Fréttablaðið - 05.12.2008, Blaðsíða 16
16 5. desember 2008 FÖSTUDAGUR
DÓMSMÁL Ríkissaksóknari brýnir
fyrir ákærendum mikilvægi þess
að fylgja ítrustu gæðakröfum og
sýna vönduð vinnubrögð, en mun
ekki bregðast frekar við kvörtun
lögmanns Benjamíns Þórs Þor-
grímssonar vegna vinnubragða
saksóknara lögreglu.
Saksóknari lögreglu höfuðborg-
arsvæðisins ákærði Benjamín
fyrir tvær líkamsárásir. Aðra
árásina sýndi fréttaskýringar-
þátturinn Kompás í september.
Vilhjálmur H. Vilhjálmsson,
verjandi Benjamíns, kvartaði til
ríkissaksóknara yfir því að tvær
ákærur hafi verið gefnar út í mál-
inu og að önnur virðist hafa verið
dagsett aftur í tímann. Einnig að
fjölmiðlum hafi verið afhent
ákæran á undan Benjamín.
Í svari ríkissaksóknara, sem
Fréttablaðið hefur undir höndum,
er vísað til úrskurðar héraðsdóms
frá því á þriðjudag. Dómurinn vís-
aði ákærum á hendur Benjamín
frá, sökum þess að tvær ákærur
hafi verið gefnar út. Vegna þeirr-
ar niðurstöðu dómsins telur ríkis-
saksóknari ekki ástæðu til að
aðhafast frekar vegna þess að
tvær ákærur hafi verið gefnar út.
Þá vísar ríkissaksóknari í afrit
af tölvupósti til fréttamanns, því
til staðfestingar að ákæran hafi
verið birt Benjamín fjórum
dögum áður en hún var send fjöl-
miðlum, og að hún hafi verið þing-
fest rúmlega hálfri klukkustund
áður en hún var send fréttamann-
inum. brjann@frettabladid.is
Aðhefst ekki
vegna ákæra
Ríkissaksóknari brýnir fyrir ákærendum að sýna
vönduð vinnubrögð og fylgja gæðakröfum. Ætlar
ekki að aðhafast frekar vegna kvörtunar verjanda í
líkamsárásarmáli yfir framferði saksóknara.
VÍSAÐ FRÁ Héraðsdómur féllst á kröfu verjanda Benjamíns og vísaði ákærum á
hendur honum frá á þriðjudag. Ríkissaksóknari fjallaði ekki um þann þátt málsins í
svari sínu. FRÉTTABLAÐIÐ/GVA
Jón H.B. Snorra-
son, saksóknari og
aðstoðarlögreglustjóri
lögreglu höfuðborg-
arsvæðisins, segist
fullkomlega sáttur við
niðurstöðuna.
„Ríkissaksókn-
ari telur að það sé
ekkert í þessu sem
sé ámælisvert, þetta
sé samkvæmt reglum
ríkissaksóknara og
dómstólanna,“ segir
Jón. Málið allt sé
stormur í vatnsglasi, svo vægt sé til
orða tekið.
Jón segir það að ríkissaksóknari
fjalli ekki um þau atriði sem vísað
var frá héraðsdómi
sýna að honum finnist
ekki tilefni til þess.
Ef eitthvað óeðlilegt
hefði átt sér stað hefði
ríkissaksóknari brugð-
ist við því, þrátt fyrir
frávísun héraðsdóms.
Eins og fram hefur
komið getur ákæru-
valdið gefið út nýja
ákæru á hendur
Benjamín, þrátt fyrir
frávísun héraðsdóms.
Jón segir augljóst að
ný ákæra verði gefin út í málinu.
„Það er ekkert vafamál og búið að
gera viðkomandi grein fyrir því.“
FULLKOMLEGA SÁTTUR VIÐ NIÐURSTÖÐU
JÓN H. B. SNORRASON
Vilhjálmur Hans Vilhjálms-
son, verjandi Benjamíns
Þórs Þorgrímssonar, segir
niðurstöðu ríkissaksóknara
að vissu leyti hafa komið
sér á óvart. Hann segir
eðlilegt að ríkissaksóknari
vísi til frávísunar á málinu.
„En það er athyglisvert
að hann sjái ekki ástæðu
til að gera athugasemd við
að saksóknarar falsi dag-
setningu á ákæru sem þeir gefa út,“
segir Vilhjálmur. Vísar hann þar til
síðari útgáfu ákærunnar, sem hann
segir staðfest að Jón H.B. Snorrason,
saksóknari og aðstoðarlögreglustjóri
lögreglu höfuðborgarsvæðisins, hafi
dagsett aftur í tímann.
