Fréttablaðið - 22.11.2008, Blaðsíða 40
● heimili&hönnun
„Ég hef í rauninni allt frá barn-
æsku haft mikinn áhuga á útstill-
ingum. Áhuginn jókst svo eftir að
ég byrjaði sem afgreiðsludama
í Debenhams og núna vinn ég
þar sem útstillingardama ásamt
því að vera í námi,“ segir Silvía
Kristjánsdóttir, fyrsta árs nemi
í útstillingum í Iðnskólanum í
Hafnarfirði.
Silvía er að eigin sögn litaglöð
að eðlisfari og gefin fyrir gamla
hluti eins og íbúð hennar ber vitni
um. „Ég hrífst af öllum regnbog-
ans litum og stóran hluta innbús-
ins hef ég annaðhvort fengið frá
fjölskyldunni eða keypt í Góða
hirðinum.“
Hún nefnir sem dæmi að sófa-
settið í stofunni sé hún með í
láni frá systur sinni, en viti þó
ekki hvernig henni áskotnaðist
það og þekki ekki uppruna þess.
„Sófaborðið og lampinn eru síðan
gersemar úr Góða hirðinum og
mamma mín saumaði jólagard-
ínurnar í eldhúsinu, upphaflega
fyrir sjálfa sig en gaf mér þær
svo.“
Útstillingargína í íbúðinni
vekur sérstaka athygli blaða-
manns og fæst Silvía til að segja
frá tilurð hennar: „Sagan á bakvið
gínuna er sem sagt sú að ég var
að vinna í herradeildinni í Deben-
hams eitt sumarið. Þegar ég hætti
fannst yfirmanni mínum alveg
ómögulegt að ég hefði eytt heilu
sumri í herradeildinni án þess að
ná mér í karlmann. Hún ákvað því
að gefa mér gínuna að gjöf svo ég
færi ekki úr herradeildinni kær-
astalaus.“
Silvía nefndi gínuna svo Hall-
grím eftir Hallgrími Péturs-
syni, þar sem glittir í Hallgríms-
kirkju út um stofugluggann henn-
ar. „Hallgrímur er eiginlega
bara húshjálpin mín og ég passa
að hann sé alltaf vel skreyttur,“
segir hún og hlær. -aóv
Draumaprinsinn úr plasti
● Silvía Kristjánsdóttir, nemi í útstillingum við Iðnskólann í Hafnarfirði, heldur upp á
gamla muni og vill hafa litríkt í kringum sig eins og sést á heimili hennar í miðbænum.
Gardínur, sem móðir Silvíu saumaði,
prýða eldhúsgluggann.
Stofan er búin húsgögnum sem Silvía hefur keypt í Góða hirðinum eða fengið frá
vinum og vandamönnum. FRÉTTABLAÐIÐ/VILHELM
Hallgrímur, ættaður úr Debenhams,
tekur á móti gestum á Njarðargötu.
Silvía hefur innréttað heimili sitt af mikilli kostgæfni. FRÉTTABLAÐIÐ/VILHELM
Jólaskreytingarnar eru komnar upp.
Silvía vill hafa litríkt í kringum sig.
GE kæliskáparnir eru öflugir,
endingargóðir og glæsilega innréttaðir
Amerískir GE
kæliskápar
GE svartur kæliskápur verð frá kr.:
249.000
Ármúla 19 • Simi: 553-9595
www.gahusgogn.is • gahusgogn@gahusgogn.is
Íslensk hönnun og sérmíði.
Smíðum sófa og
hornsófa eftir máli.
22. NÓVEMBER 2008 LAUGARDAGUR4