Fréttablaðið - 15.11.2008, Blaðsíða 77
62 15. nóvember 2008 LAUGARDAGUR
sport@frettabladid.is
Valsmaðurinn Arnar Sveinn Geirsson hefur vakið athygli fyrir
fjölhæfni sína en hann náði því á dögunum að spila fyrsta
meistaraflokksleikinn í fótbolta á sunnudegi (27. september) og
fyrsta meistaraflokksleikinn í handbolta á fimmtudegi (2. októ-
ber). „Þetta var mjög gaman, mikil upplifun og mikil reynsla,“
segir Arnar Sveinn sem er 17 ára gamall síðan í ágústlok.
Í handboltanum spilar hann horn, miðju og skyttu en er
aðallega í horninu í meistaraflokknum. Í fótboltanum er
hann frammi eða úti á kanti.
„Ég var búinn að vera í fótbolta í allt sumar og hafði
hætt í handboltanum árið áður. Ég var búinn að vera
viðloðandi meistaraflokkinn allt tímabilið og undir lok
sumarsins komst ég í hópinn,“ segir Arnar en þá kom
kallið frá hanboltanum. „Óskar Bjarni Óskarsson, þjálfari
handboltaliðsins, bað mig um að koma og vera með
þeim af því að hann þurfti á smáhjálp að halda. Ég er
örvhentur og hann vissi hvað ég gat,“ segir Arnar Sveinn
sem viðurkennir að það sé pressa úr báðum áttum.
„Allir handboltaaðilarnir vilja að ég velji handboltann og
fótboltaaðilarnir vilja að ég velji fótboltann. Það er alltaf einhver
togstreita þarna á milli en það truflar mig ekki,“ segir Arnar sem
segir handboltann vera að koma sterkar inn. „Það gefur þeim
forskot að ég sfæ spila með meistaraflokknum. Ég er því enn þá
í báðum greinum eins og er. Ég ætla að sjá til hvernig fótboltinn
verður núna, hvort ég fái einhver tækifæri þar og hvort ég njóti
mín eins vel og ég geri í handboltanum,“ segir Arnar sem er örv-
hentur en réttfættur. Arnar segir Ólaf Stefánsson vera fyrirmynd-
ina sína. „Ég kynntist honum aðeins persónulega þegar hann var
í landsliðinu með pabba. Það er ekki bara að hann sé frábær
íþróttamaður, hann er líka frábær persóna og leiðtogi inni á
vellinum,“ segir Arnar.
Arnar er sonur hin kunna handboltakappa Geirs Sveins-
sonar og Arnar viðurkennir að kannski væri auðveldara að
fara í fótboltann til að losna við samanburðinn. „Ég er allt
öðruvísi leikmaður en pabbi var. Hann er gamall varnarjaxl
og línubuff og ég kann ekkert í vörn og spila bara sókn.
Maður verður að læra og ég veit að hann getur kennt mér
margt,“ segir Arnar að lokum.
ARNAR SVEINN GEIRSSON: SPILAÐI FYRSTA MEISTARAFLOKKSLEIKINN Í HANDBOLTA OG FÓTBOLTA Í SÖMU VIKUNNI
Ég er allt öðruvísi leikmaður en pabbi var
> Önnur sigurgangan endar í dag
Topplið N1-deildar kvenna, Stjarnan og Haukar, mætast
í Mýrinni í Garðabæ klukkan 13.00 í dag og þar er ljóst
að sigurganga annars hvors liðsins endar. Stjörnukonur
hafa unnið alla sjö leiki sína í deildinni og Haukakonur
hafa unnið sex leiki í röð eftir að liðið tapaði 26-29 fyrir
Stjörnunni á Ásvöllum í 1. umferð. Stjörnuliðið leggur
örugglega mikið kapp á að stöðva Haukakonuna Hönnu
Guðrúnu Stefánsdóttur sem er búin að skora 39 mörk
í síðustu tveimur
leikjum, þar af 27
mörk í bikarsigri á
ÍR í vikunni.
HANDBOLTI Árni Þór Sigtryggsson
var lengi vel talinn á meðal efni-
legustu handboltamanna landsins.
Honum gekk ekki nógu vel að
standa undir þeim væntingum
sem til hans voru gerðar síðustu
ár. Hann tók síðan þá ákvörðun að
fara heim til Akureyrar á ný eftir
einn vetur á Spáni og hann segir
að sér hafi ekki liðið eins vel í háa
herrans tíð.
