Fréttablaðið - 28.11.2008, Blaðsíða 56

32 28. nóvember 2008 FÖSTUDAGUR
timamot@frettabladid.is
Sýningin Jólakjólar verð-
ur opnuð í Listasafni ASÍ á
morgun. Þar svífa fimmt-
án rauðir jólakjólar eftir ís-
lenska fatahönnuði um sal-
ina en á milli þeirra gefur að
líta málverk af konum.
„Þarna mætast ólíkir
tímar. Kjólarnir urðu allir
til á síðustu mánuðum en
málverkin, sem eru eftir
Júlíönu Sveinsdóttur, Nínu
Tryggvadóttur, Jón Engil-
berts og fleiri, eru frá síð-
ustu öld,“ segir Steinunn
Helgadóttir sýningarstjóri.
En hvernig datt henni
þetta snjallræði í hug? „Það
losnaði rými hjá okkur um
jólin en þessi árstími er oft
mjög erfiður fyrir lista-
söfn enda hefur fólk mikið á
sinni könnu. Okkur datt því í
hug að gera eitthvað huggu-
legt til að lýsa upp myrkrið.
Við settum okkur í samband
við hina ýmsu fatahönnuði
og það kom mér rosalega á
óvart hvað allir tóku vel í
hugmyndina.“
Hönnuðirnir fimmtán eru
ýmist nýútskrifaðir eða með
áratuga reynslu. „Þetta eru
allt íslenskir fatahönnuðir og
margir menntaðir frá Lista-
háskóla Íslands. Það kom
mér því verulega á óvart að
sjá hvað þetta eru allt ólíkir
listamenn,“ segir Steinunn.
Á sýningunni má meðal ann-
ars sjá barnakjól með litlum
leynivini sem er hægt að
leiða eftir Sunnu Dögg Ás-
geirsdóttur og fimm hundr-
uð króna-kjól eftir Ásgrím
Friðriksson sem er gerður
úr fánaefni.
„Einu skorðurnar sem
hönnuðum voru settar voru
að hafa kjólinn rauðan en
rauði jólakjóllinn á sinn sess
í mörgum hjörtum. Á árum
áður var þó oft lítið um pen-
inga á íslenskum heimil-
um og jólakjólar ekki ofar-
lega í þarfapíramídanum.
Íslenskar konur þurftu því
að þróa með sér nýtni og
færni með saumnálarnar.
Fatahönnuðirnir sem töfra
fram jólakjólana á sýning-
unni eru augljóslega af-
komendur þessara kvenna
en þeirra veröld er önnur,“
segir Steinunn og fullyrð-
ir að jólakjólarnir á sýning-
unni sýni enn og aftur að ís-
lenskir fatahönnuðir séu í
fremstu röð.
Sýningin á vel heima í
húsi myndhöggvarans Ás-
mundar Sveinssonar og
konu hans Gunnfríðar Jóns-
dóttur að Freyjugötu 41 þar
sem Gunnfríður var þekkt
saumakona og fatahönnuð-
ur og voru evrópskar aðal-
skonur á meðal viðskipta-
vina hennar.
Sýningin opnar klukkan
15 á morgun og gefst þar
kostur á að upplifa bjartsýni
og kraft í rauðum bjarma.
vera@frettabladid.is
SÝNINGIN JÓLAKJÓLAR: VERÐUR OPNUÐ Í LISTASAFNI ASÍ Á MORGUN
Tímar mætast í kjólum og list
Fimmtán jólakjólar eftir íslenska fatahönnuði svífa um salina í Listasafni ASÍ og kallast á við málverk af konum frá síðustu öld. FRÉTTABLAÐIÐ/GVA
Virkjum auð kvenna var
yfirskrift tíu vikna leið-
toganámskeiðs sem tut-
tugu konur hjá Samskipum
sóttu á vegum fyrirtækis-
ins. Námsefnið snerist
meðal annars um mann-
leg samskipti, aukið sjálfs-
traust og bætt tengslanet.
Kennarar voru Lára Ósk-
arsdóttir frá Dale Carn-
egie sem naut aðstoð-
ar Heiðrúnar Arnsteins-
dóttur og Jóhönnu Lindar
Þórisdóttur hjá Samskip-
um og nemendur voru úr
nær öllum deildum fyrir-
tækisins. Í lok námskeið-
isins var forstöðumönn-
um og framkvæmdastjórn
Samskipa boðið á líflega
kynningu á afrakstri nám-
skeiðsins og metnaðarfull-
um umbótaverkefnum.
Þess má geta að Samskip
hlutu á dögunum starfs-
menntaverðlaunin 2008 í
hópi fyrirtækja.
Virkja auð kvenna
Á leiðtoganámskeiði Samskipa.
Ástkær móðir okkar, tengdamóðir og
amma,
Ásta Katrín Jónsdóttir,
Háteigi, Borgarfirði eystra,
verður jarðsungin frá Bakkagerðiskirkju mánudaginn
1. desember kl. 14.00.
Börn, tengdabörn og barnabörn.
Eiginmaður minn, faðir okkar,
fósturfaðir og afi,
Vigfús Þorsteinsson
Patreksfirði,
lést 22. nóvember á Heilbrigðisstofnuninni
Patreksfirði. Jarðsungið verður frá Patreksfjarðarkirkju
laugardaginn 29. nóvember kl.14.00.
Páley Jóhanna Kristjánsdóttir
Kristján P. Vigfússon
Sigríður Margrét Vigfúsdóttir Friðþjófur Sævarsson
Jóhannes Ægir Baldursson Ingibjörg Erna Arnardóttir
og barnabörn.
