Fréttablaðið - 20.11.2008, Blaðsíða 32

20. NÓVEMBER 2008 FIMMTUDAGUR2 ● fréttablaðið ● veljum íslenskt
Fyrirtækið Valfoss og hönnuðurinn
Sigga Heimis ætla að láta ágóða af
hönnun þeirrar síðarnefndu renna
óskiptan til Mæðrastyrksnefndar
Reykjavíkur fyrir jólin í ár. Hönn-
unin er hvítur borðklútur með
svartri, rauðri eða grænni áprent-
un sem er í laginu eins og Ísland og
er meðal hluta í jólagjafakössum
sem útbúnir eru af Valfossi.
Í jólagjafakössunum er áherslan
á íslenska hönnun, íslenska matvöru
og vandaðar hönnunarvörur. Meðal
innihalds er íslenskt kjöt, meðlæti
frá Ora, kex frá Frón, kertin frá
kertaverksmiðjunni Heimaey og
súkkulaði frá Nóa og Sirí-
us, ásamt skandinavískri
hönnunarvöru.
Sigga Heimis var
hönnuður hjá Ikea um
árabil og starfar í dag
hjá Fritz Hansen.
Valfoss er fyrir-
tæki í fararbroddi
í sölu og þróun á
vandaðri gjafavöru og meðal vöru-
merkja eru Erik Bagger, Stelton,
Menu og Rosendahl.
Að auki mun Valfoss láta hluta af
ágóða af öllum seldum matarköss-
um renna til mæðrastyrks-
nefndar með von
um að sem flest-
ir geti átt gleðileg
jól því mæðra-
styrksnefnd út-
hlutar mat og
fötum til
þeirra sem
eiga í fjár-
hagserfið-
leikum.
-gun
Gefa hönnun og mat
Borðklútarnir hennar Siggu Heimis eru
listaverk út af fyrir sig.
Matarkassarnir frá
Valfossi eru með ýmsu
móti en allir innihalda
þeir íslenska framleiðslu.
Fyrirtækið 66° Norður á sér
langa sögu í íslensku samfélagi
og hefur hróður þess borist
víða. Mikil aukning hefur verið
í sölu til ferðamanna.
Sögu fyrirtækisins 66° Norður má
rekja til ársins 1926 þegar Sjó-
klæðagerð Íslands hóf starfsemi
sína í bakhúsi við Laugaveg. „Þá
hannaði fyrirtækið og framleiddi
skjólfatnað fyrir sjómenn. Síðan
var farið í almennan vinnufatnað
en ævintýrið hófst á Suðureyri við
Súgandafjörð,“ útskýrir Halldór
Gunnar Eyjólfsson, forstjóri fyr-
irtækisins.
„Fyrirtækið flutti til Reykjavík-
ur nokkrum árum eftir stofnun og
störfuðu þá 150 manns við fram-
leiðslu á almennum vinnufatnaði,“
segir Halldór. „Síðar flutti fyrir-
tækið í nýtt hús við Skúlagötu, sem
félagið byggði, og var þar í fjölda
ára. Einnig voru reknar saumastof-
ur með verktaka um allt land.“
Fyrirtækið hóf að hanna útivist-
arfatnað um þrjátíu árum síðar.
„Um 1977 til 1979 litu fyrstu útivist-
arflíkurnar dagsins ljós. Á þessum
árum hafði fjöldi fyrirtækja sam-
einast og árið 1986 runnu þau end-
anlega saman í það snið sem nú
er,“ segir Halldór og nefnir að síð-
astliðin þrjátíu ár hafi fyrirtækið
haldið áfram framleiðslu á vinnu-
fatnaði og komið stöðugt með nýj-
ungar. „Við höfum meðal annars
framleitt fatnað fyrir Landsbjörg í
tæp fjörutíu ár.“
Áherslur breyttust í hönnun úti-
vistarfatnaðar hjá 66° Norður fyrir
um fimm árum en þá var farið
að bjóða upp á hversdags-
legri fatn-
að. „Við
höfum
kall-
að þessa
línu Ice-
landic Li-
ving, eða Ís-
lenskur lífs-
máti, sem er
meiri götufatn-
aður,“ útskýrir
Halldór.
