Fréttablaðið - 24.11.2008, Blaðsíða 6
6 24. nóvember 2008 MÁNUDAGUR
MÓTMÆLI Mistök réðu því að Hauk-
ur Hilmarsson var eftirlýstur án
þess að hafa um það nokkra hug-
mynd. „Vissulega á að boða menn
aftur inn til afplánunar ef þeir
hafa verið settir út vegna pláss-
leysis,“ segir Erna Björg Jón-
mundsdóttir, deildarstjóri Inn-
heimtumiðstöðvar sekta og
sakarkostnaðar. „Það hins vegar
fórst á milli hluta þarna, þar sem
það er einsdæmi að maður hafi
verið færður til afplánunar eftir
að hafa verið settur út. En Haukur
hefur verið eftirlýstur í handtöku
frá 11. nóvember.“
Haukur hafði fengið sektardóm
vegna mótmælaaðgerða. Hann var
búinn að afplána hluta refsingar-
innar þegar honum var gert að
fara, sökum plássleysis.
Afstaða, félag fanga, sendi frá
sér harðorða tilkynningu í fyrra-
kvöld þar sem skýring lögregl-
unnar á handtöku Hauks, um að
hann hafi verið handtekinn til að
afplána vara-
refsingu, er
dregin í efa. Öll
fangelsi séu
yfirfull og á
þriðja hundrað
manns á bið-
lista. Afbrota-
menn með mun
alvarlegri brot á
bakinu en Hauk-
ur bíði afplán-
unar.
Haukur sjálf-
ur lýsti undrun
sinni yfir að
hafa verið látinn dúsa á lögreglu-
stöðinni við Hverfisgötu. Þetta
segir Erna alvanalegt. „Flestir
þeirra sem eru settir inn vegna
vararefsinga eru fyrst fluttir inn á
lögreglustöð. Algengt er að menn
séu þar í allt upp undir tíu daga
áður en þeir eru fluttir í fangelsi.“
Skýringar lögreglunnar segir
Eva Hauksdóttir, móðir Hauks,
ekki ganga upp. „Haukur er
marg oft búinn að hitta lögregluna
frá því 11. nóvember. En það var
hentugt hjá þeim að taka hann á
föstudagskvöldi. Hann á eftir að
afplána tvær vikur, þá hefði hann
einmitt misst af tveimur laugar-
dögum í mótmælum.“ Hún gerir
ráð fyrir að Haukur kæri handtök-
una. „Haukur hittir Ragnar Aðal-
steinsson, lögmann sinn, á morg-
un. Þá mun hann taka endanlega
ákvörðun um það. En ég tel allar
líkur á að hann kæri, til að setja
tóninn fyrir það hvað er hægt að
leyfa sér að ganga langt gagnvart
mótmælendum.“
holmfridur@frettabladid.is
Virðing
Réttlæti
Minnum á
desemberuppbótina
Desemberuppbót á að greiða ekki
seinna en 15. desember.
VR | KRINGLUNNI 7 | 103 REYKJAVÍK
S. 510 1700 | F. 510 1717 | WWW.VR.IS
OLÍS ÁLFHEIMUM, OLÍS GULLINBRÚ, HOLTAGÖRÐUM,
OLÍS MJÓDD, OLÍS NORÐLINGAHOLTI, NÝBÝLAVEGI,
SUÐURLANDSBRAUT, OLÍS AKRANESI, OLÍS AKUREYRI,
OLÍS BORGARNESI, OLÍS KEFLAVÍK, OLÍS REYÐARFIRÐI
12 STAÐIR
Prentsmiðjan Oddi ehf., Höfðabakka 3-7, 110 Reykjavík
sími 515 5000, www.oddi.is
VIÐSKIPTI Snyrtivörur sem Jón Bragi Bjarna-
son, lífefnafræðingur frá Háskóla Íslands,
hefur þróað úr þorskslógi eru seldar víða um
heim meðal annars undir vörumerkinu Dr.
Bragi. Í apríl síðastliðnum hlaut Jón Bragi
CEW-verðlaunin fyrir þessa framleiðslu en
það eru ein þau eftirsóttustu verðlaun sem
hægt er að vinna til í snyrtivöruheiminum.
Efnið kallar hann Penzyme en það er unnið
úr þorskensími. „Innyfli úr þorski eru
náttúrulega afurð sem engum dettur í hug að
setja framan í sig en þegar vísindin eru búin
að meðhöndla þetta þá er þetta niðurstaðan,“
segir Jón Bragi.
„Þetta er svona yngingaráburður sem eyðir
hrukkum, losar dauðar húðfrumur og bætir
næringarflæði til húðarinnar. Þetta er nokkuð
sérstakt því þetta inniheldur engin krem eða
olíur. Eins eru engin rotvarnarefni, lyktarefni
né litarefni sem er mjög til bóta því öll þessi
efni geta valdið ofnæmisviðbrögðum hjá
sumu fólki. Þetta er mjög græn vara, jafnvel
þótt hún sé unnin úr þeim gula,“ segir hann
kankvís.
