Fréttablaðið - 24.11.2008, Blaðsíða 43
MÁNUDAGUR 24. nóvember 2008 31
FÓTBOLTI Sir Alex Ferguson,
knattspyrnustjóri Manchester
United, hefur undanfarið látið í
ljós að hann hafi hug á að styrkja
framherjasveit sína þegar
félagsskiptaglugginn opnar í
janúar.
Hann talaði um möguleikann á
að endurkalla Frazier Campbell
úr láni hjá Tottenham og í gær í
viðtali við breska götublaðið
News of the World virtist skoski
knattspyrnustjórinn gefa í skyn
að hann hafi ekki sleppt tökunum
á framherjanum Giuseppe Rossi
sem United seldi til Villarreal á
6,6 milljónir punda í fyrra.
„Hann er frábær leikmaður og
það var erfitt að láta hann fara á
sínum tíma. En þegar Villarreal
bauð þennan pening og, það sem
meira máli skiptir, með klásúl-
unni í samningnum um við gætum
keypt hann til baka, þá var þetta
of gott boð til þess að hafna því.
Við munum nú klárlega skoða
möguleikann á að fá hann aftur til
Old Trafford og það er enn allt
opið hvað það varðar,“ segir
Ferguson. - óþ
Sir Alex Ferguson, Man. Utd:
Gæti reynt að
fá Rossi aftur
ROSSI Í leik með Manchester United
árið 2006. NORDIC PHOTOS/GETTY
FÓTBOLTI Fabiano Farah, umboðs-
maður hins brasilíska Ronaldos,
greindi frá því í gær að þrjú
ónefnd félög í ensku úrvalsdeild-
inni væru búin að ræða við sig
um möguleikann á að fá fram-
herjann snjalla í sínar raðir í
janúar en Man. City hefur þar
fyrir utan opinberað áhuga sinn.
„Núna eru fjögur ensk úrvals-
deildarfélög að keppast um
Ronaldo og ég get staðfest það að
hann hefur hug á að bæta ensku
úrvalsdeildinni á farsæla
ferilskrá sína,“ segir Farah í
viðtali við Sunday Mirror.
Hinn 32 ára gamli Ronaldo
vinnur að endurhæfingu sinni hjá
Flamengo í Brasilíu. - óþ
Umboðsmaður Ronaldos:
Fjögur ensk lið
á eftir Ronaldo
RONALDO Er enn eftirsóttur ef marka
má viðtal við umboðsmann hans í gær.
NORDIC PHOTOS/AFP
FÓTBOLTI Barcelona mistókst að
vinna sinn tíunda deildarleik í röð
þegar Getafe kom í heimsókn á
Nývang en niðurstaðan varð 1-1
jafntefli. Eiður Smári Guðjohnsen
kom inn á sem varamaður fyrir
Barcelona í leiknum.
Gestirnir í Getafe náðu óvænt
yfirhöndinni í leiknum með marki
Dels Moral Manu strax á 19. mín-
útu.
Börsungar reyndu hvað þeir
gátu til þess að jafna metin en lítið
gekk hjá þeim framan af leiknum.
Framherjinn snjalli Samuel Eto‘o
komst næst því að skora fyrir
heimamenn í lok fyrri hálfleiks
þegar skot hans hafnaði í stöng.
Það var ekki fyrr en á 72. mínútu
að Seydou Keita náði að jafna
metin með góðu skallamarki eftir
góða sendingu frá Daniel Alves en
stuttu áður var Victor Valdes vel á
verði í marki Barcelona og varði
skot Juans Albin í stöng.
Pep Guardiola, knattspyrnu-
stjóri Barcelona, skipti svo Eið
Smára inn á mínútu síðar fyrir
varnarmanninn Silvinho í von um
að glæða frekar upp á sóknarleik
heimamanna.
Hvorugu liðinu tókst hins vegar
að finna leiðina að markinu í loka-
kafla leiksins og Getafe náði því að
stöðva sigurgöngu Barcelona í
spænsku úrvalsdeildinni.
Barcelona voru talsvert langt
frá sínu bestu gegn Getafe og liðið
saknaði greinilega argentínska
snillingsins Lionels Messi sem var
hvíldur.
Barcelona er þó sem fyrr á toppi
spænsku deildarinnar en jafntefl-
ið þýðir að Börsungum mistókst að
endurheimta fimm stiga forskot
sitt á erkifjendurna í Real Madrid
sem eru í öðru sætinu, nú þremur
stigum á eftir þeim. Getafe er hins
vegar í fjórtánda sæti.
Atletico Madrid er í sjötta sæti
og mistókst að minnka muninn yfir
í toppliðin þegar liðið missti unn-
inn leik niður í jafntefli á lokamín-
útunni gegn Numancia. - óþ
Eiður Smári kom inn á sem varamaður í jafntefli Barcelona á heimavelli í gær:
Getafe hélt aftur af Barcelona
ENN Á TOPPNUM Barcelona er enn á toppi spænsku úrvalsdeildarinnar þrátt fyrir að
hafa aðeins náð í jafntefli gegn Getafe á heimavelli sínum í gær. NORDIC PHOTOS/AFP