Fréttablaðið - 20.11.2008, Blaðsíða 58
46 20. nóvember 2008 FIMMTUDAGUR
sport@frettabladid.is
N1-deild karla í handbolta
Akureyri-Haukar 22-34 (10-15)
Mörk Akureyrar (skot): Árni Þór Sigtryggson 7/1
(19/2), Hörður Fannar Sigþórsson 4 (5), Jónatan
Magnússon 3 (8), Oddur Grétarsson 3 (7), Anton
Rúnarsson 3/1 (9), Heiðar Þór Aðalsteinsson 2
(3), Andri S. Stefánsson (2), Atli Ingólfsson (2).
Varin skot: Hafþór Einarsson 11/37 30%, Hörður
Flóki Ólafsson 5/13 62%
Hraðaupphlaup: 3 (Oddur 2, Heiðar)
Fiskuð víti: 3 (Andri, Atli, Hörður)
Utan vallar: 10 mínútur
Mörk Hauka (skot): Sigurbergur Sveinsson 7/2
(10), Andri Stefán 7 (11), Kári Kristján Kristj-
ánsson 6 (7), Einar Örn Jónsson 6/2 (9), Freyr
Brynjarsson 3 (4), Stefán Rafn Sigurmannsson 2
(2), Elías Már Halldórsson 2 (8), Arnar Pétursson
1 (1), Pétur Pálsson (1), Gísli Jón Þórisson (1),
Gunnar Berg Viktorsson (1).
Varin skot: Birkir Ívar Guðmundsson 13/30 43% ,
Gísli Rúnar Guðmundsson 7/12 58%
Hraðaupphlaup: 2 (Elías, Einar)
Fiskuð víti: 4 (Einar 2, Sigurbergur, Kári)
Utan vallar: 14 mínútur
Dómarar: Anton Gylfi Pálsson og Jónas Elíasson,
góðir en misstu tökin um tíma.
Vináttulandsleikir í fótbolta
Malta-Ísland 0-1
- Heiðar Helguson (65.)
Þýskaland-England 1-2
Patrick Helmes (63.) - Matthew Upson (23.),
John Terry (84.)
Holland-Svíþjóð 3-1
Van Persie (33. & 50.), Dirk Kuyt (90.) - Kim
Kallström (51.)
Írland-Pólland 2-3
Kristinn Jakobsson dæmdi leikinn.
Skotland-Argentína 0-1
- Maxi Rodrigues (8.)
Úkraína-Noregur 1-0
Danmörk-Wales 0-1
- Craig Bellamy (77.)
Grikkland-Ítalía 1-1
Theofanis Gekan (50.) - Luca Toni (54.)
ÚRSLIT
Iceland Express-deild kvk
Haukar-Hamar 76-73
Stig Hauka: Slavica Dimovska 38 (6 stoðs., 4
stolnir), Ragna Margrét Brynjarsdóttir 10 (13
frák.), Guðbjörg Sverrisdóttir 8, Kristrún Sigur-
jónsdóttir 7, Telma Björk Fjalarsdóttir 7 (7 frák.),
Helena Hólm 4, María Lind Sigurðardóttir 2.
Stig Hamars: Lakiste Barkus 20 (5 stoðs.), Julia
Demirer 19 (14 frák., 4 varin), Fanney Lind Guð-
mundsdóttir 8, Hafrún Hálfdánardóttir 8, Jóhanna
Björk Sveinsdóttir 7, Íris Ásgeirsdóttir 6, Dúfa
Dröfn Ásbjörnsdóttir 5.
Slavica Dimovska skoraði sigurkörfuna um leið
og leikurinn rann út og Haukar á toppinn.
Keflavík-Valur 91-69
Snæfell-Grindavík 85-71
> Guðný Björk til Kristianstad
Landsliðskonan Guðný Björk Óðinsdóttir hefur gert munn-
legt samkomulag um að ganga í raðir sænska úrvals-
deildarliðsins Kristianstad þar sem Elísabet Gunnarsdóttir,
fyrrum þjálfari hennar hjá Val, er nú við stjórnvölin. „Mér
líst bara mjög vel á þetta og það hjálpaði mér
auðvitað að taka þessa ákvörðun að Beta sé
þarna,“ segir Guðný Björk sem missti af öllu
síðasta tímabili með Val vegna meiðsla. Hún
kvaðst þó í samtali við Fréttablaðið vonast
til þess að verða komin aftur í sitt besta
form í byrjun næsta árs. En þrátt fyrir að
vera aðeins tvítug þá var hún búinn að
festa sig í sessi hjá A-landsliðinu þegar hún
meiddist í apríl síðastliðnum.
Landsliðsþjálfarinn Ólafur Jóhannesson var tiltölulega
sáttur með 1-0 sigurinn gegn Möltu við erfiðar vallar-
aðstæður í gær en hefði þó viljað sjá íslenska liðið nýta
betur yfirburði sína. Heiðar Helguson skoraði eina mark
leiksins.
