Fréttablaðið - 26.11.2008, Blaðsíða 21

Sölufulltrúar Jóna María Hafsteinsdóttir jmh@365.is 512 5473 Hugi Garðarsson hugi@365.is 512 5447
Sigríður Stephensen, dagskrár-
gerðarmaður á Rás 1, hefur á síð-
ustu árum vakið athygli á heims-
tónlist í útvarpsþættinum Til allra
átta. Nýlega skellti Sigríður sér á
heimstónlistarhátíðina og -ráð-
stefnuna Womex á Spáni, þar sem
kennir ýmissa grasa í tónlist.
„Womex er aðalhátíðin þar sem
allur tónlistarbransinn kemur
saman. Ekki aðeins tónlistarmenn
heldur líka útgefendur, umboðs-
menn, fjölmiðlafólk og fleiri,“
segir Sigríður um þennan árlega
tónlistarviðburð, sem var að þessu
sinni haldinn í ráðstefnuhöllinni í
Sevilla. Alls voru 49 tónlistaratriði
flutt í ár og segist Sigríður hafa
átt fullt í fangi með að fylgjast
með þeim.
„Maður nær aldrei að sjá allt og
verður eiginlega að vera á hlaupa-
skónum. Það er svo margt í gangi í
einu þannig að maður fær rétt svo
smjörþefinn af hverju og einu
atriði. Dagskráin er fjölbreytt
eftir því, allt frá kyrrlátum og lág-
stemmdum atriðum upp í rokk,
salsa og stuð. Íslendingur tróð
meira að segja upp, Ólöf Arnalds,
og vakti mikla athygli,“ útskýrir
hún og bætir við að nokkrir tón-
listarmenn hafi staðið upp úr á
hátíðinni.
„Meðal annars kínversk kona,
Liu Fang, sem lék af einstakri
snilld á kínverskt strengjahljóð-
færi, sem kallast pípa. Líka sjö
manna sönghópur frá Korsíku,
sem er með rosalega þéttan og fal-
legan tón, og svo hress og taktfast-
ur slagverkskvartett frá Kóreu.
Síðast en ekki síst allsérstök lúðra-
sveit, sem kallast Amazonurnar
frá Gíneu, skipuð konum sem
troða upp í hermannaklæðum.“
Sigríður segist hafa nýtt tímann
til að safna efni fyrir plötusafn
Ríkisútvarpsins, mynda tengsl við
þátttakendur og gesti og hlýða á
fyrirlestra sem fluttir voru af sér-
fræðingum í heimstónlist. „Fyrir-
lestrarnir, sem fara flestir fram á
daginn, eiga sinn þátt í að aðgreina
hátíðina frá öðrum viðburðum af
þessum toga, þar á meðal Womad-
hátíðinni þar sem eingöngu tónlist
er leikin. Til dæmis fluttu þarna
fyrirlestra fræðimenn, sem hafa
rannsakað tónlist minnihlutahópa,
eins og Hollendingur sem fjallaði
um tónlist Mólúkkaeyja. Í kring-
um 4.000 manns sveimuðu um til
að afla sér fróðleiks,“ segir hún.
Sigríður kemur því heim reynsl-
unni ríkari eftir veru sína í Sevilla
og hlakkar til að deila henni með
landsmönnum á öldum ljósvakans.
roald@frettabladid.is
Allir heimsins hljómar
Sigríður Stephensen, dagskrárgerðarmaður á Rás 1, brá sér nýverið á heimstónlistarhátíðina og -ráð-
stefnuna Womex á Spáni. Þar koma saman áhugaverðir tónlistarmenn héðan og þaðan úr heiminum.
Sigríður heldur upp á heimstónlist og fékk útrás fyrir áhugann á Womex-hátíðinni og ráðstefnunni á Spáni. FRÉTTABLAÐIÐ/GVA
Suðurgata 41 · 101 Reykjavík · sími 530 2200 · www.thjodminjasafn.isSuðurgata 41 · 101 Reykjavík · sími 530 2200 · www.thjodminjasafn.is Opið lla daga vikunnar nema mánudaga kl. 11-17
safnbúð
þjóðminjasafnsins
Samstæðuspil
Sérpakkað súkkulaði
Rósavettlingar
Fallegir minjagripir, íslensk hönnun, handverk og fróðlegar bækur
Safnbúð Þjóðminjasafnsins framleiðir vandaða minjagripi, leikföng og gjafavöru.
Ný og fersk hönnun sem færir muni, ljósmyndir, myndlist og handverk safnsins í
nútímalegan og fallegan búning.
JÓLAGJAFIR til barna og unglinga eru meðal þess
sem mæðrastyrksnefnd í Hafnarfirði tekur á móti fyrir
jólin til þess að létta byrðar þeirra sem minnst mega sín
um jólahátíðina. Tekið er á móti gjöfunum í Jólaþorpinu.