Fréttablaðið - 04.12.2008, Blaðsíða 33

FIMMTUDAGUR 4. desember 2008 3
Á
tískuvikunni í október
var fjörutíu ára
hönnunarafmælis Soniu
Rykiel minnst. Af sama
tilefni opnaði á dögunum sýning
sem fer yfir árin fjörutíu í
nytjalistasafninu, Musée des
Arts décoratifs sem er rétt við
Louvre-safnið. Sonia Rykiel sem
er af fínum gyðingaættum og átti
að verða „literer” dama, giftast
og eiga börn, villtist fyrir
tilviljun inn í tískuheiminn. Í
heimsókn á vinnustað manns síns
sem var í fataframleiðslu spurði
hún hvort hægt væri að útbúa
peysu eins og hún vildi fyrir sig.
Soniu eins og svo mörgum öðrum
konum fannst margt í þessum
heimi ekki henta sér sérstaklega
vel. Þess vegna fór hún að hanna
fyrst fyrir aðra og opnaði svo
sína fyrstu búð í maí 1968, í
miðjum ólátunum í París. Hún
skapaði sér strax nafn með
prjónaefnum og seinna með
öðrum efnum en nær alltaf
mjúkum eins og jersey til dæmis
sem varð ómissandi í fínum
jogginggöllum á tíunda áratugn-
um. Þægilegur klæðnaður sem
hentaði vel konum af ýmsum
stærðum og gerðum, „sport-
chic” útlitið varð til. Rykiel
aflaði prjónaefninu hvort sem er
í peysum, pilsum eða kjólum
viðurkenningar í tískuheiminum
og í dag er ekkert tískuhús sem
ekki blandar prjónaefnum saman
við aðra tísku.
Breiðar og litríkar rendur eru
sömuleiðis einkennandi fyrir
hönnun Rykiel og hafa fylgt
henni áratugum saman. Rend-
urnar voru og eru hennar
vörumerki, eins auðþekkjanlegar
og hjá Paul Smith.
Þegar Sonia gekk með sitt
fyrsta barn tók hún upp á því að
hanna fyrir ófrískar konur, enn
og aftur vegna þess að fatnaður-
inn sem fyrir var á markaðnum
hentaði að hennar mati ekki
ófrískum konum. Þetta er
lykilatriði hjá Rykiel, hún hefur
alla tíð hannað fyrir konur það
sem hún telur henta þeim og
hefur oftar en ekki hitt naglann á
höfuðið í stað þess að hanna það
sem tískuheimurinn telur konum
trú um að þær eigi að nota.
Nokkuð sem fylgir tískuheimi
sem aðallega er stjórnað af
körlum sem framleiða föt meira
eða minna hönnuð af körlum.
Sonia Rykiel hefur alla tíð
umgengist listamenn, rithöfunda
og sálfræðinga sem oft hafa
spurt hvað það eigi að þýða að
hanna föt með götum eða að snúa
saumunum út. Hún var reyndar
langt á undan sinni samtíð með
þessum tilraunum. Sumir segja
reyndar að þannig nálgist Sonia
Rykiel fagurbókmenntirnar sem
henni voru ætlaðar ungri,
hönnunin er hennar skrift. Eins
og Svava Jakobsdóttir skrifaði í
frægri grein þar sem hún talar
um nauðsyn þess að velta við
steinunum og skoða undir þá.
Sonia Rykiel snýr við flíkunum
og sýnir það sem er á hinni
hliðinni, röngunni, þorir að kíkja
undir steinana.
bergb75@free.fr
Landnámskona drottning prjónaefnisins
ÚR HÁBORG TÍSKUNNAR
Bergþór Bjarnason skrifar frá París
Súkkulaði getur tekið á sig
ólíklegustu myndir og kom það
bersýnilega í ljós á nýafstaðinni
„Salon du Chocolat “-sýningu í
Moskvu.
Súkkulaði-korselett og -sjóræn-
ingjahattur voru á meðal þess sem
virða mátti fyrir sér á „Salon Du
Chocolat“ tískusýningunni sem
haldin var í Moskvu í lok október.
Um er að ræða þriðju „Salon du
Chocolat“ sýninguna þar í borg en
á henni sýna súkkulaðiframleið-
endur, í samstarfi við fatahönnuði,
vörur sínar í nýju og óvenjulegu
ljósi.
Samnefndar sýningar fara
árlega fram í París, New York,
Tokyo og Peking en fyrsta sýning-
in fór fram í París fyrir fjórtán
árum. Á sýningunum hefur í ár
meðal annars gefið að líta súkk-
u laðikjóla-stígvél og -hatta svo
dæmi séu tekin. - ve
Gómsætar
flíkur
Korselett sem má borða eru ekki á
hverju strái. NORDICPHOTOS/AFP
Laugaveg 54,
sími: 552 5201
KRINGLAN SMÁRALIND LAUGAVEGUR
FIMMTUDAGS
TILBOÐ
46943 00101
Lir: Svart
Stærðir:
36 - 42
Catch Costa Rica
26.995
19.995
44344 54980
Lir: Svart
Stærðir:
41 - 47
Downtown
14.995
11.995
11933 51707
Lir: Svart, hví
Stærðir:
36 - 42
Winter Z.
20.990
15.995
Gærufóðraðir
68044 50347
Lir: Svart
Stærðir:
41 - 47
Xpedition
26.990
19.995
Blaðberinn bíður þín
Þú færð Blaðberann þinn í Skaftahlíð 24 alla virka daga frá kl. 8-17.
...góðar fréttir fyrir umhverfiðBlaðberinn...