Fréttablaðið - 05.12.2008, Blaðsíða 40
8 föstudagur 5. desember
Hannes Steindórs-
son var ekki nema 21
árs þegar hann varð
sölustjóri auglýsinga
á sjónvarpsstöðinni
Skjá einum sem þá var
nýstofnuð. Fyrir þremur
árum færði hann sig yfir
í fasteignabransann og
hefur getið sér gott orð í
heimi fræga fólksins.
Viðtal: Marta María Jónasdóttir
Ljósmyndir: Arnþór Birkisson
E
f einhver gæti selt
ferðagufubað þá væri
það örugglega Hann-
es Steindórsson sölu-
maður fasteigna hjá
Remax Lind og einn af eigend-
um stofunnar. Hann viðurkennir
að hugsa mikið um peninga þótt
hann segist reyndar ekki eiga mik-
inn pening í augnablikinu. Blaða-
maður hefur heimildir fyrir því að
Hannes hafi sett sér það markmið
sem lítill drengur að verða forríkur
þegar hann yrði stór. Þegar hann
er inntur eftir þessu fer hann að
brosa. „Ég er mjög peningadrif-
inn. Vinir mínir eiga eftir að hlæja
þegar þeir lesa þetta. Ég ætla mér
enn þá að verða ríkur. Ég ætlaði
reyndar að vera orðinn það fyrir
þrítugt og það tókst næstum því
en klúðraðist líka eiginlega alveg.
Sem betur fer þroskast maður, en
það er mjög stutt síðan ég áttaði
mig á því að lífið snerist ekki bara
um peninga. Það er markmið hjá
mér að verða ríkur og það er hægt
ef maður er duglegur í fasteigna-
bransanum,“ segir Hannes. Þegar
hann er spurður að því hvort hann
sé alinn upp við ríkidæmi segir
hann svo ekki vera þótt hann
hafi heldur ekki liðið neinn skort.
„Þegar ég var lítill setti ég mér
það markmið að vera ekki blank-
ur þegar ég yrði fimmtugur. Ég
hef því 20 ár til að redda þessu,“
segir hann og hlær. Að vera ríkur
er þó svolítið afstætt. Þegar Hann-
es er spurður út í það hvað honum
finnst felast í orðinu að vera ríkur
segir hann það hafa breyst tölu-
vert á síðustu misserum. „Mark-
miðið var að eiga flottan bíl, stórt
hús og sumarbústað. Auðvitað vil
ég eiga fallegt heimili en það hefur
tónast mjög mikið niður. Ég datt
alveg í góðærishlaupið. Ég keypti
mér Range Rover og allan pakk-
ann,“ segir hann.
Tapaðir þú mikið af peningum
á niðursveiflunni? „Ég hef nú ekki
átt mikið af peningum yfirhöfuð
en ég á eitthvað til … Svo fórum
við félagarnir í það að kaupa okkur
sumarbústaðafélag og ætluðum að
græða hundruð milljóna á því en
svo gekk það ekki upp þannig að
auðvitað tapaði ég. Ég er að byggja
einbýlishús með erlendu láni og
núna er það bara stopp þangað
til gengið lagast. Ég hef áttað mig
á því að ef þetta fer illa þá byrja
ég bara upp á nýtt. Ég skulda ekk-
ert í syni mínum, dóttur minni og
konunni minni. Þau eru algerlega
skuldlaus, ég er búinn að tékka á
því,“ segir hann og hlær.
