Fréttablaðið - 22.11.2008, Blaðsíða 12
12 22. nóvember 2008 LAUGARDAGUR
Í ÞÝSKALANDI Svanahirðar á ánni Alster
í Hamborg í Þýskalandi höfðu nóg að
gera nýverið þegar kom að árvissum
flutningi svana yfir í upphitaða tjörn. Á
sumrin eru þeir hins vegar á ánni.
NORDICPHOTOS/AFP
NOREGUR Norska stjórnin tilkynnti á
fimmtudag að hún hefði ákveðið að
mæla með því að þingið staðfesti að
keyptar skyldu bandarískar F-35
„Joint Strike Fighter“-orrustuþotur
(JSF) í stað F-16-orrustuþotuflota
norska flughersins, sem á að úrelda
á árabilinu 2015-2020.
Undirbúningur ákvörðunarinnar
um þessi umfangsmestu hergagna-
kaup Norðmanna í marga áratugi
átti sér langan aðdraganda, en
aðeins tveir framleiðendur enduðu
með að taka þátt í útboðinu, Lock-
heed-Martin sem framleiðir JSF-
þotuna, og Saab-flugvélaverksmiðj-
urnar sænsku sem buðu
orrustuþotuna Gripen.
„JSF er eina vélin sem uppfyllir
allar kröfur sem við gerum. Hún
mun eiga þátt í að tryggja öryggi á
stórum hafsvæðum og hún er hag-
stæðust í innkaupum, rekstri og
endingartíma,“ sagði Jens Stolten-
berg forsætisráðherra.
Samkvæmt frétt Aftenposten er
innkaupsverð hverrar JSF-þotu 18
milljarðar norskra króna, miðað
við samning upp á kaup 48 þotna.
„Líftímakostnaður“ hverrar slíkr-
ar þotu – það er samanlagt inn-
kaupsverð, vopnabúnaður, íhluta-
framleiðsla, hugbúnaður, innviðir,
útgerð og rekstur til 30 ára – er
sagður nema 145 milljörðum
norskra króna á verðlagi ársins
2008. Á núverandi gengi samsvar-
ar sú upphæð 2.900 milljörðum
íslenskra króna.
Óánægja er með ákvörðunina í
röðum Sósíalíska vinstriflokksins,
flokks Kristinar Halvorsen fjár-
málaráðherra. - aa
Norska ríkisstjórnin gerir upp hug sinn um orrustuþotukaup:
Bandaríska þotan hafði betur
F-35 JSF „Það var ekki mögulegt að velja
Gripen þar sem sú vél uppfyllir ekki
kröfur okkar,“ sagði Stoltenberg.
NORDICPHOTOS/AFP
STJÓRNMÁL Samfylkingin á frekar
að hætta í stjórnarsamstarfi með
Sjálfstæðisflokki en sætta sig við
að krafa um flatan niðurskurð
stefni velferðarkerfinu í hættu.
Þetta kemur fram í ályktun
aðalfundar félags Samfylkingar-
innar í Garðabæ.
Samfylkingin á að leiða
hreinsun í stjórn- og fjármála-
kerfinu og beita sér fyrir því að
stjórn og bankaráð Seðlabankans
víki. Þá verði að hraða rannsókn á
hruninu og eðlilegt að allir sem
ábyrgð beri, hvar í flokki sem
þeir standa, axli sína ábyrgð,
segir í ályktuninni sem samþykkt
var á aðalfundi á miðvikudag. - bj
Samfylkingin í Garðabæ:
Niðurskurður
óásættanlegur
Guðlaugur Þór Þórðarson heilbrigð-
isráðherra segir ýmsar þreifingar
í gangi við að flytja inn sjúklinga
annars staðar frá. Til að mynda
hefur danska blaðið Berlingske
Tidende fjallað um áhuga lækna á
að flytja hingað inn sjúklinga. Hér
sé þjónustan góð og eftir efnhags-
hrunið sé hægt að fá hér mun
ódýrari þjónustu en í Danmörku.
Guðlaugur segir að þessi verði
gætt að fjölgun slíkra aðgerða
bitni ekki á íslenskum sjúklingum
og þeir muni ekki niðurgreiða
þessa þjónustu. Þá geti fjölgun
aðgerða haft í för með sér aukna
hagkvæmi á ýmsum sviðum. Nefnir
hann sem dæmi að hér á landi sé
þekking og tækifæri til mun fleiri
nýrnaígræðslna en nú er og fjölgun
þeirra verði til þess að hver þeirra
verði hlutfallslega ódýrari. Þá felist
tækifæri í fjölgun á bæklunar- og
augnaðgerðum.
ÝMISAR ÞREIFINGAR Í GANGI
Björn Zoëga, forstjóri lækn-
inga, segir að möguleikar á
útflutningi íslenskarar heil-
brigðisþjónustu hafi verið
til athugunar. Landspítalinn
verði þó fyrst og fremst að
huga að heimamarkaðnum.
