Fréttablaðið - 15.11.2008, Blaðsíða 63
48 15. nóvember 2008 LAUGARDAGUR
menning@frettabladid.is
Kl. 17
Listakonan Kira Kira, sem heitir
réttu nafni Kristín Björk Kristjáns-
dóttir, opnar sýninguna „Spilar út“ í
sýningarrýminu Suðsuðvestur í
Reykjanesbæ kl. 17 í dag. Á sýning-
unni má sjá 16 mm filmu og heyra
hljóðverk, en Kira Kira fæst jöfnum
höndum við myndlist og tónlist.
Suðsuðvestur er opið laugardaga og
sunnudaga á milli kl. 13 og 17.
Minningardagur um séra Bolla
Gústavsson, sem lést fyrr á þessu
ári, verður haldinn á Hólum í
Hjaltadal á morgun. Séra Bolli
fæddist árið 1935 og var lengi
prestur í Laufási áður en hann
varð vígslubiskup á Hólum. Hann
var þekktur fyrir skrif sín og sköru-
legan málflutning sem margir
muna líklega eftir úr útvarpsþátt-
um sem voru í hans umsjá. Eftir
Bolla liggja bæði ljóð og laust
mál en hann vann meðal annars
Bókmenntaverðlaun Almenna
bókafélagsins fyrir æskuminningar
sínar, „Vorgöngu í vindhæringi“,
sem er verk á mörkum ljóðs
og prósa. Er því vel við hæfi að
séra Bolla skuli minnst á degi
íslenskrar tungu auk þess sem
hann hefði sjálfur átt afmæli á
mánudag, þann 17. nóvember.
Guðþjónusta hefst í Hóladóm-
kirkju kl. 14 á morgun. Þar mun
Jón Aðalsteinn vígslubiskup þjóna
fyrir altari og séra Bolli Pétur
Bollason predika. Að loknu kirkju-
kaffi í boði Hólanefndar hefst sjálf
minningardagskráin í kirkjunni,
þar sem Hjörtur Pálsson cand.
theol flytur erindi um séra Bolla.
Söngkonan Gerður Bolladóttir
minnist föður síns með flutn-
ingi nýs tónverks eftir Önnu S.
Þorvaldsdóttur við ljóðaflokkinn
Almanaksljóð eftir séra Bolla.
Tónlistarkonurnar Sophie Marie
Schoonjans og Pamela De Sensi
flytja verkið með Gerði, en einnig
munu þær flytja ljóð Jónasar Hall-
grímssonar, „Ég bið að heilsa.“
- vþ
Séra Bolla minnst
SÉRA BOLLI GÚSTAVSSON
Hans verður minnst með
dagskrá á Hólum í Hjaltadal á
morgun.
> Ekki missa af...
Yfirlitssýningu á verkum
myndbandalistakonunnar
Steinu Vasulku í Gerðubergi,
en henni lýkur nú um helgina.
Á sýningunni má sjá verk frá
ýmsum tímabilum á listferli
Steinu og er meðal annars
sýnd innsetningin Geomania
frá árinu 1987. Sýningin er
opin á milli kl. 13 og 16 í dag
og á morgun og er aðgangur
ókeypis og öllum opinn.
Boðið verður upp á fjöl-
breytta og áhugaverða
dagskrá í opnu húsi í
Þjóðmenningarhúsinu við
Hverfisgötu á morgun í
tilefni af Degi íslenskrar
tungu. Þar verður leiðsögn,
fyrirlestrar og spennandi
kynningar.
Það kennir ýmissa grasa í Þjóð-
menningarhúsinu á morgun og lík-
legt að flestir finni þar eitthvað við
sitt hæfi. Húsið sjálft verður opið
frá kl. 11, en kl. 13 og 15 verður
boðið upp á sérstaka fjölskylduleið-
sögn um handritasýningu Árna-
stofnunar. Auk hennar standa einn-
ig yfir í Þjóðmenningarhúsinu
sýningarnar „Surtsey – jörð úr ægi“
og „Síðbúin sýn“. sýning á ljós-
myndum sem Halldór Laxness tók
sjálfur sem áhugaljósmyndari.
Eiginleg hátíðardagskrá í tilefni
dagsins hefst svo kl. 14 með fyrir-
lestri Tryggva Gíslasonar, magist-
ers, sem hann kallar „Myndin af
Jónasi Hallgrímssyni“. Í fyrirlestr-
inum fjallar Tryggvi um þá mynd
sem þjóðin hefur gert sér af skáld-
inu og náttúrufræðingnum Jónasi
Hallgrímssyni, en Dagur íslenskr-
ar tungu er einmitt tileinkaður
honum. Einnig verður fjallað um
teikningar, málverk og ýmis önnur
myndverk sem gerð hafa verið af
Jónasi. Færð verða rök fyrir því að
tekin hafi verið ljósmynd af Jónasi
Hallgrímssyni og að teikning eftir
þeirri ljósmynd hafi varðveist. Fyr-
irlesturinn er haldinn af Menning-
arfélaginu Hrauni í Öxnadal og er
einn árlegra Jónasarfyrirlestra
félagsins.