„Ein aðalástæðan fyrir því að ég
vildi spila aftur heima var sú að ég
vildi finna ánægjuna af því að
spila handbolta á nýjan leik. Ég
var orðinn pínuleiður enda búið að
vera erfitt síðustu ár. Það var því
fínt að fá nýja áskorun og ánægj-
an er augljóslega komin aftur.
Þetta er alveg frábært og ég hef
geysilega gaman af því að spila
handbolta þessa dagana,“ sagði
Árni Þór en hann segir að það hafi
verið hlegið að sér í bænum þegar
hann var með hástemmdar yfir-
lýsingar fyrir tímabilið.
„Það átti enginn von á þessu í
haust. Þegar ég sagði að við stefnd-
um á topp fjóra var bara hlegið að
manni og vinir mínir sögðu að ég
væri bilaður. Ég taldi að þetta
væri hægt og það hefur sýnt sig að
það er margt hægt,“ sagði Árni
Þór en viðurkenndi þó að hann
hefði ekki órað fyrir því að Akur-
eyri yrði á toppnum um miðjan
nóvember.
Það sem gerir frammistöðu
Árna Þórs enn eftirtektarverðari
en ella er sú staðreynd að hann
hefur verið að spila meiddur.
„Vinstri öxlin hefur verið slöpp
í ansi langan tíma en þetta hefur
aldrei verið eins vont og núna. Það
er því kominn tími á að laga þetta.
Ég mun bíta á jaxlinn til loka mán-
aðarins og síðan leggjast undir
hnífinn. Ég missi því af tveim
leikjum í desember og stefni að
því að vera kominn aftur gegn
Víkingi 22. janúar,“ sagði Árni Þór
sem er ekki spenntur fyrir aðgerð-
inni enda sé afar gaman í hand-
boltanum. henry@frettabladid.is
Ánægjan komin aftur
Akureyringurinn Árni Þór Sigtryggsson segir hafa fundið ánægjuna af því að
spila handbolta á nýjan leik er hann snéri á heimaslóðir. Er engu að síður að
spila meiddur og fer í aðgerð á öxl í lok nóvember og snýr til baka í lok janúar.
STERKUR Árni Þór skoraði 11 mörk gegn FH á fimmtudag og stórleikur hans lagði
grunninn að sigri Akureyringa á FH. FRÉTTABLAÐIÐ/ARNÞÓR
FÓTBOLTI Ólafur Jóhannesson
landsliðsþjálfari hefur neyðst til
þess að gera aðra breytingu á
landsliðshópi sínum sem mætir
Möltu ytra í vináttulandsleik
næsta miðvikudag.
Húsvíkingurinn Hallgrímur
Jónasson er meiddur og kemst
því ekki með liðinu og í hans stað
hefur Ólafur valið Davíð Þór
Viðarsson, fyrirliða Íslandsmeist-
ara FH.
Þetta er önnur breytingin sem
er gerð á hópnum en áður hafði
Eggert Gunnþór Jónsson komið
inn í stað Grétars Rafns Steins-
sonar sem fékk frí. - hbg
Íslenska karlalandsliðið:
Davíð Þór inn í
stað Hallgríms
KÁTUR Davíð Þór fagnar hér Íslands-
meistaratitlinum en hann er eflaust
ánægður með landsliðssætið líka.
FRÉTTABLAÐIÐ/VILHELM
Iceland Express-deild karla:
Njarðvík-Þór 89-79
Stig Njarðvíkur: Magnús Þór Gunnarsson 27 (7
frák., 5 stoðs.), Logi Gunnarsson 25, Friðrik Stef-
ánsson 10 (9 frák.), Sævar Sævarsson 9, Hjörtur
Hrafn Einarsson 8, Hilmar Hafsteinsson 6, Andri
Fannar Freysson 4.
Stig Þórs: Cedric Isom 25, Jón Orri Kristjáns-
son 14 (13 frák.), Sigurður G. Sigurðsson 10,
Guðmundur Jónsson 10, Bjarki Ármann Oddsson
7, Baldur Ingi Jónasson 6, Sigmundur Ó. Eiríksson
5, Björgvin Jóhannesson 2.
Tindastóll-Skallagrímur 92-67
Stig Tindastóls: Sören Flæng 23, Darrell Flake
16, Alan Fall 15, Svavar Birgisson 15, Ísak Einars-
son 13, Helgi Viggósson 6, Hreinn Birgisson 2.
