Fréttablaðið - 15.11.2008, Blaðsíða 6

6 15. nóvember 2008 LAUGARDAGUR
STJÓRNMÁL Landsfundi Sjálfstæð-
isflokksins verður flýtt og nefnd
skipuð til að fjalla um Evrópu-
málin. Miðstjórn flokksins sam-
þykkti einróma tillögu Geirs H.
Haarde, formanns flokksins,
þessa efnis á fundi sínum í gær.
Til stóð að halda landsfund
flokksins í október á næsta ári, en
samþykkt var í gær að halda
fundinn 29. janúar til 1. febrúar
næstkomandi. Landsfundurinn er
æðsta ákvörðunarvald Sjálfstæð-
isflokksins og er haldinn á tveggja
ára fresti ákveði miðstjórn flokks-
ins ekki annað.
Á landsfundi er einnig kosið um
æðstu embætti flokksins, þar á
meðal embætti formanns, vara-
formanns og ritara. Þá er kosið í
miðstjórn á landsfundum.
Bæði Geir og Þorgerður Katrín
Gunnarsdóttir, varaformaður
flokksins, munu sækjast eftir
endurkjöri.
Geir sagði svo breyttar aðstæð-
ur í þjóðfélaginu að brýnt sé að
flýta landsfundinum og marka
skýra stefnu Sjálfstæðisflokksins
í öllum þjóðfélagsmálum með til-
liti til breyttra aðstæðna.
„Með sama hætti teljum við
rétt að bregðast við breyttum
aðstæðum með því að skoða upp á
nýtt það hagsmunamat sem hefur
legið að baki stefnu Sjálfstæðis-
flokksins í Evrópumálum,“ sagði
Geir.
Kristján Þór Júlíusson, þing-
maður Sjálfstæðisflokksins, mun
leiða nefnd sem fjalla mun um
Evrópumálin. Henni er ætlað að
ljúka störfum fyrir landsfundinn.
Árni Þór Sigfússon, bæjarstjóri í
Reykjanesbæ, verður varafor-
maður nefndarinnar.
„[Nefndin] mun skoða stöðu
Íslands gagnvart Evrópusam-
bandinu, ríkjum Evrópu og val-
kostum Íslands í alþjóðasam-
starfi,“ sagði Geir. Hlutverk
hennar sé því ekki bundið við að
skoða mál tengd mögulegri aðild
að Evrópusambandinu.
„Þetta nefndarstarf felur það
ekki í sér að það sé búið að breyta
um afstöðu í Sjálfstæðisflokkn-
um. Það felur ekki í sér að það sé
komin ný stefna. Það er lands-
fundurinn sem tekur ákvörðun
um slíkt,“ sagði Geir.
„Það sem bíður okkar núna [...]
er að virkja allan flokkinn, við
erum að virkja okkar grasrót,“
sagði Þorgerður Katrín. Hún
segir því ekki að leyna að skiptar
skoðanir hafi verið innan flokks-
ins. Sín skoðun sé óbreytt, en því
sé ekki að leyna að aðstæður séu
gjörbreyttar frá því landsfundur
flokksins ályktaði um að ekki ætti
að gera breytingar á sambandi
Íslands við Evrópusambandið.
Geir hefur hingað til verið and-
snúinn aðild að Evrópusamband-
inu og hann staðfesti í gær að
hann hefði ekki skipt um skoðun.
„Ég tel samt rétt, þrátt fyrir
mína afstöðu, að þetta mat fari
fram. Ef út úr því koma niður-
stöður sem hafa veigamikla þýð-
ingu að mínum dómi geng ég til
þess án fordóma,“ sagði Geir.
brjann@frettabladid.is
Evrópumál rædd á
landsfundi í janúar
Miðstjórn Sjálfstæðisflokksins ákvað í gær að halda landsfund í lok janúar.
Nefnd mun fjalla um Evrópumálin og skila niðurstöðu fyrir landsfundinn.
Þurfum að virkja grasrót flokksins segir Þorgerður Katrín Gunnarsdóttir.