Lárusar Pálssonar, leikara og leik-
stjóra, verður svo minnst kl. 16 við
bókarkynningu í tilefni af útkomu
ævisögu hans sem Þorvaldur Krist-
insson hefur ritað. Lárus Pálsson
skaraði fram úr í flutningi móður-
málsins á sviði og við hljóðnemann;
meðal annars er rómaður upplestur
hans á ljóðum Jónasar Hallgríms-
sonar. Dagskráin hefst með kynn-
ingu Þorvaldar á bók sinni og mun
Sigurður Skúlason, leikari, lesa
kafla úr bókinni. María Jóhanna,
dóttir Lárusar Pálssonar, kynnir
safn geisladiska með hljóðritunum
af upplestri Lárusar og leiknum
atriðum. Viðar Eggertsson, verk-
efnisstjóri leiklistar hjá Ríkisút-
varpinu, fjallar um störf Lárusar
Pálssonar í útvarpi og hlutverk
Útvarpsleikhússins. Í lok dagskrár-
innar mun Gunnar Eyjólfsson, leik-
ari, minnast Lárusar. Gunnar var
lengi samstarfsmaður hans og gekk
auk þess í leiklistarskóla Lárusar
Pálssonar á sínum tíma. Ókeypis
aðgangur verður fyrir alla fjöl-
skylduna að sýningum og á dag-
skrána og að sjálfsögðu verður
hægt að kaupa veitingar og gera
sér glaðan dag.
Fjölmargar aðrar menningarstofn-
anir standa fyrir viðburðum á
morgun í tilefni af Degi íslenskrar
tungu. Tæmandi dagskrá má finna
á vefsíðunni www.jonashallgrims-
son.is vigdis@frettabladid.is
FJÖLBREYTT DAGSKRÁ Á
DEGI ÍSLENSKRAR TUNGU
LÁRUS PÁLSSON Hans verður minnst
með dagskrá í Þjóðmenningarhúsinu við
Hverfisgötu á morgun.
Sinfóníuhljómsveit unga
fólksins heldur tónleika í
Langholtskirkju á morg-
un kl. 17 ásamt píanóleik-
aranum Kristjáni Karli
Bragasyni. Hljómsveitin
leikur tvö vinsæl og stór-
brotin verk frá rómant-
íska tímabilinu: Píanó-
konsert nr. 1 í d-moll eftir
Jóhannes Brahms og sin-
fóníu nr. 9 í e-moll, Frá
nýja heiminum, eftir Ant-
onin Dvorák.
Jóhannes Brahms samdi fyrsta
konsert sinn fyrir píanó árið 1885
þegar hann var 32 ára. Upphaflega
var verkinu ætlað að vera sónata
fyrir tvö píanó en breyttist í píanó-
konsert. Verkið er einn vinsælasti
píanókonsert allra tíma. Antonin
Dvorák samdi 9. sinfóníu sína í
Bandaríkjunum undir lok 19.
aldar. Auðheyrð áhrif þar-
lendrar alþýðutónlistar í
verkinu heilluðu áheyrendur
þegar sinfónían var frum-
flutt í New York á sínum
tíma og varð öðrum tónskáld-
um hvatning til þess að tak-
ast á við þann tónlistararf.
Kristján Karl Bragason
stundar nám í píanóleik í
Frakklandi um þessar mund-
ir, en hefur komið fram á
fjölda tónleika hér á landi
sem erlendis. Nýlega hlaut hann
styrk úr Minningarsjóði Birgis Ein-
arssonar apótekara til frekara
framhaldsnáms. Sinfóníuhljóm-
sveit unga fólksins er skipuð 50
tónlistarnemum sem búa á höfuð-
borgarsvæðinu. Stjórnandi hennar
er Gunnsteinn Ólafsson - vþ
Unga fólkið leikur
rómantísk verk
KRISTJÁN KARL
BRAGASON
PÍANÓLEIKARI
Kristján Jóhannsson, tenór
Hulda Björk Garðarsdóttir, sópran
Eyjólfur Eyjólfsson, tenór
styrktartónleikar
í þágu ADHD samtakanna
Sunnudagur
16. nóv. kl.16
í Kristskirkju
við Landakot
Forsala aðgöngumiða eru í Pennanum Eymundsson í
Austurstræti og Kringlunni, skrifstofu ADHD samtak-
anna Háaleitisbraut 13 og skrifst. kaþólsku kirkjunnar
Hávallagötu 14-16. Miðasala einnig við innganginn. ADHD samtökin C
Á efnisskrá eru m.a. verk eftir Atla Heimi Sveinsson,
J.S. Bach, Dvorak, Händel, C. Franck, W.A. Mozart,
Otto Ohlsson og Sigvalda Kaldalóns.
Miðaverð 5.000 kr.
Caritas
tónleikar
2008
2 fyrir 1