Fréttablaðið - 26.11.2008, Blaðsíða 8
8 26. nóvember 2008 MIÐVIKUDAGUR
SAMFÉLAGSMÁL Allir þjónustu-
samningar milli Alþjóðahússins
og ríkis og sveitarfélaga renna út
um áramótin. Enginn þeirra hefur
verið endurnýjaður. „Við höfum
ekkert fast í hendi frá 1. janúar,“
segir Einar Skúlason, fram-
kvæmdastjóri Alþjóðahússins.
Tekjur Alþjóðahússins í gegnum
þjónustusamninga námu á þessu
ári 48 milljónum. Þar af komu
þrjátíu milljónir frá Reykjavíkur-
borg.
Áætlaðar tekjur Alþjóðahússins
af annarri þjónustu, svo sem túlka-
og þýðingaþjónustu, nema 150
milljónum króna á þessu ári.
Öruggt er að þær munu dragast
verulega saman á því næsta.
„Framlögin hafa ekki dugað til að
halda þjónustunni gangandi. Við
höfum því fjármagnað stóran
hluta þjónustunnar með ýmiss
konar sölu á þjónustu, meðal ann-
ars til bankanna.“
Aukin framlög séu því nauðsyn-
leg til að halda uppi sömu þjón-
ustu. „Nú er verið að boða sam-
drátt og niðurskurð alls staðar.
Við verðum að fá svör til að vita
hvaða ráðstafanir við þurfum að
gera, meðal annars gagnvart
starfsmönnum okkar.“
Á fundi borgarráðs síðastliðinn
fimmtudag var bréf Einars lagt
fram. Í því óskaði hann eftir fram-
lengingu á þjónustusamningnum.
Afgreiðslu þess var frestað.
Vilhjálmur Þ. Vilhjálmsson, full-
trúi Sjálfstæðisflokksins í borgar-
ráði, segir ekki annað standa til en
að endurnýja þjónustusamninginn
fyrir áramótin. „Hvernig það
verður útfært og hvar málið verð-
ur vistað í kerfinu liggur hins
vegar ekki enn fyrir,“ segir hann.
Ekki sé unnt að endurnýja samn-
inginn fyrr en fjárhagsáætlun
borgarinnar fyrir næsta ár liggi
fyrir. Hún verði rædd á borgar-
stjórnarfundum í byrjun og um
miðjan desember.
„Ég á ekki von á að við missum
öll okkar framlög,“ segir Einar.
„En ef við þurfum að skera niður í
starfsemi okkar mun það strax
hafa áhrif í samfélaginu. Það eru
viðkvæmir tímar fram undan og
það hefur sjaldan verið mikilvæg-
ara að koma upplýsingum á fram-
færi og veita ráðgjöf.“ Ástand eins
og nú er sé mjög líklegt til að ýta
undir neikvæðni í garð útlendinga.
„Slík merki eru þegar komin fram.
Tilvera Alþjóðahússins er mjög
mikilvæg þegar slík umræða fer
af stað.“ holmfridur@frettabladid.is
Óvissa um
starfsemi
Alþjóðahúss
Þjónustusamningar Alþjóðahússins og hins opin-
bera renna út um áramótin. Enginn þeirra hefur
verið endurnýjaður. Einar Skúlason, framkvæmda-
stjóri Alþjóðahússins, hefur áhyggjur af stöðu mála.
EINAR SKÚLASON Engin svör hafa
fengist um hvort þjónustusamningar við
Alþjóðahúsið verða endurnýjaðir.
FRÉTTABLAÐIÐ/AUÐUNN
ÍSLENSKU
TÓNLISTARVERÐLAUNIN
verða afhent í 15. skipti í janúar 2009
Óskað er eftir tillögum að tilnefningum
Skilafrestur til 28. nóvember 2008
Nánari upplýsingar á www.iston.is
OLÍS ÁLFHEIMUM, OLÍS GULLINBRÚ, HOLTAGÖRÐUM,
OLÍS MJÓDD, OLÍS NORÐLINGAHOLTI, NÝBÝLAVEGI,
SUÐURLANDSBRAUT, OLÍS AKRANESI, OLÍS AKUREYRI,
OLÍS BORGARNESI, OLÍS KEFLAVÍK, OLÍS REYÐARFIRÐI
12 STAÐIR
Hvað gerir bankinn
fyrir þig?
