Fréttablaðið - 26.11.2008, Blaðsíða 10
10 26. nóvember 2008 MIÐVIKUDAGUR
RÚSSLAND, AP Verjandi eins þeirra
þriggja sakborninga, sem grunað-
ir eru um morðið á rússnesku
blaðakonunni Önnu Politkovskaja,
segir að í ákæruskjalinu á hendur
þeim sé því haldið fram að morðið
hafi verið framið að undirlagi
rússnesks stjórnmálamanns.
Lögmaðurinn, sem heitir Murad
Musajev, segir að nafn stjórn-
málamannsins sé ekki nefnt í
ákæruskjalinu, en þar komi fram
ásakanir um að morðið hafi verið
hefndaraðgerð fyrir gagnrýnin
skrif blaðakonunnar.
Á síðasta ári hélt Júrí Tsjaíka,
aðalsaksóknari Rússlands, því
fram að fyrirskipanir um morðið
hefðu borist að utan, og virtist
gefa í skyn að rússneski auðkýf-
ingurinn Boris Beresovskí, sem
býr á Englandi í óþökk rússneskra
stjórnvalda, hafi staðið á bak við
verknaðinn. Beresovskí hefur
harðneitað þeim ásökunum.
Saksóknarar í málinu krefjast
þess nú að Jevgení Zubov, dómari
málsins, víki og segja hann óvil-
hallan. Ef skipta þarf um dómara
myndi það enn draga málið á lang-
inn, en það hefur tafist mjög af
ýmsum ástæðum. Zubov hefur nú
frestað réttarhöldunum þangað
til næsta miðvikudag meðan þessi
beiðni saksóknaranna er skoðuð.
Anna Politkovskaja hafði í
skrifum sínum gagnrýnt rússn-
esk stjórnvöld harðlega, ekki síst
fyrir mannréttindabrot í hinni
stríðshrjáðu Tsjetsjeníu. Hún var
skotin til bana fyrir utan blokkar-
íbúð sína í Moskvu haustið 2006.
Stuttu eftir morðið gaf Vlad-
imír Pútín, núverandi forsætis-
ráðherra en þáverandi forseti
Rússlands, í skyn að rússneskir
andstæðingar sínir erlendis hefðu
látið myrða hana til þess að „skapa
bylgju Rússlandsandúðar í heim-
inum“.
Sakborningarnir þrír, sem nú
sitja fyrir dómi í Moskvu, eru
Sergei Kadsjikúrbanov, fyrrver-
andi lögreglumaður í Moskvu, og
bræðurnir Ibragim og Dsjabraíl
Makmudov. Þriðji bróðir þeirra,
Rustam, er sagður flúinn úr landi,
en hann er talinn hafa hleypt af
skotinu sem varð Politkovsköju
að bana.
Bæði fjölskylda hennar og verj-
endur sakborninganna vilja að
réttarhöldin verði opin almenn-
ingi en saksóknarar málsins vilja
að þau verði haldin fyrir luktum
dyrum.
Zubov dómari leyfði almennan
aðgang að réttarhöldunum, þegar
þau hófust í síðustu viku en ákvað
fljótlega að hafa þau lokuð. Nú
hefur hann endurskoðað þá
ákvörðun sína og ætlar að halda
þau fyrir opnum tjöldum.
gudsteinn@frettabladid.is
Morðið sagt
hefndarverk
Rússneskur stjórnmálamaður er sagður hafa lagt
á ráðin um morðið á Önnu Politkovsköju haustið
2006. Saksóknarar vilja að dómarinn víki.
MURAD MUSAJEV Lögmaður eins hinna ákærðu ræðir við fjölmiðla fyrir utan dóms-
hús í Moskvu. NORDICPHOTOS/AFP
STÆRSTA VÉLHJÓL HEIMS Gregory
Dunham frá Kaliforníu er harla stoltur
þar sem hann sýnir risastóra mót-
orhjólið sitt á bifreiða- og vélhjóla-
sýningu í Þýskalandi. Vélhjólið er hið
stærsta í heimi, samkvæmt staðfest-
ingu frá heimsmetabók Guinness, og
mælist 6,2 metrar á lengd og heil 500
hestöfl. NORDICPHOTOS/AFP
STJÓRNMÁL Bjarni Harðarson, fyrrverandi
þingmaður Framsóknarflokksins, segist hafa
staðið fyrir því að upp úr stjórnarsamstarfi
Framsóknarflokksins og Sjálfstæðisflokksins
hafi slitnað eftir alþingiskosningar í fyrra.
Bjarni lýsir atburðarásinni í nýju greinasafni.
