Fréttablaðið - 29.11.2008, Blaðsíða 76

64 29. nóvember 2008 LAUGARDAGUR
Ný og endurbætt útgáfa vefjarins
tímarit.is verður opnuð 1. desem-
ber nk. Nýja viðmótið er mun ein-
faldara en hið fyrra og gerir þenn-
an vinsæla vef enn notendavænni
en áður. Jafnframt verða fyrstu
blöðin aðgengileg á PDF-sniði (m.a.
Alþýðublaðið) en ætlunin er að allt
safnið verði á því sniði í framtíð-
inni.
Tímarit.is var upphaflega vest-
norrænt samstarfsverkefni þjóð-
bókasafna Íslands, Færeyja og
Grænlands sem hófst árið 2000.
Um 260 titlar eru nú þegar aðgengi-
legir á vefnum, langflestir frá
Íslandi en líka margir frá Færeyj-
um og Grænlandi. Upphaflega var
miðað við öll blöð og tímarit útgef-
in fyrir 1920 en það breyttist fljót-
lega og nú er stefnan sú að veita
aðgang að öllum íslenskum blöðum
og tímaritum frá upphafi til okkar
daga í samráði við útgefendur.
Fyrsti áfanginn í þá átt var samn-
ingur safnsins við Árvakur, útgef-
anda Morgunblaðsins, um stafræna
útgáfu allra árganga blaðsins til
ársins 2000. Síðan þá hafa 365 miðl-
ar bæst í hópinn ásamt mörgum
fleirum og gert hefur verið sam-
komulag við Blaðamannafélag
Íslands vegna blaða sem ekki eru
lengur gefin út.
Þegar hefur mikil vinna verið
lögð í að ljósmynda gömlu flokks-
blöðin sem kepptu um blaðamark-
aðinn lengst af á 20. öld; Þjóðvilj-
ann, Tímann, Morgunblaðið og
Alþýðublaðið. Með nýja leitarvið-
mótinu er með einum smelli hægt
að tengja á þá blaðsíðu sem verið er
að skoða af ýmsum bloggþjónust-
um, msn, tölvupósti o.s.frv. Nýja
leitarviðmótið er auk þess mun ein-
faldara og gerir fólki kleift að leita
í öllum blöðunum í einu og þrengja
síðan leitina eftir blaði og/eða ári,
fletta gegnum blöðin og sjá hvaða
daga mánaðarins blaðið kom út
með dagatali sem birt er efst. Fram
að þessu hefur þurft sérstakt for-
rit, Djvu, til að skoða flest blöðin en
ætlunin er að setja allt safnið á
PDF-snið með tíð og tíma.
Nýtt timarit.is verður opnað
mánudaginn 1. desember nk., á
fjórtán ára afmæli Þjóðarbókhlöð-
unnar. - pbb
Tímarit.is stækkar og stækkar
SÖFN Stefnt er að því að viðkvæmt dag-
blaðaefni fari allt af pappír og örfilmum
á stafrænt form.
HVAÐ? HVENÆR? HVAR?
Laugardagur 29. nóvember
➜ Leiklist
20.00 GRAL Grindvíska atvinnuleik-
húsið sýnir leikverkið 21 manns saknað
í Saltfisksetrinu, Hafnargötu 12a, Grinda-
vík. Nánari upplýsingar á www.gral.
blog.is.
➜ Opnanir
15.00 Freyja Dana opnar sýningu í
Listhúsi Ófeigs, Skólavörðustíg 5.
Harpa Dögg Kjartansdóttir opnar sýn-
inguna Innvols í Listasal Mosfellsbæjar,
Kjarna við Þverholt.
➜ Bækur
Í Bókasafni Hafnarfjarðar við Strand-
götu verður lesið upp úr nýjum bókum
fyrir börnin og kórar koma og syngja.
Lesið verður fyrir yngri börnin kl. 11 en
þau eldri kl. 13.
➜ Samkomur
15.45 Fjölbreytt jóladagskrá og ljós
tendruð á jólatrénu á Ráðhústorgi á
Akureyri.
➜ Sýningar
Kira Kira hefur opnað sýningu í Suð-
suðvestur, Hafnargötu 22 í Reykjanes-
bæ. Opið lau. og sun. 13-17.
Erika Lind Isaksen hefur opnað sýn-
ingu í galleriBoxi við Kaupvangsstræti á
Akureyri. Opið lau. og sun. kl. 14-17.
➜ Markaðir
Handverk og hönnun eru með sýn-
ingu/markað á handverki,
hönnun og listiðnaði í Ketil-
húsinu við Kaupvangsstræti
á Akureyri. Opið 11-17.
Helga Braga heldur
jólakreppumarkað ásamt
systrunum Elmu Lísu
og Nínu Björk Gunnars-
dætrum. Markaðurinn
er á Lindargötu 6 og er
opinn frá kl. 11 til 18.
HasarBasar Hópur tónlistar- og mynd-
listarmanna í Smiðjunni við Smiðjustíg
4A, verða með markað á tveimur
hæðum auk þess sem Hljómsveitin
Mammút flytur tónlist og Óttar Martin
Norðfjörð les upp úr bók sinni. Opið frá
16-19.
