Fréttablaðið - 16.11.2008, Blaðsíða 38
22 16. nóvember 2008 SUNNUDAGUR
HVAÐ SEGIR MAMMA?
Málin eru farin að flækjast í Dag-
vaktinni. Georg Bjarnfreðarson
hefur eignast ungan „vin“ sem
færir sig meira upp á skaftið í
hverjum þætti. Vinurinn heitir
Óðinn og er tvítugur sveitapiltur
af næsta bæ. Óðinn er leikinn af
Ævari Þór Benediktssyni.
„Ég er frá sveitabæ í Borgar-
firði og er 23 ára leiklistarnemi í
LHÍ á þriðja ári,“ segir Ævar Þór.
Hann segist ekki vera svo ólíkur
Óðni – „Hann er einlægur og góður
strákur, sem ég vil meina að ég sé
líka. Hann er reyndar ástfanginn
af Georgi Bjarnfreðarsyni sem ég
er ekki! Ég er í giftusamlegu sam-
bandi við kærustuna mína.“
Karakterinn sem Ævar leikur
hefur verið að læðast inn í þættina
smátt og smátt – „Óðinn kom fyrst
til dyra í stuttu atriði en sást svo í
miðasölunni á ballinu. Hann kann-
aðist ekkert við að Ólafur Ragnar
ætti eilífðarmiða á Sólar-böll og
þar hófst gremja Ólafs Ragnars í
hans garð. Óðinn veit ekkert af
þessari gremju enda upptekinn af
sambandinu við Georg. Þeir voru
komnir í tásluknús í síðasta þætti,
en ég segi ekkert um það hvernig
sambandið þróast. Það eru enn
þrír þættir eftir.“
Ævar er einlægur aðdándi
Nætur vaktarinnar og fannst því
eðlilega spennandi að taka þátt í
Dagvaktinni. „Ragnar leikstjóri
hefur verið duglegur að kíkja á
verkefni í skólanum og hafði sam-
band við mig í kjölfarið á einu
slíku,“ segir hann. „Það tók tíu
daga að taka upp atriðin með mér,
tökur voru vel undirbúnar og
skipulagðar. Það voru oft teknar
senur í 2-3 þætti sama daginn og
ekkert í réttri tímaröð.“
Og spangirnar eru ekta. „Þegar
ég byrjaði í leiklistarskólanum var
framkomubann og ég hugsaði sem
svo að nú væri rétti tíminn til að
drífa þetta spangar-mál af. Fram-
komubanninu var svo aflétt í fyrra,
en sem betur fer smellpössuðu
spangirnar við hlutverk Óðins.“
- drg
Í tásluknúsi með Georgi
„Hugmyndin kviknaði á Gljúfra-
steini og vatt upp á sig. Þar var
verið að borða taílenskan mat –
„take away“. Rithöfundur, mynd-
listarmaður og gamall poppari. Við
töluðum við þá Forlagsfeðga sem
kveiktu á þessu. Og svo var þetta
unnið mjög hratt,“ segir Sigurður
Björn Blöndal sérfræðingur.
Um þessar mundir streymir úr
prentsmiðjunni afar athyglisverð
bók eftir Björn, Auði Jónsdóttur,
Spessa og Þórarinn Leifsson.
Bókin heitir Forstjóri dagsins og
inniheldur 12 póstkort sem menn
geta rifið úr bókinni og sent vinum
og vandamönnum í útlöndum eða
átt í bókarformi – eftir atvikum.
Björn er í hlutverki forstjórans,
sem lendir í ýmsum aðstæðum og
ávallt sem sigurvegari en Spessi
tekur myndirnar. Textinn er aðal-
lega í höndum Auðar en Þórarinn
sér um umbrot. Þá er textinn
þýddur á ensku af Jóni Proppé.
Kortin mega heita frumleg og
smellpassa inn í stemninguna
núna ... Kortin eru sannast sagna
alveg rífandi fyndin.