Hann segist hafa verið sá eini af sjö þingmönn-
um Framsóknar sem setti sig á móti samstarfi
við Sjálfstæðisflokkinn. Hefðu áhrifamenn utan
flokksins haft í hótunum við hann vegna þessa.
Bjarni vill ekki upplýsa hvaða menn það voru
eða hverju þeir hótuðu.
Um afstöðu sína skrifar Bjarni að mestu hafi
skipt að tryggja átti mönnum sem ekki náðu
kjöri á þing áframhaldandi ráðherrastóla og
kalla hafi átt inn varamenn fyrir þingmenn sem
tækju að sér ráðuneyti. „Þar með hefði flokkn-
um tekist að halda liðlega tíu manna þingflokki
þrátt fyrir fylgistap,“ skrifar Bjarni. „Ég gat
ekki tekið þátt í þeim leik.“ Bjarni kveðst að
lokum hafa sett félögum sínum afarkosti:
Annaðhvort tæki Helga Sigrún Harðardóttir við
þingsæti hans eða þá að hætt yrði við áframhald-
andi stjórnarsamstarf með Sjálfstæðisflokki.
Hafi þá Jón Sigurðsson, þáverandi formaður
Framsóknarflokksins, slitið viðræðum við
Sjálfstæðisflokkinn. Í greininni segist Bjarni
enn sannfærður um að hann hafi breytt rétt.
Í viðtali við Fréttablaðið eftir alþingiskosn-
ingar 2007 hafði Bjarni aðra sögu að segja. Um
stjórnarsamstarf við Sjálfstæðisflokk sagði
hann: „Þó svo að ég telji að mörgu leyti hag
Framsóknarflokksins betur borgið utan þeirrar
stjórnar, þá gerði ég mönnum ljóst að ef til þessa
stjórnarsamstarfs kæmi stæði ég með því.“
- bs
Bjarni Harðarson kveðst hafa komið í veg fyrir áframhaldandi stjórnarsamstarf:
Sagðist víkja ef ríkisstjórnin héldi
BJARNI HARÐARSSON Fannst Framsóknarflokkurinn
reyna að hundsa fylgistap í kosningum.
EFNAHAGSMÁL „Við munum senda
Frjálsa fjárfestingarbankanum
erindi og spyrjast fyrir um þetta,“
segir Þórunn Anna Árnadóttir,
sviðsstjóri neytendaréttarsviðs hjá
Neytendastofu, um skilmálabreyt-
ingar bankans á frystum lánum.
Bankinn býður viðskiptavinum
sínum með erlend lán upp á lána-
breytingar, að greiddar séu fastar
greiðslur í allt að tíu mánuði. Á
heimasíðu bankans segir að þetta sé
gert vegna sögulegrar lægðar
íslensku krónunnar og aukinnar
greiðslubyrði erlendra lána. Í skil-
málabreytingum segir hins vegar
að erlend upphæð á gjalddaga,
afborgun og vextir, umreiknist yfir
í íslenskar krónur miðað við sölu-
gengi kröfuhafa á útreikningar-
degi.
Þórunn Anna segir Neytenda-
stofu hafa borist ábendingar vegna
skilmálabreytinganna. „Við erum
að kanna þetta. Það er spurning
hvort þetta sé eðlileg breyting,“
segir Þórunn Anna sem býst við að
fyrirspurn verði send Frjálsa fjár-
festingarbankanum í dag. „Fólk
hefur ekki verið að fá frystingu
með þessum hætti fyrr og við
höfum ekki fengið þessar fyrir-
spurnir varðandi skilmálabreyting-
ar hjá hinum bönkunum.“ - ovd
Skilmálabreytingar lána Frjálsa fjárfestingarbankans:
Miða við sölugengi
VERSLUN Útlendingar hafa nýtt sér
gengi krónunnar til að koma í
verslunarferðir til Íslands. Hjá
Sony Center í Kringlunni fást
þær upplýsingar að sérstaklega
hafi borið á Dönum og Færeying-
um að kaupa dýra en fyrirferðar-
litla hluti. Icelandair hefur að
undanförnu auglýst 25 prósenta
afslátt á flugi til Íslands frá
hinum Norðurlöndunum og segir
að það sé í þakklætisskyni fyrir
lán sem þessar þjóðir hafi veitt
Íslendingum. Norrænir fjölmiðl-
ar, sérstaklega norskir, hafa
fjallað um hve hagstætt sé að
versla á Íslandi til jólanna. - ghs
Verslun á Íslandi:
Útlendingar
kaupa dýrt