Fréttablaðið - 15.11.2008, Blaðsíða 67

52 15. nóvember 2008 LAUGARDAGUR
utlit@frettabladid.is
DAÐRAÐ VIÐ TÍSKUNA
Anna Margrét Björnsson
Skjótt skipast veður í lofti og það verður
áhugavert að sjá hvernig áhrif þessi blessaða
kreppa mun hafa á tísku og tíðaranda. Hún hefur
að minnsta kosti minnstu áhrifin á listamenn og
tónlistarmenn því það fólk fylgir gjarnan eigin
tískunefi og spáir lítið í hlutina sem maður „verður“
að eiga. Flottir jeppar og Pradaskór voru bara
samasemmerki fyrir eitthvað gífurlega hallærislegt
hvort eð var þegar allt sem maður þarf eru svartar
gallabuxur og leðurjakki. Slíkt tískuandstreymi var til
dæmis mjög áberandi í byrjun sjöunda áratugarins
þegar breskir unglingar fóru að hafna gamaldags
hefðum og væminni dægurlagatónlist. Þeir vildu enga
vægð heldur bara að vera svalir, snyrtilegir, skarpir,
hipp og kúl. Föt áttu að vera sexí og straumlínulöguð.
Níðþröng og töff. Þeir horfðu á listrænar kvikmyndir,
keyrðu um á vespum, tóku amfetamínpillur og lifðu
fyrir tónlistina. Þessi hópur kallaði sig „Mods“ sem að
sjálfsögðu kemur af orðinu módernisti. Síðar komu svo
auðvitað hipparnir og pönkararnir sem tóku við
kyndli tískuandstreymisins en persónulega hrífst ég
mest af skarpa „sixtís“-stílnum sem ein- kenndi
„moddara“. Karlmenn gengu í þröngum jakkafötum og rúllu-
kragabolum, támjóum leðurskóm sem kölluðust „winklepickers“ og
voru með hárgreiðslu sem minnti á leikara í frönskum nýbylgjumynd-
um. Sumir tóku upp á því að nota augnskugga og jafnvel varalit.
Kvenfólk gekk í mjög svipuðum og strákalegum fötum, voru oft með
stutt hár, gengu í karlmannsbuxum, flatbotna skóm og jú, auðvitað,
mínípilsum sem gerðust styttri og styttri eftir því sem leið á áratuginn.
Þær voru með fölan andlitsfarða, dökkan augnskugga
og fölsk augnahár. Mod-tískan hefur fylgt tónlistinni
allar götur síðan og hefur svo auðvitað átt sínar
„comeback“ stundir á tískupöllunum. Ákveðin
fatamerki hafa meira að segja tileinkað sér Mod-
tískuna alfarið en þar má nefna franska fyrirtækið
April 77 sem gerir út á þrönga leðurjakka og buxur í
hinni heilögu litaþrenningu rokksins, svörtu,
rauðu og hvítu. Nú þegar fólk er búið að leggja
visakortunum og hætt að punga út stórum
fjárhæðum í merkjafatnað og fínerí er líka
kannski hægt að doka við og uppgötva það að
einfaldleikinn getur oft verið bestur. Upp-
götvað jafnvel að það eina sem maður þarf í
fataskápinn eru svartar buxur og támjóir
skór með vænum slatta af attidjúdi.
Tónlist og támjóir skór
Næsta sumar verður gætt
ævintýralegum blæ, að minnsta
kosti hjá hönnuðum eins og
Colette Dinigan, Dries Van Noten
og Ricardo Tisci hjá Givenchy á
sýningum fyrir vor og sumar
2009. Pallíettur og glitur voru þar
saumuð í kjóla og blússur sem
ættu að ganga hvort sem það er
að degi til eða kvöldlagi. Tilvalin
leið til að lífga upp á svartasta
skammdegið sem ört nálgast. - amb
PALLÍETTUR OG
PERLUR Í PARÍS:
Glitur
og glans
Vampírumálningu
frá Make Up Store.
Glimmerduft úr
nýju Whisper-
línunni í seið-
andi litum.
GYLLT
Fallegur kjóll
sem minnir á
þriðja áratuginn
frá Dries Van
Noten
SPARILEGUR
Stuttur grásilfraður
kjóll frá Colette
Dinningham
SEXÝ
Fallegur stuttur og
glitrandi hlýralaus kjóll
frá ástralska hönnuðinum
Colette Dinningham.
GIMSTEINAR
Hvít skyrta með
stórum semeliu-
steinum eftir
hönnuðinn
Riccardo
Tisci fyrir
Givenchy
> NÝ SKARTGRIPAVERSLUN
Skartgripahönnuðurinn Inga R. Bachmann
hefur lengi unnið hjá búðinni Aurum en hefur
nú hafið eigin rekstur á einstakri hönnun sinni.
Verslunin er staðsett á Klapparstíg og það er
upplagt að kíkja á sérstaka og fallega jólagjöf
þar.
Upplýsingar um hönnunina má finna á
http://www.myspace.com/ingabachmann.
Creme Scintillante-
húðkrem frá franska
merkinu l‘Occitane
sem gefur húðinni
dásamlegan
ljóma.
Köflótta slá sem er
bæði hlý og svöl í
vetrarkuldann. Frá
KVK, Laugavegi.
OKKUR
LANGAR Í
…