Fréttablaðið - 05.12.2008, Blaðsíða 69
48 5. desember 2008 FÖSTUDAGUR
sport@frettabladid.is
HANDBOLTI Hornamaðurinn Bjarni
Fritzson mun ganga á fund for-
ráðamanna franska félagsins St.
Raphael á næstu dögum og óska
þess að fá að fara frá félaginu
strax í janúar. Samningur Bjarna
við félagið rennur annars út næsta
sumar og hann mun yfirgefa félag-
ið í síðasta lagi þá en hann vonast
til þess að komast burt hið fyrsta.
„Ég er alveg kominn með upp í
kok á að vera hérna. Ég ætla að
kanna möguleikann á því að kom-
ast burt hið fyrsta. Þetta er ekkert
að ganga upp hérna,“ sagði Bjarni.
Hann er ekki mjög hrifinn af þjálf-
ara liðsins. „Þjálfarinn er ekki sá
besti né skemmtilegasti heldur.
Það eina sem hann gerir er að
öskra á menn og gagnrýna þá. Svo
má ekkert svara honum eða ræða
við hann. Þá verður hann bara enn
reiðari. Það er ekkert hægt að tala
við hann og ég er bara búinn að fá
upp í kok eins og ég sagði.“
Bjarni segist ekkert hafa gaman
af handboltanum lengur í Frakk-
landi og hann segir fjölskyldu sína
sakna nærveru vina og ættingja.
„Við erum mjög langt frá öllum
og erum ein hérna í Suður-Frakk-
landi. Það er bara orðið leiðinlegt
að vera hérna og leiðinlegt að spila
handbolta. Mér líður ekki vel
hérna og því þjónar það engum til-
gangi að vera hérna áfram. Ég er
ekki í handbolta til þess að láta
mér leiðast. Ég vil hafa gaman.
Við erum ekkert eins og atvinnu-
mennirnir í fótboltanum á ofur-
launum og því er enginn tilgangur
að vera hér áfram ef ánægjan er
ekki lengur til staðar,“ sagði
Bjarni sem meiddist á dögunum
þegar hann reif magavöðva í
annað sinn. Hann er kominn aftur
á fulla ferð og spilaði með lands-
liðinu í Þýskalandi um síðustu
helgi.
„Ég vil gjarna færa mig nær
strákunum ef það er möguleiki. Ef
ekki þá klára ég bara þennan
samning og læt mig svo hverfa
eins fljótt og hægt er. Ég er byrjað-
ur að skoða þessi mál og það væri
fínt að komast að hjá liði í Dan-
mörku eða Þýskalandi.“
Bjarni segist þess utan ekkert
hafa á móti því að koma líka bara
heim. „Já, hvers vegna ekki. Það
væri fínt að komast aðeins heim
og hlaða rafhlöðurnar upp á nýtt.
Svo kemst konan mín heldur ekk-
ert í nám hérna og mig langar að
taka master þannig að það lífið er
svolítið á bið sem stendur. Það
stendur aftur á móti til að breyta
því og vonandi strax í janúar,“
sagði landsliðsmaðurinn Bjarni
Fritzson og spurning hvort ein-
hver lið á Íslandi reyni ekki að fá
hann til sín? henry@frettabladid.is
Þjálfarinn gerir ekkert nema öskra
Landsliðsmaðurinn Bjarni Fritzson hyggst freista þess að komast frá franska liðinu St. Raphael hið fyrsta.
Hann er búinn að fá nóg af þjálfara liðsins og segir lífið í bænum ekki vera skemmtilegt. Bjarni segist vera
í handbolta til þess að hafa gaman af og því vill hann fara. Hann segir koma til greina að spila á Íslandi.
VILL KOMAST BURT Bjarni Fritzson er búinn að fá nóg af St. Raphael og vill komast
burt frá Frakklandi fyrr frekar en síðar. MYND/ANTOINE BRÉARD
FÓTBOLTI Jólavertíðin gæti reynst
Liverpool erfið enda verður
spænski framherjinn Fernando
Torres væntanlega ekki meira
með liðinu á þessu ári.