„Já, það vantar ekki að það er
stemning í þessu. Hugmyndin
kom upp helgina fyrir Glitnis-
hrunið. En það er engin uppgjöf í
þessum mönnum. Þessari týpu
mannlífsflórunnar þótt harðni á
dalnum. Hún aðlagar sig. Hún
mun lifa af. Trappar sig kannski
aðeins niður en samt er alltaf
ákveðinn standard. Þessi týpa á til
dæmis alveg sinn Range Rover
enn þá. Það er nú málið,“ segir
Björn sem sýnir á sér áður
óþekkta hlið sem frábær fyrir-
sæta í hlutverki forstjórans. Og
þó: Margir muna eftir Smekk-
leysu-kortum, sem voru gerð fyrir
um tíu árum, þar sem Óttar
Proppé, Björn og fleiri voru í aðal-
hlutverkum. Og í framhaldi voru
gerð eftirminnileg jólakort. For-
stjórakortin virðast við fyrstu sýn
sverja sig í þá ætt. Björn segir
enga tengingu nema þá að hann sé
með. „Já, það tók sig upp gömul
fyrirsæta. En þetta er í grunninn
allt annað konsept. Miklu afmark-
aðra viðfangsefni.“
jakob@frettabladid.is
SIGURÐUR BJÖRN BLÖNDAL: Í AÐALHLUTVERKI Í ATHYGLISVERÐRI BÓK
Góður forstjóri á vel við
„UMHVERFISMÁL ERU VISSULEGA TIL TRAFALA Í SAMKVÆMUM“ Þarna er forstjórinn
hrókur alls fagnaðar í veislu sem fáir myndu slá hendi á móti að vera í.
FRÉTTABLAÐIÐ/SPESSI
„KVÖRTUNARGIRNI NÁUNGANS ER RÓT
STÖÐNUNAR“ Þarna er vakin athygli á
því að samfélagsleg ábyrgð er forstjór-
anum ekki óþekkt hugtak.
„LÁGKÚRA ER ÓNÝTT AUÐLIND“ Forstjór-
inn kann að njóta lífsins og aka seglum
eftir vindi. Björn Blöndal fer á kostum í
hlutverki forstjórans.
ÉG ER EKKI ÁSTFANGINN AF GEORGI BJARNFREÐARSYNI! Ævar Þór Benediktsson
segist þó líkjast Óðni að mörgu öðru leyti. FRÉTTABLAÐIÐ/ANTON
Hljómsveit Svölu Björgvins og
Einars Egilssonar, Steed Lord,
kom fram á skemmtistaðnum
Gradus í Moskvu í gærkvöldi.
Staðurinn var áður einkakvik-
myndahús Jósefs Stalín, einræð-
isherra Sovétríkjanna, en er nú
einn vinsælasti skemmtistaður
höfuðborgarinnar meðal hinna
nýríku ólígarka. Ásamt Steed
Lord steig Hrafn Björgvinsson,
betur þekktur sem Krummi í
Mínus, á stokk með sveitinni og
tók með henni tvö eða þrjú lög.
Hljómsveitin var á ferðalagi
þegar Fréttablaðið reyndi að ná
sambandi við meðlimi hennar. En
blaðið náði tali af Björgvini Hall-
dórssyni, föður þeirra Svölu og
Krumma, sem segir að það sé svo-
lítið skondið að börnin hans skuli
vera á þessum slóðum, aldar-
fjórðungi eftir að hann fór í fimm
vikna tónleikaferðalag um allt
Rússland. „Og þá var Brésnjev
aðalritari kommúnistaflokksins
og Sovét ríkin voru alvöru,“ segir
Björgvin. Hann viðurkennir að
vissulega hafi hann velt því fyrir
sér að skella sér með til Moskvu
og búa til hálfgerða fjölskyldu-
ferð. Hann sé hins vegar á fullu
við að undirbúa jólatónleikana
sína sem verði haldnir í Laugar-
dalshöll 6. desember.
