Fréttablaðið - 27.11.2008, Blaðsíða 64

44 27. nóvember 2008 FIMMTUDAGUR
bio@
Hver er þín eftirlætiskvikmynd?
Ég verð að fá að segja tvær. Fight
Club, ég man alltaf þegar ég kom út
af henni í fyrsta skiptið, og La vita
e bella. Það er eitthvað frábært við
hana sem kemur manni í gott skap.
Hvort finnst þér betra að fara í bíó
eða að horfa heima? Engin spurn-
ing, bíó. Það er upplifun sem
þú nærð ekki fram heima í
stofu.
Hver er þinn eftirlætis-
kvikmyndaleikstjóri?
Joel og Ethan Coen.
Nýjasta myndin Burn
after Reading er
algjör snilld ásamt öðrum myndum
þeirra.
Hver er ofmetnasta kvikmynd
allra tíma? Vá, held að þær séu
allt of margar. Ég hef t.d. aldrei séð
neitt við Pirates of the Caribbean.
En hver er vanmetnasta kvikmynd-
in? Mitt liv som hund, frábær
sænsk mynd, leikstýrð af
Lasse Hallström. Ég sá
hana í Laugarásbíói
þrivar sinnum og
bróðir
minn sá hana held ég átta sinnum í kringum
1988, minnir mig.
Hvaða kvikmynd myndirðu vilja endurgera
og hvernig myndirðu breyta henni? Trading
Places á vel við núna, þarf líklega ekki að
breyta miklu.
Fengirðu fjármagn og frjálsar hendur til
að gera hvaða kvikmynd sem er, hvað
myndirðu gera? Ég myndi gera mynd um
Jón Hreggviðsson og taka hana upp á falleg-
asta fjalli landsins, Akrafjalli.
KVIKMYNDANJÖRÐURINN JÓN EIRÍKUR JÓHANNSSON REKSTRARSTJÓRI
Mynd um Jón Hreggviðsson á Akrafjalli
Leikstjórinn Kevin Smith
hefur sent frá sér gaman-
myndina Zack and Miri
Make a Porno sem verður
frumsýnd hérlendis um
helgina. Freyr Bjarnason
leit yfir feril þessa athyglis-
verða leikstjóra.
Hinn 38 ára Kevin Smith er fædd-
ur og uppalinn í New Jersey þar
sem flestar myndir hans gerast.
Hann vakti fyrst athygli með
Clerks sem kostaði einungis rúma
27 þúsund dollara og var tekin upp
í sömu verslun og Smith starfaði í á
sínum yngri árum. Eftir að hafa
fengið tvenn verðlaun á Cannes-
hátíðinni 1994 var hún sýnd í
Bandaríkjunum þar sem hún náði
inn 3,1 milljón dollara þrátt fyrir
að vera sýnd í frekar fáum kvik-
myndahúsum.
Allir vegir færir
Næsta mynd Smiths, Mallrats,
fékk dræmar viðtökur og græddi
aðeins 2,2 milljónir á miðasölunni
vestanhafs þrátt fyrir að vera sýnd
í mun fleiri bíósölum en Clerks.
Smith lagði ekki árar í bát því
gamanmyndin Chasing Amy festi
hann í sessi sem einn efnilegasta
leikstjóra Bandaríkjanna. Ben
Affleck var í einu aðalhlutverk-
anna og náði myndin inn tólf
milljónum dollara og varð þar með
langvinsælasta mynd Smiths.
Chasing Amy varð ofarlega á lista
yfir bestu myndir ársins 1999 og
leikstjóranum voru allir vegir
færir.
Dogma hét næsta mynd Smiths,
sem gat, þegar þarna var komið
sögu, valið úr stjörnum í myndir
sínar. Ben Affleck var mættur
aftur til leiks, núna ásamt vini
sínum Matt Damon, Chris Rock,
Sölmu Hayek og Alan Rickman.
Einnig komu við sögu fastaleikarar
úr eldri myndum Smiths, þeir
Jason Lee og Jason Mewes.
Myndin vakti reiði kaþólskra
siðapostula í Bandaríkjunum vegna
viðkvæms umfjöllunarefnis en
náði engu að síður miklum vin-
sældum þrátt fyrir að hafa einnig
fengið misjafna dóma gagnrýn-
enda.
Misheppnuð rómantík
Eftir fjaðrafokið í kringum Dogma
ákvað Smith að gera „örugga“
mynd og varð Jay and Silent Bob
Strike Back fyrir valinu. Þar voru
tvær persónur sem höfðu verið í
litlum hlutverkum í myndum hans
til þessa, þar á meðal hann sjálfur,
komnar í aðalhlutverkin. Myndin
varð álíka vinsæl og Dogma en
fékk einnig svipaðar viðtökur
gagnrýnenda, sem voru sumir
farnir að efast um snilli Smith.
Næst á dagskrá var rómantíska
gamanmyndin Jersey Girl með
Ben Affleck og Liv Tyler í aðalhlut-
verkum. Skemmst er frá því að
segja að hún hlaut slæmar viðtök-
ur, enda Affleck enn að jafna sig á
hörmunginni Gigli og misheppn-
uðu ástarsambandi við Jennifer
Lopez. Myndin náði ekki inn fyrir
kostnaði og Smith var kominn í
vanda.
Lætur ekki deigan síga
Í Clerks II, sem kom út fyrir
tveimur árum, reri hann á örugg-
ari mið. Myndin gerðist tíu árum
á eftir fyrstu myndinni og fjall-
aði um sömu vitleysingana, þá
Dante og Randal. Hún hlaut fínar
viðtökur gagnrýnenda og þénaði
jafnframt 25 milljónir dollara.