Torres meiddist í Meistara-
deildarleiknum gegn
Marseille í lok nóvember
og var í fyrstu búist við
því að hann yrði frá í 2-3
vikur. Sérfræðingar hafa
nú tjáð Liverpool að Torres
þurfi meiri hvíld en það og
því ólíklegt að hann spili
aftur með liðinu fyrr
en eftir áramót.
„Við viljum ekki
setja neina sérstaka
tímasetningu á hve-
nær við búumst aftur
við honum á völlinn.
Hann mun koma til
baka þegar hann er til-
búinn og við munum
ekki láta hann byrja
of snemma. Við vilj-
um að hann verði
algjörlega orðinn
góður af þessum
meiðslum þegar hann
kemur aftur,“ sagði
Rafa Benitez, stjóri
Liverpool.
Torres er tognað-
ur aftan í læri og hann hefur
verið að glíma við þessi meiðsli í
eitt og hálft ár. Allt í allt hefur
hann tognað fimm sinnum aftan í
lærinu á þessum tíma og því skal
engan undra að Benitez vilji að
hann hvílist nóg svo hann fái
sig endanlega góðan af
meiðslunum.
Benitez grunar að æfing-
ar hjá spænska landsliðinu
eigi sök að máli. „Hann hefur
nú meiðst þrisvar sinnum
með landsliðinu og
það er eitthvað sem
við verðum að
skoða alvarlega.
Við vitum að
þeir hafa verið
að gera hluti
sem eru lík-
lega ekki
sérstak-
lega góðir
fyrir
hann.“
sagði
Benitez.
- hbg
Slæm tíðindi fyrir topplið Liverpool:
Torres spilar ekki
meira á þessu ári
FERNANDO TORRES Frá
næstu vikurnar.
NORDIC PHOTOS/GETTY IMAGES
Dómararnir Anton Gylfi Pálsson og Hlynur Leifsson eru þessa stund-
ina staddir í Makedóníu þar sem þeir eru á meðal tíu dómarapara
sem dæma á lokamóti Evrópukeppni kvenna í handbolta. Anton Gylfi
og Hlynur dæmdu leik heimsmeistara Rússa og Austurríkis á þriðju-
daginn og fengu góða dóma fyrir frammistöðu sína.
„Þetta er búið að ganga glimrandi vel. Þetta er
fyrsta stórmótið í meistaraflokki sem við dæmum
en við höfum áður dæmt á lokamótum hjá U-21 árs
landsliðum. Það er náttúrulega frábært að fá þetta
verkefni og þetta er það sem við erum búnir að
stefna að lengi, alveg síðan við byrjuðum í þessu.
Við erum hér á meðal aðeins níu annarra
dómarapara og greinilegt að það sé verið að
fylgjast með okkur og við séum að gera
eitthvað rétt,“ segir Anton Gylfi kátur.
Það er vel fylgst með Antoni Gylfa og
Hlyn þegar þeir eru að dæma og gerð
mikil krafa á þá að standa sig þegar til
þeirra er kallað í stærri verkefnin.
„Það er náttúrulega mjög vel fylgst með okkur bæði þegar við
erum að dæma heima og ekki síður þegar við erum að dæma leiki
erlendis. Dómaranefndin á Íslandi gefur skýrslur af því hvernig við
stöndum okkur heima og þegar við dæmum í Evrópukeppnum eru
leikir okkar teknir upp og frammistaða okkar greind af dómaranefnd
Handknattleikssambands Evrópu. Við þurfum líka að gangast undir
ákveðin próf, bæði hlaupapróf og skrifleg próf minnst
þrisvar sinnum á ári og við tökum þau yfirleitt á
Íslandi og það er fylgst vel með því hvað kemur út
úr þeim,“ segir Anton Gylfi.