Björgvin tekur jafnframt fram
að plata Steed Lord, Truth Serum
eða Sannleikslyfið, muni koma út
seinna í þessum mánuði og segir
það ekki rétt að útgáfufyrirtækið
Sena hafi bakkað út úr fram-
leiðslu hennar því það sé fyrir-
tækið hans sem gefi plötuna út.
Sena komi hins vegar að dreifing-
unni eins og hjá svo mörgum
öðrum listamönnum. „Ég er svo
líka að gefa út Esju,“ bætir Björg-
vin við en hana skipa einmitt
Krummi og Daníel Ágúst.
- fgg
Steed Lord í kvik-
myndahúsi Stalíns
STEED LORD Í MOSKVU Systkinin Krummi og Svala Björgvins skemmtu rússneskum
ólígörkum á skemmtistaðnum Gradus í Moskvu í gærkvöldi.
Hvað er að frétta? Nánast allt held ég. Baggalútsplata komin í
hús og barnaplatan Gilligill sömuleiðis. Gilligilltónleikar í Salnum
í dag. Flennisamstöðutónleikar í höllinni. Baggalútsspilerí og
almennt plöggfyllerí. Svo er ég líka að kvefast.
Augnlitur: Hvernig í ósköpunum á ég að vita það?
Starf: Hugmynda- og textasmiður á auglýsingastofunni Fíton,
internettrúður, sálmaskáld og hljómsveitartöffari.
Fjölskylduhagir: Kona og barn. Eitt af hvoru.
Hvaðan ertu? Ég var ræktaður að mestu í Hnífsdalnum, fegursta
dal veraldar.
Ertu hjátrúarfullur? Nei. Hjátrú boðar ógæfu.
Uppáhaldssjónvarpsþátturinn: Ég er ákaflega veikur fyrir talsett-
um hreinsiefnaauglýsingum, missi helst ekki af þeim.
Uppáhaldsmaturinn: Ég er að vona að það sé heilsteiktur flóð-
hestur. En ég ætla að spara mér að smakka hann þangað til ég
verð fimmtugur.
Fallegasti staðurinn: Það hlýtur að vera nefið á Barböru
Streisand.
iPod eða geislaspilari: Nei, takk. Grammófón eða vaxhólka.
Hvað er skemmtilegast? Apar.
Hvað er leiðinlegast? Apar sem komast í áhrifa-
stöður, íslenskar.
Helsti veikleiki: Örvhendan.
Helsti kostur: Eins og góður maður orðaði það;
ég get verið mjög skemmtilegur – á prenti.
Helsta afrek: Að læra á þvottavélina, eða
svona næstum því.
Mestu vonbrigðin? Að hafa ekki keypt mér
flatskjá í góðærinu.
Hver er draumurinn? Smekkleg stytta af
mér í Hljómskálagarðinum, helst á hestbaki.
Hver er fyndnastur/fyndnust? Tollstjórinn
í Reykjavík.
Hvað fer mest í taugarnar á þér? Bruddir
ísmolar.
HIN HLIÐIN BRAGI VALDIMAR SKÚLASON TÓNLISTARMAÐUR MEÐ MEIRU
Nefið á Barböru Streisand er fallegur staður
„Ætli hann hafi ekki lært þessa
rómantík af pabba sínum, þetta
er eitthvað í uppeldinu frá hon-
um. Annars var Stefán ákaflega
uppátækjasamur og sniðugur
krakki. Hins vegar lá það ekkert
fyrir að hann væri svona róm-
antískur. Fara strákar annars
ekki frekar dult með þetta þar
til ástin springur út?“
Sigurbjörg Kristjánsdóttir, mamma
Stefáns Mána, sem birti ástarjátningu
til unnustu sinnar í smáauglýsingadálki
Fréttablaðsins.
26.08.
1976
VELJUM LÍFIÐ