Opinn fundur á vegum BSRB í dag
kl. 16:30 – 18:00 í BSRB – húsinu Grettisgötu 89
Á fundinum munu fulltrúar viðskiptabankanna kynna úrræði sem þeir bjóða
viðskiptavinum sínum upp á til að mæta áföllum heimilanna vegna
efnahagsástandsins
Framsögu hafa
Helgi Bragason Kaupþingi
Una Steinsdóttir Glitni
Anna Bjarney Sigurðardóttir Landsbanka
Atli Örn Jónsson Byr
Fundarstjóri
Helga Jónsdóttir framkvæmdastjóri BSRB
Að loknum framsöguerindum verður opnað fyrir spurningar úr sal
Auglýsingasími
– Mest lesið
KONGÓ Sameinuðu þjóðirnar segja
jafnt stjórnarherinn í Kongó sem
uppreisnarmenn hafa brotið
mannréttindi með grófum hætti í
átökum síðustu vikur og mánuði.
Ban Ki-moon, framkvæmda-
stjóri Sameinuðu þjóðanna, segir í
nýrri skýrslu að báðar fylkingarn-
ar hafi stundað fjöldamorð, nauðg-
anir og pyntingar. Þetta gildir
bæði um tútsasveitir og hútúa-
sveitir, sem hafa auk stjórnarhers-
ins átt í alvarlegum átökum síðan í
ágúst í austanverðu landinu.
Alþjóðlegu mannréttindasam-
tökin Human Rights Watch, sem
hafa höfuðstöðvar í New York,
hafa einnig gefið út skýrslu þar
sem stjórn Josephs Kabila er
sökuð um að hafa myrt hundruð
andstæðinga sinna í kjölfar kosn-
inga árið 2006.
Olusegun Obasanjo, fyrrver-
andi forseti Nígeríu, hefur reynt
að miðla málum undanfarna daga.
Hann segir að Laurent Nkunda,
leiðtogi uppreisnarsveita tútsa,
geri þær kröfur helstar að bæði
hann sjálfur og liðsmenn hans
verði teknir í stjórnarher lands-
ins. Þetta yrði hluti af friðarsamn-
ingi, sem einnig kvæði á um vernd
minnihlutahópa. Einnig segir
Obasanjo að Joseph Kabila, for-
seti Kongó, geti hugsað sér að fall-
ast á slíkan samning. - gb
Sameinuðu þjóðirnar og Human Rights Watch um mannréttindabrot í Kongó:
Báðar fylkingar sagðar sekar
FÓRNARLÖMB NAUÐGUNAR Tíu ára
stúlka, vinstra megin á myndinni, ásamt
fleiri fórnarlömbum nauðgana í búðum,
sem óháð samtök hafa sett upp í Kongó
til að aðstoða þær. NORDICPHOTOS/AFP
ALÞJÓÐAHÚSIÐ VIÐ LAUGAVEG Þjónustusamningur borgaryfirvalda og Alþjóðahúss-
ins verður ræddur eftir að fjárhagsáætlun borgarinnar liggur fyrir upp úr miðjum
desember.
EFNAHAGSMÁL Samdrátturinn í
hagkerfi Bandaríkjanna á öðrum
ársfjórðungi var meiri en áður
var talið. Samkvæmt fyrstu
áætlun Hagstofu Bandaríkjanna
nam samdrátturinn 0,3 prósent-
um, en endurskoðaðar tölur sýna
að samdrátturinn var 0,5 prósent.
Mestu munar um samdrátt í
einkaneyslu, en hann var 3,7
prósent. Þetta er í fyrsta sinn
síðan 1991 sem samdráttur
verður í einkaneyslu, og stærsti
samdráttur hennar síðan 1980.
Talið er að einkaneysla dragist
enn saman á fjórða ársfjórðungi
vegna aukins atvinnuleysis. - msh
Endurskoða hagvaxtartölur:
Kreppan meiri
en talið var
LÖGREGLUMÁL Engin ákæra hefur
verið gefin út vegna pókermóts
sem lögreglan stöðvaði 16. júní
2007. Karl Ingi Vilbergsson,
lögfræðingur hjá lögreglu
höfuðborgarsvæðisins, segir
niðurstöðu að vænta bráðlega um
hvort ákært verði í málinu, eða
það látið niður falla.
Tæpir átján mánuðir eru liðnir
síðan lögreglan stöðvaði mótið og
gerði verðlaunafé og spilabúnað
upptækt. Lögreglan hafði ekki
afskipti af pókermóti sem haldið
var um síðustu helgi. - bj
Enn óvissa um pókermót:
Niðurstöðu að
vænta bráðlega