Útflutning-
ur á sjófatn-
aði hófst
fyrir 21
ári. „Út-
flutning-
ur á nýja
útivist-
arfatnað-
inum hófst hins vegar
fyrir um sex árum,“ út-
skýrir Halldór og segir
þau viðskipti hafa vaxið mikið síð-
ustu ár. Framleiðslan var flutt til
Lettlands árið 2001 þar sem erf-
itt var að fá vinnuafl á Íslandi auk
þess sem tækniþekkingin í iðnað-
inum hafði dalað hér árin á undan.
„Fyrirtækið keypti eigin verk-
smiðjur í Lettlandi og hefur rekið
frá árinu 2002 með um 180 starfs-
menn. Það hefur gengið vel en
sú afkastageta hefur ekki
dugað. Því hefur fyrirtæk-
ið líka farið út í fram-
leiðslu í Kína.“
Ferðamönnum
sem kaupa vörur
af 66° Norður
hefur fjölgað frá í
fyrra. „Aukning-
in í október var
123 prósent en
það er líka vegna
þess að varan er
enn mjög ódýr
hjá okkur á Ís-
landi miðað við
hvað hún kostar er-
lendis,“ segir hann og nefn-
ir sem dæmi vinsæla Parka-
úlpu með skinnhettu sem
kostar í dag 53.000 krónur
á Íslandi en 79.000 krónur
í Kaupmannahöfn, Stokk-
hólmi og New York. Hann
viðurkennir að vörurnar
eigi óhjákvæmilega eftir að
hækka í verði miðað við núverandi
gengi. - hs
Mikill vöxtur síðustu ár
Halldór G. Eyjólfsson segir mikilvægt fyrir íslensk fyrirtæki að eitthvert lag komist á gengismálin en að óbreyttu munu vörur
óhjákvæmilega hækka í verði. Þrjátíu prósenta vöxtur hefur þó verið hjá 66° Norður á hverju ári síðustu ár. FRÉTTABLAÐIÐ/VILHELM
Til er falleg
barnalína
hjá 66°Norð-
ur.
Nýi útivistarfatn-
aðurinn
hentar
vel til
dag-
legra
nota.
Grundvöllur tækifæra
„Við hugsum smiðjuna fyrir
smáframleiðslu matvæla og
snýr hugmyndin helst að bænd-
um, útgerðaraðilum og þeim
sem eiga hráefni,“ útskýrir Guð-
mundur H. Gunnarsson, deild-
arstjóri hjá Matís á Hornafirði
sem opnaði á dögunum Mat-
arsmiðjuna fyrir þá sem vilja
koma eigin matvælaframleiðslu
á markað.
Fyrir hráefnisframleiðend-
ur getur það verið stórt stökk
að þróa afurðir fyrir neytenda-
markað. Stofnkostnaður er mik-
ill og nokkur áhætta fólgin í að
markaðsetja óþekkta vöru. Guð-
mundur segir hlutverk Matar-
smiðjunnar að brúa þetta bil.
„Framleiðandi þarf að yf-
irstíga tvær kostnaðarsamar
hindranir. Í fyrsta lagi þarf að-
stöðu með sérhæfðum tækja-
búnaði og svo að eiga við reglu-
gerðir og lög sem snúa að mat-
vælaframleiðslu. Fólk lætur
oft milljóna króna stofnkostn-
að stoppa sig. Stóra spurningin
er líka: Mun varan seljast? Hug-
myndafræðin á bak við Matar-
smiðjuna er að útvega fólki það
sem þarf til að byrja í húsnæði
sem uppfyllir allt regluverkið.“
Hráefnisframleiðendur alls
staðar á landinu geta sett sig
í samband við Matís með hug-
myndir sínar og í framhaldinu
leigt sér aðstöðu í Matarsmiðj-
unni. Þar fá þeir aðgang að sér-
þekkingu fagaðila við fram-
leiðslu og þróun vörunnar en
Matarsmiðjan er eina aðstaða
sinnar tegundar á landinu. „Ef
vel gengur getur fólk síðan farið
út í stofnkostnaðinn við eigið
fyrirtæki.“ - rat
Hráefnisframleiðendur geta nú leigt
sér aðstöðu til að þróa neytendavæna
vöru.