Fréttablaðið - 08.11.2008, Blaðsíða 74
58 8. nóvember 2008 LAUGARDAGUR
sport@frettabladid.is
HANDBOLTI Haukar ráðast ekki á
garðinn þar sem hann er lægstur
þegar þýska stórliðið Flensburg
mætir í heimsókn að Ásvöllum í
Meistaradeild Evrópu í kvöld, en
leikurinn hefst kl. 19.30. Þjálfar-
inn Aron Kristjánsson er þó hvergi
banginn og heldur fast í það mark-
mið Hafnarfjarðarliðsins að leika
til sigurs í öllum heimaleikjum
þess í keppninni, en það hefur
gengið eftir hingað til.
„Flensburg er náttúrulega með
eitt af bestu félagsliðum heims og
það er upplifun út af fyrir sig að
sjá þetta lið spila handbolta. Leik-
ur þeirra hefur gjarnan verið
kenndur við skandinavískan leik-
stíl enda eru þeir með marga góða
leikmenn frá Norðurlöndunum en
Skandinövum hefur reyndar
aldrei fundist neitt skemmtilegt
að spila á móti „aggressívum“
varnarleik og það er spurning
hvort við getum ekki slegið þá út
af laginu,“ segir Aron.
Velgengni Hauka í meistara-
deildinni hefur vakið
athygli og telur Aron
að sigur þeirra á
ungverska stór-
liðinu Veszprém
hafi væntan-
lega hringt
einhverjum
aðvörunar-
bjöllum hjá
Flensburg-
armönnum.
„Sigur
okkar gegn
Veszprém,
þar sem við
leiddum leik-
inn um tíma
með einhverjum
6-8 mörkum,
hefur pottþétt
fengið forráða-
menn Flensburg
til þess að hugsa
sig tvisvar um. Ég
held að þeir séu
því að ein-
hverju leyti
smeykir að
mæta okkur
vegna þess
að það er
mjög mikil-
vægt fyrir þá
að vinna þenn-
an leik ef þeir
ætla ekki að
lenda í
vandræðum með að komast upp úr
riðlinum í 16-liða úrslitin. Ef við
vinnum leikinn hins vegar, þá
erum við náttúrulega komnir í frá-
bæra og einstaka stöðu fyrir
íslenskt félagslið í meistaradeild-
inni,“ segir Aron sem biðlar til
íslenskra handboltaáhugamanna
að mæta að Ásvöllum og styðja við
bakið á Haukum.
„Við erum náttúrulega fulltrúar
Íslands í þessarri keppni og erum
því ekki bara að spila sem Haukar
heldur sem Ísland og vonumst
eftir stuðningi íslenskra áhorf-
enda, hvort sem þeir eru Hauka-
menn eða ekki. Við viljum skapa
góða stemmningu að Ásvöllum
með fullu húsi til þess að reyna að
setja smá pressu á þetta stórlið
Flensburgar og sjá til hvort við
náum ekki að stríða þeim eitt-
hvað.
Leiktíminn, kl. 19.30 á laugar-
dagskvöldi, kemur til vegna
útsendingar sjónvarpsstöðvarinn-
ar Eurosport. Þessi tími er ekki
oft nýttur hér á landi en er þekkt-
ur erlendis og við ætlum að nýta
tækifærið til þess að búa til
skemmtilega stemningu fyrir og
eftir leikinn þar sem við verðum
m.a. annars með fjáröflunarveislu
fyrir okkar fólk,“ segir Aron að
lokum. omar@frettabladid.is
Upplifun að sjá Flensburg
Haukar mæta þýska stórliðinu Flensburg í meistaradeildinni í handbolta að Ás-
völlum í kvöld. Handboltaunnendur allir eru hvattir til þess að mæta á leikinn.
TILHLÖKKUN Markvörðurinn Birkir Ívar Guðmundsson, þjálfarinn Aron Kristjánsson
og Páll Ólafsson á blaðamannafundi fyrir leikinn. FRÉTTABLAÐIÐ/VILHELM
Iceland Express-deild karla
Breiðablik-Snæfell 74-79 (30-41, 67-67)
Stig Blika: Rúnar Ingi Erlingsson 19 (7 frák., 9
stoðs.), Nemanja Sovic 17 (12 frák.), Daníel
Guðni Guðmundsson 11, Loftur Þór Einarsson 9,
Aðalsteinn Pálsson 9, Kristján Rúnar Sigurðsson
5, Halldór Örn Halldórsson 4.
