt
ABSÚRD Sérstakur
hringlaga jakki úr
svörtu leðri frá Martin
Marguiela.