Vilhjálmur segir það einnig
merkilega niðurstöðu að
gera ekki athugasemd við
að saksóknari hafi brotið
gegn fyrirmælum ríkissak-
sóknara sjálfs, varðandi
samskipti við fjölmiðla. Í
fyrirmælunum kemur fram
að eftir að ákæra hafi verið
birt ákærða, og lesin upp í
réttarsal, megi saksóknari
afhenda hana fjölmiðlum.
Ákæran var aldrei lesin
upp í réttarsal, þar sem sakborningur
hafi boðað forföll, segir Vilhjálmur.
Engu að síður hafi hún verið send
á fjölmiðlamann sem eftir henni
óskaði. Hefði ákæran verið lesin upp
hefði uppgötvast að tvær útgáfur af
ákærunni voru í gangi.
NIÐURSTAÐA KOM Á ÓVART
VILHJÁLMUR HANS
VILHJÁLMSSON
GÓRILLA AÐ SNÆÐINGI Þessi górilla
gæddi sér á laufblöðum í Virunga-
þjóðgarðinum í Kongó-Kinshasa í
hlíðum Mikeno-fjalls þar sem 200 af
700 síðustu fjallagórillum heims hafast
við. NORDICPHOTOS/AFP
VÍÐSKIPTI „Við höfum unnið að
þessu við eldhúsborðið síðustu
mánuði. Til lengdar er ekki gaman
að fara úr svefnherberginu inn á
skrifstofuna í eldhúsinu,“ segir
Hrafnhildur Hreinsdóttir, fram-
kvæmdastjóri mannauðsfyrirtæk-
isins Velvakanda. Samnefndur
vefur fyrirtækisins var opnaður
formlega í vikunni.
Hrafnhildur og samstarfskona
hennar, Sigrún Gunnarsdóttir, hafa
um nokkurra ára skeið gengið með
þá hugmynd í maganum að stofna
fyrirtæki sem sinni starfsmanna-
málum, ráðgjöf um miðlun innri
upplýsinga og rafræna fræðslu
hjá fyrirtækjum og stofnunum auk
mannauðsmála. Þær stöllur eru
glaðar yfir því að komast inn á
Torgið með starfsemi sína og þakk-
látar fyrir að fá góða vinnuaðstöðu
í miðbænum. „Það skiptir líka
miklu máli að vera innan um
skemmtilegt og skapandi fólk,“
segir Hrafnhildur.
Torgið er viðskiptasetur Nýsköp-
unarmiðstöðvar Íslands, Lands-
bankans og Samtaka starfsmanna
fjármálafyrirtækja í húsnæði
bankans í Austurstræti. Það var
formlega vígt á mánudag en þar fá
einstaklingar sem lengi hafa geng-
ið með hugmyndir í maganum
aðstöðu og umgjörð til að vinna að
hugðarefnum sínum. - jab
TORGIÐ VÍGT Össur Skarphéðinsson
iðnaðarráðherra, Þorsteinn Ingi Sigfússon,
forstjóri Nýsköpunarmiðstöðvar, og Elín
Sigfúsdóttir, bankastjóri Landsbankans, við
vígsluna á mánudag.
Nýsköpunarmiðstöð opnar viðskiptasetur fyrir fólk með hugmyndir í maganum:
Farið úr eldhúsi og út á Torg
DÓMSMÁL Tæplega fertugur
karlmaður hefur verið ákærður
fyrir brot gegn valdstjórninni
með því að fella tollvörð við
skyldustörf.
Maðurinn var staddur í
tollafgreiðslu í komusal Flug-
stöðvar Leifs Eiríkssonar í
febrúar þegar hann rak öxlina
harkalega í bringu tollvarðar sem
þar var við skyldustörf, með þeim
afleiðingum að tollvörðurinn féll
við.
Maðurinn neitaði sök við
þingfestingu málsins í Héraðs-
dómi Reykjaness. Aðalmeðferð í
málinu verður í lok janúar. - jss
Brot gegn valdstjórninni:
Felldi tollvörð
í Leifsstöð
LÖGREGLUMÁL Kona sem var að
koma í heimsókn til fanga á Litla-
Hrauni í fyrradag var með
fíkniefni innvortis. Fíkniefnaleit-
arhundur fangelsisins merkti á
hana og var þá lögregla kölluð til.
Konan framvísaði efnunum, sem
voru kókaín, amfetamín og
lyfjatöflur.
Fangaverðir á Litla-Hrauni
leggja, í góðu samstarfi við
lögreglu, mikla vinnu í að upplýsa
um tilraunir til að smygla
fíkniefnum inn til fanga. Sam-
starfið hefur meðal annars leitt til
þess að þrjátíu gramma sending
af amfetamíni sem átti að berast
fanga var tekin í síðustu viku. - jss
Tekin með efni innvortis:
Fíkniefnasmygl
á Hrauninu