„Ég var náttúrulega fyrst og fremst ánægður með
að vinna. Við vorum reyndar með góð tök á leiknum
og stjórnuðum honum ágætlega en hefðum í raun
átt að skapa okkur fleiri afgerandi færi en við
ef til vill gerðum. Hvað varðar það að halda
boltanum innan liðsins þá var ég ekki alveg
nógu sáttur en það var samt margt fínt í þessu
og það verður að taka það fram að völlurinn var
þungur og erfiður og það verður að taka það með í
reikninginn,“ segir Ólafur. Íslendingar voru að mæta
Maltverjum í annað skiptið í vináttulandsleik á
þessu ári en fyrri leikurinn tapaðist á æfingarmóti á
Möltu í byrjun febrúar.
„Það er nú bara þannig að við eigum náttúrulega
að vinna lið eins og Möltu og menn eiga að fara inn á völlinn með
því hugarfari að við séum að fara að vinna og ætlum að stjórna
leiknum og það gekk sem betur fer eftir núna,“ segir Ólafur.
Nokkrir leikmenn fengu að spreyta sig sem lítið eða ekkert hafa
verið að spila með landsliðinu undir stjórn Ólafs og hann var sérstak-
lega ánægður með þeirra framlag í leiknum.
„Sölvi Geir stóð sig mjög vel og vörnin reyndar í heild sinni. Ég
notaði líka báða markverðina, Gunnleif og Árna Gaut, sem héldu
náttúrulega hreinu og það er jákvætt. Garðar var að spila sinn
fyrsta landsleik og kom líka fínn inn í leikinn og ég var ágætlega
sáttur með hans framlag. Garðar leysti það hlutverk sem við
vorum að skoða hvort hann gæti leyst og það var ánægjulegt að
sjá,“ segir Ólafur.
Næsti skráði landsleikur Íslands er í byrjun apríl í undan-
keppni HM 2010 gegn Skotlandi.
„Við erum að vinna í því að fá leik í febrúar fyrir það fyrsta og
það er dálítið snúið en við vonum það besta. Síðan sjáum við til
með seinni leikdaginn en hann er á miðvikudegi fyrir leikinn á
laugardegi gegn Skotum,“ segir Ólafur að lokum.
ÓLAFUR JÓHANNESSON: VAR FYRST OG FREMST ÁNÆGÐUR MEÐ AÐ VINNA VINÁTTULANDSLEIKINN Í GÆR
Við eigum náttúrulega að vinna lið eins og Möltu
Þér er boðið að gerast félagi í öflugasta
stuðningsmannaklúbbnum á Íslandi.
Fyrir aðeins 2500 kr. árgjald færðu eftirfarandi:
4 glæsileg tölublöð af Rauða Hernum
- tímariti Liverpoolklúbbsins
Forgang í ferðir sem klúbburinn
skipuleggur í samvinnu við Úrval / Útsýn
Barmmerki klúbbsins
Dagatal
Glæsilega jólagjöf
Fallegt og eigulegt félagsskírteini
Afslátt á Liverpoolvörum í Jóa útherja
Tækifæri til að láta gott af sér leiða í
skemmtilegum félagsskap þar sem menn
vinna að sameiginlegu áhugamáli
Ertu orðinn félagi?
Það er ekki eftir neinu að bíða - skráðu þig strax í dag!
Vertu með í að gera stóran klúbb enn stærri.
Nánari upplýsingar er að finna á www.liverpool.is
FÓTBOLTI Sigurður Jónsson var í
gærkvöld rekinn sem þjálfari
sænska úrvalsdeildarliðsins
Djurgarden.
Sigurður stýrði liðinu í tvö ár.
Fyrra árið gekk vel hjá Sigurði en
liðið hafnaði þá í fjórða sæti. Á
þessu tímabili gekk allt á
afturfótunum hjá Sigurði og
félögum en liðið hafnaði í tólfta
sæti og tapaði fimm síðustu
leikjum sínum í deildinni. - hbg
Breytingar hjá Djurgarden:
Sigurður rek-
inn sem þjálfari
SIGURÐUR JÓNSSON Hefur lokið keppni
hjá Djurgarden.
HANDBOLTI Haukar sýndu styrk
sinn með mögnuðum leik gegn
Akureyri norðan heiða í gær. Þeir
spiluðu frábæran handbolta og
kafsigldu Akureyringa. Þeir unnu
tólf marka sigur, 22-34.
Fyrri hálfleikurinn var jafn
fyrstu fimmtán mínúturnar,
Haukarnir þó alltaf skrefi á undan.
Í stöðunni 7-8 hrökk vörn Hauka í
gang og Akureyringar skoruðu
aðeins þrjú mörk út hálfleikinn.
Haukar náðu upp þægilegu for-
skoti sem fór mest í sex mörk.
Það var lýsandi fyrir Akureyri
að í stöðunni 10-15 þegar þeir voru
tveimur mönnum fleiri í eina mín-
útu skaut Árni Þór himinhátt yfir
úr vítakasti og Oddur skaut svo í
stöng úr hraðaupphlaupi í næstu
sókn. Staðan 10-15 í hálfleik og
eftirleikurinn auðveldur fyrir
Hauka.