Þökkum auðsýnda samúð við andlát og
útför elskulegs eiginmanns míns, föður
okkar, tengdaföður og afa,
Sigurbergs Árnasonar
Grundarlandi 18, Reykjavík.
Hilda-Lis Siemsen
Theodór S. Sigurbergsson Hrefna Ásgeirsdóttir
Steinunn Sigurbergsdóttir Jón Þorkelsson
Árni Siemsen Sigurbergsson Martin R. Siemsen
og afabörn.
Lestrarátak hefur staðið yfir í öllum
bekkjum Ártúnsskóla í Reykjavík síð-
asta hálfa mánuðinn og las hver ár-
gangur bækur eftir valda rithöfunda.
Einnig voru unnin fjölbreytt verk-
efni út frá bókunum og fékk sköp-
unargáfa nemenda þar útrás. Bók-
menntaspil, lestrarland eðlanna, of-
vaxin bók, bókaórói og sitthvað fleira
spratt þar fram og að sögn Ernu
Björnsdóttur og Birgittu Thorsteins-
son bókasafnskennara var greinilegt
að verkefnið höfðaði bæði til nem-
enda og kennara.
„Það var gífurlegur áhugi meðal
nemendanna sem eru 153 að tölu. Þeir
lásu samtals 65.858 blaðsíður og útlán
skólasafnsins hafa stóraukist í kjöl-
far átaksins,“ segja þær.
Þeim bekkjum sem þóttu skara
fram úr verða afhentir farandbikarar
og bókagjafir í dag klukkan 10.20 og
allir nemendur skólans fá viðurkenn-
ingarskjal fyrir þátttökuna.
Lestrarátakið er orðinn fastur liður
í starfi skólasafns Ártúnsskóla. Að
sögn kennaranna þar er markmiðið
að efla áhuga nemenda á bókalestri
og tryggja að þeir kynnist verkum
ákveðinna höfunda, jafnt íslenskra
sem erlendra.
-gun
Bókmenntaspil og lestrarland
RÉTT LITIÐ UPP ÚR BÓKUNUM Guðrún Ísold
Hafþórsdóttir, Amanda Lind Davíðsdóttir og
Júlía Hrönn Petersen, nemendur Ártúnsskóla.
ENSKA SKÁLDIÐ WILLIAM BLAKE
FÆDDIST ÞENNAN DAG ÁRIÐ 1757.
„Tréð sem laðar gleðitár fram
í augu sumra er öðrum að-
eins grænn hlutur sem er fyrir
þeim.“
Blake hóf að gera tilraunir með
ætingar sem hann síðan not-
aði til að gera flestar bækur
sínar. Með því móti var hægt
að blanda saman texta og
myndskreytingum.
Þrjú skip undir stjórn Portúgalans
Ferdinands Magellan sigldu inn á
Kyrrahaf þennan dag árið 1520.
Árið 1519 héldu 237 menn á
fimm skipum undir stjórn Magell-
ans frá Spáni til að finna vestur-
leiðina til Asíu. Kristófer Kólumbus
var sjálfur sannfærður um að hann
hefði fundið Asíu þegar hann lést
árið 1506. Síðan uppgötvuðu
menn að það var annað haf vest-
an megin við Ameríku. Sæfarinn
og kortagerðarmaðurinn
Amerigo Vespucci var svo fyrstur til að benda á
að landsvæðið sem Kólumbus hefði fundið væri
ekki Asía heldur ný heimsálfa. Síðan var heims-
álfan nefnd í höfuðið á honum, Ameríka.
Enn átti eftir að uppgötva sjóleiðina yfir Amer-
íku til þessa nýja hafs. Magellan fann þetta sund,
560 kílómetra langt og 5 til 30
kílómetra breitt, þar sem nú er
syðri hluti Chile. Hann nefndi
það Allraheilagrasund en síðan
var það nefnt Magellansund.
Magellan nefndi síðan hafið Mar
Pacifico eða friðsæla haf, sem
á íslensku hefur fengið nafnið
Kyrrahaf.
Magellan sigldi síðan yfir
Kyrrahafið, fyrstur Evrópubúa,
en honum sjálfum tókst ekki
að sigla kringum hnöttinn.
Hann lést í orrustu við innfædda á Filippseyjum
rúmlega ári áður en leiðangurinn náði höfn á
Spáni 6. september 1522. Aðeins átta menn á
einu skipi náðu að ljúka leiðangrinum. Farmur
þess skips náði þó að borga allan kostnað við
ferðina.
ÞETTA GERÐIST: 28. NÓVEMBER 1520
Magellan siglir inn á Kyrrahaf
MERKISATBURÐIR
1700 Gregoríska tímatalið
gengur í gildi á Íslandi.
1893 Konur fá í fyrsta sinn að
taka þátt kosningum á
landsvísu, í alþingiskosn-
ingum á Nýja-Sjálandi.
1918 Þing Búkóvínu ákveður
að sameinast Rúmeníu.
1921 Til átaka kemur í Reykja-
vík þegar lögregla sækir
rússneskan dreng heim
til Ólafs Friðrikssonar
ritstjóra.
1960 Máritanía fær sjálfstæði
frá Frakklandi.
1971 Palestínsku hryðjuverka-
samtökin Svarti septem-
ber taka forsætisráðherra
Jórdaníu, Wasfi Tel, af lífi.
1994 Norðmenn hafna því
að ganga í Evrópusam-
bandið í þjóðaratkvæða-
greiðslu.