Svigrúm sé þó fyrir einhvern
útflutning á þjónustu og sé
þegar í gangi svo sem fyrir
Færeyringa og Grænlendinga. Báðar
þjóðirnar vilji að læknisverkum
sem hægt sé að sækja hingað til
lands sé fjölgað svo þjóðirnar þurfi
í minni mæli að leita lækninga í
Kaupmannahöfn. Grænlendingar
hafi óskað eftir tvöfalt fleiri
læknisverkum en þeir hafa
áður fengið hér á landi. Þá
sé von á hópi lækna frá
Færeyjum í byrjun desember
sem ætli að kanna aðstæður
með það í huga að fjölga
þeim verkum sem þeir geti
sótt hingað til lands. „Við
lítum okkur því næst fyrst,“
segir Björn. Hann bætir auk þess
við að Íslendingar hafi gert nokkrar
aðgerðir á offeitum Norðmönnum
með góðum árangri og ábata fyrir
íslenskt samfélag.
FLEIRI NORÐURLANDABÚAR VILJA
LÆKNINGU Á ÍSLANDI
HEILBRIGÐISMÁL „Grunnur-
inn hér á landi fyrir rann-
sóknartengda heilbrigðis-
þjónustu er geysilega
góður. Það er ekki spurn-
ing,“ segir Róbert Wess-
man, fyrrverandi forstjóri
Actavis og eigandi fjár-
festingafyrirtækisins Salt
Investments, sem vinnur
að því að ná samningum
við eina af leiðandi sjúkrastofnun-
um Bandaríkjanna í rannsóknar-
samstarfi við Háskólann í Reykja-
vík og íslenskar
heilbrigðisstofnanir.
Róbert minnir á að samningum
hafi ekki verið náð enn en von sé á
ákvörðun innan tíðar. Heilbrigðis-
stofnunin sé með fjóra aðra mögu-
lega samningsaðila til skoðunar.
Hann sé þó bjartsýnn enda Ísland
löngum verið tengt heilbrigði auk
fjölda annarra kosta málinu
tengdu.
Róbert fór ásamt konu sinni í
heimsókn á Heilbrigðisstofnun
Suðurnesja í gær. Hann segir
heimskóknina hafa verið tengda
hugsanlegu verkefni. Það hafi þó
einnig tengst því að hann hafi lengi
haft áhuga á flestu því sem tengd-
ist heilbrigðismálum. Hann og
kona hans hafi til að mynda styrkt
rannsóknarverkefni í tengslum við
brjóstakrabbamein. Von sé á niður-
stöðum úr því innan
skamms. Sigurður Ýr Jens-
dóttir, læknir á Heilbrigð-
isstofnun Suðurnesja, hafi
kynnt þeim aðstæður á
stofnuninni.
Róbert segir að náist
samningar gætu atvinnu-
skapandi tækifæri skapast
á Íslandi. Eigi að stefna að
því að fjöldi útlendinga
leiti sér lækninga hér á landi og
skapa efnhagslegan ávinning um
leið þurfi að byggja upp starf sem
þetta áður. Hann sagði erfitt að tjá
sig nákvæmlega um hugmyndir að
samstarfinu strax en þær væru á
fremur víðtæku sviði.
Eins og fram hefur komið í
Fréttablaðinu þarf að draga saman
útgjöld í heilbrigðiskerfinu um tólf
milljaða eða um tíu prósent af árs-
veltu. Samkvæmt Víkurfréttum á
Suðurnesjum þýðir niðurskurður-
inn að Heilbrigðisstofnun Suður-
nesja þurfi að draga saman kostnað
um 200 milljónir, þá þurfi að loka
skurðstofu auk þess sem þjónusta á
fæðingardeild verði skert mjög.
„Það væri mjög gleðilegt að
koma að uppbyggingu starfs sem
þessa hér á landi,“ segir Róbert og
bætir við að það sé sérstaklega
mikilvægt í ljósi stöðunnar sem nú
blasir við íslensku samfélagi.
karen@frettabladid.is
Áhugi á heil-
brigðisþjón-
ustu á Íslandi
Leiðandi sjúkrastofnun í Bandaríkjunum hefur
áhuga á því að vinna víðtækt starf hér á landi. Ró-
bert Wessman segir ýmis tækifæri geta skapast.
BJÖRN ZOEGA
RÓBERT WESSMAN
Setti slys strik í þinn reikning?
Við könnum rétt þinn á bótum!
Slys breyta aðstæðum í lífi okkar og starfi.
Fáðu greiddar þær bætur sem þú átt rétt á.
Fulltingi þér við hlið / www.fulltingi.is / sími 533 2050
E
F
L
IR
a
lm
a
n
n
a
te
n
g
s
l
/
H
N
O
T
S
K
Ó
G
U
R
g
ra
fí
s
k
h
ö
n
n
u
n
Auglýsingasími
– Mest lesið