„Næsta stóra verkefni okkar eftir EM í Makedóníu
er að dæma í Meistaradeild kvenna á Spáni í janúar
og við verðum að standa okkur vel þar til þess
að fá fleiri verkefni og stærri. Annars er nátt-
úrulega frábært að dæma í deildunum heima
og þær eru orðnar virkilega sterkar og þar er
spilaður mjög skemmtilegur handbolti.“
DÓMARARNIR ANTON GYLFI OG HLYNUR: DÆMA LEIKI Á EM KVENNA Í HANDBOLTA SEM FRAM FER Í MAKEDÓNÍU
Þetta er það sem við erum búnir að stefna að
NHL Sean Avery, leikmaður Dallas
Stars, er hataðasti leikmaðurinn í
NHL-deildinni í íshokkí en hann
hefur afar gaman af því að æsa
menn upp, innan sem utan vallar.
Hann hefur nú verið dæmdur í
keppnisbann fyrir ummæli um
fyrrverandi kærustuna sína sem
er Elisha Cuthbert en hún er
þekktust fyrir leik sinn í 24.
„Ég vil bara segja að mér þykir
einkennilegt að það sé komið í
tísku að leikmenn deildarinnar
verði ástfangnir af „leifunum“
mínum. Hvað er það eiginlega?
Njótið annars leiksins,“ sagði
Avery í Calgary um daginn en
Cuthbert er að slá sér upp með
leikmanni Calgary.
Avery hefur verið neyddur af
deildinni til að biðjast afsökunar
en lengd bannsins á eftir að
ákveða. - hbg
Hataðasti maðurinn í NHL:
Má ekki tala
um kærustuna
fyrrverandi
AVERY Félagar hans í Dallas vilja ekki sjá
hann aftur. NORDIC PHOTOS/GETTY IMAGES
FÓTBOLTI Hollendingurinn Klaas
Jan Huntelaar var kynntur
stuðningsmönnum Real Madrid í
gær þegar hann skrifaði undir
samning við félagið.
„Þetta félag hefur þá stefnu að
kaupa unga leikmenn sem eru
tilbúnir að spila með þeim bestu.
Huntelaar smellpassar í þann
flokk hjá okkur enda verið mikill
markaskorari síðustu ár og aðeins
25 ára gamall,“ sagði Ramon
Calderon, forseti Real Madrid.
„Við erum líka sérstaklega
ánægðir að fá hann þar sem flest
önnur stórlið Evrópu voru líka á
eftir honum. Við hefðum keypt
hann næsta sumar en meiðsli
Nistelrooys urðu til þess að við
gerum það strax,“ sagði Calderon
en Huntelaar mun leika í treyju
númer 19 hjá félaginu. - hbg
Klaas Jan Huntelaar:
Kynntur til
leiks hjá Real
Á BERNABEAU Huntelaar brá á leik í
nýja búningnum í gær. NORDIC PHOTOS/GETTY
> Þrír leikir í körfunni
Þrír leikir fara fram í Iceland Express-deild karla í kvöld.
Íslandsmeistarar Keflavíkur taka á móti
Tindastóli í Sláturhúsinu, Njarðvíkingar
heimsækja Blika í Kópavoginn og Þór frá
Akureyri mætir í Seljaskólann og spilar
þar við ÍR. Meistarar Keflavíkur mega
illa við því að tapa fyrir Stólunum sem
eru tveim stigum á undan þeim og
í þriðja sæti deildarinnar. Njarðvík er
tveim stigum á undan Blikum í töflunni
en Þór og ÍR eru hins vegar jöfn að
stigum.
SENDU SMS ESL DND Á NÚMERIÐ
1900 OG ÞÚ GÆTIR UNNIÐ!
VINNINGAR ERU DARK NIGHT Á DVD ÁSAMT BÍÓMIÐA,
TÖLVULEIKIR, AÐRAR DVD MYNDIR, PEPSI OG MARGT FLEIRA
Vi
nn
in
ga
r v
er
ða
af
he
nd
ir
hj
á E
LK
O
Lin
du
m
–
Sk
óg
ar
lin
d
2.
M
eð
þ
ví
að
ta
ka
þ
át
t e
rt
u
ko
m
in
n
í S
M
S k
lú
bb
. 1
49
kr
/sk
ey
tið
.
9. HVERVINNUR!
Með hverjum disk fylgir
bíómiði á ævintýramyndina
City of Ember!
Dreifing
S T Æ R S T A M Y N D Á R S I N S
L O K S I N S Á D V D !
V E F V E R S L U N E L K O . i s