Fréttablaðið - 27.11.2008, Blaðsíða 58
38 27. nóvember 2008 FIMMTUDAGUR
menning@frettabladid.is
METSÖLULISTINN
Tíu mest seldu bækurnar í öllum flokkum dagana 19. -25. nóv
EYMUNDSSON OG BÓKABÚÐ MÁLS OG MENNINGAR
1. Myrká Arnaldur Indriðason Vaka-Helgafell/Forlagið
2. Fíasól er flottust Kristín Helga Gunnarsdóttir
Mál og menning/Forlagið
3. Auðnin Yrsa Sigurðardóttir Veröld
4. Vetrarsól Aðunn Jónsdóttir Mál og menning/Forlagið
5. Jólasyrpa 2008 Walt Disney Edda útgáfa
6. Ofsi Einar Kárason Mál og menning/Forlagið
7. Fyrir frostið – kilja Henning Mankell
Mál og menning/Forlagið
8. Silfurskeiðin Ýmsir Bjartur
9. Útkall - Flóttinn frá Heimaey Óttar Sveinsson Útkall
10. Bríslingur Christopher Paolini JPV útgáfa/Forlagið
HAGKAUP
1. Þú getur Jóhann Ing og fleiri Hagkaup
2. Myrká Arnaldur Indriðason Vaka-Helgafell/Forlagið
3. Jólasyrpa 2008 Walt Disney Edda útgáfa
4. Minnisbók handa … Helen Exley Steinegg
5. Bríslingur Christopher Paolini JPV útgáfa/Forlagið
6. Af bestu lyst 3 Nanna Rögnvaldsdóttir ritstýrir
Vaka-Helgafell/Forlagið
7. Fíasól er flottust Kristín Helga Gunnarsdóttir
Mál og menning/Forlagið
8. Heimsmetabók Guinnes 2009 Ýmsir
Vaka-Helgafell/Forlagið
9. Útkall – Flóttinn frá Heimaey Óttar Sveinsson Útkall
10. Auðnin Yrsa Sigurðardóttir Veröld
> Ekki missa af
Á hverju fimmtudagskvöldi fram
að jólum verður samræðusam-
koma undir heitinu Ljáðu þeim
eyra klukkan 20 á Súfistan-
um. Þar munu tveir höfundar
kynna bækur sínar og einn
framsögumaður frá Reykjavíkur-
Akademíunni spjalla um þema
sem tengist bókunum út frá
sínum sjónarhóli. Tónlist verður
í umsjá Hjörleifs Valssonar fiðlu-
leikara. Síðan verða almennar
samræður og gestir hvattir til
að leggja orð í belg. Í kvöld eiga
stefnumót kl. 20 þeir Guðjón
Friðriksson og Einar Kárason og
kynna texta úr sögum sínum:
Saga af forseta og Ofsa. Á eftir
framsögu og bókakynningum
verða samræður fram eftir
kvöldi.
Í kvöld verður upplestrarkvöld á vegum bóka-
útgáfunnar Sölku á Lokakaffi beint á móti Hall-
grímskirkju. Að þessu sinni verður Sölkukvöldið
tileinkað fræðibókunum. Þær bækur sem leika
aðalhlutverkið þetta kvöldið
eiga það sameiginlegt að
spyrja spurninga, lýsa
annars konar ljósi á sög-
una og varpa upp nýjum
sannleika.
Bækurnar og höfundar
þeirra eru: Ást, kynlíf og
hjónaband eftir dr. Sólveigu
Önnu Bóasdóttur. Sólveig
Anna veltir því fyrir sér hvort
kristin kynlífssiðfræði líti niður
á líkamann, torveldi konum og börnum að ráða
yfir eigin líkama og hvort geti verið að neikvæð
sýn á konur og líkamann hvetji til ofbeldis gegn
þeim? Þá verður lesið úr bókinni María Mag-
dalena – vændiskona eða vegastjarna eftir sr.
Þórhall Heimisson. Hver var María Magdalena?
Hvers vegna hvílir svo mikill leyndardómur yfir
sögu hennar og hvers vegna hafa svo margir
augljóslega lagt mikið á sig til að hylja sporin
sem hún markaði, spyr Þórhallur.
Hildur Hákonardóttir les upp úr bók sinni um
kartöfluna, Blálandsdrottningunni, og segir frá
því þegar Van Gogh ætlaði að gera vinkonu sinni
kartöflunni greiða en endaði með því að gera
henni óleik. Slæðusviptingar eftir Höllu Gunn-
arsdóttur blaðamann er ferðasaga sem byggist á
viðtölum við þrettán íranskar konur um líf þeirra
og störf. Lesandinn kynnist sögu og menningu
fólksins sem byggir þetta umtalaða land og við
kynnumst röddum þeirra sem sjaldan heyrist í.
