Fréttablaðið - 27.11.2008, Blaðsíða 59
FIMMTUDAGUR 27. nóvember 2008 39
Rokksöngleikurinn Janis 27 eftir
Ólaf Hauk Símonarson hefur
verið sýndur í Íslensku óperunni
við miklar vinsældir í allt haust
og verður síðasta sýning hausts-
ins næstkomandi föstudag, 28.
nóvember, kl. 20. Sýningar
hefjast að nýju eftir áramót og
verður fyrsta sýningin þá 10.
janúar, en næstu þar á eftir 23. og
31. janúar. Söngleikurinn hefur
gengið frá því snemma í vetur,
annar tveggja söngleikja sem
Ólafur er með á sviðum Reykja-
víkur, en Fólkið í blokkinni
gengur enn fyrir fullu húsi í
Borgarleikhúsi og verður
sýningum þar haldið áfram allt til
jóla.
Janis áfram
JANIS Sýningin heldur áfram eftir jól.
Gala-sýning verður haldin í Iðnó í
kvöld til styrktar UNIFEM á
Íslandi, sem er þróunarsjóður
Sameinuðu þjóðanna í þágu
kvenna. Um er að ræða leikverkið
Dansaðu við mig eftir Þórdísi
Elvu Þorvaldsdóttur Bachmann í
uppfærslu Leikhúss andanna.
Leikstjórn á Dansaðu við mig
er í höndum Jóns Gunnars
Þórðarsonar og leikendur eru
Þrúður Vilhjálmsdóttir og
Höskuldur Sæmundsson.
Miðaverð er 3.200 krónur og
renna 1.000 krónur af hverjum
seldum miða óskiptar til UNI-
FEM. Innifalið í verðinu er
appelsínugulur kokkteill, sem er
litur Unifem á Íslandi. Kokkteill-
inn hefst klukkan 19.30 og
sýningin sjálf kl. 20.00. Áður en
sýningin hefst mun Ragnheiður
Gröndal stíga á svið og flytja lag.
Til styrktar
UNIFEM
Hið klassíska uppistand Jóns
Gnarr, Ég var einu sinni nörd, er
nú að koma út aftur á DVD, en
diskurinn hefur ekki verið til um
árabil. Uppistandið sló í gegn í
Loftkastalanum fyrir um tíu
árum og VHS-spólan varð vinsæl.
Nýja endurútgáfan er með nýtt
útlit og inniheldur fullt af
aukaefni. Þar á meðal er þáttur
tekinn upp í ár þar sem Jón Gnarr
og Pétur Jóhann Sigfússon líta
yfir farinn veg.
Nörd á DVD
ENDURÚTGEFIN Ég var einu sinni nörd.
Þær fréttir berast nú frá Úkraínu
að hin fræga villa rússneska leik-
skáldsins Antons Tsjekov á Jalta,
Hvíta sumarhúsið, sé við það að
falla í mikla niðurníðslu. Hefur
alþjóðleg nefnd mektarmanna
hafið söfnun til að koma húsinu til
bjargar. Þar dvaldi skáldið lengi,
Gorkí naut einveru í hinum stóra
garði á landareigninni, Rakhman-
inoff var þar langdvölum og þar
samdi Tsjekov mörg sín helstu
verk. Í hverfinu umhverfis húsið
eru nú sumarskemmtistaðir ölv-
aðra rússa sem þangað hópast í
frí en Jalta var lengi vinsæll sum-
ardvalarstaður efnamanna en nú
ríkir pöpullinn þar um slóðir.
Tsjekov kom til Jalta 1899,
fluttist þangað til að tefja
berklana sem þjáðu hann. Hann
var orðinn alvarlega veikur 1904
og fluttist í heilsubæinn Baden-
weiler í Svartaskógi þar sem hann
lést mánuði síðar.
Villan á Jalta var sérhannað
hús eftir hans tilsögn, frægt fyrir
sína sjö útganga, á þremur hæðum
með sérstökum gluggum sem
voru engir eins. Húsið var gert að
safni strax 1921 og þar eru enn
margir munir sem voru í eigu
skáldsins, en við hrun á ríkjum
þar eystra skall voðinn á: hiti var
tekinn af húsinu 2005 og vegg-
fóðrið myglaði í vetrarveðrum.
En það er hið pólitíska ástand sem
er erfiðast við að eiga. Í Jalta er
stór Rússanýlenda, en héraðið til-
heyrir nú Úkraínu. Rússar vilja
ekki kosta til viðgerðirnar og
Úkraínumenn ekki heldur. Bank-
ar hafa lagt til nokkurt fé, en leik-
hús honum helgað í fæðingarbæ
hans er í fjárhagsvanda þótt John
Malkovich og Kevin Spacey hafi
safnað fé því til stuðnings.
Mektarmenn á borð við Tom
Stoppard, Kenneth Branagh og
fleiri hafa safnað fé til að halda
Hvíta sumarhúsinu við. Stoppard
hefur lýst heimsókn þangað sem
líkast því að ganga inn í tímavél.
Þar sé allt eins og það var 1904.
Heyra megi hlátur úr næsta her-
bergi og Gorkí bregði fyrir í garð-
inum. En eins og skáldið lýsir og
við þekkjum svo vel er glæsileik-
inn forgengilegur rétt eins og
allur heimsins auður.
Sögufrægt hús í niðurníðslu
MENNING Frægt málverk af Tsjekov frá
hans mektarárum.
Bólgu í munni og hálsi má lina með því að...
Stíflaðar nasir má lina með því að...
Þegar maður er með kvef og særindi í hálsi er almennt gott að...
Otrivin auðveldar þér andardrátt
þegar þú ert með kvef!
Strepsils, við særindum í hálsi!