Fréttablaðið - 27.11.2008, Blaðsíða 68

48 27. nóvember 2008 FIMMTUDAGUR
„Þegar ég heimsótti einn skólann
hlaut ég hátíðlegar viðtökur,
krakkar stóðu í röðum og vildu fá
bókina áritaða og hljómsveit
skólans tók mergjaða útgáfu af
„Season of the Witch“, segir Árni
Þórarinsson rithöfundur.
Árni er nýlega kominn frá
Frakklandi þar sem hann var að
kynna og árita bækur sínar.
Blaðið greindi nýverið frá því að
franskir útgefendur Árna á
forlaginu Métalié væru ánægðir
með sinn mann en Tími nornar-
innar hefur verið að gera það gott
á metsölulistum í Frakklandi.
Árni fékk heldur betur staðfest-
ingu á því að franskir lesendur
kunni að meta bókina og kom
honum í opna skjöldu hversu
víðlesnar bækur hans eru orðnar
í Frakklandi. Er Árni jafnvel á
því að þarlendir stúderuðu og
skildu bækur hans betur en menn
gera hér. Tími nornarinnar er nú
orðin skyldulesning í sumum
menntaskólum í
Frakklandi og
franskir
menntskæling-
ar leggja mun
dýpri og
úthugsaðri
skilning í
plottið en
hann hefur
áður
kynnst.
- jbg
Árni Þórar-
ins kenndur í
Frakklandi
„Ég er búin að vera að syngja í
þrjú fjögur ár,“ segir Elín
Eyþórsdóttir átján ára sem hefur
gefið út sína fyrstu plötu, See you
in dreamland. „Ég söng fyrst á
kaffi Hljómalind þegar ég sá að
maður gæti troðið þar upp og lét
bara mína nánustu vita. Þar söng
ég frumsamin lög og spilaði á
gítar, sem ég var þá að byrja að
læra á. Mamma og pabbi reyndu
svo að koma mér á framfæri í
einhverjum afmælum hjá
ættingjum,“ útskýrir Elín sem á
ekki langt að sækja tónlistarhæfi-
leikana því hún er dóttir söngkon-
unnar Ellenar Kristjánsdóttur og
tónlistarmannsins Eyþórs
Gunnarssonar. Aðspurð segist
hún ekki upplifa það sem pressu
og segist njóta mikils stuðnings
foreldra sinna. „Mamma og pabbi
hafa alveg stutt mig í þessu og
það er væri ekki hægt að ímynda
sér betri foreldra í þessari stöðu,“
segir Elín.
„Á plötunni er átta lög eftir mig
og tvö bónus lög sem eru upptök-
ur af þekktum lögum sem ég söng
á Q-bar með blúsbandinu Köttum.
Eitt laganna samdi ég með
vinkonu minni Myrru Rós
Þrastardóttur sem teiknaði einnig
myndina framan á plötuumslagið
og svo söng Sigga systir mín
bakraddir,“ bætir hún við og
segist ánægð með viðtökurnar
sem diskurinn hefur fengið. „Nú
erum við að vinna í að koma
honum á fleiri staði,“ segir Elín
sem heldur á Vestfirði í næsta
mánuði og spilar á Café Rosen-
berg 5. og 6. desember. - ag
Mamma og
pabbi hjálpa
ELÍN EYÞÓRS Semur lögin, syngur og
spilar á gítar á sinni fyrstu plötu, See
you in dreamland.
Hið rúmlega áttræða unglamb
Skapti Ólafsson býr yfir einhverri
alsvölustu rödd Íslandssögunnar.
Þessi frábæra rödd hefur verið
heldur vannýtt í gegnum tíðina, og
þess vegna löngu kominn tími á
plötu í fullri lengd með þessum
frumherja rokksins á Íslandi. Víst
er að margir gleðjast, enda hefur
djúp röddin hreiðrað um sig í þjóð-
arsálinni í gegnum lög eins og Allt
á floti og Ó nema ég.
Á skífunni leitar Skapti í upprun-
ann og kyrjar sígild djass- og dæg-
urlög frá þeim tíma sem hann hóf
feril sinn sem söngvari, auk Lou
Reed-lagsins Perfect Day, sem
Skapti flutti á síðasta ári í söng-
leiknum Ást. Kvartettinn sem sér
um létt-djassaðan undirleikinn er
vel skipaður hæfileikamönnum og
hentar rólyndisyfirbragði Skapta
vel í flestum tilvikum, auk þess
sem spilararnir komast oft á flug
milli erinda. Það gefur fyrirheit
um að tónleikar með þessum
herramönnum yrðu eflaust
afbragðsskemmtun.
Hins vegar má setja spurning-
armerki við lagavalið. Sú hug-
mynd sem lagt var upp með, að
söngvarinn túlki þau lög sem vin-
sæl voru á sokkabandsárum hans,
er góð og gild, en örlítið meiri
ævintýramennska hefði verið vel
þegin. Sum lögin, eins og Smoke
Gets in your Eyes, Everybody
Loves Somebody og Pennies from
Heaven eru svo margspiluð og
rótgróin að annað tveggja þyrfti
til að gera þau áhugaverð á nýjan
leik; kraftaverk eða gjörbreyttar
útsetningar. Skapti býður upp á
hvorugt.
Einnig verður að segjast að það
fer Skapta mun betur að syngja á
íslensku en ensku. Höfundarein-
kenni Þorsteins Eggertssonar eru
greinileg í tveimur textum sem
samdir voru fyrir plötuna, Ama-
póla og Kátínulagið. Að hluta til
þess vegna koma þau lög, auk
sænska þjóðlagsins Kata mín og
ég, betur út en flest önnur á plöt-
unni.
Að því sögðu má þó ljóst vera að
rödd Skapta Ólafssonar er ein af
gersemum íslenskrar tónlistar-
sögu. Hún ein, auk fínnar frammi-
stöðu undirleikaranna, gerir
Skapta að ágætis skemmtun. Tón-
leikaprógramm hlýtur að vera
næst á dagskrá. Kjartan Guðmundsson
Alsvalasta röddin
TÓNLIST
Skapti
Skapti Ólafsson
★★★
Dásamleg röddin og góð frammistaða
undirleikara gera fyrstu breiðskífu
Skapta að ágætis skemmtun, þótt
lagavalið sé heldur óspennandi.
ÁRNI ÞÓRARINS-
SON Hlaut höfð-
inglegar móttökur
í Frakklandi á
dögunum.
Kópavogur: Smiðjuvegi 2, Reykjavík: Fákafeni 11, Hringbraut 119, Langarima 21, Hafnarfjörður: Hjallahrauni 13, Mosfellsbær: Þverholti, Selfoss: Austurvegi 22.
Sæktu tvær 15“
pizzur með tveimur
áleggs-tegunundum,
2 ltr. Coke og stóran
skammt af brauð-
stöngum á 4.500.- kr.
og þú færð dvd mynd-
ina --3:10 To Yuma–
frítt með.
Sæktu tvær 15“
pizzur með tveimur
áleggs-tegunundum,
2 ltr. Coke og stóran
skammt af brauð-
stöngum á 4.500.- kr.
og þú færð dvd mynd-
ina --Sex and the
City– frítt með.
Stelpupakki
Strákapakki