ÆVINTÝRI Á SKJÁNUM
Hannes hefur komið víða við á
ferli sínum sem sölumaður. Hann
byrjaði ferilinn 19 ára en þá seldi
hann auglýsingar fyrir Útvarp
Matthildi. Árið 1999 hóf Hann-
es störf á Skjá einum þegar stöð-
in var að hefja göngu sína. Hann
segir að tíminn á Skjá einum hafi
verið ævintýri líkastur enda hafi
meðalaldur starfsfólksins verið
25 ár. „Þegar við vorum að byrja
var hver dagur massívur sigur og
auðvitað var mikið um ævintýri
og skemmtilegar uppákomur. Einu
sinni hringdi inn kona og sagðist
hafa misst af Dallas sem var þá
í sýningum á stöðinni. Þá spurði
dagskrárstjórinn hvort hún væri
að horfa núna og þegar hún ját-
aði því bað hann hana að bíða í
smá stund meðan hann væri að
setja Dallas-spóluna í tækið. Ég
efast um að Rúv myndi gera þetta
í dag,“ segir Hannes og rifjar það
upp að árin á Skjá einum hafi
ekki verið standandi partí eins
og margir vilji halda fram. „Það
var svo mikið frumkvöðlastarf
og mikið af góðum hugmyndum
í gangi. Ég er þó alls ekki að segja
að allir þættirnir sem hafi verið
framleiddir á þessum tíma hafi
verið góðir en það skipti heldur
engu máli.“
ÞEIR DUGLEGUSTU LIFA AF
Þegar Hannes er spurður út í fast-
eignamarkaðinn segir hann það
ekki rétt að allt sé frosið á honum.
„Í dag er kaupendamarkaður. Fyrir
ári síðan leitaði ég eftir að fá eign-
ir í sölu en núna er ég meira í því
að finna eignir fyrir fólk og reyna
að þjónusta það. Remax er 40 ára
gamalt kerfi og þeir kenna okkur
að vinna í þessum aðstæðum,“
segir Hannes og bætir því við að
þeir duglegu muni lifa af núna,
hinir geti bara pakkað saman.
Hann segir að starfið á fasteigna-
sölunni sé allt öðruvísi en að selja
auglýsingar því það fylgi því svo
mikil gleði. „Fólk í fasteignavið-
skiptum er yfirleitt glatt og það
er gaman að taka þátt í gleðinni
með því,“ segir Hannes sem er oft
kallaður fasteignasali fræga fólks-
ins en hann hefur sérhæft sig í því
að selja fyrir þann markhóp. Þegar
hann er spurður út í þetta segir
hann að þetta hafi eiginlega gerst
óvart. „Í gegnum vinnuna mína á
Skjá einum og hinum fjölmiðlun-
um hef ég kynnst mikið af þekktu
fólki.“ Hann segir að 90 prósent af
viðskiptunum verði vegna með-
mæla, frægir þekki aðra fræga og
þannig hafi þetta hlaðið utan á
sig. „Hér áður fyrr hélt ég að þetta
fræga fólk væri svo leiðinlegt en
ég hef algerlega skipt um skoð-
un,“ segir hann og glottir. Þegar
fasteignamarkaðurinn er kruf-
inn segir Hannes að sölumanns-
hæfileikar hafi kannski ekkert að
segja því það sé ekki hægt að selja
fólki heimili, fólk velji það sjálft.
„Ég gæti troðið bíl inn á fólk eða
einhverjum kremum en fólk tekur
alltaf ákvörðun sjálft hvort það
vill kaupa íbúð eða ekki. Ég get
ekki selt manneskju þriggja her-
bergja íbúð ef hana vantar fjög-
urra herbergja. Fasteignamarkað-
urinn snýst frekar um þjónustu en
sölumennsku.“
✽
ba
k v
ið
tjö
ldi
n
Geisladiskurinn í spilar-
anum:
Coldplay
Uppáhaldsmaturinn:
Nautahakk, spagettí og
kartöflumús
Uppáhaldsdrykkurinn:
Kaffi
Mesti lúxusinn:
Að slaka á á kvöldin þegar
að börnin eru sofnuð og
horfa á Friends með kon-
unni
Bíllinn minn er...
Land Rover
Eftirminni-
legasta sum-
arfríið?
Brúðkaupsferð til Krítar
Hvað gerir þú á aðventunni?
Borða mér til ólífis
Besti tími dagsins:
05:50
Uppáhalds-
verslun:
Betra bak
ÆTLAÐI ALLTAF AÐ VERÐA
Bjartsýnin uppmáluð
Hannes Steindórsson er
ákaflega bjartsýnn maður
og er sjaldan í fýlu. Hann
segir að þeir duglegustu
muni lifa af á fasteigna-
markaðnum núna.