Fréttablaðið - 20.11.2008, Blaðsíða 27

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
„Ég vinn aðallega úr soðinni ull
og ég geri nokkrar týpur af svona
jökkum eins og ég er í. Síðan geri
ég húfur, grifflur, trefla, hatta og
ýmislegt úr ull,“ segir Þórunn
Símonardóttir sem starfrækir
Textíl Gallerý í Skipholti. „Ég er
búin að vera með galleríið í fimm
ár en svo hef ég stundað handa-
vinnu alla ævi,“ segir Þórunn en
hún er að eigin sögn mikil áhuga-
manneskja um hvers konar
handavinnu. „Ég sauma úr leðri,
hnýti körfur, vinn úr gleri og hitt
og þetta.“
Þórunn er að stórum hluta
sjálfmenntuð en hún var í verk-
námi á saumabraut á sínum tíma
og hefur sótt ýmis námskeið.
„Síðastliðið haust fór ég til Dan-
merkur í Skalls Håndarbejde-
skole í Viborg á Jótlandi í hálfan
mánuð. Það var frábært en ég hef
gælt við að fara þangað í ein tíu
eða tólf ár og lét drauminn loks
rætast,“ segir Þórunn með blik í
augum. Þórunn vann auk þess í
Virku í tólf ár og er mikil áhuga-
manneskja um bútasaum. „Ég
geri teppi og púða með bútasaumi
en ég hef líka gert púða úr ull.“
Verslunin hjá Þórunni gengur
vel og segir hún að í raun gangi
alltaf betur og betur. „Ég finn
sérstaklega fyrir því núna að
mikil vakning er í samfélaginu
og áhugi fyrir öllu sem íslenskt
er,“ segir Þórunn ánægð.
hrefna@frettabladid.is
Hlýr og fallegur fatnaður
Þórunn Símonardóttir hefur stundað handavinnu nánast frá því að hún man eftir sér en hún rekur Textíl
Gallerý í Skipholti þar sem hún framleiðir og selur ullarflíkur undir merkinu Hjá Tótu.
Þórunn hannar ullarfatnað og gerir einnig bútasaumsteppi og púða. FRÉTTABLAÐIÐ/VILHELM
SPILADÓS er skemmtilegt skraut sem skapar notalega
stemningu á heimilinu. Spiladósir sem minna á jólin og spila
jafnvel þekkt jólalög geta komið öllum í hátíðaskap.