Fyrirtæki Jóns Braga, Ensímtækni,
framleiðir vöruna hér á Íslandi en hún hefur
verið seld undir breska vörumerkinu Dr.
Bragi í eitt og hálft ár. Þar að auki hefur hún
verið seld til fyrirtækja frá Frakklandi,
Bretlandi og Bandaríkjunum. - jse
Yngingaráburður unninn úr þorskinnyflum selst víða um heim:
Græn vara unnin úr þeim gula
JÓN BRAGI BJARNASON AÐ EINANGRA ENSÍMIÐ Það
dettur ekki mörgum í hug að maka framan í sig þorsk-
innyflum nema þá að vísindamaðurinn sé búinn að
eiga við þau. Hér er Jón Bragi á vinnustofunni.
FRÉTTABLAÐIÐ/VALGARÐUR
Fannst þér mótmælendur
ganga of langt í mótmælunum
við lögreglustöðina við Hlemm?
Já 61,1%
Nei 38,9%
SPURNING DAGSINS Í DAG:
Fannst þér lögregla ganga of
langt með því að nota piparúða
á mótmælendur á laugardag?
Segðu þína skoðun á vísir.is
Hálftíma bið eftir sjúkrabíl
Tæpur hálftími leið frá því að lögreglan beitti piparúða á mótmælendur þar
til sjúkrabílar mættu á svæðið til að veita þeim aðstoð. Flestir þeirra höfðu
þá bjargað sér sjálfir eða þegið hjálp annarra þegar tvo sjúkrabíla bar að. Sjö
manns nýttu sér hjálp í þeim.
„Ég gat ekki opnað augun og þetta var alveg rosalega sársaukafullt. Ég var
ekki búin að jafna mig fyrr en um níu leytið í gærkvöldi,“ segir Þórunn Ólafs-
dóttir, ein þeirra sem varð fyrir úðanum. Hún komst heim með hjálp vina.
Hjá slökkviliðinu í Reykjavík fengust þær upplýsingar að sjúkrabílarnir
hafi verið sendir af stað skömmu eftir að fyrstu tilkynningarnar komu inn
á Neyðarlínuna, eða klukkan 17.09. Lögreglan beitti piparúðanum klukkan
16.45 og fullyrtu mótmælendur að þá strax hefði verið haft samband við
Neyðarlínuna. Það fékkst ekki staðfest hjá Neyðarlínunni í gær. - hhs
Mistök urðu þegar
boða átti í afplánun
Haukur Hilmarsson hafði verið eftirlýstur frá 11. nóvember. Hann hafði ekki
hugmynd um það sjálfur. Mistök af hálfu starfsmanns, segir Erna Björg Jón-
mundsdóttir, deildarstjóri Innheimtumiðstöðvar sekta og sakarkostnaðar.
EVA HAUKSDÓTTIR
Á ÞAKI ÞINGHÚSSINS Haukur Hilmarsson flaggaði Bónusfánanum á þaki Alþingis-
hússins fyrir rúmum tveimur vikum á meðan á mótmælum stóð á Austurvelli. Hann
var einmitt handtekinn í vísindaferð í Alþingishúsinu síðastliðinn föstudag, Það olli
mikilli reiði. FRÉTTABLAÐIÐ / STEFÁN
LÖGREGLUMÁL Lögreglan á Selfossi rannsakar nú
sérkennilegt mál sem snýst um notaða bílvél.
Maður sem keypti umrædda vél nýlega í Hvera-
gerði komst að því þegar hann fór að skoða hana
betur að hann hefði verið að kaupa vél sem stolið
var frá honum fyrir nokkrum árum.
Þá handtók lögreglan á Selfossi karlmann
nýverið vegna innbrots í Hveragerði. Hann
viðurkenndi innbrotið og að hafa stolið verkfærum
og munum fyrir nærri eina milljón króna. Við
húsleit hjá honum í Hafnarfirði fundust svo nýir
hjólbarðar að verðmæti um 700 þúsund krónur
sem mun hafa verið stolið af dekkjalager á
höfuðborgarsvæðinu. Auk þess voru þar tvö
torfæruvélhjól sem grunur leikur á að hafi verið
stolið. Maðurinn var látinn laus að yfirheyrslu
lokinni.
Auk þessa hefur lögreglan haft í nógu að snúast
því brotist var inn í sumarbústaði í Grímsnesi og í
Bláskógabyggð. Úr bústöðunum var stolið smíða-
verkfærum og flatskjám. Engar vísbendingar eru
um hverjir þarna hafa verið að verki og eru málin í
rannsókn.
- jss
Fjölmörg innbrot og þjófnaðarmál í rannsókn hjá lögreglunni á Selfossi:
Keypti bílvél sem hann átti
KJÖRKASSINN