Fréttablaðið - 27.11.2008, Blaðsíða 6

6 27. nóvember 2008 FIMMTUDAGUR
LÖGREGLUMÁL „Sonur minn hefur
fengið nafnlausar hótanir í gegn-
um netið á borð við; „Ég lem þig
ef ég sé þig“ og „Eins gott að þú
verðir með nafnskírteini á þér
þegar ég hitti þig“. Við vonum að
þessi misskilningur leysist sem
fyrst. Ef ekki verðum við að grípa
til einhverra róttækra úrræða,“
segir Óskar Bjarnason Njarðvík-
urbúi. Sá misskilningur hefur
komist á kreik að fimmtán ára
sonur Óskars, Óskar Örn, hafi átt
hlut að máli í grófu ofbeldisverki
sem unnið var í Njarðvík í síðustu
viku. Þrír piltar réðust þar á
skólafélaga sinn á hrottalegan
hátt og tóku upp á myndband sem
dreift var á netinu. Óskar Örn
kom þar hvergi nærri, en er nafni
eins þeirra sem var kærður fyrir
árásina.
Auk net-hótananna hefur einn-
ig verið setið um heimili fjöl-
skyldunnar. Í fyrrakvöld var
dyrabjöllunni hringt og spurt
eftir Óskari. Þegar Óskar eldri
opnaði útidyrahurðina sá hann
tvo grímuklædda menn uppi á
húsþaki, sem styggðust þegar
þeir urðu föðurins varir og hlupu
á brott.
Faðir Óskars telur að misskiln-
inginn megi rekja til þess að nöfn
árásármannanna voru birt á vin-
sælli bloggsíðu stuttu eftir verkn-
aðinn. „Fyrst eftir árásina fannst
syni mínum eins og horft væri
undarlega á hann í skólanum, en
hann hefur ekki orðið fyrir ónæði
þar. Misskilningurinn varð því
ekki langlífur í skólanum og von-
andi fer þessu að linna. Þetta
kemur illa við okkur,“ segir Óskar.
- kg
Dreng hótað fyrir misskilning í kjölfar hrottalegrar líkamsárásar í Njarðvík:
Saklausum hótað barsmíðum
LÍKAMSÁRÁSIN Lögð hefur verið fram
kæra á hendur þremenningunum sem
frömdu árásina sem dreift var á netinu.
ÍSLENSKU
TÓNLISTARVERÐLAUNIN
verða afhent í 15. skipti í janúar 2009
Óskað er eftir tillögum að tilnefningum
Skilafrestur til 28. nóvember 2008
Nánari upplýsingar á www.iston.is
®
EFNAHAGSMÁL Nettókostnaður
Íslendinga vegna innlánsreikninga
í útibúum bankanna erlendis verð-
ur um 245 milljarðar króna, sam-
kvæmt bráðabirgðamati Alþjóða-
gjaldeyrissjóðsins. Sjóðurinn
reiknar með að eignir bankanna
ytra dugi fyrir um helmingi af
kröfu erlendra ríkja vegna tryggðra
innstæðna.
Landsframleiðsla Íslands í fyrra
nam yfir 1.293 milljörðum króna,
samkvæmt tölum Hagstofunnar.
Landsframleiðsla í ár liggur ekki
fyrir.
Sé miðað við mat sjóðsins og
landsframleiðslu í ár, má ætla að
hátt í átta hundruð þúsund krónur
lendi á hverjum Íslendingi. Hér er
ekki gert ráð fyrir vaxtagreiðslum.
Hryggjarstykkið í þessu er vegna
Icesave-reikninganna.
Geir H. Haarde forsætisráð-
herra, Björgvin G. Sigurðsson við-
skiptaráðherra og Björgólfur Guð-
mundsson, fyrrverandi formaður
Bankaráðs Landsbankans og helsti
eigandi hans, hafa allir sagst von-
ast til þess að eignir bankans
erlendis dugi fyrir innlánaskuld-
bindingum. Ljóst er að Alþjóða-
gjaldeyrissjóðurinn deilir ekki
þeirri von. Glitnir, Landsbankinn
og Kaupþing tóku allir við innlán-
um erlendis.
Eftir því sem næst verður kom-
ist er að mestu búið að ganga frá
innlánum sem Kaupþing tók við á
svonefndum Edge-reikningum í
útibúum erlendis. Þó er eftir loka-
frágangur á ríflega 300 milljóna
evra innlánum sem voru í Þýska-
landi.
