Fréttablaðið - 20.11.2008, Blaðsíða 2

2 20. nóvember 2008 FIMMTUDAGUR
DÓMSMÁL Verjandi manns sem
ákærður er fyrir tvær líkamsárásir
sakar Jón H.B. Snorrason aðstoðar-
lögreglustjóra um að misbeita valdi
sínu með því að gefa út tvær ákær-
ur í málinu og dagsetja aðra þeirra
aftur í tímann. Hann segir þetta
eiga að leiða til frávísunar.
„Ég skil ekki hvað hann er að
fara að kokka, ég hef ekki séð
þetta,“ sagði Jón, þegar málið var
borið undir hann í gær. Hann vildi
ekki svara því nánar hvort gefnar
hefðu verið út fleiri en ein ákæra í
málinu, né hvort hann hafi dagsett
ákæru í málinu aftur í tímann.
Benjamín Þór Þorgrímsson er
ákærður fyrir tvær líkamsárásir.
Aðra árásina festi fréttaskýringa-
þátturinn Kompás á filmu og sýndi
í þættinum í september. Hin er talin
hafa átt sér stað á bar Hiltonhótels-
ins í júlí.
Vilhjálmur Hans Vilhjálmsson,
verjandi Benjamíns, sendi í gær
ríkissaksóknara kvörtun vegna
framferðis saksóknara í málinu.
Benjamín mætti ekki í fyrstu
þingfestinguna í málinu og ákæran
var því ekki formlega þingfest, þótt
Vilhjálmur hafi fengið hana
afhenta. Ákæran var í tveimur
liðum og segir Vilhjálmur að sér
hafi brugðið þegar hann las frétt á
Vísi seinna sama dag um að ákæran
sé í þremur liðum.
Vilhjálmur segir að í ljós hafi
komið að saksóknari Lögreglu höf-
uðborgarsvæðisins, Jón H.B.
Snorrason aðstoðarlögreglustjóri,
hafi gefið út tvær ákærur, dagsett-
ar sama daginn. Önnur var í tveim-
ur liðum en hin í þremur. Sá liður
sem við bættist sneri að hótunum
Benjamíns í garð manns sem hann
réðist á.
Viðameiri ákæran var svo þing-
fest síðar, þegar Benjamín mætti í
héraðsdóm. Því mótmælti verjandi
hans og krafðist þess að ákæruliðn-
um sem bættist við yrði vísað frá.
Daginn eftir lýsti ákæruvaldið því
yfir að það myndi falla frá þeim
ákærulið.
Ákæra telst gefin út og sakamál
höfðað þegar saksóknari hefur
undirritað ákæru og því deginum
ljósara að lög hafa verið brotin með
því að tvær ákærur hafi verið gefn-
ar út vegna sömu atvika, segir Vil-
hjálmur.
Hann segir að vart komi til greina
að Jón hafi skrifað undir tvær mis-
munandi ákærur vegna sama máls-
ins sama daginn. Því sé líklegt að
viðameiri ákæran hafi verið gefin
út talsvert síðar, en dagsett aftur í
tímann, sem sé afar alvarlegt hjá
saksóknara.
Vilhjálmur bendir á að saksókn-
ari eigi að meta hvort ákæra eigi
mann þegar rannsókn sé lokið. Í
fyrri ákærunni komist hann að því
að ekki eigi að ákæra vegna hótana,
en í síðari að ákæra eigi vegna
þeirra. Enn alvarlegra sé að nýrri
ákæru, dagsettri aftur í tímann,
hafi verið laumað til dómstólsins í
stað þess að gefa út framhalds-
ákæru, eða afturkalla fyrri ákæru,
eins og lög heimili.
Vilhjálmur segir það hlutverk
ríkissaksóknara að meta hvort
kvörtun sín sé réttmæt og þá hvaða
afleiðingar atvikið muni hafa fyrir
saksóknarann. brjann@frettabladid.is
Saksóknara brigslað
um að misbeita valdi
Verjandi manns sem Kompás sýndi hóta og ganga í skrokk á manni vill frávís-
un vegna ágalla. Segir saksóknara hafa gefið út tvær ákærur og dagsett aðra
þeirra aftur í tímann. Saksóknari segist ekki skilja hvað verjandinn sé að fara.
ÁRÁS Sýnt var í þætti Kompáss í september hvernig Benjamín réðst á mann við
hafnarvogina í Hafnarfirði í lok júlí. MYND/KOMPÁS
TÍSKA „Ég er búin að breyta kjól
og slá sem mamma mín átti.
Kjólinn stytti ég og rykkti í mittið
en slána lagaði ég til og gerði
nýtískulegri,“ segir Margrét
Unnur Guðmundsdóttir sem
ásamt vinkonu sinni, Mörtu Hlín
Þorsteinsdóttur, er á fatasaums-
námskeiði þar sem áherslan er
lögð á að breyta fötum og bæta.