Upplesturinn á Lokakaffi hefst kl. 20 í kvöld.
Sölkukvöld á Lokakaffi
Píanóleikarinn Philip
Jenkins verður sérstak-
ur gestur Tríós Reykja-
víkur í Hafnarborg, á
hljómleikum á sunnu-
dagskvöld kl. 20. Á efn-
isskránni núna verður
sónata í a-moll fyrir
fiðlu og píanó eftir
Schumann, dúett fyrir
fiðlu og selló eftir Haydn
og píanótríó í B-dúr eftir
Schubert, sem jafnframt
er eitt vinsælasta kamm-
erverk allra tíma.
Tónleikarnir eru liður í tónleikaröð
tríósins í samstarfi við Hafnarborg,
menningar- og listastofnun Hafnar-
fjarðar og bera yfirskriftina: Klass-
ík við kertaljós. Þeir eru nú orðnir
árviss viðburður í tónleikaröð tríós-
ins þar sem sérstök stemning skap-
ast við hlustun fagurrar tónlistar
við kertaljós í svartasta skamm-
deginu. Efnisskráin miðast við að
veita birtu og yl inn í vitund áheyr-
enda.
Tríó Reykjavíkur kemur nú fram
19. árið í röð í samvinnu við Hafn-
arborg, menningar- og listastofnun
Hafnarfjarðar. Á þessum tíma
hefur tríóið haldið marga tugi tón-
leika í Hafnarborg, frumflutt fjölda
nýrra verka auk þess að gefa áheyr-
endum sínum ávallt kost á að heyra
hin hefðbundnu verk gömlu meist-
aranna. Fjöldi listamanna í hæsta
gæðaflokki, bæði erlendir og
íslenskir, hafa komið fram á tón-
leikaröðinni.
Philip Jenkins er Íslendingum að
góðu kunnur, en hann
starfaði á Akureyri um
tíma snemma á áttunda
ártugnum. Seinna var
hann prófessor við Royal
Academy of Music í
Lundúnum, yfirmaður
píanódeildar við Royal
Scottish Academy of
Music í Glasgow, en kenn-
ir nú við hinn virta Guild-
hall School of Music í
Lundúnum. Meðal kenn-
ara hans á námsárunum
var Dame Myra Hess.
Philip hefur átt afar gæfuríkan
feril sem einleikari og jafnframt í
kammertónlist. Sem slíkur hefur
hann ferðast heimshorna á milli.
Hann hefur leikið inn á hljómdiska
m.a. fyrir Chandos, Saga,
Gaudeamus og Merlin. Philip er
mjög eftirsóttur kennari og heldur
reglulega mastersnámskeið í Evr-
ópu, Bandaríkjunum og Austur-
löndum fjær. Hann situr oft í dóm-
nefndum alþjóðlegra keppna.
Margir nemenda hans hafa unnið
til verðlauna í alþjóðlegum keppn-
um. Philip Jenkins hefur margoft
komið fram á Íslandi og unnið með
nokkrum helstu tónlistarmönnum
þjóðarinnar t.a.m. Einari Jóhannes-
syni og Sigrúnu Eðvaldsdóttur. Um
tíma starfaði hann í píanótríói
ásamt Guðnýju Guðmundsdóttur
og Hafliða Hallgrímssyni. Tríóið
kom fram víða, m.a. á alþjóðlegu
listahátíðinni í Bergen og á Listahá-
tíð í Reyjavík. pbb@frettabladid.is
Philip Jenkins í heimsókn
BÓKMENNTIR
Þórhallur Heimisson prestur
les upp úr bók sinni um
Maríu Magdalenu í kvöld á
vegum Sölku.
TÓNLIST Philip Jenkins
ATH kl. 20.
Í ár hafa staðið yfir hátíðarhöld vegna
100 ára afmælis Hafnarfjarðar. Af því
tilefni kom út diskurinn ALDARBLIK
sem hefur að geyma mörg ástsæl
einsöngslög; Draumalandið, Maí-
stjörnuna, Sjá dagar koma, Ég bið að
heilsa, Á Sprengisandi, Í fjarlægð og
Sólsetursljóð. Í kvöld fara fram
útgáfutónleikar í Hafnarborg.
Flytjendur verða Eyjólfur Eyjólfsson
tenór, Ágúst Ólafsson barítón og
Ástríður Alda Sigurðardóttir píanó-
leikari, Kór Flensborgarskólans og
úrval hafnfirskra hljóðfæraleikara.
Aðgangur er ókeypis.
Nú er kominn sá tími að
leikhúsin dusta rykið af
árlegum jólasýningum og
yngstu áhorfendur fá tæki-
færi til að herða hugann við
jólagaman af ýmsu tagi.
