Fréttablaðið - 27.11.2008, Blaðsíða 2

2 27. nóvember 2008 FIMMTUDAGUR
GRÆNLAND Þrír af hverjum fjórum Grænlendingum
greiddu nýjum sjálfstjórnarlögum atkvæði sitt í
þjóðaratkvæðagreiðslu sem fram fór á þriðjudag.
„Ég þakka grænlensku þjóðinni fyrir þessa
afgerandi niðurstöðu. Nú hefur Grænland fengið
umboð til að stíga skrefi lengra í átt að fullu sjálf-
stæði,“ sagði Hans Enoksen, formaður grænlensku
landstjórnarinnar, eftir að úrslit atkvæðagreiðslunn-
ar lágu fyrir. 75,54 prósent samþykktu nýju lögin,
23,57 prósent greiddu atkvæði á móti. Kjörsókn var
um 72 prósent, en um 39.000 manns voru á kjörskrá.
Flokkur sjálfstæðissinna, Inuit Ataqatigiit (IA) sem
á aðild að landstjórninni, er líka með næstu skref á
hreinu. „Fyrsta verkefnið verður að fara til Samein-
uðu þjóðanna og tilkynna um hina formlegu viður-
kenningu Grænlendinga sem þjóðar,“ hefur dagblaðið
Sermitsiaq eftir Kuupik Kleist, formanni IA.
Nýju sjálfstjórnarlögin taka við af heimastjórnar-
lögunum frá árinu 1979. Með gildistöku þeirra hinn
21. júní næstkomandi færast fleiri mál undir valdsvið
landstjórnarinnar. Meðal þeirra mikilvægustu er
óskoraður réttur Grænlendinga til arðsins af auðlind-
um í grænlenskri lögsögu, aukin réttindi til að fara
með utanríkismál, lögreglumál, strandgæslu og fleira.
Auk þess er grænlenska viðurkennd sem eina
opinbera tungumálið.
Grænlenski landsjóðurinn þiggur enn um 3,5
milljarða danskra króna, andvirði yfir 80 milljarða
íslenskra, í árlegan styrk af dönsku fjárlögunum.
Sjálfstjórnarlögin gera ráð fyrir að styrkurinn verði
smám saman skorinn niður. - aa
ÁFANGI Hans Enoksen og aðrir ráðherrar landstjórnarinnar á
hátíðarsamkomu sem Ingibjörg Sólrún Gísladóttir utanríkis-
ráðherra var viðstödd í opinberri heimsókn sinni til Grænlands
fyrir skemmstu.
Yfirgnæfandi stuðningur við ný sjálfstjórnarlög á Grænlandi:
Stór áfangi í sjálfstæðisátt
LONDON, AP Gordon Brown,
forsætisráðherra Bretlands,
greindi frá því í gær að næsti
leiðtogafundur
G-20-hópsins
svokallaða um
viðbrögð heims-
byggðarinnar
við alþjóðlegu
fjármálakrepp-
unni yrði
haldinn í
Lundúnum í
apríl.
Brown tjáði
breska þinginu að Barack Obama,
verðandi forseti Bandaríkjanna,
hefði þekkst boð um að mæta. Það
yrði fyrsta heimsókn Obama til
Evrópu frá því hann náði kjöri.
Leiðtogar 21 ríkis, bæði ríkra
Vesturlanda og áhrifamikilla
þróunarlanda, og fulltrúar
fjögurra fjölþjóðastofnana héldu
fyrsta slíka kreppufundinn í
Washington 14.-15. nóvember. - aa
Kreppuviðbrögð G-20-velda:
Brown boðar
framhaldsfund
GORDON BROWN
TAÍLAND Tveir stærstu flugvellirnir
í Taílandi voru lokaðir í gær vegna
mótmælaaðgerða gegn ríkisstjórn
landsins. Sex Íslendingar lentu í
hrakningum þegar mótmælendur
stöðvuðu umferð um alþjóðaflug-
völlinn í höfuðborginni Bangkok.
Íslendingarnir höfðu beðið á flug-
vellinum í sólarhring þegar þeir
voru loks fluttir ásamt þúsundum
annarra ferðamanna á hótel í gær-
kvöldi.
Hjón úr Kelduhverfi, Sigurður
Yngvason bóndi, eiginkona hans
Nuan Sankla, og þrjú börn þeirra,
tveggja, sjö og tólf ára, voru á leið
heim til Íslands eftir mánaðardvöl
hjá ættingjum í Taílandi þegar
mótmælendur lokuðu flugvellin-
um. Axel Yngvason, bróðir Sigurð-
ar, hefur séð um búið í fjarveru
þeirra. Hann segist hafa heyrt í
þeim í gær og þá hafi þau látið vel
af sér miðað við aðstæður. Þau hafi
verið í rútu á leið á hótel og átt von
á því að komast úr landi í dag.
