Fréttablaðið - 03.12.2008, Blaðsíða 12
3. desember 2008 MIÐVIKUDAGUR
MENNTAMÁL Mikill meirihluti
Íslendinga notar enskt stýrisum-
hverfi í tölvum sínum þrátt fyrir
að íslensk þýðing sé fáanleg án
endurgjalds. Samkvæmt bráða-
birgðaniðurstöðum rannsóknar
sem Capacent Gallup gerði fyrir
Microsoft á Íslandi nota um 16 pró-
sent notenda Windows-stýrikerfis-
ins íslenska útgáfu þess í vinnu eða
skóla. Þeir sem nota íslenska
útgáfu stýrikerfisins í heimilis-
tölvum sínum eru örlítið fleiri, eða
22 prósent.
Til að bregðast við þessu var
átakinu Okkar mál – íslenska
hleypt af stokkunum í gær. Átakið
er samstarfsverkefni Microsoft á
Íslandi, menntamálaráðuneytisins
og Íslenskrar málstöðvar og miðar
að því að auka notkun íslensku við
tölvunotkun, sérstaklega í skólum.
Í fyrradag hófst einnig sam-
keppni þar sem skólar, fyrirtæki
og stofnanir keppa í að ná sem
hæstu hlutfalli íslenskra þýðinga í
tölvum sínum. Keppnin stendur til
17. júní næstkomandi.
Í tilkynningu frá aðstandendum
átaksins segir að grunnskólar í
Hafnarfirði hafi verið í farar-
broddi hér á landi við notkun
íslenskra þýðinga í tölvum skól-
anna. Þá segir að í nýlegu loka-
verkefni Huldu Hreiðarsdóttur,
íslenskunema við Háskóla Íslands,
hafi meðal annars komið fram að
notkun íslensku þýðinganna hafi
aukið sjálfsöryggi nemenda og
skilning þeirra á tölvunotkun.
Rannsókn Huldu sýni að hafnfirskir
nemendur virðist einnig nota
íslensk orð um tölvunotkun í meira
mæli en nemendur skóla sem nota
enska útgáfu. - ovd
Átakinu Okkar mál – íslenska ætlað að auka notkun íslensku við tölvunotkun:
Flestir í ensku stýrisumhverfi
FRÁ LÆKJARSKÓLA Bergur Ebbi Bene-
diktsson, söngvari Sprengjuhallarinnar,
hóf átakið Okkar mál – íslenska form-
lega í Lækjarskóla í Hafnarfirði í gær.
FRÉTTABLAÐIÐ/STEFÁN
SPÁÐU Í HVAÐ ÞÚ SPARAR!
Ný
r
Or
ku
lyk
ill
NÝ
JU
NG
5 kr.
afsláttur
þegar þú notar
Orkulykilinn í
fyrsta sinn!
Alltaf
2 kr. afsláttur
af dæluverði
Bensínorkunnar sem
kannanir sýna að er
lægra en hjá
öðrum!
www.orkan.is
EFNAHAGSMÁL Frjálsi fjárfestingar-
bankinn býður viðskiptavinum
sínum að greiða að lágmarki 5.500
krónur af hverri milljón af upphaf-
legu láni mánaðarlega, ef þeir
gangast undir skilmálabreytingu
þess efnis að þeir miði við gengi
Frjálsa á krónunni í stað Seðla-
bankans.
„Það er verið að veifa gulrót
framan í okkur; lægri greiðsla í 10
mánuði gangist menn undir skil-
málabreytinguna,“ segir Bragi
Baldursson sem tók 26 milljóna
króna lán hjá bankanum í febrúar.
Lánið stendur nú í ríflega 53 millj-
ónum og afborganir hafa hækkað
úr rúmlega 220 þúsund á mánuði í
tæp 460 þúsund.
„Með þessu er verið að gera
breytingu á þeim samningi sem ég
gerði upphaflega. Þeir hafa ekki
skýrt nægilega út hvernig þeirra
gengi mun þróast. Eina gengið sem
við höfum í dag er gengi Seðla-
bankans og það er fullkomlega
óljóst hver þróunin verður.“
Eiríkur Óli Árnason, forstöðu-
maður hjá Frjálsa, segir alla banka
vera með sitt eigið gengi. Viðmið-
unargengi Frjálsa verði gengi
Seðlabankans, en það geti breyst.
