Fréttablaðið - 15.11.2008, Blaðsíða 42

● Forsíðumynd: Valgarður Gíslason tók mynd á heimili
Alice Olivia Clarke og Kára Eiríkssonar Útgáfufélag: 365
miðlar ehf., Skaftahlíð 24, 105 Reykjavík, s. 512 5000 Rit-
stjórar: Roald Eyvindsson roald@frettabladid.is og Emilía
Örlygsdóttir emilia@frettabladid.is Auglýsingar: Hlynur
Þór Steingrímsson s. 512 5439 Útlitshönnuður: Kristín
Agnarsdóttir kristina@frettabladid.is.
heimili&hönnun
LAUGARDAGUR 15. NÓVEMBER 2008
● HÖNNUN
Möguleikar Múlalunds
● HEIMILIÐ
Rómantískt sveitasetur
● INNLIT
Uppgert hús í Hafnarfi rði
Gengið frá greiðslumati
Sótt um íbúðalán
Sótt um lengingu og
styttingu á lánstíma
Á ils.is getur þú:
HEIMILISHALD
ROALD EYVINDSSON
● heimili&hönnun
É
g krækti mér í hræðilega pest um daginn og þegar ástandið var
sem verst sá ég ekki annað í stöðunni en að leita á náðir foreldra
minna þar sem betri helmingurinn var í burtu. Hugsaði að ef
pestin drægi mig nú til dauða sæi að minnsta kosti einhver um að
koma jarðneskum leifum mínum í skikkanlegt horf áður en líkbíllinn liti
við.
Heimsókn til foreldra minna minnir svolítið á hryllingsmyndina
Birds, þótt réttnefnið væri sjálfsagt Cats. Foreldrar mínir búa í snyrti-
legu einbýlishúsi vestur í bæ, umsetnu af köttum dag sem nótt, sem
vita að þar er yfirleitt nóg að éta þar sem heimilismennirnir moka í þá
fóðri. Maður tiplar varfærnislega milli glorsoltinna loðskinnanna, log-
andi hræddur um að eitt feilspor geti kostað mann auga, eyra eða jafn-
vel eista.
Daginn sem ég leitaði á náðir foreldra minna hafði einn þessara ynd-
islegu heimilisvina, skógarköttur á stærð við ljón, hreiðrað um sig í hús-
inu, og deildi með mér gamla herberginu mínu meðan á dvölinni stóð.
Herberginu mínu hefur sumpart verið haldið óbreyttu síðan ég flutti
að heiman fyrir áratug, sem er ótrúlegt í ljósi þess hversu nýjungagjörn
mamma er. Rúmið er á sínum stað, líka fataskápurinn sem er fullur af
gömlum fötum og glósubókum, og uppi á vegg blasir við stúdentsmynd-
in tekin á ljósmyndastofu Lárusar Long. Að vissu leyti er þetta þægilegt
þar sem hægt er að ganga að flestu vísu. Á móti má kannski segja að það
sé svolítið óhugnanlegt að hugsa til þess að herbergið sé svipað og þegar
maður flutti að heiman, svona eins og því hafi verið við haldið til minn-
ingar um látinn mann.
Ég hafði síðan ekki gist nema eina nótt þegar mér varð ljóst að með
því að flytja tímabundið í foreldrahús hafði ég afsalað mér öllum rétt-
indum sem ég hafði áunnið mér á fullorðinsárunum. Í kjölfars hvers
símtals þurfti ég að gefa nákvæma skýrslu um hver hafði hringt og
kæmi í ljós að ég hafði uppi ráðagerðir um að hitta viðkomandi aðila
varð ég að lýsa í smáatriðum hvar og hvernig sá fundur kæmi til með að
fara fram.