Það eru bæði sjálfstæðir
leikhópar og stofnanir sem
setja jólaleiki á svið.
Aðventusýning Þjóðleikhússins,
Leitin að jólunum, fer nú á fjalirnar
fjórða árið í röð. Fyrsta sýning
verður á laugardag en sýnt er allar
helgar á aðventunni. Höfundur
verksins er Þorvaldur Þorsteinsson
en tónlistina semur Árni Egilsson.
Tveir skrýtnir og skemmtilegir
náungar, Raunar og Reyndar, taka á
móti litlum leikhúsgestum í and-
dyri Þjóðleikhússins. Með þeim í
för eru tveir hljóðfæraleikarar og
saman leiða þeir börnin með leik og
söng vítt og breitt um leikhúsið.
Börnin ferðast inn í ævintýraver-
öld jólanna og sjá leikþætti um jólin
í gamla daga og í nútímanum. Raun-
ar og Reyndar eru ekki alveg sam-
mála um ýmislegt sem tengist þess-
ari hátíð ljóss og friðar og fleiri
fígúrur skjóta upp kollinum, t.d.
jólakötturinn og hin umtalaða kven-
snift Grýla. Leikarar í sýningunni
eru Arnbjörg Hlíf Valsdóttir, Edda
Björg Eyjólfsdóttir, Ólafur Egill
Egilsson, Þóra Karítas Árnadóttir
og Þórunn Lárusdóttir. Hljóðfæra-
leikararnir Darri Mikaelsson og
Vadim Federov taka einnig þátt í
sýningunni.
Norðan heiða
Norður á Akureyri var á laugardag
frumsýning á Láp, Skráp og jóla-
skapinu eftir Snæbjörn Ragnars-
son. Sýningunni var afar vel tekið
af börnum jafnt sem fullorðnum.
Mikil eftirspurn er þegar eftir
miðum á sýningarnar sem verða
allar helgar fram að jólum. Lápur
og Skrápur eru einu tröllabörnin í
Grýluhelli sem hafa ekki enn kom-
ist í jólaskap. Grýla, mamma þeirra,
rekur þá því af stað úr hellinum og
bannar þeim að koma aftur fyrr en
þeir eru búnir að finna jólaskapið.
Lápur og Skrápur leita um allt og
leitin ber þá inn í svefnherbergi
Sunnu litlu. Hún ákveður að hjálpa
þeim bræðrum og saman lenda þau
í alls konar ævintýrum. Það er Guð-
jón Þorsteinn Pálmarsson (Denni)
sem leikstýrir en hann lék í Maríu-
bjöllunni og Litlu hryllingsbúðinni
hjá LA leikárið 2006-2007. Leik-
mynd hönnuðu og unnu Dýri Bjarn-
ar Hreiðarsson og Bjarki Árnason.
Búninga hannaði Sunna Björk
Hreiðarsdóttir og gervin vann leik-
hópurinn.
Í Hafnarfirði
Leikhópurinn Á senunni í samstarfi
við Hafnarfjarðarleikhúsið sýnir í
desember í Hafnarfjarðarleikhús-
inu Ævintýrið um Augastein en
sýningin var líka á fjölum leikhúss-
ins í fyrra. Steinn gamli í minja-
gripabúðinni segir okkur uppá-
haldsjólaævintýrið sitt, söguna af
litla drengnum sem lenti fyrir til-
viljun í höndum jólasveinanna rétt
fyrir jól. Á þeim tíma voru jóla-
sveinarnir engir aufúsugestir, enda
þjófóttir og stríðnir.
Lukkuleikhúsið býður upp á leik-
inn um Lísu og jólasveininn eftir
Bjarna Ingvarsson. Sýningartími
er 40 mínútur og undirbúningur
tekur annað eins: Lísa er 8 ára
stelpa sem býr með mömmu sinni
og pabba á ótilgreindum stað á
Íslandi. Það er komið fram í desem-
ber og jólaspenningurinn farinn að
gera vart við sig. Kvöld eitt þegar
Lísa er að fara að hátta finnur hún
jólasvein inni í herberginu sínu.
Sýningin er ætluð börnum frá 2 til
10 ára. Sýningapantanir og nánari
upplýsingar eru veittar í síma
5881800 eða 8977752.
Möguleikhúsið
Möguleikhúsið býður upp á sýning-
una Hvar er Stekkjastaur? sem
hefur verið á ferðalagi um Norður-
land þessa vikuna. Það er kominn
12. desember, en jólasveinninn
Stekkjastaur kemur ekki til byggða.
