Fréttablaðið - 26.11.2008, Blaðsíða 2

2 26. nóvember 2008 MIÐVIKUDAGUR
LÖGREGLUMÁL Tveimur mönnum
sem grunaðir eru um stórfelld
auðgunarbrot og peningaþvætti
var sleppt úr haldi í gær. Dómari
hafnaði gæsluvarðhaldskröfu yfir
öðrum, og þótti lögreglu þá ekki
ástæða til að halda hinum lengur í
varðhaldi.
Farið var fram á gæsluvarðhald
fram á föstudag yfir Friðjóni Þórð-
arsyni, sem gegnt hefur starfi for-
stöðumanns verðbréfamiðlunar
hjá verðbréfafyrirtækinu Virð-
ingu. Tekið skal fram að Virðing
er ekki til rannsóknar í málinu.
Björn Þorvaldsson, aðstoðar sak-
sóknari hjá Ríkislögreglustjóra,
segir að farið hafi verið fram á að
Friðjón yrði í gæsluvarðhaldi
fram á föstudag, til að koma í veg
fyrir að hann torveldaði rannsókn
málsins. Dómari hafi hins vegar
ekki fallist á kröfuna, þar sem
ekki hafi verið nægjanlega sýnt
fram á grun um refsiverð brot.
„Við teljum að þetta geti tor-
veldað rannsókn málsins, en við
það verður að sitja,“ segir Björn.
Tveir menn voru handteknir
vegna málsins síðastliðinn föstu-
dag, eins og greint var frá í Frétta-
blaðinu. Öðrum mannanna var
sleppt samdægurs, en hinn
úrskurðaður í gæsluvarðhald fram
á föstudag. Friðjón var ekki á
landinu á föstudag, en var hand-
tekinn við komuna til landsins.
Björn segir að sá maður hafi
verið yfirheyrður fram eftir degi í
gær, en látinn laus að yfirheyrsl-
um loknum. Ekki hafi verið talið
að það þjónaði tilgangi að hafa
manninn í varðhaldi eftir að hér-
aðsdómur hafnaði varðhaldskröfu
vegna Friðjóns. Engum tilgangi
þjónar að kæra niðurstöðu héraðs-
dóms til Hæstaréttar, segir Björn.
Slíkt taki að jafnaði tvo sólar-
hringa, og á meðan gangi hinn
grunaði laus. Sá skaði sem verið
sé að reyna að forðast sé þá þegar
orðinn þegar Hæstiréttur komist
að niðurstöðu.
Björn segir rannsóknina halda
áfram, en hún muni fyrirsjáan-
lega taka nokkurn tíma. Ómögu-
legt væri að segja hvort það muni
hafa áhrif á rannsóknina að dóm-
ari hafi hafnað kröfu lögreglu.
Eins og fram hefur komið í
Fréttablaðinu eru mennirnir grun-
aðir um stórfelld auðgunarbrot og
peningaþvætti. Friðjón er grunað-
ur um að hafa nýtt sér upplýsing-
ar sem hann bjó yfir vegna stöðu
sinnar til að versla með gjaldeyri,
og komið meintum hagnaði undan
í vitorði við samverkamann. Hann
er einnig grunaður um að hafa
millifært háar fjárhæðir af reikn-
ingum Virðingar, á persónulega
bankareikninga samverkamanns-
ins.
brjann@frettabladid.is
Kröfu lögreglu um
varðhald hafnað
Dómara þótti ekki nægjanlega sýnt fram á grun um refsiverð brot til að úr-
skurða forstöðumann verðbréfamiðlunar hjá Virðingu í gæsluvarðhald. Öðrum
manni sem sat í varðhaldi vegna málsins var sleppt eftir yfirheyrslur í gær.
GJALDEYRIR Grunur leikur á að forstöðumaður verðbréfamiðlunar hjá Virðingu hafi
nýtt sér upplýsingar sem hann bjó yfir til að versla með gjaldeyri, og koma meintum
hagnaði undan í vitorði við annan mann. Fyrirtækið Virðing er ekki til rannsóknar í
málinu. NORDICPHOTOS/GETTY
VIÐSKIPTI Sektir vegna vanskila
fyrirtækja á ársreikningum gætu
numið allt að hálfum milljarði
króna. Ársreikningaskrá ríkis-
skattstjóra beitir nú í fyrsta sinn
sektarákvæðum eftir að ný
reglugerð um skil árs- og sam-
stæðureikninga tók gildi í sumar.