Stig Snæfells: Sigurður Á Þorvaldsson 19 (14
frák.), Jón Ólafur Jónsson 17, Magni Hafsteinsson
14, Hlynur Bæringsson 11 (14 frák. 5 stoðs, 5
varin), Daníel Ali Kazmi 7, Atli Rafn Hreinsson
6, Gunnlaugur Smárason 3, Kristján Andrésson 2.
ÍR-Tindastóll 90-71 (53-41)
Stig ÍR: Eiríkur Önundarson 22 (6 stoðs.), Ómar
Örn Sævarsson 21 (13 rák., 5 varin), Sveinbjörn
Claessen 20 (5 stoðs.), Hreggviður Magnússon
11 (19 mín.), Ólafur Aron Ingvason 7, Steinar
Arason 5, Þorsteinn Ólafur Húnfjörð 4.
Stig Tindastóls: Darrell Flake 24 (13 frák.), Alan
Fall 10, Soren Flæng 9, Svavar Atli Birgisson 7,
Ísak Einarsson 6, Halldór Halldórsson 5, Hreinn
Gunnar Birgisson 4, Helgi Rafn Viggósson 4,
Friðrik Hreinsson 2.
Skallagrímur-Njarðvík 63-92 (44-46)
Stigahæstir: Sveinn Arnar Davíðsson 17, Sigurður
Þórarinsson 11 - Logi Gunnarsson 29, Magnús
Þór Gunnarsson 18 (9 frák., 6 stoðs.), Hjörtur
Hrafn Einarsson 14, Friðrik Stefánsson 10 (9 frák.,
6 stolnir).
ÚRSLIT
FÓTBOLTI Breskir fjölmiðlar hafa
verið óþreytandi í skrifum sínum
um „mögulega“ sölu Björgólfs
Guðmundssonar á West Ham í
ljósi fjárhagsskaðans sem hann
hefur orðið fyrir undanfarið.
Ásgeir Friðgeirsson, aðstoðar-
stjórnarformaður West Ham og
talsmaður Björgólfs, hefur hins
vegar hingað til alfarið vísað á
bug öllum sögusögnum um sölu
félagsins, eða þangað til í gær.
„Vegna efnahagskreppunnar er
Björgólfur nú að endurskoða allar
sínar eignir og fjárfestingar og
West Ham er þar ekki undanskil-
ið,“ segir Ásgeir í viðtali við
Telegraph Sport í gær. - óþ
Óvissuástand hjá West Ham:
Björgólfur að
skoða sín mál
Kvennalið Fram mætir RK Olimpija frá Slóveníu í Áskor-
endakeppni Evrópu í handbolta í Ljubljana um helgina.
„Þetta verður mjög erfitt. Þær eru langefstar í
slóvensku deildinni en besta slóvenska liðið,
Krim, spilar ekki í henni heldur í sérstakri
Balkanskagadeild. Það má því segja að þetta
sé lang-næstbesta lið Slóveníu,” segir Einar
Jónsson þjálfari Fram.
Fram seldi heimaleikinn og þeir fara báðir fram um
helgina. „Það var allan tímann ljóst að við þurftum að
koma út úr þessu dæmi á núlli og þá var ekkert annað
í stöðunni. Það er bara dýrt að taka þátt í Evrópukeppni og
þetta var eini möguleikinn,” segir Einar sem lítur svo á að
þessi ferð eigi eftir að styrkja liðsandann í Framliðinu.
„Það var stefnan að nota þessa ferð til að koma okkur á sporið
almennilega. Þetta þjappar hópnum saman og svo fáum við
tvo góða leiki. Síðan er stefnan sett á að fara að byrja þetta
Íslandsmót af einhverju viti í kjölfarið,“ segir Einar, en Framliðið er
sem stendur í 5. sæti deildarinnar. „Ég er að mestu leyti alveg sáttur
við leikina okkar hingað til. Við töpuðum fyrir HK í fyrsta leik sem var
eini leikurinn sem ég var verulega ósáttur við. Okkar markmið er að
komast í úrslitakeppnina,“ segir Einar.
