Fréttablaðið - 27.11.2008, Blaðsíða 72

52 27. nóvember 2008 FIMMTUDAGUR
sport@frettabladid.is
KÖRFUBOLTI Topplið KR-inga er ekki bara með
frábært byrjunarlið því þeir eiga líka mjög
sterkan bekk og besta sjötta mann Iceland
Express-deildar karla í Darra Hilmarssyni.
Það er því ekkert skrítið að KR-ingar hafi
unnið átta fyrstu leiki sína í deildinni og séu
komnir áfram í 16 liða úrslit bikarsins þegar
framlag varamanna liðsins er jafnmikið og
raun ber vitni.
Darri Hilmarsson er búinn að vera frábær
í fyrstu átta leikjum KR og er á leiðinni að ná
sínum besta persónulega árangri í öllum
helstu tölfræðiþáttum leiksins.
Þetta er fjórða alvörutímabilið hans með
meistaraflokknum og hefur Darri hækkað sig
í stigum og framlagi á hverju einasta tímabili
en þó aldrei meira í einu en í vetur.
Darri var með 6,6 stig í leik, 2,4 fráköst í
leik og 7,2 framlagsstig að meðaltali með KR-
liðinu í fyrra en allar þessar tölur hafa hækk-
að mikið hjá honum það sem af er vetri. Darri
er með 10,3 stig og 5,1 frákast að meðaltali á
þeim 22,4 mínútum sem hann hefur spilað í
leik í fyrstu átta umferðunum. Darri hefur
líka aldrei gefið fleiri stoðsendingar (2,3),
stolið fleiri boltum (1,5), hitt betur úr skotum
sínum (56,9 prósent) eða nýtt vítin betur (83,3
prósent). Þrátt fyrir að spila sem sjötti maður
þá er Darri 4. stigahæsti leikmaður liðsins,
hann er í 5. sæti í framlagi, í 3. sæti í fráköst-
um og í 5. sæti í stoðsendingum.
Bekkurinn er ekki bara Darri því KR-ingar
eiga líka tvo aðra leikmenn meðal efstu sex á
listanum, Pálmi Freyr Sigurgeirsson er í 5.
sæti og Skarphéðinn Freyr Ingason er í því
sjötta. Í öðru sætinu er Björgvin Valentínus-
son hjá FSU, 4,7 framlagsstigum á
eftir Darra en 0,3 á undan ÍR-
ingnum Steinari Arasyni sem er
þriðji á listanum.
Steinar skorar mest af bekkn-
um
Þegar litið er á helstu tölfræði-
þætti og efstu varamenn á þeim
komast fleiri leikmenn í efstu
sætin.
ÍR-ingurinn
Steinar Arason
skorar mest af
bekknum (10,8 stig
að meðaltali í 6
leikjum af
bekk) og setur
niður flesta
þrista (2,5).
Trausti
Eiríksson
úr Skalla-
grími
tekur
flest frák-
öst (5,8 fráköst að meðaltali í 5 leikjum af
bekk) og stelur flestum boltum (1,8).
Það er síðan KR-ingurinn Skarphéðinn
Freyr Ingason sem gefur flestar stoð-
sendingar eða 2,5 stoðsendingar að meðal-
tali í þeim 8 leikjum sem hann hefur komið
inn af bekknum.
Miklir yfirburðir
Til að setja yfirburði framlags bekkjar
KR-liðsins í enn betra samhengi þá
munar 15,3 framlagsstigum á KR
og Grindavík sem er næsta liðið
á listanum en það er meira en
fimm af liðum deildarinnar fá í
heildarframlagi frá sínum
varamönnum.
KR-ingar fá líka flest stig,
flest fráköst og flestar stoð-
sendingar frá bekknum og eru
einnig með bestu skotnýting-
una og bestu vítanýtinguna
hjá varamönnum liðanna.
Það munar líka mjög miklu
á framlagi bekkjar KR-inga
og bekkjar Njarðvíkur sem
rekur lestina. Njarðvíkingar
hafa aðeins fengið 9,0 fram-
lagsstig að meðaltali í leik sem
er aðeins 58 prósent af því sem
Darri einn skilar til KR-liðsins.
