Fréttablaðið - 30.11.2008, Blaðsíða 6
6 30. nóvember 2008 SUNNUDAGUR
Eftirlit löggjafarþingsins með framkvæmdarvaldinu:
Norrænir straumar.
Ráðstefna á Hótel Hilton Nordica 1. desember 2008 kl. 14.
Forseti Alþingis boðar til ráðstefnu, fullveldisdaginn 1. desember kl. 14 á Hótel
Hilton Nordica, um eftirlit löggjafarþinga með framkvæmdarvaldinu. Á ráð-
stefnunni verður leitast við að lýsa þessum þætti í starfi þjóðþinganna í Danmörku,
Noregi og Svíþjóð. Norrænu sérfræðingarnir Fredrik Sejersted, Claus Dethlefsen og
Ulf Christoffersson munu fjalla um eftirlitshlutverk þingsins í sínum heimalöndum.
Bryndís Hlöðversdóttir, formaður vinnuhóps forsætisnefndar Alþingis um þing-
eftirlit, mun fjalla almennt um þingeftirlit. Forseti Alþingis, Sturla Böðvarsson, setur
ráðstefnuna.
DAGSKRÁ:
Kl. 14:00 Forseti Alþingis, Sturla Böðvarsson, setur ráðstefnuna.
Kl. 14:10 Bryndís Hlöðversdóttir, aðstoðarrektor og formaður
vinnuhóps um þingeftirlit:
Hvað er þingeftirlit?
Kl. 14:35 Dr. jur. Fredrik Sejersted, prófessor:
Þingeftirlit í Noregi. Þróunin síðustu áratugi.
Kl. 15:00 Claus Dethlefsen, þjóðþingsritari og aðallögfræðingur danska þingsins:
Rannsóknarnefndir og eftirlit þingsins með framkvæmdarvaldinu í
Danmörku.
Kl. 15:25 Ulf Christoffersson, forstöðumaður þingfundaskrifstofu sænska
þingsins:
Eftirlit þingsins með ríkisstjórn og stjórnvöldum í Svíþjóð.
Kl. 15:50 Kaffi hlé.
Kl. 16:10 Umræður.
Kl. 17:00 Ráðstefnulok.
Fundarstjóri verður Ragnhildur Helgadóttir, fyrrverandi forseti neðri deildar
Alþingis og ráðherra.
Aðgangur er ókeypis. Vinsamlegast tilkynnið þátttöku á
netfangið skraning@althingi.is.
SPÁÐU Í HVAÐ ÞÚ SPARAR!
Ný
r
Or
ku
lyk
ill
NÝ
JU
NG
5 kr.
afsláttur
þegar þú notar
Orkulykilinn í
fyrsta sinn!
Alltaf
2 kr. afsláttur
af dæluverði
Bensínorkunnar sem
kannanir sýna að er
lægra en hjá
öðrum!
www.orkan.is
Ert þú sátt(ur) við ákvörðun
stjórnvalda um að takmarka
gjaldeyrisviðskipti?
Já 57,6%
Nei 42,4%
SPURNING DAGSINS Í DAG:
Finnst þér umferð á höfuðborg-
arsvæðinu hafa minnkað?
Segðu þína skoðun á visir.is
INDLAND, AP Umsátri hryðjuverka-
manna í Mumbai lauk í gær þegar
sérsveitarmenn drápu síðustu þrjá
árásarmennina er hírðust í logandi
lúxushóteli. Umsátrið varði í 60
klukkustundir og að minnsta kosti
195 lágu í valnum er yfir lauk og um
300 voru særðir.
Yfirvöld telja að einungis tíu
vopnaðir menn hafi staðið að baki
árásunum sem héldu átján milljóna
manna borg í heljargreipum í þrjá
sólarhringa. Níu þeirra voru drepn-
ir en einn var handtekinn og er hann
nú í yfirheyrslu. Því hefur verið
haldið fram að hann sé pakistansk-
ur og að árásarmennirnir hafi verið
í stöðugu sambandi við erlent ríki.
Pakistönsk stjórnvöld hættu í
gær við að senda yfirmann úr
leyniþjónustu sinni til Indlands en
hann átti að aðstoða við rannsókn
á hryðjuverkunum í Mumbai.
Lægra settur starfsmaður verður
sendur í staðinn. Þar sem ind-
versk yfirvöld hafa tengt árásirn-
ar öfgahópum í Pakistan hafa
bandarísk stjórnvöld áhyggjur af
að það geti aukið líkurnar á deil-
um milli ríkjanna sem búa bæði
yfir kjarnavopnum. Nýkjörinn
forseti Bandaríkjanna, Barack
Obama, telur sættir milli land-
anna tveggja forsendu þess að
jafnvægi náist í Afganistan og
sigur á al-Kaída. - hs
Einungis tíu árásarmenn héldu átján milljóna manna borg í heljargreipum:
Umsátri lokið í Mumbai
TAJ MAHAL-HÓTELIÐ Árásarmennirnir
földu sig í lúxushótelinu í Mumbai.
DANMÖRK, AP Danski arkitektinn
Joern Utzon, sem hannaði
óperuhúsið í Sydney, er látinn, 90
ára að aldri. Utzon lést úr
hjartaáfalli í gærmorgun en hann
hafði verið heilsuveill.