Guðmundur Guðbjarnason,
forstöðumaður Ársreikningaskrár,
segir endanlegar tölur þó ekki
liggja fyrir. Vanskilafyrirtækjum
var í byrjun ársins bent á að í
nýjum lögum væru sektarákvæði
og bárust í kjölfarið um fjögur
þúsund ársreikningar. Í sumar
voru samt yfir tvö þúsund
fyrirtæki enn í vanskilum vegna
ársins 2006. - óká / sjá Markaðinn
Ársreikningaskrá og ný lög:
Fyrirtæki sekt-
uð í fyrsta sinn
www.skalholtsutgafan.is
FÆST Í KIRKJUHÚSINU OG ÖLLUM HELSTU BÓKAVERSLUNUM
Sigurbjörn Einarsson biskup
er eitt mesta sálmaskáld
íslensku þjóðarinnar
á síðari tímum.
Bókin geymir heildarsafn
sálma hans og ljóða.
Rúnar, varstu að syngja til
félagsmálaráðherra?
„Hún var mér nú ekki efst í huga, ég
verð að viðurkenna það.“
Söngvarinn Rúnar F. Rúnarsson söng
lagið Joanna eftir Kim Larsen í danska
raunveruleikaþættinum All Stars og
vann sér inn sæti í úrslitaþættinum á
föstudagskvöldið. Jóhanna Sigurðardóttir
er félagsmálaráðherra.
MANNRÉTTINDI „Ástand það sem nú
er hér á landi réttlætir ekki að
grunnréttindum einstaklinga verði
fórnað vegna
almennrar reiði
í samfélaginu,“
skrifar Brynjar
Níelsson
hæstaréttarlög-
maður í grein í
Fréttablaðinu í
dag.
Brynjar segir
að með setningu
neyðarlaganna í
upphafi fjármálakreppunnar hafi
hefðbundnar leikreglur réttarrík-
isins verið teknar úr sambandi.
Það hafi ef til vill verið misráðið.
Hann varar stjórnvöld við að fara
á taugum og setja vanhugsaða
löggjöf sem kippi úr sambandi
grundvallarreglum réttarríkisins.
Nú þegar séu komnar á kreik
hugmyndir sem stangist á við
réttarríkið. - bs / sjá síðu 16
Brynar Níelsson lögmaður:
Löggjafinn fari
ekki á taugum
BRYNJAR NÍELSSON
VIÐSKIPTI „[B]ankinn [mun] synja
um afhendingu gagna nema sam-
kvæmt dómi Hæstaréttar og eftir
atvikum niðurstöðu Evrópudóm-
stólsins,“ segir í svari Kaupþings
við beiðni Markaðarins um gögn
úr bankanum.
Bönkunum þremur, Fjármála-
eftirliti, viðskiptaráðherra og
seðlabankastjóra var skrifað og
óskað eftir gögnum eða vitneskju
um útlán bankanna.
Bankarnir segi að upplýsingar
verði ekki látnar af hendi. Lands-
bankinn og Glitnir bíða tilmæla
Alþingis. Kaupþing segir hæpið að
lagasetning „geti með afturvirk-
um hætti tekið til lánveitinga sem
áttu sér stað fyrir gildistöku slíkra
laga“. Svo er rifjað upp að tveggja
ára fangelsi geti varðað við brot-
um á bankaleynd.
Fjármálaeftirlitið segir sér ekki
stætt á að veita aðgang að lánabók-
um banka og vísar til laga um fjár-
málafyrirtæki auk þess sem eftir-
litið og starfsmenn þess séu háðir
þagnarskyldu.
Davíð Oddsson seðlabankastjóri
hefur sagt að bankaleynd eigi ekki
við um aðdraganda bankahruns-
ins. Undir það taka dómsmálaráð-
herra og formaður viðskiptanefnd-
ar Alþingis.
- ikh / sjá Markaðinn
Bankarnir vísa til bankaleyndar og óttast að þungar refsingar blasi við bankafólki:
Áfram óvissa um eigendalán
RÍKISBANKARNIR
Neita að veita upp-
lýsingar til fjölmiðla.
SAMSETT MYND
TRYGGINGAR Líftryggingamiðstöðin
hf. neitar að taka við niðurstöðu
erfðarannsóknar sem sýnir að kona
sem vildi kaupa líftryggingu hjá
félaginu er ekki haldin arfgengri
heilablæðingu.