SÖMU SKOÐUNAR Hvorki Geir H. Haarde né Þorgerður Katrín Gunnarsdóttir
sögðust hafa skipt um skoðun í Evrópumálum frá því landsfundur flokksins árið
2007 ályktaði um að ekki væri þörf á að breyta sambandi Íslands við Evrópusam-
bandið. FRÉTTABLAÐIÐ/PJETUR
„Þetta verður spennandi og skemmtilegt verkefni,“ segir
Kristján Þór Júlíusson, þingmaður Sjálfstæðisflokksins
og formaður nýstofnaðrar Evrópunefndar flokksins.
Hann segir að vinna nefndarinnar verði ekki bundin
við að skoða mögulega aðild að Evrópusambandinu
(ESB) heldur verði aðrir valkostir sem landið hafi í
alþjóðasamstarfi einnig kannaðir.
Kristján segist vera Evrópusinni í hjarta sínu, í víðasta
skilningi þess orðs, en vill að öðru leyti ekki gefa upp
persónulegar skoðanir sínar á ESB.
SKOÐA FLEIRA EN AÐILD AÐ ESB
KRISTJÁN ÞÓR
JÚLÍUSSON
Í stjórnmálaályktun landsfundar
Sjálfstæðisflokksins frá 2007 segir
eftirfarandi um Evrópumál:
„Ríki Evrópusambandsins eru
mikilvægasta markaðssvæði Íslands.
Samningurinn um Evrópska efna-
hagssvæðið hefur reynst þjóðinni
vel og hann er ein af grunnstoðum
öflugs efnahagslífs þjóðarinnar.
Hann tryggir vel mikilvægustu hags-
muni Íslendinga á þessu sviði og því
ekki ástæða til að gera breytingar
á núverandi sambandi Íslands við
Evrópusambandið.“
Þar segir enn fremur: „Ísland er
Evrópuríki og saga þjóðarinnar og
menning er evrópsk. Í því ljósi og
vegna hinna miklu viðskiptahags-
muna er nauðsynlegt að sífellt sé í
skoðun hvernig hagsmunum Íslands
verði best borgið í samstarfi við
aðrar Evrópuþjóðir.“
EKKI ÁSTÆÐA TIL AÐ BREYTA Í FYRRA
Afar ólíklegt er að slagur
verði um formannsem-
bættið í Sjálfstæðisflokkn-
um á landsfundi flokksins í
lok janúar, þótt kosið verði
að nýju í helstu embætti,
segir Einar Mar Þórðarson,
stjórnmálafræðingur hjá
Háskóla Íslands.
„Það er ekkert fararsnið
á Geir [H. Haarde, formanni
flokksins] og staða hans er
fremur sterk enn þá,“ segir Einar.
Hann segir stöðu Þorgerðar Katr-
ínar Gunnarsdóttur, varaformanns
flokksins, ekki nægilega sterka til
að takast á við Geir um formanns-
stólinn.
Einar segir augljóst að helsta
málið sem fjallað verði um
á landsfundinum sé afstaða
flokksins til aðildar að Evr-
ópusambandinu (ESB). Það
að fundurinn verði í lok jan-
úar, en ekki október eins og
að var stefnt, bendi til þess
að mikil pressa sé innan
flokksins að taka stefnuna á
aðild að ESB.
„Maður gæti lesið þannig
í stöðuna að þetta sé fyrsta
skref Sjálfstæðisflokksins að aðild
að ESB,“ segir Einar.
Hann segir tíðindi í því að
Þorgerður Katrín sé farin að hallast
í átt að ESB. Fyrst svo sé hljóti að
vera bakland fyrir þá skoðun innan
flokksins.
Á EKKI VON Á FORMANNSSLAG
EINAR MAR
ÞÓRÐARSON
OLÍS ÁLFHEIMUM, OLÍS GULLINBRÚ, HOLTAGÖRÐUM,
OLÍS MJÓDD, OLÍS NORÐLINGAHOLTI, NÝBÝLAVEGI,
SUÐURLANDSBRAUT, OLÍS AKRANESI, OLÍS AKUREYRI,
OLÍS BORGARNESI, OLÍS KEFLAVÍK, OLÍS REYÐARFIRÐI
12 STAÐIR
Fjögurra vikna námskeið Kvíðameðferðar-
stöðvarinnar til að takast á við vanlíðan,
álag og spennu. Kenndar leiðir hugrænnar
atferlismeðferðar til að skoða og breyta
hugsunum og viðbrögðum sem viðhalda
kvíða og depurð. Öugar slökunar- og
hugleiðsluaðferðir jafnframt kenndar.