Óperuhúsið í Sydney hannaði
Utzon árið 1957 en hann yfirgaf
verkefnið árið 1966, sjö árum
áður en byggingin kláraðist. Var
það vegna hneykslis í kringum
kostnað og einnig var ósætti um
hönnunina. Þá tók hið opinbera
við verkinu og var hönnunin
innanhúss ekki gerð samkvæmt
hugmyndum Utzons. Árið 2003
hlaut hann verðlaun fyrir
hönnunina á óperuhúsinu enda
þykir það ein merkasta bygging
20. aldarinnar. - hs
Arkitekt óperunnar í Sydney:
Utzon látinn
Auglýsingasími
– Mest lesið
TAÍLAND, AP Mótmælendur við alþjóðaflugvöllinn í
Bangkok brutust í gær í gegnum varðhring lögregl-
unnar sem átti að halda þeim frá helstu nauðsynjum.
Olli það ótta um frekari átök en mótmælin hafa lagt
efnahag landsins í rúst.
Vonast var til að varnarhringurinn sem lögreglan
hafði komið fyrir í gær myndi vera upphafið að
endinum á þessu fjögurra daga umsátri en raunin
varð önnur. Mótmælendur hröktu um 100 lögreglu-
menn á flótta en að sögn lögreglunnar urðu engin
meiðsli.
Sigurður Yngvason, bóndi á Tóvegg, er nú kominn
til Parísar og dvelur þar á hóteli ásamt fjölskyldu
sinni en hann komst frá Taílandi í gær með flugvél frá
Thai Air til Parísar. „Þetta gekk vel þegar við
komumst loks í loftið en við biðum í átta klukkutíma á
herflugvelli sem yfirvöld breyttu í alþjóðaflugvöll,“
segir Sigurður en hann var með konu sinni og þremur
börnum í Taílandi.
„Mér skilst að starfsmenn Thai Air hafi tekið
flugvélina í skjóli myrkurs og komið henni á herflug-
völlinn,“ segir Sigurður og nefnir að Holberg Másson,
sem einnig var fastur í Taílandi og var í forsvari fyrir
ferðamennina, hafi verið samferða honum til Parísar.
„Fjölskyldan var örmagna og við ákváðum að hvíla
okkur en komum heim með hádegisflugi á mánudag-
inn,“ segir Sigurður. - hs
Átök magnast í Taílandi en Íslendingarnir sem þar sátu fastir eru á heimleið:
Lögreglan hrakin á brott
FLUGVÖLLURINN Í BANGKOK Taílenskur hermaður stendur
vörð við flugvöllinn í höfuðborg Taílands.
EFNAHAGSMÁL Landssamband
íslenskra útvegsmanna, LÍÚ, vill
að stjórnvöld kanni þegar kosti
einhliða upptöku erlends gjald-
miðils. Stjórn félagsins hefur
samþykkt áskorun þess efnis og
sent ríkisstjórninni.
Friðrik J. Arngrímsson, fram-
kvæmdastjóri LÍÚ, segir grund-
vallaratriði að fá stöðugri gjald-
miðil, lækka vexti og auka
milliríkjaviðskipti. Ekki leiki
neinn vafi á því að það sé mögu-
legt að taka upp annan gjaldmiðil
einhliða. „Það hefur verið gert í
nokkrum ríkjum þannig að það er
alveg klárt að það er mögulegt,“
segir Friðrik.
Hann segir í raun einungis um
tvo mögulega gjaldmiðla að ræða,
evru og Bandaríkjadollar. Breyt-
ing sem þessi þyrfti ekki að taka
langan tíma, jafnvel innan við
mánuð. „Og ég held að það sé ekki
eftir neinu að bíða,“ segir hann.
Friðrik segir um þaulhugsaða
áskorun að ræða. LÍÚ hafi meðal
annars ráðfært sig við hagfræð-
inginn Daniel Gros sem aðstoðaði
Svartfellinga á sínum tíma við
það að taka einhliða bæði upp
þýska markið og síðar evruna.
„Við erum að gera þetta í mikilli
alvöru og við vonum að stjórn-
völd taki þetta alvarlega.“
Pétur H. Blöndal, formaður
efnahags- og skattanefndar
Alþingis, segir þetta hins vegar
ógerlegt við ríkjandi aðstæður.
„Þetta er eiginlega ómögulegt
nema að koma á jafnvægi fyrst,“
segir hann. Hann bendir á að ef
hér yrði til dæmis tekinn upp
dollar, öllum innstæðum breytt í
dollara og gjaldeyrishöftum aflétt
myndu eigendur jöklabréfa milli-
færa þessa dollara sína úr landi í
stríðum straumum. Til þess eigi
Íslendingar hins vegar ekki næga
dollara.
Höft á millifærslur yrðu því
eftir sem áður óumflýjanleg. „Og
þá værum við komin með annars
konar Bandaríkjadollar hér en
annars staðar í heiminum. Við
værum komin með íslenskan
Bandaríkjadollar af því að þú
gætir ekki notað hann eins og þú
vilt og þá myndi myndast gengi á
þann dollar miðað við dollarann
úti og allar ferðatöskur yrðu full-
ar af peningum.“
Pétur útilokar hins vegar ekki
að skoða lausn sem þessa þegar
jafnvægi kemst á. „En nú eiga
menn ekki að vera að leita að
billegum lausnum, heldur reyna
að leysa vandamálin.“
stigur@frettabladid.is
LÍÚ vill einhliða upp-
töku evru eða dollars
Útgerðarmenn vilja að stjórnvöld kanni nú þegar einhliða upptöku erlends
gjaldmiðils. Slíkt þyrfti ekki að taka meira en mánuð. Formaður efnahags-
nefndar Alþingis segir einhliða upptöku ómögulega við ríkjandi aðstæður.
Í GRINDAVÍKURHÖFN Útgerðarmenn hafa ráðfært sig við hagfræðinginn Daniel Gros sem var Svartfellingum innan handar þegar
þeir tóku upp bæði þýska markið og evruna á sínum tíma. FRÉTTABLAÐIÐ / VILHELM
KJÖRKASSINN