Konan sótti um líf- og sjúkdóma-
tryggingu hjá Líftryggingamiðstöð-
inni en var synjað þar sem móðir
hennar hafði látist úr arfgengri
heilablæðingu. Konan vildi þá
leggja fram vottorð frá Landspítal-
anum um niðurstöður erfðarann-
sóknar sem sýna að hún ber ekki
genið sem veldur sjúkdóminum.
Líftryggingamiðstöðin kveður sér
hins vegar ekki heimilt að taka við
upplýsingunum. Félagið vitnar til
lagaákvæðis sem bannar trygginga-
félögum að taka við eða hagnýta sér
upplýsingar um erfðarannsóknir á
einstaklingi sem geta gefið til kynna
hættu á að hann þrói með sér eða fái
tiltekinn sjúkdóm.
Konan skaut málinu til Persónu-
verndar. Hún segir skjóta skökku
við að tryggingafélög megi taka við
erfðaupplýsingum ef þær bendi til
tiltekinna sjúkdóma hjá viðkom-
andi einstaklingi en taka svo ekki
við slíkum upplýsingum þegar þær
bendi til hins gagnstæða; að við-
komandi sé ekki haldinn umrædd-
um sjúkdómum.
Persónuvernd segist ekki geta
kveðið upp endanlegan úrskurð
heldur sé það á valdi Úrskurðar-
nefndar í vátryggingamálum. Per-
sónuvernd bendir þó á að í lögum sé
ekki vikið sérstaklega að heimild
tryggingafélags til viðtöku upplýs-
inga sem viðskiptavinur veitir að
eigin frumkvæði og eru um að
erfðarannsókn hafi staðfest að hann
sé ekki haldinn tilteknum sjúkdómi.
Þá sé bann í lögum við því að trygg-
ingafélag notist við slíkar upplýs-
ingar ekki algilt. - gar
Tryggingafélag tekur ekki við vottorði um að kona beri ekki arfgengan sjúkdóm:
Synjað um líftryggingu vegna heilablæðingar móður
LÍFTRYGGINGAMIÐSTÖÐIN Félagið segir
lög banna því að taka við erfðaupplýs-
ingum sem sanni að viðskiptavinir séu
ekki með arfgenga sjúkdóma.
FRÉTTABLAÐIÐ/PJETUR
FÆREYJAR Íslandsheimsókn
færeysku ráðherranna, þeirra
Jørgens Niclasen utanríkisráð-
herra og Jóhannesar Eidesgaard
fjármálaráðherra, í síðustu viku
hefur dregið dilk á eftir sér í
Færeyjum.
Í færeyskum fjölmiðlum var
fullyrt, og vísað þar í íslenska
heimildarmenn, að Eidesgaard
hefði verið áberandi drukkinn í
matarboði með íslenskum
ráðherrum. Það hafi verið
„pínlegt“, eins og færeyska
dagblaðið Dimmalætting segir.
Málið verður tekið upp á
færeyska lögþinginu í dag, og
hefur einn þingmanna spurt
hvort það sé ásættanlegt að
færeyskur ráðherra sé áberandi
ölvaður þegar hann er í erinda-
gjörðum erlendis í umboði
Færeyja. - gb
Íslandsför Eidesgaards:
Drykkjuskapur
ræddur á þingi
BANKAHRUNIÐ Ekki er unnt að fá
upplýst hjá Fjármálaeftirlitinu
hvort rannsókn standi yfir á því
hvort viðskiptabankarnir hafi
með óeðlilegum hætti haldið
uppi gengi hlutabréfa í bönkun-
um.
„Fimmta nóvember birtum við
á heimasíðu okkar upplýsingar
um að við værum að vinna að
rannsóknum sem tengdust
viðskiptum í aðdraganda að falli
bankanna. Það er ýmislegt sem
við erum að kanna þar,“ segir
Úrsúla Ingvarsdóttir, upplýs-
ingafulltrúi hjá Fjármálaeftirlit-
inu. Að sögn Úrsúlu tjáir
Fjármálaeftirlitið sig almennt
ekki um mál sem séu til skoðun-
ar. Niðurstöður séu hins vegar
birtar í samræmi við gagnsæis-
stefnu eftirlitsins.
- gar
Leynd hjá Fjármálaeftirlitinu:
Óljós rannsókn
loftbólufélaga
SPURNING DAGSINS