Í fyrstu fór þetta ógurlega í taugarnar á mér og ég hugsaði að yrði
pestin mér ekki að aldurtila þá myndu þriðju gráðu yfirheyrslurnar
ljúka verkinu. Smám saman fór mér hins vegar, á einhvern undarlegan
hátt, að líka spurningaflóðið sem ómerkilegustu athafnir virtust fram-
kalla og mundi varla eftir að hafa fengið aðra eins athygli í háa herrans
tíð. Ég fór að sjá mig með augum foreldra minna sem álitu mig greini-
lega ævintýragjarnan náunga, mann sem lifði úti á ystu nöf. Verst var að
þegar ég fór aftur í vinnuna virtist enginn koma auga á þennan spenn-
andi gæja. Eina ráðið til að upplifa sig sem hálfgert rokkgoð virðist því
vera að kíkja reglulega með sængina í heimsókn til mömmu og pabba.
Hótel mamma
Yuka er heiti nýrrar skartgripalínu sem
kynnt verður í Aurum í dag.
MYND/AURUM
● NÝ ÍSLENSK SKARTGRIPAHÖNNUN Nýjasta skartgripalína Guðbjargar Kristínar
Ingvarsdóttur, sem hannar undir nafninu Aurum, kallast Yuka. Skartið endurspeglar fíngerð-
ar línur og smáatriði sem sótt eru í japanska menningu.
Í dag opnar Aurum stærri og glæsilegri verlsun að Bankastræti 4 þar sem nýja línan verð-
ur kynnt. Þarna gefst gott tækifæri til að berja íslenska hönnun augum, en Guðbjörg Kristín
lærði gullsmíði og skartgripahönnun í Kaupmannahöfn. Í hönnun sinni hefur hún unnið
með náttúruleg munstur og form og þykir hafa fágaðan og persónulegan stíl.
Hönnun
Listförðunarfræðingurinn Þóra
Ólafsdóttir býr á rómantísku
sveitasetri við Elliðaárvatn. Hún
er með hesthús á lóðinni og sveita-
stemningin svífur yfir vötnum.
Í sumar réðst hún í breytingar á
baðherberginu sem er nú einn
helsti samkomustaður fjölskyld-
unnar.
„Okkur finnst útkoman svo
notaleg að við erum hérna stund-
um öll í einu. Einn fer í sturtu
og aðrir í bað,“ segir Þóra glöð í
bragði en jafnvel gestir hafa feng-
ið að demba sér í sturtu eða bað.
„Við tókum niður vegg og fengum
þannig meira rými en hér var áður
heitur pottur. Ég lét svo múra fyrir
mig sturtuklefa með ítölskum
náttúruflísum og þakti botninn
með náttúrusteinum. Við keypt-
um svo gamaldags standandi bað-
ker í Baðheimum sem mér finnst
eiga sérstaklega vel heima hérna
úti í sveit.“
Innréttingarnar fékk Þóra í
versluninni Heimili og hugmynd-
ir. „Þetta er belgísk innrétting
sem hefur yfir sér gamaldags yf-
irbragð en það höfðar sérstaklega
vel til mín.“
Þóra starfar sem smínka á RÚV
ásamt því að sjá um sérauglýsing-
ar fyrir Morgunblaðið. Hún er auk
þess með förðunarnámskeið í Air-
brush and Make up School að Köll-
unarklettsvegi. Hún hefur því nóg
á prjónunum en lætur líða úr sér
með baðbombu og kerti í sveita-
baðherbergi. - ve
Heimagert fjölskylduspa
● Þóra Ólafsdóttir var lengi búin að ganga með draumabaðherbergið í maganum og réðst í
framkvæmdir í sumar. Nú er sveitabaðið einn helsti samkomustaður fjölskyldunnar.
Gamaldags standandi baðker setur punktinn yfir i-ið. FRÉTTABLAÐIÐ/VILHELM
Þóra valdi gráar Mustang-flísar frá Harð-
viðarvali á gólfið sem koma vel út á móti
hvítmáluðum panelveggjum.
15. NÓVEMBER 2008 LAUGARDAGUR2