„Það var allt í lagi með þau en
það var náttúrulega skotið og
sprengt þarna allt í kring. Það var
hættuástand þarna,“ segir Axel.
Holberg Másson tölvusérfræð-
ingur hafði verið fluttur inn á hótel
í baðstrandarbæ sunnan við Bang-
kok þegar Fréttablaðið hafði sam-
band við hann í gær en þangað
höfðu farþegarnir loks verið flutt-
ir. Holberg segir að ferðamennirn-
ir hafi verið búnir að bíða matar-
og hvíldarlausir í sólarhring á
flugvellinum þegar hann hafi farið
ásamt Breta að ræða við mótmæl-
endurna og bent þeim á að ferða-
mennirnir væru í raun gíslar.
„Mótmælendurnir vildu að við
yrðum á flugvellinum næstu daga.
Við fórum að ræða við forystumenn
mótmælendanna og bentum þeim á
að við værum í raun gíslar því að
við værum búin að vera þarna í sól-
arhring og gætum hvergi farið því
engar samgöngur væru í gangi.
Þeir sögðu að fólk gæti labbað tvo
kílómetra til að komast í samgöng-
ur, en við útlendingarnir gátum
ekkert dröslast með farangurinn
neitt enda vissum við ekkert í hvaða
átt við ættum að fara,“ segir hann.
Holberg segir að starfsmenn
flugvallarins, yfirvalda og ferða-
skrifstofa hafi ekki verið á staðn-
um og hvorki vott né þurrt að fá.
„Mótmælendurnir voru svo
almennilegir að gefa okkur af
sínum mat. Svo breyttist tónninn í
þeim og þá kom í ljós að lögreglan
hafði sett í gang áætlun um að
koma okkur í rútur og herinn leiddi
okkur út. Við vorum keyrð á öruggt
svæði og sátum þar í tvo klukku-
tíma áður en við vorum svo keyrð
hingað á hótelið,“ segir hann.
ghs@frettabladid.is
Íslensk fjölskylda í
skothríð í Taílandi
Sex Íslendingar voru fastir á flugvöllum í Taílandi í gær. Fimm manna fjöl-
skylda úr Kelduhverfi hafði beðið matarlaus í sólarhring þegar hún var flutt á
hótel. „Það var skotið og sprengt allt í kring,“ segir bróðir fjölskylduföðurins.
SKOTIÐ ALLT Í KRING Sigurður Yngvason, bóndi á Tóvegg í Kelduhverfi, ásamt börn-
um sínum, Sofie, Degi Yngva og Díönu. Sigurður taldi fjölskylduna ekki í hættu þó
skotið og sprengt væri allt í kringum þau á alþjóðaflugvellinum í Bangkok.
FRÉTTABLAÐIÐ/ÚR EINKASAFNI
Á HEIMLEIÐ Nuan Sankla, eiginkona
Sigurðar. Þau voru á heimleið eftir
heimsókn til fjölskyldu hennar.
LÖGREGLUMÁL Maður um tvítugt
sem stakk annan mann með hnífi
á Hlemmi í fyrrakvöld var í gær
úrskurðaður í vikulangt gæslu-
varðhald.
Fórnarlambið sem er um
fertugt hlaut alvarlega áverka
við árásina. Maðurinn var í
fyrstu sendur á gjörgæslu, en
var kominn á almenna deild
síðdegis í gær.
Atvikið gerðist á sjöunda
tímanum í fyrrakvöld. Mennirnir
sem um ræðir eru náskyldir og
þekktust því. Upphafið að
árásinni voru persónulegar
deilur þeirra, samkvæmt
upplýsingum Fréttablaðsins. - jss
Árásin á Hlemmi:
Hnífamaður í
gæsluvarðhald
LÖGREGLUMÁL Tveir karlmenn, sem
setið hafa í gæsluvarðhaldi vegna
rannsóknar á framleiðslu amfet-
amíns í Hafnarfirði, hafa hafið
afplánun vegna annarra mála, að
kröfu lögreglunnar á höfuðborgar-
svæðinu. Þetta eru þeir Tindur
Jónsson og Jónas Ingi Ragnarsson.
Þeir voru báðir á reynslulausn
vegna fyrri dóma. Tindur vegna
alvarlegrar líkamsárásar með
sveðju og Jónas Ingi vegna aðildar
sinnar að líkfundarmálinu.
Eftirstöðvar fangelsisvistar
þeirra voru annars vegar 300
dagar og hinsvegar 1080 daga.
Gæsluvarðhaldsúrskurður yfir
mönnunum átti að renna út í dag.