Smith var kominn á beinu
brautina á ný og þar hefur hann
haldið sig með Zack and Miri
Make a Porno sem fór beint á
toppinn í Bandaríkjunum.
Fjallar hún um þau Zack (Seth
Rogen) og Miri (Elizabeth Banks)
sem hafa verið vinir ævilangt.
Vegna peningaleysis ákveða þau
að búa til klámmynd en þegar
kvikmyndavélarnar fara að rúlla
átta þau sig á að þau bera meiri
tilfinningar hvort til annars en
þau héldu.
Þrátt fyrir að hafa misstigið
sig nokkrum sinnum á ferli
sínum hefur Kevin Smith aldrei
látið deigan síga og sannast það
á þessari nýju mynd. Forvitni-
legt verður að sjá hvernig hann
heldur á spöðunum í framtíð-
inni.
Kominn á beinu brautina
Á FRUMSÝNINGU Kevin Smith (lengst til hægri) ásamt aðalleikurum Zack and Miri
Make a Porno, þeim Seth Rogen og Elizabeth Banks. NORDICPHOTOS/GETTYIMAGESVestrinn Appaloosa, teiknimyndin
Madagascar: Escape 2 Africa og
heimildarmyndin Religulous verða
frumsýndar um helgina. Ed Harris
leikstýrir og fer með aðalhlutverk-
ið í Appaloosa sem fjallar um tvo
vini sem eru ráðnir til að sjá um
löggæslu í litlum bæ. Starfið verð-
ur flóknara en þeir bjuggust við
þegar ung ekkja kemur í bæinn. Á
meðal fleiri leikara eru Jeremy
Irons og Viggo Mortensen. Myndin
fær 7,3 af 10 á síðunni Imdb.com
og 78% á Rottentomatoes.com.
Madagascar: Escape 2 Africa er
framhald af Madagascar sem kom
út fyrir þremur árum. Í þetta sinn
eru vinir okkar strandaglópar á
Madagascar og búa til ótrúlega
áætlun um að komast aftur heim
til New York. Á meðal þeirra sem
tala fyrir dýrin eru Ben Stiller,
Chris Rock, Jada Pinkett Smith,
David Schwimmer og Sacha Baron
Cohen. Myndin fær 7,3 á Imdb.
com og 60% á Rottentomatoes.
com.
Græna ljósið sýnir heimildar-
myndina Religulous þar sem Larry
Charles, leikstjóri Borat, gerir
hinn þekkta grínista Bill Maher út
af örkinni til að kryfja trúarbrögð
heimsins eins og þau hafa aldrei
verið krufin áður. Myndin fær
góða dóma, eða 7,6 á Imdb.com og
71% á Rottentomatoes.
Eitthvað fyrir alla
MADAGASCAR Teiknimyndin Madagascar: Escape 2 Africa verður frumsýnd um helgina.
Nýjasta mynd Davids Fincher, The Curious Case of
Benjamin Button, fær frábæra dóma á bandarísku
kvikmyndasíðunum Variety.com og Hollywoodre-
porter.com.
Myndin, sem skartar Brad Pitt í aðalhlutverki,
verður frumsýnd um jólin vestanhafs en kemur hing-
að til lands í janúarlok. Hún er byggð á smásögu F.
Scott Fitzgerald frá árinu 1921 og fjallar um mann
sem fæðist gamall en yngist eftir því sem árin líða.
„The Curious Case of Benjamin Button er virki-
lega gefandi upplifun sem er sögð af meiri dýpt en
Hollywood er þekkt fyrir,“ segir í dómi Variety.
„Þessi skrítna, sögulega frásögn af manni sem eldist
aftur á bak er sögð á fullkominn og sígildan hátt þar
sem nostrað er við hvert smáatriði. Myndin er bæði
nógu aðgengileg og sérstæð til að ná almennum
vinsældum, ef heppnin og tíðarandinn eru með í för.“
Gagnrýnandi Hollywood Reporter er einnig afar
hrifinn og líkir myndinni við Forrest Gump rétt eins
og gagnrýnandi Variety. Kemur það ekki á óvart
enda er sami handritshöfundurinn á bak við þær
báðar, Eric Roth. „Frábærlega vel gerð og vel leikin
af Brad Pitt, sem sýnir þarna sína bestu frammistöðu
til þessa,“ sagði í dómi Variety.
Benjamin fær frábæra dóma
THE CURIOUS CASE OF BENJAMIN BUTTON Nýjasta mynd Dav-
ids Fincher og Brads Pitt verður frumsýnd vestanhafs um jólin.
> GIBSON Í DÓMSMÁLI
Dómari í Los Angeles hefur gert
leikaranum og leikstjóranum Mel
Gibson að svara til saka fyrir dóm-
stólum hörðum ásökunum Bene-
dicts Fitzgerald, handritshöfundar
The Passion of the Christ. Fitzger-
ald telur að Gibson skuldi
sér tíu milljónir doll-
ara fyrir starf sitt við
myndina og krefst
þess að sinn fyrrver-
andi vinnuveitandi
útskýri mál sitt.
Vi
nn
in
ga
r v
er
ða
a
fh
en
di
r h
já
E
LK
O
L
in
du
m
–
S
kó
ga
rli
nd
2
. M
eð
þ
ví
a
ð
ta
ka
þ
át
t e
rt
u
ko
m
in
n
í S
M
S
kl
úb
b.
1
49
k
r/
sk
ey
tið
.
FRUMSÝND 28. NÓVEMBER
SÝND MEÐÍSLENSKU OGENSKU TALI!