Stig Skallagríms: Igor Beljanski 31, Pálmi Sæv-
arsson 11, Miroslav Andanov 11, Sveinn Davíðs. 7
Snæfell-ÍR 86-91
Stig Snæfells: Sigurður Þorvaldsson 28, Jón
Ólafur Jónsson 23 (9 frák.), Hlynur Bæringsson
13 (12 frák.), Magni Hafsteinsson 9, Gunnlaugur
Smárason 6, Egill Egilsson 5, Atli Hreinsson 2.
Stig ÍR: Eiríkur Önundarson 21, Sveinbjörn
Claessen 20, Ólafur Ingvason 18, Hreggviður
Magnússon 11, Steinar Arason 10, Ómar Sævars-
son 6, Þorsteinn Húnfjörð 3.
ÚRSLIT
HANDBOLTI Íslenska kvennalands-
liðinu hefur verið boðið að taka
þátt á hinu sterka móti, Möbel-
ringen Cup, sem fram fer í
Noregi um næstu helgi.
Andstæðingarnir eru nokkur
sterkustu lið heims. Þarna keppa
gull- og silfurliðin frá Peking,
Noregur og Rússland, ásamt
Dönum sem hafa á að skipa mjög
sterku liði. - hbg
Kvennalandsliðið í handbolta:
Fer til Noregs
KÖRFUBOLTI Njarðvíkingar unnu
fyrsta heimaleik vetrarins í Ice-
land Express deildinni þegar þeir
unnu tíu stiga sigur á Þórsurum,
89-79 í Ljónagryfjunni í gær. Leik-
urinn var jafn og spennandi allan
tímann en gestirnir frá Akureyri,
sem höfðu forystuna stóran hluta
leiksins, misstu stjórn á skapi sínu
í lokin og sigur Njarðvíkur var því
mun stærri en leikurinn gaf til
kynna.
„Ég er rosalega sáttur en þetta
var erfið fæðing,“ sagði Valur
Ingimundarson, þjálfari Njarðvík-
ur eftir leikinn. Njarðvík hefur oft
spilað betur en eftir naum töp á
heimavelli fyrr í vetur var það
fyrir öllu að ná í fyrsta sigurinn.
Það voru Magnús Þór Gunnarsson
(27 stig) og Logi Gunnarsson (25
stig) sem áttu mestan þátt í að
landa sigrinum með því að skora
52 stig samanlagt, en heilt yfir var
sóknarleikurinn afar tilviljana-
kenndur.
Þórsarar köstuðu hreinlega frá
sér möguleika á því að gera unnið
leikinn í lokin. Bekkurinn fékk á
sig tvær tæknivillur fyrir mót-
mæli með rúmlega mínútu milli-
bili á úrslitastundu sem Njarðvík-
ingar breyttu á endanum í sjö stig.
Logi Gunnarsson gerði nánast út
um leikinn í kjölfar þeirrar fyrri
þegar hann setti niður þriggja
stiga körfu af löngu færi og kom
Njarðvíkingum átta stigum yfir.
„Við spilum svolítið eins og
krakkar sem eru hræddir að hella
niður mjólk og fá skammir fyrir.
Við þurfum þess ekki,“ sagði
Valur. „Við erum svolítið stirðir í
sókninni og klaufalegir í vörninni.
Við þurfum að bæta okkur á mörg-
um sviðum í vörn og sókn en ég
vona að þessi sigur hafi komið
með sjálfstraustið inn í liðið. það
hefur vantað sjálfstraust í liðið á
heimavelli,“ segir Valur sem notar
mikið ungu strákana og eitt sæti
af fimm er nánast ávallt skipað
ungum og efnilegum leikmanni.
„Kjúklingarnir fá að spila hjá
mér og þeir eru að spila vel. Út á
þetta gengur þetta. Ég er ófeiminn
að henda þeim inn á og það er frá-
bært að geta gert það,“ sagði Valur
að lokum.
Jón Orri Kristjánsson og Bjarki
Ármann Oddsson léku vel fyrir
Þór og Cedrick Isom skilaði sínu.
Þórsliðið náði oft ágætum sprett-
um í leiknum en var oft rosalega
fljótt að missa einbeitinguna og
hleypa Njarðvíkingum aftur inn í
leikinn. - óój
Njarðvíkingar unnu sinn fyrsta sigur í Ljónagryfjunni í vetur gegn Þór:
Þórsarar misstu stjórn á sér í lokin
og Njarðvík þakkaði pent fyrir sig
SJÓÐHEITUR Magnús Gunnarsson átti
verulega góðan leik fyrir Njarðvík gegn
Þór í gær og skoraði 27 stig.
FRÉTTABLAÐIÐ/ANTON