Vinkonurnar hafa mikinn áhuga
á fatasaumi og gaman af að skapa
nýjar flíkur úr gömlum af
mæðrum sínum og ömmum.
- eö / sjá allt
Unglingar á saumanámskeiði:
Gömlu breytt
í nýjasta nýtt
Á FATASAUMSNÁMSKEIÐI Marta Hlín og
Margrét Unnur skapa nýjar og nothæfar
flíkur úr gömlum. FRÉTTABLAÐIÐ/VALLI
Auður, fylgir þessu auður?
„Já. Vonandi ekki auður auður.“
Eitt stærsta bókaforlag heims, Random
House, hefur keypt útgáfurétt á skáld-
sögunni Vetrarsól eftir rithöfundinn Auði
Jónsdóttur.
®
SJÁVARÚTVEGUR Innflutningsleyfi
fyrir 65 tonn af hvalkjöti frá
Íslandi og Noregi hefur verið gefið
út af viðskiptaráðuneytinu í Japan.
Kjötið hefur legið í frystigeymslu
síðan í byrjun júní. Einar K. Guð-
finnsson sjávarútvegsráðherra
fagnar niðurstöðunni og vonar að
hvalveiðar verði aftur „alvöru
atvinnuvegur á Íslandi“.
Kjötið er af sjö langreyðum sem
veiddar voru af níu dýra kvóta
haustið 2006, alls 60 tonn. Einnig
er um að ræða fimm tonn af
norsku hrefnukjöti sem sent var
til Japan ásamt íslenska kjötinu.
Það hefur legið í frysti í tæpa sex
mánuði og þess beðið að það yrði
tollafgreitt. Háværar raddir hafa
verið uppi, sérstaklega frá vernd-
unarsinnum og hvalaskoðunarfyr-
irtækjum, um að markaður sé ekki
fyrir kjötið.
Sjávarútvegsráðherra segir að
svo virðist sem stutt sé í að kjötið
komist í verslanir og um þáttaskil
í umræðunni sé að ræða. „Þeir
sem hafa andmælt hvalveiðum
hafa vísað til þess að tilefnislaust
sé að stunda hvalveiðar þar sem
afurðirnar væru óseljanlegar. Ég
hef alltaf sagt að svo sé ekki og
það er komið á daginn. Hrakspárn-
ar voru ekki á rökum reistar.“
Í atvinnulegu tilliti segir Einar
að hann hafi alltaf haft löngun til
að hér verði stundaðar alvöru
hvalveiðar. „Það væri góð búbót
fyrir okkar atvinnulíf og ekki veit-
ir af nú um stundir. Þetta skapar
mörg störf og færir gjaldeyri inn í
landið. Þetta eru tækifæri sem við
hljótum að horfa til.“ Sjávar-
útvegsráðherra getur ekki sagt til
um hvort eða hvenær verður gef-
inn út kvóti. Ný staða sé rétt komin
upp sem leggjast þurfi yfir.
Einar telur að hvalveiðar muni
ekki hafa neikvæð áhrif á ímynd
Íslands, sem sé vissulega rislág
um þessar mundir. „Sjálfbærar
veiðar geta ekki skaðað ímynd
Íslands.“ - shá
Innflutningsleyfi veitt fyrir 60 tonnum af íslensku hvalkjöti í Japan:
Hvalkjöt loks á leið í verslanir
HVALKJÖT Innflutningsleyfi fyrir hvalkjöti
frá Íslandi og Noregi hefur verið gefið út
af viðskiptaráðuneytinu í Japan.
FRÉTTABLAÐIÐ/GVA
FJÖLMIÐLAR Í áliti samkeppniseftir-
litsins um stöðu og háttsemi RÚV á
auglýsingamarkaði ljósvakamiðla,
sem birt var á föstudag, kemur
fram að RÚV hafi boðið birtingar á
auglýsingum í skiptum fyrir vörur.
Í ályktuninni er ekki útskýrt nánar
hvers konar vöruskipti er um að
ræða. Auglýsingastjóri RÚV vill
ekki tjá sig um málið.
Í ályktun samkeppniseftirlitsins
segir að miklir afslættir RÚV hafi
gert samkeppnisstöðu á markaðn-
um enn verri. Auk þess segir orð-
rétt: „Samkeppniseftirlitið hefur
einnig upplýsingar um að RÚV hafi
boðið vöruskipti í stað peninga-
greiðslu fyrir auglýsingar.“
Páll Gunnar Pálsson, forstjóri
Samkeppniseftirlitsins, segir eftir-
litið hafa fengið upplýsingar um
vöruskipti RÚV í trúnaði. „Ef ég til-
kynnti hvaða vörur hefði þarna
verið um að ræða yrði mjög auðvelt
að finna út hvaða fyrirtæki RÚV
átti í vöruskiptum við. Að mati
þeirra sem í hlut eiga myndi það
skaða viðskiptasambönd þeirra.
