Fréttablaðið - 19.11.2008, Blaðsíða 8
8 19. nóvember 2008 MIÐVIKUDAGUR
SAMGÖNGUR Stjórn Strætó bs.
hefur samþykkt að hætta við útboð
á akstri á rúmlega helmingi leiða
sinna. Ástæðan er bágt efnahags-
ástand. Útboðið tók til átta ára og
var heildarvirði samnings nálægt
tíu milljörðum króna.
Reynir Jónasson, forstjóri
Srætós bs., segir nokkur atriði
hafa spilað inn í ákvörðunina.
Bjóðendur hafi átt í vandræðum
með að verða sér úti um banka-
tryggingar.
„Þá er óhægt um vik með svona
útboð þegar gengið er óþekkt
stærð. Það hefði verið óvarlegt að
festa gengi á keyptum bílum í
hæstu hæðum ef gengið lækkar
svo verulega. Sá kostnaður hefði
farið á sveitarfélög og á endanum
á skattgreiðendur þar.“
Með útboðinu átti að endurnýja
helming af vagnaflotanum. Reynir
segir að óheppilegt sé að það tefj-
ist, en lítið annað sé í stöðunni.
„Þessar tafir eru vondar fyrir
okkur og því er ekki að leyna að
ákveðinn hluti vagnanna er kom-
inn til ára sinna. En það bíða allir
í óvissu og við munum ekki leysa
þetta á annan hátt, heldur bíða
eftir að útboðinu verði komið á
aftur.“
Reynir segir að sú vinna sem
bjóðendur hafi lagt í útboðið sé
ekki unnin fyrir gýg. „Menn geta
nýtt hana ef og þegar við förum
aftur af stað í útboð. Það var ekki
síst óánægja bjóðenda með ýmis
mál, svo sem gengið, sem olli
ákvörðun okkar.“ - kóp
Stjórn Strætó bs. hættir við útboð á akstursleiðum vegna kreppunnar:
Tíu milljarða útboð slegið af
ÚTBOÐ SLEGIÐ AF Hætt hefur verið við
útboð á akstri á nítján leiðum Strætó bs.
Hönnum
framtíðina!
Ráðstefna um hönnun og nýsköpun
Hvernig er hægt að sinna nýsköpun í
hönnun og látið hana verða leiðandi afl
í uppbyggingu þjóðfélagsins?
Aðalstræti 10 | 101 Reykjavík | honnunarmidstod.is
IÐNÓ | fimmtudagur 20. nóvember | kl: 16–18
Sverrir Björnsson, Hvíta húsið
Ekki torfkofann aftur – takk!
Sigga Heimis, hönnuður
Notum sköpunarkraftinn á óvissutímum
Steinunn Guðmundsdóttir, arkitekt
Finnska leiðin, hver var hún?
Andri Snær Magnason, rithöfundur
Að hanna sér leið gegnum skóginn
Katrín Ólafsdóttir, hagfræðingur
Hvaðan kemur hagvöxturinn?
Dóra Ísleifsdóttir, fagstjóri í grafískri hönnun við LHÍ
Hugrekki og framtíðarsýn
Iðnaðarráðherra, Össur Skarphéðinsson
Þjóðhagslegur ávinningur hönnunar
Fundarstjóri, Gunnar Hilmarsson, formaður
stjórnar Hönnunarmiðstöðvar Íslands
Almennar umræður
Allir velkomnir!
Fyrirlesarar og erindi
H
M
|
H
H
|
0
0
0
0
1
SÓMALÍA, AP Eigendur sádi-arab-
íska olíuskipsins Sirius Star, sem
sjóræningjar frá Sómalíu rændu
á Indlandshafi um helgina, reyna
að semja við ræningjana um að
afhenda skipið. Hvorki Banda-
ríkjaher né NATO hyggst grípa
inn í deiluna.
Sómalskir sjóræningjar hafa
látið til sín taka á síðustu árum,
og gerst æ grófari í ránum sínum.
Niðurstaðan hefur oftast orðið
sú, að eigendur skipanna greiða
sjóræningjunum vænar fúlgur
fjár í skiptum fyrir skipin sín.
Aldrei hafa þeir rænt jafn
stóru skipi og nú, risastóru olíu-
skipi með fullan farm af olíu, alls
2 milljónir fata. Farmurinn er um
100 milljón dala virði á verði
dagsins, en það samsvarar nú
nærri 14 milljörðum króna.