„Seðlabankinn gefur bara út
gengi einu sinni á sólarhring og við
vorum að lenda í vandræðum þegar
fólk vildi greiða upp lán sín, þá gat
það þurft að bíða í sólarhring. Nú
er hægt að greiða lánið upp strax.
Það er betra að vinna þetta svona
og þetta er í samræmi við aðra
banka.“
Aðspurður hvort það sé mikið
vandamál nú að geta ekki greitt
lánin nógu skjótt upp, segir hann
svo ekki vera í dag. Það hafi þó
verið það. Hann segir að líki mönn-
um ekki gengi bankans geti þeir
keypt gjaldeyri annars staðar.
„Auðvitað er enginn með allt öðru-
vísi gengi en aðrir, þá væru menn
ekki í viðskiptum.“
Bragi bendir hins vegar á að
engin trygging sé fyrir því hvar
kröfurnar muni enda. „Þeir geta til
dæmis selt kröfurnar til erlendra
kröfuhafa. Það er engin trygging
fyrir því hvert gengið verður,
kröfuhafi ræður því. Maður tekur í
fyrsta lagi áhættu með því að taka
erlent lán og nú er bankinn að fara
fram á að maður taki enn meiri
áhættu með því að láta það upp í
hendurnar á þeim hvernig þeir
vilja hafa gengið.“
„Það er hægt að framselja þess-
ar kröfur líkt og aðrar. Það á við
um okkur og aðra banka,“ segir
Eiríkur. kolbeinn@frettabladid.is
Frjálsi gagnrýndur
fyrir gengisbreytingu
Frjálsi fjárfestingarbankinn er gagnrýndur fyrir skilmálabreytingu um að bank-
inn ákveði sjálfur gengi en ekki Seðlabankinn. Í samræmi við það sem aðrir
gera, segir bankinn. Áhætta, segir viðskiptavinur og óttast sölu krafnanna.
EIRÍKUR ÓLI
ÁRNASON
BRAGI
BALDURSSON
STJÓRNMÁL Sú ákvörðun yfirstjórn-
ar Ríkisútvarpsins að afleggja
svæðisbundnar útsendingar frá
Akureyri, Egilsstöðum og Ísafirði
frá og með áramótum fer fyrir
brjóstið á þingmönnum lands-
byggðarinnar.
Telja þeir svæðissendingarnar
mikilvægar íbúum á hlustunar-
svæðunum og efast jafnvel um
fjárhagslegar forsendur ákvörðun-
ar innar.
Svæðisstöðvarnar senda út hálf-
tíma dagskrá fjóra til fimm daga
vikunnar. Að auki eru unnar fréttir
og annað dagskrárefni fyrir stöðv-
ar Ríkisútvarpsins. Þeirri starf-
semi verður haldið áfram.
Karl V. Matthíasson, þingmaður
Samfylkingarinnar í Norðvestur-
kjördæmi, segir ákvörðunina dap-
urlega. „Svæðisstöðvarnar hafa
gegnt góðu og mikilvægu hlutverki
og skapað nánd og samstöðu. Þetta
er mjög dapurlegt og alltaf skal nú
byrjað á að ráðast á landsbyggðina
þegar skera á niður.“
Arnbjörg Sveinsdóttir, þingmaður
Sjálfstæðisflokksins í Norðaustur-
kjördæmi, segir það slæm tíðindi ef
svæðissendingunum verður hætt.
„En ég trúi varla að þetta verði end-
anleg niðurstaða. Þetta er nauðsyn-
leg þjónusta á landsbyggðinni.“
Arnbjörg segist hafa staðið í
þeirri trú að auglýsingatekjur, að
minnsta kosti sumra svæðisstöðva,
stæðu undir stórum hluta kostnað-
ar þeirra. Alls óvíst sé að þær tekj-
ur skili sér til Ríkisútvarpsins ef
svæðisútsendingunum verði hætt.
- bþs
Stjórnarþingmenn af landsbyggðinni undrandi á forgangsröðun Ríkisútvarpsins:
Harma stöðvun svæðisútsendinga
KARL V.
MATTHÍAS SON
ARNBJÖRG
SVEINSDÓTTIR
NÝBYGGINGAR Viðskiptavinur
Frjálsa fjárfestingarbankans er
ósáttur við kröfu um skilmála-
breytingu vilji hann frysta lán
vegna húsnæðis síns.