Fréttablaðið - 05.12.2008, Blaðsíða 70

FÖSTUDAGUR 5. desember 2008 49
FÓTBOLTI Roy Keane hætti óvænt
sem knattspyrnustjóri Sunderland
en félaginu hefur ekki gengið sem
skyldi í ensku úrvalsdeildinni í
vetur og situr sem stendur í 18.
sæti deildarinnar.
Hinn 37 ára gamli Keane tók við
Sunderland árið 2006 í næstefstu
deild og stýrði félaginu strax upp í
efstu deild á sínu fyrsta ári. Hann
skilaði félaginu svo í 15. sæti á
sínu fyrsta ári í úrvalsdeildinni
sem þykir mjög ásættanlegur
árangur. Hlutirnir hafa hins vegar
ekki gengið vel í ár þar sem félag-
ið situr nú í 18. sæti og hefur tapað
fimm af síðustu sex leikjum
sínum.
Keane ákvað því að segja starfi
sínu lausu.
„Ég vill nota tækifærið og þakka
öllum samstarfsmönnum mínum,
leikmönnum og stjórn Sunder-
land, þá sérstaklega Niall Quinn
sem og aðdáendum félagsins. Ég
óska félaginu alls hins besta í
framtíðinni,“ segir í stuttri yfir-
lýsingu frá Keane í gær.
Keane eyddi 70 milljónum
punda í 33 leikmenn á tíma sínum
hjá Sunderland. Samningur hans
við félagið átti að renna út næsta
sumar en stjórnarformaðurinn
Quinn er sagður hafa gert allt til
þess að telja honum trú um að
halda áfram hjá félaginu.
„Stjórnin var treg til þess að
taka við uppsögn hans en virðir
hans ákvörðun og þakkar honum
vel unnin störf og óskar honum
velfarnaðar,“ segir í yfirlýsingu
frá Quinn í gær.
Ricky Sbragia, þjálfari aðalliðs
Sunderland, tekur tímabundið við
sem knattspyrnustjóri félagsins
og honum til aðstoðar verða þjálf-
ararnir Neil Bailey og Dwight
Yorke.
Knattspyrnustjórarnir „Stóri“
Sam Allardyce, Terry Venables og
Alan Curbishley voru strax í gær
nefndir eru til sögunnar sem lík-
legir arftakar Keane hjá Sunder-
land. - óþ
Fimmti stjórinn hættur hjá félagi sínu í ensku úrvalsdeildinni á tímabilinu:
Keane hættur hjá Sunderland
HÆTTUR Roy Keane sagði stöðu sinni lausri sem knattspyrnustjóri Sunderland í gær
eftir rúm tvö ár við stjórnarvölinn. NORDIC PHOTOS/GETTY
FÓTBOLTI Martin O‘Neill, knatt-
spyrnustjóri Aston Villa, gaf
vísbendingar í viðtali við Daily
Star í gær um að hann væri
tilbúinn að fá framherjann Emile
Heskey hjá Wigan í sínar raðir
þegar félagsskiptaglugginn opnar
í janúar.
„Það verður engin vöntun á
kauptilboðum í Heskey. Það
gerist þegar leikmaður á borð við
hann á aðeins sex mánuði eftir af
samningi sínum,“ segir O‘Neill en
hann var áður knattspyrnustjóri
Leicester á sama tíma og Heskey
var leikmaður þar.
Dave Whelan, stjórnarformað-
ur Wigan, hefur sagt að félagið
neyðist til þess að selja hinn 30
ára gamla Heskey til þess að fá
einhvern pening fyrir hann í stað
þess að missa hann frá sér án
greiðslu þegar samningur hans
rennur út næsta sumar. Aston
Villa, Tottenham, Manchester
City og Liverpool eru talin vera á
eftir framherjanum kröftuga. - óþ
Emile Heskey eftirsóttur:
Aston Villa á
eftir Heskey
EFTIRSÓTTUR Mörg félög eru talin vera
að fylgjast með stöðu mála hjá Emile
Heskey. NORDIC PHOTOS/GETTY
FÓTBOLTI Enska úrvalsdeildarfé-
lagið West Ham, sem er í eigu
Björgólfs Guðmundssonar,
tilkynnti í gær um samning við
veðmálafyrirtækið SBOBET sem
verður aðalstyrktaraðili og með
auglýsingar á keppnistreyjum
Lundúnafélagsins frá og með
næsta mánudag til loka keppnis-
tímabilsins árið 2009-2010. West
Ham hefur verið án auglýsinga á
keppnistreyjum sínum síðan
samningum við XL Holidays, sem
heyrði undir hið gjaldþrota XL
Leisure Group, var rift fyrir
rúmum tveimur mánuðum.
Talið er að samningurinn muni
skila um 7,5 milljónum punda
fyrir West Ham á þriggja ára
samningstímanum. - óþ
Breytingar hjá West Ham:
Komið með
styrktaraðila
LEIKMENN WEST HAM Fá nú loksins
auglýsingu framan á keppnistreyjur
sínar. NORDIC PHOTOS/GETTY