Þar eru Njarðvíkingar neðar en
Skallagrímsmenn sem hafa
tapað öllum átta leikjum sínum í
vetur. ooj@frettabladid.is
Darri er besti sjötti maðurinn
KR-ingar eru með langbesta bekkinn í Iceland Express-deild karla eftir fyrstu átta umferðirnar en Njarð-
víkingar fá aftur á móti minnsta framlagið frá sínum varamönnum. Fréttablaðið skoðar bekk liðanna.
FLOTTUR Í
VETUR Darri
Hilmarsson er að
skila yfir tíu stigum
í leik hjá KR þrátt
fyrir að taka aðeins
8 skot í leik og spila
aðeins í rétt rúmar
22 mínútur.
FRÉTTABLAÐIÐ/STEFÁN
HÆSTA FRAMLAG AF BEKK
Leikmenn (lágmark 5 leikir af bekk)
Darri Hilmarsson, KR (8 leikir) 15,5
Björgvin Valentínusson, Fsu (5) 10,8
Steinar Arason, ÍR (6) 10,5
Magni Hafsteinsson, Snæfell (7) 8,4
Pálmi Freyr Sigurgeirsson, KR (8) 8,0
Skarphéðinn F. Ingason, KR (8) 7,5
Vilhjálmur Steinarss., Keflavík (7 6,7
Emil Þór Jóhannsson, Breiðab.(6 6,7
Guðlaugur Eyjólfsson, Grindav.(7) 6,6
Nicholas Mabbutt, Fsu (5) 6,4
Hæsta framlag liða af bekk í leik:
1. KR (1. sæti í deildinni) 41,6
2. Grindavík (2.) 26,3
3. ÍR (10.) 20,6
4. Fsu (8.) 18,9
5. Stjarnan (11.) 18,1
6. Keflavík (4.) 18,0
7. Tindastóll (3.) 16,1
8. Þór Ak. (7.) 14,9
9. Snæfell (5.) 14,1
9. Breiðablik (9.) 14,1
11. Skallagrímur (12.) 11,6
12. Njarðvík (6.) 9,0
STIGAHÆSTUR ÍR-ingurinn Steinar Ara-
son skilar 10,8 stigum í leik af bekknum
í fyrstu 8 umferðunum. FRÉTTABLAÐIÐ/STEFÁN
> Guðjón til þjónustu reiðubúinn
Guðjón Þórðarson staðfesti í samtali við útvarp BBC í
Stoke að hann hefði sett sig í samband við forráðamenn
Crewe, sem leikur í þriðju efstu deild á Englandi, um
möguleikann á taka við stöðu knattspyrnustjóra félagsins.
„Ég veit hvað félagið vantar. Þjálfara sem getur unnið með
ungum leikmönnum og hefur góða reynslu af þjálfun og
ég tel að ég hafi allt til brunns að bera hvað það varðar.
Crewe er gott félag sem lifir á að búa til fótboltamenn og
það er góð leið til þess að reka félag og
þess vegna hef ég áhuga á starfinu,“
segir Guðjón sem hefur áður verið
knattspyrnustjóri Stoke, Barnsley og
Notts County á Englandi.
FÓTBOLTI Eiður Smári Guðjohnsen
segir í viðtali við spænska íþrótta-
blaðið Sport að hann muni fram-
vegis velja af kostgæfni þá lands-
leiki sem hann muni spila með
íslenska landsliðinu.
Eins og kunnugt er meiddist
hann í síðasta landsleik sem var
gegn Makedóníu um miðjan okt-
óber og missti þar af leiðandi af
nokkrum leikjum með Barcelóna.
Hann segir að það hafi verið
mikið áfall fyrir sig en segir
svo, „með fullri virðingu fyrir
þjóð minni og landsliðinu þá
hef ég velt því
stundum fyrir
mér hvort það
sé þess virði að
spila fyrir lands-
liðið.“ Blaðamaður spyr
um áhættuna og Eiður Smári
svarar „þetta er mikil vinna,
sjáðu til, ég held að Ísland sé
ekki að fara að vinna heims-
meistarakeppnina.“
Aðspurður hvort hann muni
því hætta að leika með landslið-
inu segir hann, „nei, ég er enn
mjög stoltur að spila fyrir
þjóð mína og landar mínir
vænta mikils af mér. Ég nýt þess
að miklu leyti að spila hvern leik
en ég mun framvegis velja leik-
ina sem ég spila.“
Hann segist ánægður með dvöl
sína í Barcelóna en að hann hafi
verið harðákveðinn í því að fara í
lok síðasta keppn-
istímabils en nýi
þjálfarinn
breytti öllu.