Þegar Halla fer að athuga hvernig
á því standi kemst hún að því að
jólasveinunum er orðið svo illa við
allan ysinn og þysinn í mannheim-
um að þeir hafa ákveðið að hætta
að fara til byggða um jólin. Tekst
Höllu að fá þá til að skipta um skoð-
un? Sýningartími er um 45 mínútur
og er sýningin ætluð krökkum á
aldrinum 2-9 ára. Möguleikhúsið
býður einnig upp á aðra sýningu á
aðventunni: „Þegar hátíð fer í hönd,
búa menn sig undir hana, hver á
sína vísu.“ Þannig hefst saga Gunn-
ars Gunnarssonar, Aðventa. Hér er
sagt frá svaðilförum vinnumanns-
ins Benedikts sem fer til fjalla í
vetrarríki aðventunnar að leita
þess fjár sem eftir varð er smalað
var um haustið. Það er köllun hans
að koma þessum villuráfandi sauð-
um í öruggt skjól fyrir hátíðirnar.
Þetta er klassísk saga um náunga-
kærleika og fórnfýsi.
Fyrir áhorfendur frá 13 ára aldri
og er sýningartími um 60 mínútur.
Nánari upplýsingar: s. 562 2669/897
1813 - moguleikuhusid@moguleiku-
husid.is Brúðuleikur Bernts
Fígúra sýnir Pönnukökuna henn-
ar Grýlu. Enn á ný kemur Bernd
Ogrodnik með pönnukökuna rúll-
andi, inn í líf barnanna á aðvent-
unni, eins og hann hefur gert síð-
ustu ár við miklar vinsældir.
Pönnukakan hennar Grýlu er
skemmtileg og falleg jólasaga sem
er unnin upp úr evrópskri þjóðsögu
sem flestir ættu að kannast við.
Sýningartími er um 40 mínútur og
hún er ætluð krökkum frá 0–8 ára.
Allar nánari upplýsingar og bókan-
ir í símum 466 1520 og 895 9447.
Önnur brúðusýning í boði er
Jesúbarnið sem Sögusvuntan bygg-
ir á rússnesku jólaævintýri. Bland-
að saman lifandi hörputónlist og
brúðuleik. Sögumaður og brúðu-
leikari: Hallveig Thorlacius. Hörpu-
leikari: Marion Herrera. Pantanir
má gera á: hallveig@xx.is.
Kómedíuleikhúsið sýnir Jóla-
sveina Grýlusyni, sprellfjörugan
leik um gömlu íslensku jólasvein-
anna og ýmsum spurningum reynt
að svara um þessa skrítnu kalla.
Hvers vegna er Stúfur minnstur
jólasveinanna? Af hverju er Stekkj-
astaur svona hár til hnésins? Var
fjórtándi jólasveinninn til? Eru
Askasleikir og Bjúgnakrækir tví-
burar? Allt þetta og miklu meira
fáum við að heyra um í sýningunni
um Grýlusynina. þetta er ferðasýn-
ing sýnd á höfuðborgarsvæðinu
dagana 1.–11. desember 2008. Sýn-
ingartími er um 55 mín. og hún er
ætluð 2ja ára og eldri. Pantanir má
gera á :komedia@komedia.is
Stelpur á jólum
Stopp leikhópurinn býður upp á
ferðasýninguna Jólin hennar Jóru.
Þar segir frá Jóru litlu en hún er
tröllastelpa sem býr uppi í fjöllum.
Einn daginn stelur hún jólakíkinum
hans Skrepps en hann er einn besti
aðstoðarmaður jólasveinanna. Allt
er í pati því án kíkisins góða geta
þeir ekki vitað hvort börnin séu
þæg og góð til að fá í skóinn. Fer
Skreppur því af stað til að hafa upp
á kíkinum en það verður ekki auð-
velt því Jóra er farin til manna-
byggða, að upplifa þessi jól sem
allir eru að tala um. Sýningin er um
30 mínútur og er ætluð krökkum að
níu ára aldri. Nánari upplýsingar
og pantanir: eggert@centrum.is
Ein leikhúsið er á ferð með
Óskina sem fjallar um vináttu lítill-
ar stúlku og snjókalls. Hún heitir
Þrúður og vill vera trúður, hann
heitir Snjólfur snjókall og þarf að
komast upp í fjall – því hann er að
bráðna. Á leiðinni upp í fjall lenda
þau í ýmsum ævintýrum. Á vegi
þeirra verða meðal annars úlfurinn
ógurlegi, Grýla skítafýla og bangsi
bestaskinn sem huggar við kinn.
Nánari upplýsingar:
sigrunsol@hive.is
Jólasýningar á aðventunni
HVAR ER STEKKJASTAUR? Mögu-
leikhúsið býður upp á sýninguna
sem hefur verið á ferðalagi um
Norðurland þessa vikuna.