Fréttablaðið - 04.12.2008, Blaðsíða 34
JÓLAGARDÍNURNAR er ágætt að fara að
taka fram ef þær eru ekki enn komnar upp. Gard-
ínurnar þarf líklega að þvo og strauja og þar sem
styttist í jólin er ekki gott að draga það of lengi.
Eldvarnarvikan er nýafstaðin en
meðan á henni stóð fræddu slökkvi-
liðsmenn grunnskólabörn víðs
vegar um land um eldvarnir. Í
tengslum við átakið var könnun
sem Capacent Gallup gerði fyrir
Landssamband slökkviliðs- og
sjúkraflutningamanna og Bruna-
málastofnun kynnt en hún gefur til
kynna að eldvörnum sé áfátt á
mörgum íslenskum heimilum. Á
um fimm prósent heimila eru til að
mynda engir reykskynjarar og á
um 30 prósentum heimila einungis
einn, að því er fram kemur á heima-
síðu Eldvarnarmiðstöðvarinnar.
Fyrir jól og áramót er yfirleitt
reynt að minna á eldvarnir þar
sem meira er um kerta- og eldn-
otkun en ella og segir Reynir Ein-
arsson, sölumaður hjá Eldvarnar-
miðstöðinni, áminninguna alltaf
eiga jafn mikið erindi. Hann tók
að sér fara yfir helstu atriðin sem
hafa þarf í huga.
„Mikilvægast er að sjá til þess
að reykskynjarar séu sem víðast
og skipta um batterí í þeim einu
sinni á ári. Góð regla er að gera
það alltaf fyrir jól. Þá þarf að láta
yfirfara slökkvitæki með þriggja
ára millibili en algengustu slökkvi-
tækin til heimilisnota eru duft- og
léttvatnstæki. Dufttækin eru öfl-
ugri en sumir setja fyrir sig þann
ókost að fíngert duftið úr þeim
smýgur inn mjög víða. Í léttvatns-
tækjunum er vatn með viðbótar-
efni sem myndar filmu yfir eld og
glóð og lokar súrefnisflæðinu að
eldinum. Það sóðar ekki eins mikið
út og er því hnitmiðaðra ef svo má
á orði komast.“
Reynir leggur til að fólk noti
tækifærið og prófi slökkvitækin,
og þá sérstaklega léttvatnstækin,
þegar kominn er tími til að yfir-
fara þau til að fá tilfinningu fyrir
því hvernig þau virka. Hann mælir
þó ekki með því að fólk kveiki eld
heldur prófi til dæmis að sprauta í
fötu eða á opnu útisvæði. Eldvarn-
armiðstöðin býður svo bæði upp á
áfyllingu og eftirlit með duft- og
léttvatnstækjum.
Fyrir utan reykskynjara og
slökkvitæki segir Reynir gott að
eiga eldvarnarteppi sem auðvelt
er að grípa til. Hann hvetur svo
fólk til að hafa sérstaka gát á
kertaskreytingum og að sjá til
þess að börn séu ekki í námunda
við logandi eld án eftirlits. Hann
segir einnig mikilvægt að passa
upp á jólaseríur og að ekki borgi
sig að nota þær í mörg ár í röð.
„Perurnar eru ekki gerðar til að
loga allt árið um kring og þarf að
passa að þær séu ekki í námunda
við eldfim efni.“
vera@frettabladid.is
Nú þarf að hafa varann á
Hátíð ljóssins, með tilheyrandi eldnotkun, fer nú í hönd en þá er mikilvægt að sjá til þess að eldvarnir
séu með besta mögulega móti. Misbrestur virðist þó vera á því á þó nokkrum heimilum.
Reykskynjari þarf að vera sem víðast á heimilum og vinnustöðum og er einn á hvert
heimili hvergi nærri nóg. FRÉTTABLAÐIÐ/GVA
Swopper vinnustóllinn
www.eirberg.is • 569 3100 • Stórhöfða 25
Heildsalar, verslunarmenn,
framleiðendur og aðrir íslendingar