„Guardiola
breytti lífi
mínu,“ segir
Eiður Smári.
„Hann kom
mér á óvart
á undirbún-
ingstíman-
um. Hann sagði „Sjáðu til Guddy,
ég hef trú á þér og nú verður þú
aðeins að sýna mér fram á að sú
trú sé ekki reist á sandi.“ Eftir
það breytist viðhorf mitt og ég
fór aftur að einbeita mér að
Barca.“ Það virðist hafa gefið
góða raun því Eiði Smára hefur
verið lofað fyrir leik sinn á tíma-
bilinu og kom strax inn í byrjun-
arliðið eftir að hann náði sér eftir
meiðslin dýrkeyptu. - jse
Eiður segist hafa velt því fyrir sér hvort landsleikir séu áhættunnar virði:
Landsleikirnir verða að víkja
NÝTT LÍF Eiður Smári talar um að knattspyrnustjórinn Pep Guar-
diola hafi breytt lífi hans til hins betra hjá Barcelona.
NORDIC PHOTOS/GETTY
Kvennalandslið Íslands í handbolta lék sinn fyrsta leik í
undankeppni HM sem fram fer í Póllandi þessa dagana
þegar liðið vann tíu marka sigur, 37-27, gegn Lettlandi í
gær. Hanna G. Stefánsdóttir var atkvæðamest hjá íslenska
liðinu með hvorki fleiri né færri en sextán mörk þar af
voru fimm úr vítum, Arna Sif Pálsdóttir kom næst með
fimm mörk og Dagný Skúladóttir skoraði fjögur. Landsliðs-
þjálfarinn Júlíus Jónasson var engu að síður alls ekki nógu
sáttur með leik liðsins þrátt fyrir auðveldan sigur.
„Við vorum ekki að sýna neitt frábæra spila-
mennsku sama þótt sigurinn hafi í raun aldrei
verið í hættu. Ég var alls ekki nógu sáttur með
leikinn en þó sáttur með að hafa unnið, að
sjálfsögðu. Það var náttúrulega mikilvægt að
byrja undankeppnina á sigri,“ segir Júlíus.
Júlíus viðurkennir að það hafi verið
viðbrigði fyrir íslenska liðið að fara úr því að
leika gegn sterkustu þjóðum heims, Noregi,
Rússlandi og Danmörku, á æfingamótinu
Möbelringen Cup, í það að spila á móti Lettlandi.
„Það var vissulega allt öðruvísi að mæta liði eins og Lettum
eftir að hafa mætt svo sterkum þjóðum í undirbúningnum en
ég held að við höfum bara dottið niður á þeirra plan allt of oft
í leiknum. Við vorum að gera mikið af mistökum og varnarlega
stóðum við ekki nógu vel,“ segir Júlíus.
Íslensku stelpurnar mæta Sviss í öðrum leik sínum í undan-
keppninni í dag og telur landsliðsþjálfarinn að liðið þurfi þá að
eiga talsvert betri leik en það átti gegn Lettum.
„Við þurfum að eiga góðan leik og spila mun betri
handbolta til þess að klára Sviss. Þær svissnesku eru
mun sterkari en þær lettnesku en ég veit líka að við
eigum talsvert inni. Við spiluðum kannski ekki út
öllum trompunum gegn Lettlandi og eigum til að
mynda eftir að útfæra hraðaupphlaupin
hjá okkur betur, en ég vonast til að það
verði svona ákveðinn stígandi í okkar
leik í undankeppninni,“ segir Júlíus
vongóður að lokum.
JÚLÍUS JÓNASSON: VAR EKKI NÓGU ÁNÆGÐUR MEÐ LEIK ÍSLENSKA LIÐSINS ÞRÁTT FYRIR STÓRSIGUR GEGN LETTUM
Verðum að spila mun betur gegn Sviss