Vellíðan án lyfja
með verkfærum sálfræðinnar
Kennsludagar:
Mánudagar og mmtudagar frá 20:00 til 21:30 auk eftirfylgdartíma, alls 14 klst.
Kennarar: Oddi Erlingsson og Sóley D. Davíðsdóttir,
sérfræðingar í klínískri sálfræði.
Kynningarverð: 42 000.
Niðurgreiðsla möguleg hjá sjúkrasjóðum stéttarfélaga.
Næsta námskeið hefst mánudaginn 17. nóvember n.k.
Skráning og fyrirspurnir í símum 5340110 og 5624444, oddier@simnet.is og kms@kms.is
N á n a r i u p p l ý s i n g a r : w w w . k m s . i s .
A
u
g
lý
si
n
g
a
sí
m
i
– Mest lesið
ÍSRAEL, AP Ísraelsher gerði árás á
Palestínumenn á norðanverðu
Gaza-svæðinu í gær. Árásinni var
beint gegn herskáum Palestínu-
mönnum, sem hafa skotið flug-
skeytum yfir landamærin til Ísra-
els. Palestínskur læknir segir að
tveir Palestínumenn hafi slasast.
Stuttu síðar skutu Palestínu-
menn flugskeytum frá Gaza-svæði
á borgina Ashkelon í Ísrael í gær.
Árásin skaut íbúum þar skelk í
bringu, en ekkert mannfall varð.
Einnig skutu Palestínumenn flug-
skeytum á bæinn Sderot og þar
slasaðist einn íbúi.
Átök á landamærum Ísraels og
Gaza-svæðisins hafa aukist mjög
síðustu daga. Ísraelsher hefur
varað íbúa á norðanverðu Gaza-
svæðinu við og hvetur fólk til að
vera heima hjá sér.
Vopnahléið, sem komst á í júní
síðastliðnum, byrjaði að rofna í
síðustu viku þegar ísraelskir her-
menn fóru inn á Gaza-svæðið til að
eyðileggja jarðgöng, sem ísraelski
herinn segir að herskáir Palest-
ínumenn hafi grafið í þeim til-
gangi að nota þau til árása á Ísra-
el.
Á annan tug Palestínumanna
hafi látist í átökunum síðan þá.
Í gær sá Evrópusambandið
ástæðu til að hvetja Ísraelsstjórn
til að opna landamærin til Gaza, til
þess að að eldsneyti og aðrar lífs-
nauðsynjar geti borist til íbúa á
svæðinu.
- gb
Átök Ísraela og Palestínumanna á Gaza-strönd harðna:
Vopnahléið virðist úr sögunni
VIÐ LANDAMÆRI GAZA Ísraelskir her-
menn á skriðdreka við landamærin.
FRÉTTABLAÐIÐ/AP
Ertu komin(n) í jólaskap?
Já 26,8%
Nei 73,2%
SPURNING DAGSINS Í DAG:
Hefur þú tekið þátt í fjöldamót-
mælum?
Segðu skoðun þína á vísir.is
VIÐSKIPTI „Við erum auðvitað
óánægðir með þetta en það þýðir
samt ekki að við séum vissir um
að vinna dómsmál,“ segir Árni
Harðarson, formaður fjárfest-
ingafélagsins Salt Investments.
Róbert Wessman, eigandi
félagsins, keypti hlutabréf fyrir
tæpa sex milljarða króna í Glitni
nokkrum dögum áður en ríkið
yfirtók bankann. Fjárfestingun-
um tapaði hann því að fullu. Þann
18. október var greint frá því að
það væri til athugunar hjá
lögfræðingi félagsins hvort hægt
væri að rifta kaupunum.
Árni segir lítið hafa gerst en
málið sé enn til skoðunar. - kdk
Sex milljarða kaup í Glitni:
Riftun er enn
í athugun
KJÖRKASSINN