➜ Fundir
13.15 Nafnfræðifélagið heldur
fræðslufund í stofu 101 á Háskólatorgi.
Inga Lára Baldvinsdóttir og Magnús
Karel Hannesson flytja erindið „Örnefni
á Eyrarbakka“.
➜ Tónlist
14.00 Tómas R. Einarsson spilar í
Smekkleysu Plötubúð, Laugavegi 35.
14.00 Nemendur tónlistarskólans í
Reykjavík flytja finnska tónlist í Nor-
ræna Húsinu við Sturlugötu. Allir vel-
komnir og aðgangur ókeypis.
14.00 Hjartans hörpustrengir
Aðventutónleikar kóra Margrétar
J. Pálmadóttur verða í Langholts-
kirkju við Sólheima. Rúmlega 200
söngkonur á öllum aldri flytja
aðventu- og jólatónlist. Fyrri tónleikar
hefjast kl. 14 en þeir seinni kl. 16.30.
15.00 Lúðrasveitin Svanur undir
stjórn Matta Sax, leikur jazz og popptón-
list úr ýmsum áttum í sal FÍH, Rauða-
gerði 27.
17.00 Ari Þór Vilhjálmsson og Gerrit
Schuil píanóleikari flytja verk eftir Beet-
hoven, Mozart og Chausson í Kirkju-
hvoli, safnaðarheimili Vídalínskirkju í
Garðabæ.
18.00 Egill Ólafsson
og Valgeir Guðjóns-
son verða á nálum í
Norræna húsinu við
Sturlugötu, þar sem
þeir félagar munu
spila, syngja, spauga og
spjalla við áhorfendur.
20.00 Vicky heldur tvenna tónleika.
Þeir fyrri verða í kjallara Skífunnar við
Laugaveg kl. 20 en þeir seinni verða á
Prikinu við Laugaveg kl. 22. Aðgangur er
ókeypis á báða tónleika.
20.00 Dúndurfréttir flytja verk Pink
Floyd „The Darkside Of the Moon“ á
tveimur tónleikum á Græna hattinum
við Hafnarstræti á Akureyri. Fyrri tón-
leikarnir eru kl. 20 en þeir seinni kl. 23.
Einnig koma fram Andrea Gylfadóttir og
Steinar Sigurðarson.
20.00 Dr. Spock, Agent Fresco, Slugs
og Endless Dark, spila í félagsmiðstöð-
inni X-ið á Stykkishólmi. Húsið opnar
kl. 20.
21.00 Oberdada von Brûtal, AMFJ og
Polar Dust verða með tónleika í Gallery
Lost Horse, Skólastræti 3. Aðgangur
ókeypis.
➜ Dansleikur
Dísel verður með dansleik í Valaskjálf á
Egilsstöðum.
➜ Gjörningar
16.30 Bete comme un peintre Í gall-
erí Turpentine stendur yfir einkasýning
Snorra Ásmundssonar. Í dag mun Snorri
flytja gjörning þar sem Kolfinna Bald-
vinsdóttir verður í hlutverki fjallkonunn-
ar. Gallerí Turpentine, Ingólfsstræti 5.
Upplýsingar um viðburði sendist á
hvar@frettabladid.is
Á miðvikudag voru Holberg-verð-
launin veitt í Osló. Bandaríski bók-
menntafræðingurinn Fredric R.
Jameson þáði viðurkenninguna og
4,5 milljónir norskra króna fyrir að
hafa dregið menningarfræði inn í
sögulegt samhengi. Jameson er 74
ára og starfar enn sem prófessor
við Duke-háskólann vestanhafs.
Hann hefur kennt við Harvard,
Yale og Kaliforníu-háskóla. Verk
hans frá 1991 „Postmodernism, or,
the Cultural Logic of Late Capital-
ism“ er talin helsta ástæða verð-
launanna.
Holberg-verðlaunin voru sett á
stofn 2003 af norska Stórþinginu og
voru nú veitt í fimmta sinn fyrir
framlag til húmanískra fræða,
félagsvísinda og trúfræði. Þeim er
ætlað að minna á norska skáldið og
fjölfræðinginn Lúðvík Holberg
sem starfaði lengst af í Kaup-
mannahöfn en hann var uppi frá
1684 til 1754. Til hliðar við verð-
launin er veitt sérstök viðurkenn-
ing kennd við söguhetju Holbergs,
Nikulás Klím, og að þessu sinni
fékk þau Anne Birgitte Pessi, en
þau eru ætluð afrekum fólks undir
35 ára aldri.
Jameson hefur verið áhrifamikill
kennimaður í menningar- og bók-
menntafræðum. Hann er marx isti
en hefur sótt óhræddur inn á ólík
og áður vankönnuð svið byggingar-
listar, kvikmynda og sjónvarps,
fagurfræði og sagnfræði. Hann er
vel kunnur hér á landi af skrifum
sínum. - pbb
Holberg-verðlaun veitt
BÓKMENNTIR Frederic R. Jameson
52