Þetta eru staðfestar upplýsingar,
en við virðum trúnaðinn,“ segir
Páll og bætir við að hann hafi ekki
upplýsingar um hversu mörg til-
felli vöruskipta hafi átt sér stað.
Einar Logi Vignisson, auglýs-
ingastjóri RÚV, segist vísa í til-
kynningu Páls Magnússonar
útvarpsstjóra frá því fyrir helgi. Í
henni er ekkert minnst á vöru-
skipti. „Ég hef engu við þetta að
bæta. Það skiptir engu hvort þú
spyrð mig einnar eða þrjátíu spurn-
inga,“ segir Einar. - kg
Samkeppniseftirlitið segir auglýsingadeild RÚV hafa stundað vöruskipti:
Tjá sig ekki um vöruskipti RÚV
NOREGUR Jens Stoltenberg,
forsætisráðherra Noregs, sagðist
á norska þjóðþinginu í gær ekki
ætla að láta gera neina sérstaka
rannsókn á því hvaða afleiðingar
það hefði fyrir Noreg ef Ísland
gengi í Evrópusambandið.
Inge Lønning, þingmaður
Íhaldsflokksins, hóf umræður um
málið á norska þinginu í gær og
sagði líklega skammt í að
Íslendingar sæktu um aðild. Hann
vildi fá svör um hvernig ríkis-
stjórnin muni bregðast við því.
Samkvæmt frásögnum norskra
fjölmiðla sagðist Stoltenberg ekki
sjá ástæðu til að grípa til
sérstakra aðgerða strax. - gb
Hugsanleg ESB-aðild Íslands:
Norska stjórnin
bíður átekta
FÓLK Nýtt íbúðarhús er nú risið í
stað gamla hússins sem brann í
fyrravetur á Finnbogastöðum í
Trékyllisvík. Að því er segir á
trekyllisvik.blog.is styttist nú
óðum í að hægt verði að flytja inn
í nýja húsið. Eins og komið hefur
fram í Fréttablaðinu dugðu
brunatryggingar ekki fyrir nýju
húsi og hefur því staðið yfir
fjársöfnun til að styrkja bóndann
á Finnbogastöðum. Nýja húsið er
kanadískt einingahús „sem kom til
landsins um það bil sem þjóðar-
skútan íslenska sigldi í strand“,
eins og segir á trekyllisvik.blog.is.
„Svo það er bjart fram undan á
Finnbogastöðum, þótt sólin sé að
búa sig undir að kveðja Trékyllis-
vík í þrjá mánuði eða svo.“ - gar
Finnbogastaðir í Trékyllisvík:
Nýtt hús risið
eftir brunann
NÝIR FINNBOGASTAÐIR Húsið sem kom
norður á Strandir í gámum er nú risið.
STJÓRNMÁL Þingflokkur Sjálfstæð-
ismanna ræddi í gær um að skipuð
yrði nefnd til að móta tillögur um
sameiningu Fjármálaeftirlitsins
(FME) og Seðlabankans. Eins og
kom fram í Fréttablaðinu í gær
telja þingmenn Samfylkingarinnar
að skapa verði traust á Seðlabank-
anum með breytingum á stjórn
bankans áður en íslensku krónunni
verður ýtt á flot. Slík breyting gæti
orðið samfara sameiningu bankans
og FME. Sjá Samfylkingarmenn
þannig leið til að koma Davíð
Oddssyni úr stóli seðlabankastjóra.
Geir Haarde forsætisráðherra
segir hins vegar að óraunhæft sé
að sameina Seðlabankans og FME
áður gengi krónunnar verður látið
fljóta á ný. - gar
Þingflokkur sjálfstæðismanna:
Ræddu FME og
Seðlabankann
PÁLL GUNNAR
PÁLSSON
EINAR LOGI
VIGNISSON
LÖGREGLUMÁL Sannað þykir að um
íkveikju hafi verið að ræða þegar
yfirgefið hús við Baldursgötu í
Reykjavík brann á laugardag. Að
sögn lögreglu hefur enginn verið
handtekinn og enginn yfirheyrður
vegna málsins, en rannsókn þess
verður haldið áfram.
Húsið sem brann hefur staðið
autt síðan um síðustu áramót. Þá
komu nágrannar í veg fyrir að
eigandi hússins fengi leyfi til að
rífa það og byggja fjölbýlishús á
lóðinni.
Síðustu mánuði hafa nágrann-
ar margsinnis kvartað til lögreglu
vegna útigangsfólks sem sótti í
autt húsið. - kg
Bruninn á Baldursgötu:
Staðfest að
kveikt var í
SPURNING DAGSINS