Þá er óvíst um skuldbindingar
vegna heildsöluinnlána Glitnis í
Bretlandi.
Heimildarmenn eru sammála um
að megnið af innlánum sem íslensk
stjórnvöld þurfa að ábyrgjast,
tryggingaskuldbindinga, sé vegna
Icesave-reikninga Landsbankans.
Þar var tekið við innlánum í Bret-
landi og Hollandi.
Hvorki náðist í skilanefndir
bankanna né viðskiptaráðherra,
þrátt fyrir ítrekaðar tilraunir.
Fyrir 245 milljarða króna má
reka allt heilbrigðiskerfið í tvö ár
eða standa straum af öllum útgjöld-
um ríkisins til félags- og trygginga-
mála. Einnig mætti reka lögreglu
höfuðborgarsvæðisins í næstum
heilan mannsaldur. Þetta stæði
straum af rekstri Menntaskólans
við Sund í yfir 550 ár.
ingimar@markadurinn.is
245 milljarðar vegna
innlána bankanna
Íslendingar þurfa að greiða 245 milljarða króna vegna innlána íslensku bank-
anna erlendis, að mati Alþjóðagjaldeyrissjóðsins, mest vegna Icesave. Stjórnvöld
vonast til þess að eignir dugi fyrir innlánunum. Sjóðurinn deilir ekki því mati.
BROSAÐ TIL ÍSLANDS Bresk sendinefnd kom hingað til að semja um lausn Icesave-málsins. Niðurstaðan varð sú að Íslendingar
borga. Alþjóðagjaldeyrissjóðurinn telur að eignir dugi fyrir helmingi af ábyrgðunum, annað lendi á íslenskum skattgreiðendum.
FRÉTTABLAÐIÐ/ANTON
Ætlar þú að kaupa jólagjafir
fyrir lægri upphæð en undan-
farin ár?
Já 82,2%
Nei 17,8%
SPURNING DAGSINS Í DAG:
Finnur þú fyrir vöruskorti?
Segðu skoðun þína á vísir.is
MUMBAI, AP Áttatíu hið minnsta létust í skotárásum
sem gerðar voru í indversku borginni Mumbai í gær.
Að minnsta kosti 250 eru slasaðir að sögn lögreglu.
Óttast er að tala látinna eigi eftir að hækka. Á meðal
hinna látnu er yfirmaður í lögreglunni í borginni sem
fór fyrir sérsveit sem berst við hryðjuverkamenn.
Lögreglan telur að um samhæfðar hryðjuverkaárás-
ir sé að ræða en þær voru gerðar á sjö stöðum í
borginni. Skotárásirnar komu í kjölfar fjölda sprengju-
árása sem gerðar hafa verið í indverskum borgum
síðustu mánuði. Lítt þekkt múslimsk hryðjuverkasam-
tök, Deccan Mujhaideen, hafa lýst ábyrgð á hendur sér
í tölvupóstum til fjölmiðla.
Taj-hótelið í Mumbai stóð í ljósum logum þegar
Fréttablaðið fór í prentun og fregnir bárust af frekari
hryðjuverkaárásum. - kh
Samhæfðar skotárásir voru gerðar í Mumbai á Indlandi í gær:
Áttatíu hið minnsta látnir
ATVINNA Um 100 starfsmönnum
Húsasmiðjunnar í fullu starfi hefur
verið sagt upp störfum. Einnig
hefur starfsmönnum í hlutastarfi
verið sagt upp en nákvæm tala
liggur ekki fyrir. Þetta var tilkynnt
á starfsmannafundi í gær.
Samkvæmt tilkynningu frá
Húsasmiðjunni er þetta gert til að
bregðast við versnandi aðstæðum í
byggingariðnaði og óhagstæðri
gengisþróun. Uppsagnirnar taka
gildi frá og með næstu mánaðamót-
um. Að sögn Steins Loga Björns-
sonar, forstjóra Húsasmiðjunnar,
voru um 800 á launaskrá um
síðustu mánaðamót. Þar af 600 í
fullu starfi. - kh
Fjöldauppsagnir halda áfram:
99 sagt upp í
Húsasmiðjunni
EYÐILEGGING Áttatíu manns hið minnsta létust í skot-
árásunum í borginni Mumbai á Indlandi í gær.

FR
ÉT
TA
B
LA
Ð
IÐ
/A
P
KJÖRKASSINN