Rannsókn framleiðslumálsins
miðar vel, að sögn lögreglu. - jss
Verksmiðjan í Hafnarfirði:
Amfetamín-
menn afplána
SAMFÉLAGSMÁL Virðulegur
lögmaður, íklæddur málflutnings-
skikkju, lét mikið fyrir sér fara í
miðborg Reykjavíkur á föstudag-
inn var. Eitthvað þótti lögreglu
hann kunnuglegur og bar sig á tal
við hann. Kom þá í ljós að þar var
á ferð góðkunningi hennar og
hreint ekki lögmaður. Sagðist hann
ekki muna hvar hann fékk
„sloppinn“. Líklegt þykir að flíkin
hafi horfið úr húsnæði Héraðs-
dóms Reykjavíkur. - hhs
Skikkjur hverfa úr héraðsdómi:
Skikkjuklæddur
í miðborginni
ESB-sáttmáli löglegur
Stjórnlagadómstóll Tékklands hefur
úrskurðað að fullgilding Lissabonsátt-
mála Evrópusambandsins myndi ekki
stangast á við stjórnarskrá landsins.
Þar með er leiðin talin greið fyrir því
að tékkneska þingið staðfesti sáttmál-
ann. Þar með væri staðfestingarferlinu
lokið í 26 af 27 aðildarríkjum ESB. Írar
höfnuðu staðfestingunni í þjóðarat-
kvæðagreiðslu í júní.
TÉKKLAND
VIÐSKIPTI Verðbólga stökk úr 15,9
prósentum í október í 17,1 pró-
sent nú, samkvæmt útreikningum
Hagstofunnar sem birtir voru í
gær.
Sé húsnæði skilið undan er
verðbólgan 19,5 prósent.
Þetta er nokkru undir spá grein-
ingardeilda. Greining Glitnis sá
17,5 prósenta verðbólgu í spilun-
um en greiningardeild IFS Ráð-
gjafar sá þar 18,1 prósent.
Í spám greiningardeildanna
kom fram að fall krónunnar
myndi knýja verðbólguna áfram
að mestu leyti.
Verð á helstu vöruflokkum
hækkaði um þrjú til tæp sjö pró-
sent á milli mánaða. Hagstofan
tekur sérstaklega fram að verð á
nýjum bílum dróst á sama tíma
saman um 1,1 prósent á milli mán-
aða. Bendir hún á að bílasala hafi
dregist verulega saman og mæli
því eingöngu breytingu á verði
seldra bíla í stað listaverðs.
Greining Glitnis segir í Morg-
unkorni sínu í gær muninn á spám
og niðurstöðu skýrast af því að
áhrif gengislækkunar krónunnar
hafi ekki komið jafnt sterkt fram
og reiknað var með. Því sé líklegt
að verðbólga eigi enn eftir að
aukast frekar á næstu mánuðum
en hjaðna svo hratt þegar fram
kemur á næsta ár. - jab
Verðbólgan slær 17,1 prósent en á langa ferð fyrir höndum áður en toppi nær:
Niðurstaðan undir spám
VERSLAÐ Í MATINN Greiningardeild
Glitnis reiknar með því að verðbólga
eigi eftir að aukast á næstu mánuðum.
FRÉTTABLAÐIÐ/VALLI
BÆKUR Fréttablaðið birtir lista
yfir tíu mest seldu bækurnar í
Eymundsson og verslunum Máls
og menningar annars vegar, og
verslunum Hagkaupa hins vegar.
Fyrsti listinn birtist í dag en þeir
verða vikulega á dagskrá fram að
jólum.
Bók Arnaldar Indriðasonar,
Myrká, er í efsta sæti á sölulista
Eymundsson og Máls og menn-
ingar. Fíasól er flottust eftir
Kristínu Helgu Gunnarsdóttur
fylgir á hæla hennar en Auðnin
eftir Yrsu Sigurðardóttur er í
þriðja sæti.
Bókin Þú getur, eftir Jóhann
Inga Gunnarsson og fleiri, er í
efsta sæti á sölulista Hagkaupa,
Myrká er í öðru sæti og Jólasyrpa
Disney í því þriðja. - bs / sjá síðu 38
Mest seldu bækurnar:
Arnaldur og Jó-
hann Ingi efstir
TVÖ MANNSLÍF
- TÓLF EGG
Tveir ungir menn hittast í
fangaklefa í Leníngrad og
bíða dóms fyrir hæpnar sakir.
Saga um vináttu og djörfung
á erfiðum tímum.
D
Y
N
A
M
O
R
E
Y
K
JA
V
ÍK
„ROSALEGA
ÁTAKANLEG, FLOT
T
LÝSING MEÐ FRÁ
BÆRUM
PERSÓNUM.“
– EGILL HELGAS
ON,
KILJAN
Pétur, ertu á svörtum lista á
vídeóleigunni þinni?
„Nei, ég er vel liðinn þar enda skila
ég alltaf þeim spólum sem ég fæ
lánaðar.“
G. Pétur Matthíasson, fyrrverandi frétta-
maður, þurfti að skila Ríkisútvarpinu
spólu með upptökum af viðtali við Geir
H. Haarde.
SPURNING DAGSINS