Ræningjarnir hafa þó engan
búnað til að ná olíunni úr skipinu
og selja hana, en bíða þess í stað
eftir að sádiarabískir eigendur
skipsins greiði ríflegt lausnar-
gjald fyrir bæði skipið, farminn
og 25 manna áhöfn sem enn
virðist vera ómeidd.
NATO hefur engin áform um
að ráðast til atlögu gegn sjóræn-
ingjunum um borð í olíuskipinu
þó að NATO sé með þrjú herskip
á Adenflóa. Ástæðan er sú að her-
skip NATO á svæðinu hafa enga
heimild til slíkra aðgerða. Banda-
ríkjaher, sem einnig er með
skipaflota á þessu svæði, hyggst
heldur ekki grípa til aðgerða.
Íbúar við strönd Sómalíu urðu
furðu lostnir í gær þegar risa-
stórt skipið blasti við skammt frá
landi.
„Ég hef stundað veiðar hér í
þrjá áratugi en aldrei nokkurn
tímann hef ég séð jafn stórt skip,“
sagði Abdinur Haji, sem býr
skammt frá Harardhere, þar sem
margir sjóræningjar hafast við.
Skipið lá þar við akkeri í fyrri
nótt úti fyrir ströndinni, en var
síðan siglt áfram í gær til hafnar-
innar í Eyl, þar sem sjóræningjar
hafa haft mikil og sívaxandi
umsvif.
Sjóræningjarnir frá Sómalíu
berast mikið á heima fyrir, vaða í
peningum og lifa hátt í landi þar
sem fátækt er annars mikil. Til-
gangur sjóránanna er sá einn að
næla sér í pening, og til þessa
hefur afraksturinn verið mikill.
„Þegar engri fyrirstöðu er að
mæta munu sjóræningjar halda
áfram glæpastarfsemi sinni,“
segir Noel Choong, yfirmaður
hjá Alþjóðasiglingamálastofnun-
inni. „Áhættan er lítil og hagnað-
urinn gífurlegur. Við munum sjá
meira af slíkum árásum.“
gudsteinn@frettabladid.is
Sjóræningjar
látnir óáreittir
Hvorki NATO né Bandaríkjaher hyggst láta til
skarar skríða gegn sjóræningjum frá Sómalíu, sem
nú síðast rændu stóru olíuskipi og krefjast lausnar-
gjalds. Ræningjarnir vaða í peningum og lifa hátt.
OLÍUSKIPIÐ SIRIUS STAR Skipinu rændu sómalskir glæpamenn úti á Indlandshafi um
helgina og krefjast lausnargjalds af eigendum skipsins. FRÉTTABLAÐIÐ/AP
Kosningar í janúar
Sveitarstjórnarkosningar verða haldn-
ar í Írak í lok janúar, nokkrum mánuð-
um síðar en til stóð. Vonir standa til
að kosningarnar geti hugsanlega bætt
eitthvað samskiptin milli þjóðernis-
hópa landsins.
ÍRAK
VIÐSKIPTI Fjárfestar frá Mið-
Austurlöndum hafa gengið til liðs
við íslenska vatnsfyrirtækið
Iceland Spring. Í tilkynningu frá
fyrirtækinu segir að nýtt og
endurbætt útlit og framsetning
Iceland Spring muni líta dagsins
ljós á næstunni. Gert sé ráð fyrir
sterkum viðbrögðum í Bandaríkj-
unum og að fram undan sé
stórsókn þar í landi.
Nýju fjárfestarnir, Water &
Energy Corp., eiga nú um 50
prósenta hlut í félaginu. Ölgerðin
Egill Skallagrímsson á enn 20
prósent og bandaríska félagið
Pure Holding á nú 30 prósent.
Iceland Spring hefur flutt út
vatn frá Íslandi síðan 1996. - kg
Vatnsútflutningur frá Íslandi:
Nýir hluthafar í
Iceland Spring
Þegar engri fyrirstöðu er
að mæta munu sjóræn-
ingjar halda áfram glæpastarf-
semi sinni.
NOEL CHOONG
YFIRMAÐUR HJÁ ALÞJÓÐA-
SIGLINGAMÁLASTOFNUNINNI.