Fréttablaðið - 28.11.2008, Blaðsíða 17

FÖSTUDAGUR 28. nóvember 2008 17
HAFNARFJÖRÐUR Á aðalfundi ungra
jafnaðarmanna í Hafnarfirði,
sem haldinn var á sunnudags-
kvöld, var samþykkt að skora á
bæjarstjórn Hafnarfjarðar að
standa vörð um velferðarkerfi
Hafnarfjarðar.
Í tilkynningu segir að reynsla
Finnlands af krepputíð sinni sýni
ljóslifandi að skerðing á þjón-
ustu við börn, unglinga og ungt
fólk sé ávísun á hrikalegar og
kostnaðarsamar aðgerðir síðar
meir.
Því skori Ungir jafnaðarmenn
á bæjarstjórn Hafnarfjarðar að
gefa frekar í ef eitthvað er á
viðsjáverðum tímum.
Ungir jafnaðarmenn bendia
einnig á nauðsyn uppbyggingar-
verkefnis fyrir atvinnulaust ungt
fólk í Hafnarfirði.
- kg
Jafnaðarmenn í Hafnarfirði:
Standi vörð um
velferðarkerfi
MANNRÉTTINDI Rúmlega fimm
milljónir manna hafa undirritað
áskorun þar sem sagt er nei við
ofbeldi gegn konum.
Ban Ki-Moon, framkvæmda-
stjóri Sameinuðu þjóðanna, tók við
undirskriftunum á þriðjudaginn
við hátíðlega athöfn í aðalskrif-
stofum samtakanna í New York.
Inés Alberdi, framkvæmda-
stjóri UNIFEM, minnti af þessu
tilefni á mikilvægi þess að fólk sé
meðvitað um ofbeldi gegn konum
og mikilvægi þess að samfélög séu
virkjuð til að koma í veg fyrir
þann heimsfaraldur, sem hún
sagði ofbeldi gegn konum vera.
- ovd
Yfir fimm milljónir undirskrifta:
Nei við ofbeldi
gegn konum
TAÍLAND Íslendingarnir sex sem ekki komust
heim vegna mótmæla á alþjóðaflugvellinum í
Bangkok í Taílandi í vikunni biðu í gær á
hóteli á Pattaya-ströndinni í von um að
komast heim. Axel Yngvason, bróðir eins
Íslendinganna, taldi að ekki væsti um þau
þar.
Jason Steinþórsson, námsmaður í Bangkok,
segir að flytja eigi ferðamenn til herflugvalla
og fljúga þaðan með þá úr landi.
Neyðarástandi hefur verið lýst yfir á
tveimur flugvöllum og nágrenni þeirra. Utan-
ríkisráðuneytið sendi frá sér ferðaviðvörun í
gær og ráðlagði Íslendingum frá ferðalögum
til Taílands vegna mótmæla og átaka að
undanförnu. Þeim sem eru í landinu var
ráðlagt að halda sig fjarri mótmælaaðgerðum
og þeim sem áttu bókaðar ferðir til og frá
Taílandi bent á að setja sig í samband við
ferðaskrifstofur þar sem flugvellirnir
Suvarnabhumi International Airport og Don
Muang Airport voru lokaðir.
Holberg Másson er einn sexmenninganna
frá Íslandi. Hann býst við að reynt verði að
koma ferðamönnunum úr landi í dag eða
næstu daga. Ef ekki fari að komast hreyfing
á málin þá verði gripið til neyðaráætlana og
þjóðir fari hreinlega að senda flugvélar til að
sækja sitt fólk. Finnair hefur til dæmis nú
þegar flogið til Phuket til að sækja finnska
ferðamenn.
Jason telur að ekki sé nein hætta á ferðum.
