Fréttablaðið - 20.11.2008, Blaðsíða 57
FIMMTUDAGUR 20. nóvember 2008 45
Madonna, sem opinberaði skilnað
sinn við Guy Ritchie nýverið,
hefur ráðið Britney Spears frá
því að gifta sig aftur. Britney kom
fram á Sticky and sweet-tónleik-
um Madonnu á dögunum og
samkvæmt heimildum vefsíðunn-
ar Absolutenow.com áttu söng-
konurnar í áhugaverðum sam-
ræðum baksviðs.
Þegar Britney spurði Madonnu
hvort hún myndi giftast aftur,
sagðist hún ekki ætla að ganga
aftur upp að altarinu og sagði
Britney að gleyma hjónabandi.
Slíkt virkaði einfaldlega ekki
fyrir konur í þeirra stöðu. Sjálf
hefur Britney ekki góða reynslu í
þeim efnum, því hún var gift
fyrrverandi skólafélaga sína í 55
klukkustundir áður en hún giftist
Kevin Federline, en þau skildu í
fyrra.
Ráðleggur
Britney
GIFTIST EKKI AFTUR Madonna tjáði
Britney Spears á dögunum að hún ætl-
aði ekki að ganga aftur í hjónaband.
Chris Martin, söngvari hljóm-
sveitarinnar Coldplay, vill ekki
verða gömul rokkstjarna.
Söngvaranum, sem er 31 árs í
dag, finnst ekki að hljómsveitir
eigi að halda áfram eftir að
meðlimir þeirra verða 33 ára.
Hann vill hætta í tónlistinni á
næsta ári, áður en honum finnst
hann verða of gamall og segir
Coldplay því ætla að koma fram á
ótal stöðum næsta árið.
Nýjasta plata þeirra Viva La
Vida or Death komst á topp
sölulista í 36 löndum, en Chris vill
þó meina að eina ástæðan fyrir
því að hljómsveitin er ein sú
vinsælasta í heimi í dag, sé að
aðrar stórsveitir eru í fríi.
Coldplay að
hætta?
STUTT EFTIR Chris Martin finnst að
hljómsveitir eigi að hætta eftir að
meðlimir þeirra verða 33 ára, en hann er
sjálfur 31 árs í dag.
„Við höfum haldið mán-
aðarleg tónleikakvöld
undir nafninu Weirdcore
þar sem við höfum safn-
að saman þeim sem eru
að gera eitthvað að viti í
rafmúsík,“ segir Svein-
björn Þorgrímsson, Biog-
en. „Okkur fannst kom-
inn grundvöllur til að
stíga næsta skref og gera
safnplötu. Og miðað við
ástandið í plötuiðnaðin-
um fannst okkur sniðug-
ast að gefa plötuna bara
á netinu. Aðalmálið
fannst okkur að kynna
músíkina og segja: Halló, hér
erum við!“
Á plötunni eru ellefu lög, bæði
með þeim sem tekið hafa þátt í
Weirdcore-kvöldunum
og andlega skyldum
vinum og kunningjum.
„Við eigum marga tón-
listarmenn á heimsmæli-
kvarða og svo er þetta
líka grundvöllur fyrir þá
sem eru að stíga sín
fyrstu spor. Okkur
fannst mikilvægt að
halda utan um þetta og
koma þessu af stað, enda
eru raftónlistarmenn
ekki þekktir fyrir að
vera mjög framkvæmda-
glaðir,“ segir Svein-
björn. Meðal flytjanda
eru Plastik, Skurken, Tonik, Bix
og Dr. Mister. Plötunni má hlaða
niður ókeypis af netfanginu www.
weirdcore.com.
Ókeypis rafmúsik
HALLÓ, HÉR ERUM
VIÐ! Sveinbjörn
Biogen stendur á
bakvið safnplötuna
Weirdcore.
Þriðja sólóplata Beatmakin Troopa, Search For
Peace, er komin út. Hljómsveitin er hugarfóstur
Pans Thorarensen sem gaf á síðasta ári út plötuna
Parallel Island með föður sínum Óskari.
Search For Peace átti fyrst að koma út í janúar,
svo í sumar en núna lítur hún loksins dagsins ljós.
„Ég held ég hafi útbúið sex útgáfur af þessari plötu
áður en hún var gerð til að fá heildina og loksins
small þetta saman,“ segir Pan. „Það verður að vera
rosaleg heild á svona plötu til að hún virki.“ Bætir
hann við að hann eigi nú 60 til 70 lög á lager sem
hann ætlar að nota í hin ýmsu verkefni í framtíðinni.
Afslappaður hiphop-stíll með djössuðu ívafi er í
fyrirrúmi á plötunni, sem Pan segir nokkurs konar
framhald af Peaceful Thinking sem hann gaf út fyrir
þremur árum. „Ég held að það vanti alltaf einhverjar
svona plötur á klakann og ég held að hún komi á
réttum tíma.“ Framundan hjá Pan er útgáfuhóf í Salt-
félaginu á laugardagskvöld. Eftir áramót stefnir
hann síðan á að kynna plötuna erlendis með hugsan-
lega útgáfu í huga. - fb
Heildin skiptir höfuðmáli
PAN THORARENSEN Tónlistarmaðurinn Pan Thorarensen hefur
gefið út plötuna Search for Peace undir nafninu Beatmakin
Troopa.
Bólgu í munni og hálsi má lina með því að...
Stíflaðar nasir má lina með því að...
Þegar maður er með kvef og særindi í hálsi er almennt gott að...
Otrivin auðveldar þér andardrátt
þegar þú ert með kvef!
Strepsils, við særindum í hálsi!