Birkir gaf tóninn með tveimur
vörslum í fyrstu sókninni og vörn
Akureyrar var áfram léleg. Sama
vörn og hefur verið aðalsmerki
liðsins í vetur. Haukar skoruðu að
vild og niðurlægðu Akureyringa á
þeirra heimavelli. Lokatölur 22-24
og Haukar geta því brosað alla
leið til Ungverjalands þangað sem
þeir héldu í morgun.
Haukar vildu fresta leiknum
vegna mikils álags en Akureyri
hafði ekki áhuga á því. „Við
komum hingað trítilóðir. Við hefð-
um viljað fresta leiknum en þeir
helltu olíu á eldinn með því að
vilja það ekki. Fyrir vikið förum
við nánast beint út héðan. Við
komum því bara bandbrjálaðir og
sýndum hvað í okkur býr,“ sagði
Birkir.
Hann segir að engin þreytu-
merki hafi verið á liðinu í þessum
leik, en ástæðan fyrir því að liðið
sé búið að tapa fjórum af átta
leikjum í deildinni sé einfaldlega
álagið. „Það er meira en að segja
það að spila í Meistaradeildinni.
Þessi ferðalög taka á, þau eru erfið
og sitja í mönnum,“ sagði Birkir.
Jónatan Magnússon var með
svar á reiðum höndum aðspurður
hvað gerðist hjá toppliðinu í leikn-
um.
„Það er nokkuð einfalt. Við
gátum ekki spilað vörn, fyrir vikið
fengum við enga markvörslu og
við gátum ekki spilað sókn,“ sagði
Jónatan og afgreiddi leikinn með
einni stuttri setningu.
„Það var bara keyrt yfir okkur,
við áttum ekki möguleika. Þrátt
fyrir að spila illa vorum við inni í
leiknum framan af en svo spiluð-
um við rassinn úr buxunum með
óskynsamlegum leik.
Haukarnir voru í öðrum gír en
við, þeir eru með hörku lið. Það
var leiðinlegt að svona fór fyrir
framan frábæra aðdáendur,“ sagði
Jónatan.
Það vantaði ekki stemninguna í
Höllina á Akureyri í gær. Tæplega
1.000 manns troðfylltu húsið en
auk þess að bjóða upp á karlakór
Akureyrar fyrir leik hafði félagið
grafið upp trommuleikarann sem
fór mikinn þegar KA varð Íslands-
meistari síðast á gullaldarárum
félagsins.
Það dugði þó engan veginn til.
Stemningin virtist mikil meðal
leikmanna sem fyrr framan af en
Haukar höfðu einfaldlega mikla
yfirburði þegar kom að handbolt-
anum.
- hþh
Brotlending hjá Akureyringum
Topplið Akureyrar brotlenti harkalega í gær þegar Íslandsmeistarar Hauka komu í heimsókn. Það voru
engin þreytumerki á Haukum en Akureyri spilaði sinn slakasta leik. Neitun um frestun kveikti í Haukum.
STERKUR Kári Kristján Kristjánsson átti fínan leik fyrir Hauka á Akureyri í gær.
FRÉTTABLAÐIÐ/ARNÞÓR
FÓTBOLTI Fjöldi vináttulands-
leikja fór fram í gærkvöldi. Þar
bar hæst stórleiki í Berlín og
Glasgow þar sem B-lið Eng-
lendinga skellti Þjóðverj-
um, 2-1, og Argentína
lagði Skota í sínum
fyrsta landsleik undir
stjórn Diego Armando
Maradona.
Hið meiðslum hrjáða
lið Englands gerði sér
lítið fyrir og lagði Þýska-
land. Upson kom þeim
yfir með skoti af stuttu
færi og þannig stóðu leik-
ar í hálfleik.
Þjóðverjar jöfnuðu eftir
um 20 mínútur í síðari hálf-
leik eftir einstakan klaufa-
skap hjá vörn og markverði
Englendinga, Scott Carson.
Það kom þó ekki að sök því
John Terry tryggði gestun-
um sigurinn með glæsi-
legu skallamarki sex mín-
útum fyrir leikslok og þar
við sat.
Það var sannkallað
Maradona-æði í Glasgow er
Diego Maradona stýrði arg-
entínska landsliðinu í fyrsta
skipti. Stoltið leyndi sér
ekki fyrir leik hjá Mara-
dona er hann stóð í göngun-
um og gerði sig kláran í að
uppfylla enn einn drauminn
á sínum ferli. Frumsýning
Maradona tókst vel því hans
menn lögðu Skota, 0-1. - hbg
England vann Þýskaland og Maradona byrjar vel:
Draumabyrjun Maradona
HETJURNAR John Terry og Matthew Upson fagna hér mark þess síðarnefnda í
gær. Maradona sést síðan stoltur á hliðarlínunni hér að neðan. NORDIC PHOTOS/AFP