„Það er engin hætta á ferðum nema maður sé
á vitlausum stað á vitlausum tíma,“ segir
hann. Mótmælendur vilji núverandi ríkis-
stjórn landsins frá því að hún tengist
spillingar málunum og að boðað verði til
kosninga. Orðrómur sé um að herinn taki
völdin fljótlega. - ghs
Íslendingarnir sex sem eru strand í Taílandi biðu á hóteli á Pattaya-ströndinni:
Ráðið frá ferðalögum til Taílands
ENGIN HÆTTA Jason Steinþórsson býr í Bangkok. Hann
segir að flytja eigi ferðamenn til herflugvalla og fljúga
þaðan með þá úr landi.
Það er engin hætta á ferðum nema
maður sé á vitlausum stað á vitlaus-
um tíma.
JASON STEINÞÓRSSON
NÁMSMAÐUR Í BANGKOK
HEILBRIGÐISMÁL Íslendingar, sem
verða uppiskroppa með lyfin sín,
geta farið með íslenska lyfseðla í
apótek á Norðurlöndum og fengið
lyfin sín en í Svíþjóð er það ekki
hægt. Ástæðan er sú að þeir sem
framvísa lyfseðli í apóteki í Sví-
þjóð verða að hafa sænska kenni-
tölu til að geta fengið lyfin
afgreidd.
Íslendingur hefur framvísað
lyfseðli frá íslenskum lækni í apó-
tekum í Danmörku og á Álands-
eyjum í Finnlandi og fengið
afgreiðslu en afsvar í Svíþjóð. „Ef
maður kemur inn af götunni þá
biðja Svíarnir um sænska kenni-
tölu. Í Svíþjóð er þetta kerfislægt,
engin lyf til fólks af götunni öðru-
vísi en að það hafi sænska kenni-
tölu,“ segir íslensk kona.
Einar Magnússon, skrifstofu-
stjóri í heilbrigðisráðuneytinu,
segir að Íslendingar eigi að geta
framvísað lyfseðlum á öllum norð-
urlöndum og fengið lyf. „Samn-
ingur gildir um þetta og það á öllu
Evrópska efnahagssvæðinu. Það
er prinsipp að fólk geti leyst út lyf
en vandamálin geta verið prakt-
ísk, að ganga úr skugga um að lyf-
seðillinn sé ekki falsaður og að
læknirinn sé með lækningaleyfi í
viðkomandi landi. Svo skilja menn
kannski ekki íslensku í apótekinu
en prinsippið er alveg klárt. Það
er hægt að leysa út þessa lyfseðla,“
segir hann.
Siv Friðleifsdóttir alþingismað-
ur tók málið upp á Norðurlanda-
ráðsþingi í Helsinki í október og
fékk þau svör að Kristina
Husmark-Pehrsson, samstarfs-
ráðherra Svía, myndi kíkja á það.
Svör hafa ekki enn borist. - ghs
Íslendingar eiga að geta leyst út lyf með íslenskum lyfseðli í Skandinavíu:
Svíarnir neita um afgreiðslu
DÓMSMÁL Hæstiréttur hefur dæmt
karlmann í átta mánaða fangelsi
fyrir þrjár líkamsárásir og tvö
húsbrot. Öll þessi brot framdi
maðurinn gagnvart fyrrverandi
eiginkonu sinni. Þau áttu sér stað á
tímabilinu janúar 2005 til mars
2006. Konan meiddist í árásunum.
Dómurinn ákvað að skilorðs-
binda fimm mánuði af refsingunni
vegna þess að óútskýrður dráttur
varð á rannsókn málsins hjá
lögreglu og þess að ákærði hafði
ekki áður verið fundinn sekur um
refsivert brot sem skipti máli.
Maðurinn var dæmdur til að
greiða konunni 600 þúsund krónur
í bætur. - jss
Átta mánaða fangelsi:
Líkamsárásir
og húsbrot
KÍKIR Á MÁLIÐ
Cristina Husmark-
Pehrsson, sam-
starfsráðherra Svía,
ætlaði að kíkja á
það af hverju ekki
er hægt að fá lyf út
á íslenskan lyfseðil.