Einar hefur verið að missa leikmenn. Stella Sigurðardóttir er búin að
missa af leikjum vegna meiðsla og nú síðast missti Karen Knúts-
dóttir af Slóveníuferðinni vegna veikinda. „Það eru allaf að
detta út einhverjir leikmenn. Stella var ekki með framan af og
nú er Karen að detta út. Það munar um minna en að missa
út tvo A-landsliðsmenn og það eru ekki mörg lið sem
myndu geta það,“ segir Einar sem veit lítið um mótherj-
ann um helgina. „Maður rennir alveg blint í sjóinn. Ég
var að reyna að fá einhverjar upplýsingar um þetta lið
en það gekk ekki neitt. Miðað við hvernig þeir tala
um sitt eigið lið þá eru einhver framtíðarplön um
að þetta verði stórlið á komandi árum,“ segir Einar.
„Við ætlum að fara með þessa leiki inn í reynslu-
bankann og ef að við náum góðum úrslitum eða
förum áfram þá er það bara bónus,“ sagði Einar
að lokum.
EINAR JÓNSSON, ÞJÁLFARI KVENNALIÐS FRAM: MÆTA OLIMPIJA Í TVEIMUR EVRÓPULEIKJUM Í SLÓVENÍU UM HELGINA
Ætla að nota ferðina til að koma sér á sporið
> Sara Björk valdi Breiðablik
Landsliðskonan Sara Björk Gunnarsdóttir gekk í gær í
raðir Breiðabliks frá uppeldisfélagi sínu Haukum. Sara
Björk var á láni hjá Breiðabliki síðasta sumar og lék
þá sjö leiki með félaginu í Landsbankadeildinni og
VISA-bikarnum og skoraði í þeim fimm mörk en
hún skrifaði í gær undir tveggja ára samn-
ing við Kópavogsfélagið. Hin átján
ára Sara Björk hefur átt fast sæti
í byrjunarliði kvennalandsliðs
Íslands undanfarið og var eft-
irsótt af öllum stærstu félögum
kvennadeildarinnar og því ljóst að hún
er mikill fengur fyrir ungt og efnilegt lið
Blika sem endaði í þriðja sæti Íslands-
mótsins síðasta sumar.
KÖRFUBOLTI Snæfell stöðvaði
sigurgöngu nýliða Blika með því
að vinna þá 79-74 í framlengdum
leik í Smáranum í gær. Snæfell-
ingar gleymdu búningunum
sínum heima en fengu varabún-
inga Blika lánaða sem reyndist
þeim vel í spennuleik.
Það voru mikla sveiflur í
leiknum og sem dæmi var
Snæfell 41-30 yfir í hálfleik en
Blikar voru komnir 58-55 yfir í
lokaleikhluta. Blikar náðu mest 7
stiga forskoti í 4. leikhluta en
Snæfellingar komu sér aftur
inn í leikinn og tryggðu sér
framlengingu þökk sé tveimur
stórum körfum frá ungum
strákum, Daníel Ali Kazmi og
Kristján Andréssyni, sem jafnaði
í 67-67 fimm sekúndum fyrir
leikslok. Daníel skoraði síðan
stóran þrist í framlengingunni
þar sem Hólmarar lönduðu
baráttusigri en Blikar sem höfðu
unnið tvo leiki í röð sátu eftir með
sárt ennið enda misstu þeir niður
sjö stiga forskot á síðustu þremur
mínútunum.
ÍR-ingar endurheimtu Hregg-
við Magnússon og tryggðu sér
fyrsta sigur sinn í vetur þegar
þeir unnu Tindastól örugglega 90-
71. Ómar Sævarsson, Eiríkur
Önundarson og Sveinbjörn
Claessen skoruðu allir 20 stig. - óój
Snæfellingar í karlakörfunni:
Unnu Blikana í
Blikabúningi
HLYNUR Í BREIÐABLIK? Hlynur Bærings-
son, annar þjálfara Snæfells, í varabún-
ingi Blika í gær. FRÉTTABLAÐIÐ/VALLI
ÖFLUGUR Línumaðurinn Kári
Kristján Kristjánsson fór á kost-
um í fyrri leik liðanna.
FRÉTTABLAÐIÐ/STEFÁN